¹

Въ коне́цъ, псало́мъ Дави́ду, изступле́нія.

¹

For the end, a Psalm of David, an utterance of extreme fear.

²

На Тя́, Го́споди, упова́хъ, да не постыжу́ся во вѣ́къ: пра́вдою Твоє́ю изба́ви мя́ и изми́ мя.

²

O Lord, I have hoped in thee; let me never be ashamed: deliver me in thy righteousness and rescue me.

³

Приклони́ ко мнѣ́ у́хо Твоє́, ускори́ изъя́ти мя́: бу́ди ми́ въ Бо́га защи́тителя и въ до́мъ прибѣ́жища, є́же спасти́ мя.

³

Incline thine ear to me; make haste to rescue me: be thou to me for a protecting God, and for a house of refuge to save me.

⁴

Я́ко держа́ва моя́ и прибѣ́жище моє́ єси́ Ты́: и и́мене Твоєго́ ра́ди наста́виши мя́ и препита́єши мя́.

⁴

For thou art my strength and my refuge; and thou shalt guide me for thy name's sake, and maintain me.

⁵

Изведе́ши мя́ от сѣ́ти сея́, ю́же скры́ша ми́: я́ко Ты́ єси́ защи́титель мо́й, Го́споди.

⁵

Thou shalt bring me out of the snare which they have hidden for me; for thou, O Lord, art my defender.

⁶

Въ ру́цѣ Твои́ предложу́ ду́хъ мо́й: изба́вилъ мя́ єси́, Го́споди Бо́же и́стины.

⁶

Into thine hands I will commit my spirit: thou hast redeemed me, O Lord God of truth.

⁷

Возненави́дѣлъ єси́ храня́щыя суєты́ вотще́: а́зъ же на Го́спода упова́хъ.

⁷

Thou hast hated them that idly persist in vanities: but I have hoped in the Lord.

⁸

Возра́дуюся и возвеселю́ся о ми́лости Твоє́й, я́ко призрѣ́лъ єси́ на смире́ніє моє́, спа́слъ єси́ от ну́ждъ ду́шу мою́

⁸

I will exult and be glad in thy mercy: for thou hast looked upon mine affliction; thou hast saved my soul from distresses.

⁹

и нѣ́си мене́ затвори́лъ въ рука́хъ вра́жіихъ, поста́вилъ єси́ на простра́ннѣ но́зѣ мои́.

⁹

And thou hast not shut me up into the hands of the enemy: thou hast set my feet in a wide place.

¹⁰

Поми́луй мя́, Го́споди, я́ко скорблю́: смяте́ся я́ростію о́ко моє́, душа́ моя́ и утро́ба моя́.

¹⁰

Pity me, O Lord, for I am afflicted: my eye is troubled with indignation, my soul and my belly.

¹¹

Я́ко изчезе́ въ болѣ́зни живо́тъ мо́й, и лѣ́та моя́ въ воздыха́ніихъ: изнемо́же нището́ю крѣ́пость моя́, и ко́сти моя́ смято́шася.

¹¹

For my life is spent with grief, and my years with groanings: my strength has been weakened through poverty, and my bones are troubled.

¹²

От всѣ́хъ вра́гъ мои́хъ бы́хъ поноше́ніє, и сосѣ́домъ мои́мъ зѣло́, и стра́хъ зна́ємымъ мои́мъ: ви́дящіи мя́ во́нъ бѣжа́ша от мене́.

¹²

I became a reproach among all mine enemies, but exceedingly so to my neighbours, and a fear to mine acquaintance: they that saw me without fled from me.

¹³

Забве́нъ бы́хъ я́ко ме́ртвъ от се́рдца: бы́хъ я́ко сосу́дъ погубле́нъ.

¹³

I have been forgotten as a dead man out of mind: I am become as a broken vessel.

¹⁴

Я́ко слы́шахъ гажде́ніє {укоре́ніє} мно́гихъ живу́щихъ о́крестъ: внегда́ собра́тися и́мъ вку́пѣ на мя́, прія́ти ду́шу мою́ совѣща́ша.

¹⁴

For I heard the slander of many that dwelt round about: when they were gathered together against me, they took counsel to take my life.

¹⁵

А́зъ же на Тя́, Го́споди, упова́хъ, рѣ́хъ: Ты́ єси́ Бо́гъ мо́й.

¹⁵

But I hoped in thee, O Lord: I said, Thou art my God.

¹⁶

Въ руку́ Твоє́ю жре́біи мои́: изба́ви мя́ изъ руки́ вра́гъ мои́хъ и от гоня́щихъ мя́.

¹⁶

My lots are in thy hands: deliver me from the hand of mine enemies,

¹⁷

Просвѣти́ лице́ Твоє́ на раба́ Твоєго́: спаси́ мя ми́лостію Твоє́ю.

¹⁷

and from them that persecute me. Make thy face to shine upon thy servant: save me in thy mercy.

¹⁸

Го́споди, да не постыжу́ся, я́ко призва́хъ Тя́: да постыдя́тся нечести́віи, и сни́дутъ во а́дъ.

¹⁸

O Lord, let me not be ashamed, for I have called upon thee: let the ungodly be ashamed, and brought down to Hades.

¹⁹

Нѣ́мы да бу́дутъ устны́ льсти́выя, глаго́лющыя на пра́веднаго беззако́ніє, горды́нею и уничиже́ніємъ.

¹⁹

Let the deceitful lips become dumb, which speak iniquity against the righteous with pride and scorn.

²⁰

Ко́ль мно́гоє мно́жество бла́гости Твоєя́, Го́споди, ю́же скры́лъ єси́ боя́щымся Тебе́, содѣ́лалъ єси́ упова́ющымъ на Тя́, предъ сы́ны человѣ́ческими:

²⁰

How abundant is the multitude of thy goodness, O Lord, which thou hast laid up for them that fear thee! thou hast wrought it out for them that hope on thee, in the presence of the sons of men.

²¹

скры́єши и́хъ въ та́йнѣ лица́ Твоєго́ от мяте́жа человѣ́ческа, покры́єши и́хъ въ кро́вѣ от прерѣка́нія язы́къ.

²¹

Thou wilt hide them in the secret of thy presence from the vexation of man: thou wilt screen them in a tabernacle from the contradiction of tongues.

²²

Благослове́нъ Госпо́дь, я́ко удиви́ ми́лость Свою́ во гра́дѣ огражде́нія.

²²

Blessed be the Lord: for he has magnified his mercy in a fortified city.

²³

А́зъ же рѣ́хъ во изступле́ніи моє́мъ: отве́рженъ є́смь от лица́ о́чію Твоє́ю: сего́ ра́ди услы́шалъ єси́ гла́съ моли́твы моєя́, внегда́ воззва́хъ къ Тебѣ́.

²³

But I said in my extreme fear, I am cast out from the sight of thine eyes: therefore thou didst hearken, O Lord, to the voice of my supplication when I cried to thee.

²⁴

Возлюби́те Го́спода, вси́ преподо́бніи Єго́: я́ко и́стины взыска́єтъ Госпо́дь и воздає́тъ изли́ше творя́щымъ горды́ню.

²⁴

Love the Lord, all ye his saints: for the Lord seeks for truth, and renders a reward to them that deal very proudly.

²⁵

Мужа́йтеся, и да крѣпи́тся се́рдце ва́ше, вси́ упова́ющіи на Го́спода.

²⁵

Be of good courage, and let your heart be strengthened, all ye that hope in the Lord.