0

Аллилу́іа.

¹

Вѣ́ровахъ, тѣ́мже возглаго́лахъ: а́зъ же смири́хся зѣло́.

²

А́зъ же рѣ́хъ во изступле́ніи моє́мъ: вся́къ человѣ́къ ло́жъ.

³

Что́ возда́мъ Го́сподеви о всѣ́хъ, я́же воздаде́ ми?

⁴

Ча́шу спасе́нія пріиму́ и и́мя Госпо́дне призову́:

⁵

моли́твы моя́ Го́сподеви возда́мъ предъ всѣ́ми людьми́ Єго́.

⁶

Честна́ предъ Го́сподемъ сме́рть преподо́бныхъ Єго́.

⁷

О, Го́споди, а́зъ ра́бъ Тво́й, а́зъ ра́бъ Тво́й и сы́нъ рабы́ни Твоєя́: растерза́лъ єси́ у́зы моя́.

⁸

Тебѣ́ пожру́ же́ртву хвалы́, и во и́мя Госпо́дне призову́.

⁹

Моли́твы моя́ Го́сподеви возда́мъ предъ всѣ́ми людьми́ Єго́,

¹⁰

во дво́рѣхъ до́му Госпо́дня, посредѣ́ тебе́, Ієрусали́ме.