0

Пѣ́снь степе́ней.

Піснь степе́ней, 121.

¹

Возвесели́хся о ре́кшихъ мнѣ́: въ до́мъ Госпо́день по́йдемъ.

¹

Возвесели́хся о ре́кших мні: в дом Госпо́день по́йдем.

²

Стоя́ще бя́ху но́ги на́шя во дво́рѣхъ твои́хъ, Ієрусали́ме.

²

Стоя́ще бя́ху но́ги на́ша во дво́ріх твої́х, Ієрусали́ме.

³

Ієрусали́мъ зи́ждемый я́ко гра́дъ, єму́же прича́стіє єго́ вку́пѣ.

³

Ієрусали́м зи́ждемий я́ко град, єму́же прича́стіє єго́ вку́пі.

⁴

Та́мо бо взыдо́ша колѣ́на, колѣ́на Госпо́дня, свидѣ́ніє Ізра́илево, исповѣ́датися и́мени Госпо́дню:

⁴

Та́мо бо взидо́ша колі́на, колі́на Госпо́дня, свиді́ніє Ізра́їлево, іспові́датися і́мені Госпо́дню;

⁵

я́ко та́мо сѣдо́ша престо́ли на су́дъ, престо́ли въ дому́ Дави́довѣ.

⁵

я́ко та́мо сідо́ша престо́ли на суд, престо́ли в дому́ Дави́дові.

⁶

Вопроси́те же я́же о ми́рѣ Ієрусали́ма: и оби́ліє лю́бящымъ тя́.

⁶

Вопросі́те же я́же о ми́рі Ієрусали́ма, і оби́ліє лю́б'ящим тя.

⁷

Бу́ди же ми́ръ въ си́лѣ твоє́й, и оби́ліє въ столпостѣна́хъ твои́хъ.

⁷

Бу́ди же мир в си́лі твоє́й, і оби́ліє в столпостіна́х твої́х.

⁸

Ра́ди бра́тій мои́хъ и бли́жнихъ мои́хъ глаго́лахъ у́бо ми́ръ о тебѣ́.

⁸

Ра́ди бра́тій мої́х і бли́жніх мої́х глаго́лах у́бо мир о тебі́.

⁹

До́му ра́ди Го́спода Бо́га на́шего взыска́хъ блага́я тебѣ́.

⁹

До́му ра́ди Го́спода Бо́га на́шего взиска́х блага́я тебі́.