0

Пѣ́снь степе́ней.

¹

Ко Го́споду, внегда́ скорбѣ́ти ми́, воззва́хъ, и услы́ша мя́.

²

Го́споди, изба́ви ду́шу мою́ от усте́нъ непра́ведныхъ и от язы́ка льсти́ва.

³

Что́ да́стся тебѣ́, или́ что́ приложи́тся тебѣ́ къ язы́ку льсти́ву?

⁴

Стрѣ́лы си́льнаго изощре́ны, со у́гльми пусты́нными.

⁵

Увы́ мнѣ́, я́ко прише́лствіє моє́ продолжи́ся, всели́хся съ селе́ніи Кида́рскими:

⁶

мно́го прише́лствова душа́ моя́: съ ненави́дящими ми́ра бѣ́хъ ми́ренъ:

⁷

єгда́ глаго́лахъ и́мъ, боря́ху мя́ ту́не.