¹

Воззрѣ́въ же Іа́ковъ очи́ма свои́ма, ви́дѣ: и се́, Иса́въ бра́тъ єго́ иды́й, и четы́риста муже́й съ ни́мъ. И раздѣли́ Іа́ковъ дѣ́ти Лі́и и Рахи́ли и дву́мъ рабы́нямъ,

¹

And Jacob lifted up his eyes, and beheld, and lo! Esau his brother coming, and four hundred men with him; and Jacob divided the children to Lea and to Rachel, and the two handmaidens.

²

и поста́ви о́бѣ рабы́ни и сы́ны и́хъ въ пе́рвыхъ, Лі́ю же и дѣ́ти єя́ позади́, а Рахи́ль и Іо́сифа въ послѣ́днихъ:

²

And he put the two handmaidens and their children with the first, and Lea and her children behind, and Rachel and Joseph last.

³

са́мъ же изы́де пе́рвѣє предъ ни́ми и поклони́ся до земли́ седми́жды, до́ндеже прибли́жися къ бра́ту своєму́.

³

But he advanced himself before them, and did reverence to the ground seven times, until he drew near to his brother.

⁴

И притече́ Иса́въ во срѣ́теніє єму́: и объе́мь єго́, припаде́ на вы́ю єго́ и облобыза́ єго́: и пла́кастася о́ба.

⁴

And Esau ran on to meet him, and embraced him, and fell on his neck, and kissed him; and they both wept.

⁵

И воззрѣ́въ Иса́въ, ви́дѣ жены́ и дѣ́ти и рече́: что́ сі́и тебѣ́ су́ть? О́нъ же рече́: дѣ́ти, и́миже поми́лова Бо́гъ раба́ твоєго́.

⁵

And Esau looked up and saw the women and the children, and said, What are these to thee? And he said, The children with which God has mercifully blessed thy servant.

⁶

И приступи́ша рабы́ни и дѣ́ти и́хъ и поклони́шася:

⁶

And the maid-servants and their children drew near and did reverence.

⁷

и приступи́ Лі́а и дѣ́ти єя́ и поклони́шася: посе́мъ же приступи́ Рахи́ль и Іо́сифъ и поклони́стася.

⁷

And Lea and her children drew near and did reverence; and after this drew near Rachel and Joseph, and did reverence.

⁸

И рече́: что́ сія́ тебѣ́ су́ть, полцы́ сі́и вси́, я́же срѣто́хъ? О́нъ же рече́: да обря́щетъ ра́бъ тво́й благода́ть предъ тобо́ю, господи́не.

⁸

And he said, What are these things to thee, all these companies that I have met? And he said, That thy servant might find grace in thy sight, my lord.

⁹

Рече́ же Иса́въ: су́ть мнѣ́ мно́га, бра́те: да бу́дутъ тебѣ́ твоя́.

⁹

And Esau said, I have much, my brother; keep thine own.

¹⁰

И рече́ Іа́ковъ: а́ще обрѣто́хъ благода́ть предъ тобо́ю, пріими́ да́ры от руку́ моє́ю: сего́ ра́ди ви́дѣхъ лице́ твоє́, я́ко бы а́ще кто́ ви́дѣлъ лице́ Бо́жіє: и возблаговоли́ши о мнѣ́:

¹⁰

And Jacob said, If I have found grace in thy sight, receive the gifts through my hands; therefore have I seen thy face, as if any one should see the face of God, and thou shalt be well-pleased with me.

¹¹

пріими́ благослове́ніє моє́, є́же принесо́хъ тебѣ́, я́ко поми́лова мя́ Бо́гъ, и су́ть ми́ вся́. И прину́ди єго́, и взя́.

¹¹

Receive my blessings, which I have brought thee, because God has had mercy on me, and I have all things; and he constrained him, and he took them.

¹²

И рече́: воста́вше по́йдемъ пря́мо.

¹²

And he said, Let us depart, and proceed right onward.

¹³

Рече́ же єму́: господи́нъ мо́й вѣ́сть, я́ко дѣ́ти мои́ ю́ны, о́вцы же и говя́да бре́менны у мене́: а́ще у́бо пожену́ я́ єди́нъ де́нь, и́змретъ ве́сь ско́тъ:

¹³

And he said to him, My lord knows, that the children are very tender, and the flocks and the herds with me are with young; if then I shall drive them hard one day, all the cattle will die.

¹⁴

да предъи́детъ господи́нъ мо́й предъ рабо́мъ свои́мъ: а́зъ же укрѣплю́ся на пути́ умедле́ніємъ ше́ствія моєго́, є́же предо мно́ю, и я́коже возмо́гутъ ити́ дѣ́ти, до́ндеже пріиду́ къ господи́ну моєму́ въ Сиі́ръ.

¹⁴

Let my lord go on before his servant, and I shall have strength on the road according to the ease of the journey before me, and according to the strength of the children, until I come to my lord to Seir.

¹⁵

И рече́ Иса́въ: оста́влю съ тобо́ю от люді́й су́щихъ со мно́ю. О́нъ же рече́: вску́ю сіє́? Довлѣ́єтъ, я́ко обрѣто́хъ благода́ть предъ тобо́ю, господи́не.

¹⁵

And Esau said, I will leave with thee some of the people who are with me. And he said, Why so? it is enough that I have found favour before thee, my lord.

¹⁶

Возврати́ся же Иса́въ въ то́мъ дни́ путе́мъ свои́мъ въ Сиі́ръ:

¹⁶

And Esau returned on that day on his journey to Seir.

¹⁷

и Іа́ковъ по́йде въ ку́щы, и поста́ви себѣ́ та́мо хра́мины, и скоту́ своєму́ сотвори́ ку́щы: сего́ ра́ди нарече́ и́мя мѣ́сту тому́ Ку́щы.

¹⁷

And Jacob departs to his tents; and he made for himself there habitations, and for his cattle he made booths; therefore he called the name of that place, Booths.

¹⁸

И пріи́де Іа́ковъ въ Сали́мъ гра́дъ Сікі́мскъ, и́же є́сть въ земли́ Ханаа́нстѣй, єгда́ пріи́де от Месопота́міи Си́рскія, и ста́ предъ лице́мъ гра́да:

¹⁸

And Jacob came to Salem, a city of Secima, which is in the land of Chanaan, when he departed out of Mesopotamia of Syria, and took up a position in front of the city.

¹⁹

и купи́ ча́сть села́, идѣ́же поста́ви ку́щу свою́ та́мо, у Єммо́ра отца́ Сихе́мля, стома́ а́гнцы:

¹⁹

And he bought the portion of the field, where he pitched his tent, of Emmor the father of Sychem, for a hundred lambs.

²⁰

и поста́ви та́мо же́ртвенникъ, и призва́ Бо́га Ізра́илева.

²⁰

And he set up there an altar, and called on the God of Israel.