0

Аллилу́іа.

Аллилу́я, 113.

¹

Во исхо́дѣ Ізра́илевѣ от Єги́пта, до́му Іа́ковля изъ люді́й ва́рваръ,

¹

Во ісхо́ді Ізра́їлеві от Єги́пта, до́му Іа́ковля із люді́й ва́рвар,

²

бы́сть Іуде́а святы́ня Єго́, Ізра́иль о́бласть Єго́.

²

бисть Іуде́я святи́ня Єго́, Ізра́їль — о́бласть Єго́.

³

Мо́ре ви́дѣ и побѣже́, Іорда́нъ возврати́ся вспя́ть:

³

Мо́ре ви́ді і побіже́, Іорда́н возврати́ся всп'ять;

⁴

го́ры взыгра́шася я́ко овни́, и хо́лми я́ко а́гнцы о́вчіи.

⁴

го́ри взигра́шася, я́ко овні́, і хо́лми, я́ко а́гнці о́вчії.

⁵

Что́ ти є́сть, мо́ре, я́ко побѣ́гло єси́, и тебѣ́, Іорда́не, я́ко возврати́лся єси́ вспя́ть:

⁵

Что ті єсть, мо́ре, я́ко побі́гло єси́? І тебі́, Іорда́не, я́ко возврати́лся єси́ всп'ять?

⁶

го́ры, я́ко взыгра́стеся я́ко овни́, и хо́лми я́ко а́гнцы о́вчіи.

⁶

го́ри, я́ко взигра́стеся, я́ко овні́, і хо́лми, я́ко а́гнці о́вчії.

⁷

От лица́ Госпо́дня подви́жеся земля́, от лица́ Бо́га Іа́ковля:

⁷

От лиця́ Госпо́дня подви́жеся земля́, от лиця́ Бо́га Іа́ковля;

⁸

обра́щшаго ка́мень во єзе́ра водна́я и несѣко́мый во исто́чники водны́я.

⁸

обра́щшаго ка́мень во єзе́ра водна́я і несіко́мий во істо́чники водни́я.

⁹

Не на́мъ, Го́споди, не на́мъ, но и́мени Твоєму́ да́ждь сла́ву о ми́лости Твоє́й и и́стинѣ Твоє́й:

⁹

Не нам, Го́споди, не нам, но і́мені Твоєму́ даждь сла́ву о ми́лості Твоє́й і і́стині Твоє́й;

¹⁰

да не когда́ реку́тъ язы́цы: гдѣ́ є́сть Бо́гъ и́хъ?

¹⁰

Да не когда́ реку́ть язи́ци: гді єсть Бог їх?

¹¹

Бо́гъ же на́шъ на небеси́ и на земли́, вся́ єли́ка восхотѣ́, сотвори́.

¹¹

Бог же наш на небесі́ і на землі́, вся єли́ка восхоті́, сотвори́.

¹²

І́доли язы́къ сребро́ и зла́то, дѣла́ ру́къ человѣ́ческихъ:

¹²

І́доли язи́к — сребро́ і зла́то, діла́ рук челові́чеських;

¹³

уста́ и́мутъ, и не возглаго́лютъ: о́чи и́мутъ, и не у́зрятъ:

¹³

уста́ і́муть і не возглаго́лють; о́чі і́муть і не у́зрять;

¹⁴

у́шы и́мутъ, и не услы́шатъ: но́здри и́мутъ, и не обоня́ютъ:

¹⁴

у́ші і́муть, і не усли́шать; но́здри і́муть, і не обоня́ють;

¹⁵

ру́цѣ и́мутъ, и не ося́жутъ: но́зѣ и́мутъ, и не по́йдутъ: не возглася́тъ горта́немъ свои́мъ.

¹⁵

ру́ці і́муть, і не ося́жуть; но́зі і́муть, і не по́йдуть; не возглася́ть горта́нем свої́м.

¹⁶

Подо́бни и́мъ да бу́дутъ творя́щіи я́ и вси́ надѣ́ющіися на ня́.

¹⁶

Подо́бні їм да бу́дуть творя́щії я і всі наді́ющіїся на ня.

¹⁷

До́мъ Ізра́илевъ упова́ на Го́спода: помо́щникъ и защи́титель и́мъ є́сть.

¹⁷

Дом Ізра́їлев упова́ на Го́спода: Помо́щник і Защи́титель їм єсть.

¹⁸

До́мъ Ааро́нь упова́ на Го́спода: помо́щникъ и защи́титель и́мъ є́сть.

¹⁸

Дом Ааро́нь упова́ на Го́спода: Помо́щник і Защи́титель їм єсть.

¹⁹

Боя́щіися Го́спода упова́ша на Го́спода: помо́щникъ и защи́титель и́мъ є́сть.

¹⁹

Боя́щіїся Го́спода упова́ша на Го́спода: Помо́щник і Защи́титель їм єсть.

²⁰

Госпо́дь помяну́въ ны́ благослови́лъ є́сть на́съ: благослови́лъ є́сть до́мъ Ізра́илевъ, благослови́лъ є́сть до́мъ Ааро́нь,

²⁰

Госпо́дь пом'яну́в ни благослови́л єсть нас, благослови́л єсть дом Ізра́їлев, благослови́л єсть дом Ааро́нь,

²¹

благослови́лъ є́сть боя́щыяся Го́спода, ма́лыя съ вели́кими.

²¹

благослови́л єсть боя́щияся Го́спода, ма́лия с вели́кими.

²²

Да приложи́тъ Госпо́дь на вы́, на вы́ и на сы́ны ва́шя:

²²

Да приложи́ть Госпо́дь на ви, на ви і на си́ни ва́ша;

²³

благослове́ни вы́ Го́сподеви, сотво́ршему небо и зе́млю.

²³

благослове́нні ви Го́сподеві, сотво́ршему не́бо і зе́млю.

²⁴

Не́бо небесе́ Го́сподеви, зе́млю же даде́ сыново́мъ человѣ́ческимъ.

²⁴

Не́бо небесе́ — Го́сподеві, зе́млю же даде́ синово́м челові́чеським.

²⁵

Не ме́ртвіи восхва́лятъ Тя́, Го́споди, ниже́ вси́ низходя́щіи во а́дъ:

²⁵

Не ме́ртвії восхва́лять Тя, Го́споди, ніже́ всі низходя́щії во ад;

²⁶

но мы́ живі́и благослови́мъ Го́спода отны́нѣ и до вѣ́ка.

²⁶

но ми живі́ї благослови́м Го́спода отни́ні і до ві́ка.