¹

Бы́сть же, повнегда́ состарѣ́тися Ісаа́кови, и притупи́шася о́чи єго́ є́же ви́дѣти: и призва́ Иса́ва сы́на своєго́ старѣ́йшаго, и рече́ єму́: сы́не мо́й. И рече́: се́, а́зъ.

¹

And it came to pass after Isaac was old, that his eyes were dimmed so that he could not see; and he called Esau, his elder son, and said to him, My son; and he said, Behold, I am here.

²

И рече́ Ісаа́къ: се́, состарѣ́хся, и не вѣ́мъ дне́ сконча́нія моєго́:

²

And he said, Behold, I am grown old, and know not the day of my death.

³

ны́нѣ у́бо возми́ ору́діє твоє́, ту́лъ же и лу́къ, и изы́ди на по́ле, и улови́ ми ло́въ:

³

Now then take thy weapons, both thy quiver and thy bow, and go into the plain, and get me venison,

⁴

и сотвори́ ми снѣ́ди, я́коже люблю́ а́зъ: и принеси́ ми, да я́мъ, я́ко да благослови́тъ тя́ душа́ моя́, пре́жде да́же не умру́.

⁴

and make me meats, as I like them, and bring them to me that I may eat, that my soul may bless thee, before I die.

⁵

Реве́кка же слы́ша глаго́люща Ісаа́ка ко Иса́ву сы́ну своєму́. Изы́де же Иса́въ на по́ле улови́ти ло́въ отцу́ своєму́.

⁵

And Rebecca heard Isaac speaking to Esau his son; and Esau went to the plain to procure venison for his father.

⁶

Реве́кка же рече́ ко Іа́кову сы́ну своєму́ ме́ншему: се́, а́зъ слы́шахъ отца́ твоєго́ бесѣ́дующа ко Иса́ву бра́ту твоєму́, глаго́люща:

⁶

And Rebecca said to Jacob her younger son, Behold, I heard thy father speaking to Esau thy brother, saying,

⁷

принеси́ ми ло́въ, и сотвори́ ми снѣ́ди, да яды́й благословлю́ тя предъ Го́сподемъ, пре́жде не́же умре́ти ми́:

⁷

Bring me venison, and prepare me meats, that I may eat and bless thee before the Lord before I die.

⁸

ны́нѣ у́бо, сы́не мо́й, послу́шай мене́, я́коже а́зъ заповѣ́даю ти́:

⁸

Now then, my son, hearken to me, as I command thee.

⁹

и ше́дъ во о́вцы, поими́ мнѣ́ отту́ду два́ ко́злища мя́гка и добра́, и сотворю́ я́ снѣ́ди отцу́ твоєму́, я́коже лю́битъ:

⁹

And go to the cattle and take for me thence two kids, tender and good, and I will make them meats for thy father, as he likes.

¹⁰

и внесе́ши отцу́ твоєму́, и бу́детъ я́сти, я́ко да благослови́тъ тя́ оте́цъ тво́й, пре́жде да́же не у́мретъ.

¹⁰

And thou shalt bring them in to thy father, and he shall eat, that thy father may bless thee before he dies.

¹¹

Рече́ же Іа́ковъ къ Реве́кцѣ ма́тери своє́й: Иса́въ бра́тъ мо́й є́сть му́жъ косма́тъ, а́зъ же му́жъ гла́дкій:

¹¹

And Jacob said to his mother Rebecca, Esau my brother is a hairy man, and I a smooth man.

¹²

да не ка́ко ося́жетъ мя́ оте́цъ мо́й, и бу́ду предъ ни́мъ я́ко презира́яй, и наведу́ на себе́ кля́тву, а не благослове́ніє.

¹²

Peradventure my father may feel me, and I shall be before him as one ill-intentioned, and I shall bring upon me a curse, and not a blessing.

¹³

Рече́ же єму́ ма́ти: на мнѣ́ кля́тва твоя́, ча́до: то́чію послу́шай гла́са моєго́, и ше́дъ принеси́ ми.

¹³

And his mother said to him, On me be thy curse, son; only hearken to my voice, and go and bring them me.

¹⁴

Ше́дъ же взя́ и принесе́ ма́тери, и сотвори́ ма́ти єго́ снѣ́ди, я́коже любля́ше оте́цъ єго́.

¹⁴

So he went and took and brought them to his mother; and his mother made meats, as his father liked them.

¹⁵

И взе́мши Реве́кка оде́жду Иса́ва сы́на своєго́ старѣ́йшаго до́брую, я́же бы́сть у нея́ въ дому́, облече́ о́ною Іа́кова сы́на своєго́ ме́ншаго,

¹⁵

And Rebecca having taken the fine raiment of her elder son Esau which was with her in the house, put it on Jacob her younger son.

¹⁶

и ко́жицами козля́чими обложи́ мы́шцы єго́, и наго́є вы́и єго́:

¹⁶

And she put on his arms the skins of the kids, and on the bare parts of his neck.

¹⁷

и даде́ снѣ́ди и хлѣ́бы, я́же сотвори́, въ ру́цѣ Іа́кову сы́ну своєму́.

¹⁷

And she gave the meats, and the loaves which she had prepared, into the hands of Jacob her son.

¹⁸

И внесе́ отцу́ своєму́ и рече́: о́тче. О́нъ же рече́: се́, а́зъ: кто́ єси́ ты́, ча́до?

¹⁸

And he brought them to his father, and said, Father; and he said, Behold I am here; who art thou, son?

¹⁹

И рече́ Іа́ковъ отцу́: а́зъ Иса́въ пе́рвенецъ тво́й, сотвори́хъ, я́коже ре́клъ ми́ єси́: воста́въ ся́ди и я́ждь от ло́ва моєго́, я́ко да благослови́тъ мя́ душа́ твоя́.

¹⁹

And Jacob said to his father, I, Esau thy first-born, have done as thou toldest me; rise, sit, and eat of my venison, that thy soul may bless me.

²⁰

Рече́ же Ісаа́къ сы́ну своєму́: что́ сіє́, є́же ско́ро обрѣ́лъ єси́, о ча́до? О́нъ же рече́: є́же даде́ Госпо́дь Бо́гъ тво́й предо мно́ю.

²⁰

And Isaac said to his son, What is this which thou hast quickly found? And he said, That which the Lord thy God presented before me.

²¹

Рече́ же Ісаа́къ Іа́кову: прибли́жися ко мнѣ́, и осяжу́ тя, ча́до, а́ще ты́ єси́ сы́нъ мо́й Иса́въ, или́ ни́.

²¹

And Isaac said to Jacob, Draw nigh to me, and I will feel thee, son, if thou art my son Esau or not.

²²

Прибли́жися же Іа́ковъ ко Ісаа́ку отцу́ своєму́, и осяза́ єго́ и рече́: гла́съ у́бо гла́съ Іа́ковль, ру́цѣ же ру́цѣ Иса́вовѣ.

²²

And Jacob drew nigh to his father Isaac, and he felt him, and said, The voice is Jacob's voice, but the hands are the hands of Esau.

²³

И не позна́ єго́: бѣ́стѣ бо ру́цѣ єго́, я́ко ру́цѣ Иса́ва бра́та єго́ косма́тѣ. И благослови́ єго́

²³

And he knew him not, for his hands were as the hands of his brother Esau, hairy; and he blessed him,

²⁴

и рече́: ты́ ли єси́ сы́нъ мо́й Иса́въ? О́нъ же рече́: а́зъ.

²⁴

and he said, Art thou my son Esau? and he said, I am.

²⁵

И рече́: принеси́ ми, и я́мъ от ло́ва твоєго́, ча́до, да благослови́тъ тя́ душа́ моя́. И принесе́ єму́, и яде́, и принесе́ єму́ віно́, и пи́.

²⁵

And he said, Bring hither, and I will eat of thy venison, son, that my soul may bless thee; and he brought it near to him, and he ate, and he brought him wine, and he drank.

²⁶

И рече́ єму́ Ісаа́къ оте́цъ єго́: прибли́жися ко мнѣ́ и облобыза́й мя́, ча́до.

²⁶

And Isaac his father said to him, Draw nigh to me, and kiss me, son.

²⁷

И прибли́жився лобыза́ єго́: и обоня́ воню́ ри́зъ єго́, и благослови́ єго́ и рече́: се́, воня́ сы́на моєго́, я́ко воня́ ни́вы испо́лнены, ю́же благослови́ Госпо́дь:

²⁷

And he drew nigh and kissed him, and smelled the smell of his garments, and blessed him, and said, Behold, the smell of my son is as the smell of an abundant field, which the Lord has blessed.

²⁸

и да да́стъ тебѣ́ Бо́гъ от росы́ небе́сныя и от ту́ка земли́, и мно́жество пшени́цы и віна́:

²⁸

And may God give thee of the dew of heaven, and of the fatness of the earth, and abundance of corn and wine.

²⁹

и да порабо́таютъ тебѣ́ язы́цы, и да покло́нятся тебѣ́ кня́зи, и бу́ди господи́нъ бра́ту твоєму́, и покло́нятся тебѣ́ сы́нове отца́ твоєго́: проклина́яй тя́ про́клятъ, благословля́яй же тя́ благослове́нъ.

²⁹

And let nations serve thee, and princes bow down to thee, and be thou lord of thy brother, and the sons of thy father shall do thee reverence; accursed is he that curses thee, and blessed is he that blesses thee.

³⁰

И бы́сть по є́же преста́ти Ісаа́ку благословля́ющу Іа́кова сы́на своєго́: и бы́сть єгда́ изы́де Іа́ковъ от лица́ Ісаа́ка отца́ своєго́, и Иса́въ бра́тъ єго́ пріи́де съ лови́твы.

³⁰

And it came to pass after Isaac had ceased blessing his son Jacob, it even came to pass, just when Jacob had gone out from the presence of Isaac his father, that Esau his brother came in from his hunting.

³¹

Сотвори́ же и то́й снѣ́ди и принесе́ отцу́ своєму́, и рече́ отцу́: да воста́нетъ оте́цъ мо́й, и да я́стъ от ло́ва сы́на своєго́, я́ко да благослови́тъ мя́ душа́ твоя́.

³¹

And he also had made meats and brought them to his father; and he said to his father, Let my father arise and eat of his son's venison, that thy soul may bless me.

³²

И рече́ єму́ Ісаа́къ оте́цъ єго́: кто́ єси́ ты́? О́нъ же рече́: а́зъ є́смь сы́нъ тво́й пе́рвенецъ Иса́въ.

³²

And Isaac his father said to him, Who art thou? And he said, I am thy first-born son Esau.

³³

Ужасе́ся же Ісаа́къ у́жасомъ ве́ліимъ зѣло́ и рече́: кто́ у́бо улови́вый мнѣ́ ло́въ и принесы́й ми́? и ядо́хъ от всѣ́хъ, пре́жде не́же пріити́ тебѣ́, и благослови́хъ єго́, и благослове́нъ бу́детъ.

³³

And Isaac was amazed with very great amazement, and said, Who then is it that has procured venison for me and brought it to me? and I have eaten of all before thou camest, and I have blessed him, and he shall be blessed.

³⁴

Бы́сть же єгда́ услы́ша Иса́въ глаго́лы отца́ своєго́ Ісаа́ка, возопи́ гла́сомъ ве́ліимъ и го́рькимъ зѣло́, и рече́: благослови́ у́бо и мене́, о́тче.

³⁴

And it came to pass when Esau heard the words of his father Isaac, he cried out with a great and very bitter cry, and said, Bless, I pray thee, me also, father.

³⁵

Рече́ же єму́: прише́дъ бра́тъ тво́й съ ле́стію, взя́ благослове́ніє твоє́.

³⁵

And he said to him, Thy brother has come with subtlety, and taken thy blessing.

³⁶

И рече́ [Иса́въ]: пра́ведно нарече́ся и́мя єму́ Іа́ковъ: запя́ бо мя́ се́ уже́ втори́цею, и пе́рвенство моє́ взя́, и ны́нѣ взя́ благослове́ніє моє́. И рече́ Иса́въ отцу́ своєму́: не оста́вилъ ли єси́ [и] мнѣ́ благослове́нія, о́тче?

³⁶

And he said, Rightly was his name called Jacob, for lo! this second time has he supplanted me; he has both taken my birthright, and now he has taken my blessing; and Esau said to his father, Hast thou not left a blessing for me, father?

³⁷

Отвѣща́въ же Ісаа́къ, рече́ Иса́ву: а́ще господи́на єго́ сотвори́хъ тебѣ́, и всю́ бра́тію єго́ сотвори́хъ рабы́ єму́, пшени́цею и віно́мъ утверди́хъ єго́: тебѣ́ же что́ сотворю́, ча́до?

³⁷

And Isaac answered and said to Esau, If I have made him thy lord, and have made all his brethren his servants, and have strengthened him with corn and wine, what then shall I do for thee, son?

³⁸

Рече́ же Иса́въ ко отцу́ своєму́: єда́ єди́но є́сть благослове́ніє у тебе́, о́тче? Благослови́ у́бо и мене́, о́тче. Умили́вшуся же Ісаа́ку, возопи́ гла́сомъ ве́ліимъ Иса́въ и воспла́кася.

³⁸

And Esau said to his father, Hast thou only one blessing, father? Bless, I pray thee, me also, father. And Isaac being troubled, Esau cried aloud and wept.

³⁹

Отвѣща́въ же Ісаа́къ оте́цъ єго́, рече́ єму́: се́, от ту́ка земли́ бу́детъ вселе́ніє твоє́, и от росы́ небе́сныя свы́ше:

³⁹

And Isaac his father answered and said to him, Behold, thy dwelling shall be of the fatness of the earth, and of the dew of heaven from above.

⁴⁰

и мече́мъ твои́мъ жи́ти бу́деши, и бра́ту твоєму́ порабо́таєши: бу́детъ же [вре́мя] єгда́ низложи́ши и отрѣши́ши яре́мъ єго́ от вы́и твоєя́.

⁴⁰

And thou shalt live by thy sword, and shalt serve thy brother; and there shall be a time when thou shalt break and loosen his yoke from off thy neck.

⁴¹

И враждова́ше Иса́въ на Іа́кова о благослове́ніи, и́мже благослови́ єго́ оте́цъ єго́. Рече́ же Иса́въ во умѣ́ своє́мъ: да прибли́жатся дні́є пла́ча отца́ моєго́, да бы́хъ уби́лъ Іа́кова бра́та моєго́.

⁴¹

And Esau was angry with Jacob because of the blessing, with which his father blessed him; and Esau said in his mind, Let the days of my father's mourning draw nigh, that I may slay my brother Jacob.

⁴²

Возвѣще́на же бы́ша Реве́кцѣ словеса́ Иса́ва сы́на єя́ старѣ́йшаго: и посла́вши призва́ Іа́кова сы́на своєго́ юнѣ́йшаго и рече́ єму́: се́, Иса́въ бра́тъ тво́й грози́тъ тебѣ́ уби́ти тя́:

⁴²

And the words of Esau her elder son were reported to Rebecca, and she sent and called Jacob her younger son, and said to him, Behold, Esau thy brother threatens thee to kill thee.

⁴³

ны́нѣ у́бо, ча́до, послу́шай моєго́ гла́са, и воста́въ бѣжи́ въ Месопота́мію къ Лава́ну бра́ту моєму́ въ Харра́нъ,

⁴³

Now then, my son, hear my voice, and rise and depart quickly into Mesopotamia to Laban my brother into Charran.

⁴⁴

и поживи́ съ ни́мъ дни́ нѣ́кія, до́ндеже отврати́тся я́рость и гнѣ́въ бра́та твоєго́ от тебе́,

⁴⁴

And dwell with him certain days, until thy brother's anger

⁴⁵

и забу́детъ я́же єму́ сотвори́лъ єси́, и посла́вши приведу́ тя́ отту́ду, да не когда́ безча́дна бу́ду от обои́хъ ва́съ въ де́нь єди́нъ.

⁴⁵

and rage depart from thee, and he forget what thou hast done to him; and I will send and fetch thee thence, lest at any time I should be bereaved of you both in one day.

⁴⁶

Рече́ же Реве́кка ко Ісаа́ку: стужи́хъ си́ жи́знію моє́ю дще́рей ра́ди сыно́въ Хетте́йскихъ: а́ще по́йметъ Іа́ковъ жену́ от дще́рей земли́ сея́, то́ вску́ю ми́ жи́ти?

⁴⁶

And Rebecca said to Isaac, I am weary of my life, because of the daughters of the sons of Chet; if Jacob shall take a wife of the daughters of this land, wherefore should I live?