¹

Въ коне́цъ, да не растли́ши, псало́мъ пѣ́сни Аса́фу.

¹

В коне́ць, да не растли́ши, псало́м пі́сні Аса́фу, 74.

²

Исповѣ́мыся Тебѣ́, Бо́же, исповѣ́мыся Тебѣ́ и призове́мъ и́мя Твоє́: повѣ́мъ вся́ чудеса́ Твоя́.

²

Іспові́мися Тебі́, Бо́же, іспові́мися Тебі́ і призове́м і́м'я Твоє́; пові́м вся чудеса́ Твоя́.

³

Єгда́ пріиму́ вре́мя, А́зъ правоты́ возсужду́.

³

Єгда́ прийму́ вре́м'я, Аз правоти́ возсужду́.

⁴

Раста́яся земля́ и вси́ живу́щіи на не́й, А́зъ утверди́хъ столпы́ єя́.

⁴

Раста́яся земля́ і всі живу́щії на ней, Аз утверди́х столпи́ єя́.

⁵

Рѣ́хъ беззако́ннующымъ, не беззако́ннуйте: и согрѣша́ющымъ, не возноси́те ро́га.

⁵

Ріх беззако́ннующим: не беззако́ннуйте! І согріша́ющим: не возносі́те ро́га.

⁶

Не воздвиза́йте на высоту́ ро́га ва́шего и не глаго́лите на Бо́га непра́вду:

⁶

Не воздвиза́йте на висоту́ ро́га ва́шего і не глаго́літе на Бо́га непра́вду;

⁷

я́ко ниже́ от исхо́дъ, ниже́ и за́падъ, ниже́ от пусты́хъ го́ръ.

⁷

я́ко ніже́ от ісхо́д, ніже́ і за́пад, ніже́ от пусти́х гор.

⁸

Я́ко Бо́гъ судія́ є́сть: сего́ смиря́єтъ, и сего́ возно́ситъ.

⁸

Я́ко Бог Судія́ єсть; сего́ смиря́єть, і сего́ возно́сить.

⁹

Я́ко ча́ша въ руцѣ́ Госпо́дни, віна́ нерастворе́на испо́лнь растворе́нія, и уклони́ от сея́ въ сію́: оба́че дро́ждіє єго́ не истощи́ся, испію́тъ вси́ грѣ́шніи земли́.

⁹

Я́ко ча́ша в руці́ Госпо́дні, вина́ нерастворе́на іспо́лнь растворе́нія, і уклони́ от сея́ в сію́; оба́че дро́ждіє єго́ не істощи́ся, іспію́ть всі грі́шнії землі́.

¹⁰

А́зъ же возра́дуюся въ вѣ́къ, воспою́ Бо́гу Іа́ковлю:

¹⁰

Аз же возра́дуюся в вік, воспою́ Бо́гу Іа́ковлю;

¹¹

и вся́ ро́ги грѣ́шныхъ сломлю́, и вознесе́тся ро́гъ пра́веднаго.

¹¹

і вся ро́ги грі́шних сломлю́, і вознесе́ться рог пра́веднаго.