¹

Псало́мъ Дави́ду, внегда́ измѣни́ лице́ своє́ предъ Авімеле́хомъ: и отпусти́ єго́, и отъи́де.

¹

Псало́м Дави́ду, внегда́ ізміни́ лице́ своє́ пред Авімеле́хом; і отпусти́ єго́, і оти́де, 33.

²

Благословлю́ Го́спода на вся́коє вре́мя, вы́ну хвала́ Єго́ во устѣ́хъ мои́хъ.

²

Благословлю́ Го́спода на вся́коє вре́м'я, ви́ну хвала́ Єго́ во усті́х мої́х.

³

О Го́сподѣ похва́лится душа́ моя́: да услы́шатъ кро́тцыи и возвеселя́тся.

³

О Го́споді похва́литься душа́ моя́; да усли́шать кро́тції і возвеселя́ться.

⁴

Возвели́чите Го́спода со мно́ю, и вознесе́мъ и́мя Єго́ вку́пѣ.

⁴

Возвели́чіте Го́спода со мно́ю, і вознесе́м і́м'я Єго́ вку́пі.

⁵

Взыска́хъ Го́спода, и услы́ша мя́ и от всѣ́хъ скорбе́й мои́хъ изба́ви мя́.

⁵

Взиска́х Го́спода, і усли́ша м'я, і от всіх скорбе́й мої́х ізба́ви м'я.

⁶

Приступи́те къ Нему́ и просвѣти́теся, и ли́ца ва́ша не постыдя́тся.

⁶

Приступі́те к Нему́ і просвіті́теся, і ли́ця ва́ша не постидя́ться.

⁷

Се́й ни́щій воззва́, и Госпо́дь услы́ша и́, и от всѣ́хъ скорбе́й єго́ спасе́ и́.

⁷

Сей ни́щий воззва́, і Госпо́дь усли́ша ї, і от всіх скорбе́й єго́ спасе́ ї.

⁸

Ополчи́тся А́нгелъ Госпо́день о́крестъ боя́щихся Єго́ и изба́витъ и́хъ.

⁸

Ополчи́ться а́нгел Госпо́день о́крест боя́щихся Єго́ і ізба́вить їх.

⁹

Вкуси́те и ви́дите, я́ко бла́гъ Госпо́дь: блаже́нъ му́жъ, и́же упова́єтъ На́нь.

⁹

Вкусі́те і ви́діте, я́ко благ Госпо́дь; блаже́н муж, і́же упова́єть Нань.

¹⁰

Бо́йтеся Го́спода, вси́ святі́и Єго́, я́ко нѣ́сть лише́нія боя́щымся Єго́.

¹⁰

Бо́йтеся Го́спода, всі святі́ї Єго́, я́ко ність лише́нія боя́щимся Єго́.

¹¹

Бога́тіи обнища́ша и взалка́ша: взыска́ющіи же Го́спода не лиша́тся вся́каго бла́га.

¹¹

Бога́тії обнища́ша і взалка́ша; взиска́ющії же Го́спода не лиша́ться вся́каго бла́га.

¹²

Пріиди́те, ча́да, послу́шайте мене́, стра́ху Госпо́дню научу́ ва́съ.

¹²

Прийді́те, ча́да, послу́шайте мене́, стра́ху Госпо́дню научу́ вас.

¹³

Кто́ єсть человѣ́къ хотя́й живо́тъ, любя́й дни́ ви́дѣти бла́ги?

¹³

Кто єсть челові́к хотя́й живо́т, люб'я́й дні ви́діти бла́гі?

¹⁴

Удержи́ язы́къ тво́й от зла́ и устнѣ́ твои́, є́же не глаго́лати льсти́.

¹⁴

Удержи́ язи́к твой от зла і устні́ твої́, є́же не глаго́лати льсти.

¹⁵

Уклони́ся от зла́ и сотвори́ бла́го: взыщи́ ми́ра и пожени́ и́.

¹⁵

Уклони́ся от зла і сотвори́ бла́го; взищи́ ми́ра і пожени́ ї.

¹⁶

О́чи Госпо́дни на пра́ведныя, и у́ши Єго́ въ моли́тву и́хъ.

¹⁶

О́чі Госпо́дні на пра́ведния, і у́ші Єго́ в моли́тву їх.

¹⁷

Лице́ же Госпо́дне на творя́щыя зла́я, є́же потреби́ти от земли́ па́мять и́хъ.

¹⁷

Лице́ же Госпо́днє на творя́щия зла́я, є́же потреби́ти от землі́ па́м'ять їх.

¹⁸

Воззва́ша пра́ведніи, и Госпо́дь услы́ша и́хъ и от всѣ́хъ скорбе́й и́хъ изба́ви и́хъ.

¹⁸

Воззва́ша пра́веднії, і Госпо́дь усли́ша їх, і от всіх скорбе́й їх ізба́ви їх.

¹⁹

Бли́зъ Госпо́дь сокруше́нныхъ се́рдцемъ, и смире́нныя ду́хомъ спасе́тъ.

¹⁹

Близ Госпо́дь сокруше́нних се́рдцем, і смире́нния ду́хом спасе́ть.

²⁰

Мно́ги ско́рби пра́веднымъ, и от всѣ́хъ и́хъ изба́витъ я́ Госпо́дь.

²⁰

Мно́гі ско́рбі пра́ведним, і от всіх їх ізба́вить я Госпо́дь.

²¹

Храни́тъ Госпо́дь вся́ ко́сти и́хъ, ни єди́на от ни́хъ сокруши́тся.

²¹

Храни́ть Госпо́дь вся ко́сті їх, ні єди́на от них сокруши́ться.

²²

Сме́рть грѣ́шниковъ люта́, и ненави́дящіи пра́веднаго прегрѣша́тъ.

²²

Смерть грі́шников люта́, і ненави́дящії пра́веднаго прегріша́ть.

²³

Изба́витъ Госпо́дь ду́шы ра́бъ Свои́хъ, и не прегрѣша́тъ вси́ упова́ющіи на Него́.

²³

Ізба́вить Госпо́дь ду́ші раб Свої́х, і не прегріша́ть всі упова́ющії на Него́.