0

Псало́мъ Дави́ду, не надпи́санъ у Євре́й.

Псало́м Дави́ду, не надпи́сан у євре́й, 32.

¹

Ра́дуйтеся, пра́ведніи, о Го́сподѣ: пра́вымъ подоба́єтъ похвала́.

¹

Ра́дуйтеся, пра́веднії, о Го́споді; пра́вим подоба́єть похвала́.

²

Исповѣ́дайтеся Го́сподеви въ гу́слехъ, во псалти́ри десятостру́ннѣмъ по́йте Єму́:

²

Іспові́дайтеся Го́сподеві в гу́слех, во псалти́рі десятостру́ннім по́йте Єму́;

³

воспо́йте Єму́ пѣ́снь но́ву, до́брѣ по́йте Єму́ со восклица́ніємъ:

³

воспо́йте Єму́ піснь но́ву, до́брі по́йте Єму́ со восклица́нієм;

⁴

я́ко пра́во сло́во Госпо́дне, и вся́ дѣла́ Єго́ въ вѣ́рѣ.

⁴

я́ко пра́во сло́во Госпо́днє, і вся діла́ Єго́ в ві́рі.

⁵

Лю́битъ ми́лостыню и су́дъ Госпо́дь, ми́лости Госпо́дни испо́лнь земля́.

⁵

Лю́бить ми́лостиню і суд Госпо́дь, ми́лости Госпо́дні іспо́лнь земля́.

⁶

Сло́вомъ Госпо́днимъ небеса́ утверди́шася, и ду́хомъ у́стъ Єго́ вся́ си́ла и́хъ:

⁶

Сло́вом Госпо́днім небеса́ утверди́шася, і Ду́хом уст Єго́ вся си́ла їх;

⁷

собира́яй я́ко мѣ́хъ во́ды морскі́я, полага́яй въ сокро́вищихъ бе́здны.

⁷

собира́яй, я́ко міх, во́ди морські́я, полага́яй в сокро́вищих бе́здни.

⁸

Да убои́тся Го́спода вся́ земля́, от Него́же да подви́жутся вси́ живу́щіи по вселе́ннѣй:

⁸

Да убої́ться Го́спода вся земля́, от Него́же да подви́жуться всі живу́щії по вселе́нній;

⁹

я́ко То́й рече́, и бы́ша: То́й повелѣ́, и созда́шася.

⁹

я́ко Той рече́ — і би́ша; Той повелі́ — і созда́шася.

¹⁰

Госпо́дь разоря́єтъ совѣ́ты язы́ковъ, отмета́єтъ же мы́сли люді́й и отмета́єтъ совѣ́ты князе́й.

¹⁰

Госпо́дь разоря́єть сові́ти язи́ков, отмета́єть же ми́слі люді́й і отмета́єть сові́ти князе́й.

¹¹

Совѣ́тъ же Госпо́день во вѣ́къ пребыва́єтъ, помышле́нія се́рдца Єго́ въ ро́дъ и ро́дъ.

¹¹

Сові́т же Госпо́день во вік пребива́єть, помишле́нія се́рдця Єго́ — в род і род.

¹²

Блаже́нъ язы́къ, єму́же є́сть Госпо́дь Бо́гъ Єго́, лю́діє, я́же избра́ въ наслѣ́діє Себѣ́.

¹²

Блаже́н язи́к, єму́же єсть Госпо́дь Бог Єго́, — лю́діє, я́же ізбра́ в наслі́діє Себі́.

¹³

Съ небесе́ призрѣ́ Госпо́дь, ви́дѣ вся́ сы́ны человѣ́ческія:

¹³

С небесе́ призрі́ Госпо́дь, ви́ді вся си́ни челові́чеськія;

¹⁴

от гото́ваго жили́ща Своєго́ призрѣ́ на вся́ живу́щыя на земли́:

¹⁴

от гото́ваго жили́ща Своєго́ призрі́ на вся живу́щия на землі́;

¹⁵

созда́вый на єди́нѣ сердца́ и́хъ, разумѣва́яй на вся́ дѣла́ и́хъ.

¹⁵

созда́вий на єди́ні сердця́ їх, разуміва́яй на вся діла́ їх.

¹⁶

Не спаса́єтся ца́рь мно́гою си́лою, и исполи́нъ не спасе́тся мно́жествомъ крѣ́пости своєя́.

¹⁶

Не спаса́ється цар мно́гою си́лою, і ісполи́н не спасе́ться мно́жеством крі́пости своєя́.

¹⁷

Ло́жь ко́нь во спасе́ніє, во мно́жествѣ же си́лы своєя́ не спасе́тся.

¹⁷

Ложь конь во спасе́ніє, во мно́жестві же си́ли своєя́ не спасе́ться.

¹⁸

Се́, о́чи Госпо́дни на боя́щыяся Єго́, упова́ющыя на ми́лость Єго́:

¹⁸

Се, о́чі Госпо́дні на боя́щияся Єго́, упова́ющия на ми́лость Єго́;

¹⁹

изба́вити от сме́рти ду́шы и́хъ, и препита́ти я́ въ гла́дъ.

¹⁹

ізба́вити от сме́рти ду́ші їх, і препита́ти я в глад.

²⁰

Душа́ же на́ша ча́єтъ Го́спода, я́ко помо́щникъ и защи́титель на́шъ є́сть:

²⁰

Душа́ же на́ша ча́єть Го́спода, я́ко Помо́щник і Защи́титель наш єсть;

²¹

я́ко о Не́мъ возвесели́тся се́рдце на́ше, и во и́мя свято́є Єго́ упова́хомъ.

²¹

я́ко о Нем возвесели́ться се́рдце на́ше, і во і́м'я свято́є Єго́ упова́хом.

²²

Бу́ди, Го́споди, ми́лость Твоя́ на на́съ, я́коже упова́хомъ на Тя́.

²²

Бу́ди, Го́споди, ми́лость Твоя́ на нас, я́коже упова́хом на Тя.