0

Псало́мъ Аса́фу.

¹

Бо́гъ ста́ въ со́нмѣ бого́въ, посредѣ́ же бо́ги разсу́дитъ.

²

Доко́лѣ су́дите непра́вду, и ли́ца грѣ́шниковъ пріє́млете?

³

Суди́те си́ру и убо́гу, смире́на и ни́ща оправда́йте:

⁴

изми́те ни́ща и убо́га, изъ руки́ грѣ́шничи изба́вите єго́.

⁵

Не позна́ша, ниже́ уразумѣ́ша, во тмѣ́ хо́дятъ: да подви́жатся вся́ основа́нія земли́.

⁶

А́зъ рѣ́хъ: бо́зи єсте́, и сы́нове Вы́шняго вси́:

⁷

вы́ же я́ко человѣ́цы умира́єте, и я́ко єди́нъ от князе́й па́даєте.

⁸

Воскре́сни́, Бо́же, суди́ земли́: я́ко Ты́ наслѣ́диши во всѣ́хъ язы́цѣхъ.