¹

Собра же дв~дъ вс^я нача'лницы і^и^л~евы. нача'лниковъ сђдїи и^ колњнъ. и^ всњхъ преDста'телїи по'л#ковъ, и^же слђжа'хђ по вся` д~ни стрегђще цр~я и^ начаlниковъ ты'сящеи, и^ со'тникоv и^ постелниковъ. і^ и^же наD сђщимъ е^го и^ наD всњмъ въздръжа'нїемъ цр~евымъ. и^ сн~овъ свои^хъ со е^внђ'хами и^ си'лныхъ, и^ храбрњишиX, въ во'иноv въ і^ерsлимъ”

¹

Собра́ же даві́дъ всѧ̑ нача́лники і҆и҃лєвы, нача́лники сꙋді́й и҆ колѣ́нъ, и҆ всѧ̑ нача́лники полкѡ́въ, почре́днѡ стрегꙋ́щихъ царѧ̀, и҆ нача́лники ты́сѧщей и҆ со́тней, и҆ стра́жы сокро́вищъ, и҆ сꙋ́щыѧ над̾ и҆мѣ́нїѧми свои́ми и҆ над̾ всѣ́мъ стѧжа́нїемъ царе́вымъ, и҆ сынѡ́въ свои́хъ со є҆ѵнꙋ́хами, и҆ си̑льныѧ и҆ хра̑брыѧ во́инства во і҆ерⷭ҇ли́мъ.

²

Воста' же дв~дъ цр~ь и^ рече. слы'шите м^я бра'тїа моя`, и^ лю'дїе мои`. помы'слихъ на срDцђ моеM да съзи'ждђ до'мъ. въ не'мже поко'и^тся кїѓ'тъ завњта гн~я, и^ поDно'жїе нога'мъ г~а б~а нашего. и^ къ съзиданїю вс^я ё^готовахъ потре'бная”

²

И҆ воста̀ даві́дъ ца́рь посредѣ̀ собра́нїѧ и҆ речѐ: слы́шите мѧ̀, бра́тїѧ моѧ̑ и҆ лю́дїе моѝ: бы́сть мнѣ̀ на се́рдцы созда́ти до́мъ оу҆покое́нїѧ кївѡ́тꙋ завѣ́та гдⷭ҇нѧ и҆ подно́жїе но́гъ гдⷭ҇а (бг҃а) на́шегѡ, и҆ оу҆гото́вахъ на созида́нїе потрє́бнаѧ:

³

Бг~ъ же рече` мнњ. не сози'ждеши до'мђ и^меновати и%мени мое^го в не'мъ. зане е^си мђжъ бра'н#никъ, и^ кро'ви пролїялъ е^си”

³

бг҃ъ же речѐ: не сози́ждеши мнѣ̀ до́мꙋ є҆́же и҆менова́ти и҆́мѧ моѐ въ не́мъ, занѐ человѣ́къ во́инъ є҆сѝ ты̀ и҆ крѡ́ви пролїѧ́лъ є҆сѝ:

⁴

Но и^збра` г~ь б~ъ і^и~леv мене` эT всего` до'мђ эTц~а мое^го. да бђ'дђ цр~ь наD і^и^л~емъ во вњ'ки. и^ эT і^ё'ды и^збра` нача'лника доM эTц~а мое^го. и^ эT сн~овъ эTц~а мое^го ё^годи` е^мђ да м^я и^збере цр~я надо всњмъ і^и^л~ем#”

⁴

и҆ и҆збра̀ гдⷭ҇ь бг҃ъ і҆и҃левъ менѐ ѿ всегѡ̀ до́мꙋ ѻ҆тца̀ моегѡ̀, да бꙋ́дꙋ ца́рь над̾ і҆и҃лемъ во вѣ́ки, и҆ во і҆ꙋ́дѣ и҆збра̀ ца́рство, и҆ ѿ до́мꙋ і҆ꙋ́дина до́мъ ѻ҆тца̀ моегѡ̀: и҆ ѿ сынѡ́въ ѻ҆тца̀ моегѡ̀ во мнѣ̀ бл҃говолѝ, є҆́же бы́ти мѝ царю̀ над̾ всѣ́мъ і҆и҃лемъ:

⁵

эT сн~овъ же мои^хъ всњхъ. сн~ы б^о мн^њ мно'ги да'сть г~ь. и^збра` соло'мона сн~а мое^го. да сњдњтъ на престолњ црsтва гн~я наD і^и^л~емъ”

⁵

ѿ сынѡ́въ же мои́хъ всѣ́хъ, сы́ны бо мнѣ̀ мнѡ́ги дадѐ гдⷭ҇ь, и҆збра̀ соломѡ́на сы́на моего̀, да сѣди́тъ на престо́лѣ ца́рства гдⷭ҇нѧ, над̾ і҆и҃лемъ:

⁶

Реq же мнњ б~ъ. соло'монъ сн~ъ тво'и соѕи'ждетъ домъ мо'и, и^ дво'ръ мо'и. зане` того и^збраX мн^њ въ сн~а бы'ти, и^ а'зъ бђдђ е^мђ въ эTц~а”

⁶

и҆ речѐ мнѣ̀ бг҃ъ: соломѡ́нъ сы́нъ тво́й сози́ждетъ до́мъ мо́й и҆ дво́ръ мо́й, занѐ того̀ и҆збра́хъ мнѣ̀ въ сы́на бы́ти, и҆ а҆́зъ бꙋ́дꙋ є҆мꙋ̀ во ѻ҆тца̀

⁷

И$ ё^крњплю` црsтво е^го даже до' вњка. а'ще ё^крњпиTся съхрани'ти за'повњди моа и^ сђдбы` моя. ја%ко и^ днеs”

⁷

и҆ оу҆крѣплю̀ ца́рство є҆гѡ̀ да́же до вѣ́ка, а҆́ще оу҆крѣпи́тсѧ храни́ти за́пѡвѣди моѧ̑ и҆ сꙋдбы̑ моѧ̑, ꙗ҆́коже и҆ дне́сь:

⁸

И$ нн~њ ё^бо преD лицемъ всего` събра'нїя гн~я, въ ё'ши б~а нашего. съхра'ните и^ в#зыщите вс^я за'повњди г~а б~а на'шего. да наслњди'те зе'млю бл~гђ, и^ ѓ^ста'вите я& сн~омъ ва'шимъ по ваs даже до' вњка”

⁸

нн҃ѣ оу҆̀бо пред̾ лице́мъ всегѡ̀ собра́нїѧ гдⷭ҇нѧ и҆ во оу҆́шы бг҃а на́шегѡ, храни́те и҆ взыщи́те всѧ̑ за́пѡвѣди гдⷭ҇а бг҃а на́шегѡ, да наслѣ́дите зе́млю бла́гꙋ и҆ ѡ҆ста́вите въ наслѣ́дїе сынѡ́мъ ва́шымъ по ва́съ да́же до вѣ́ка:

⁹

И$ нн~њ соло'моне сн~е мо'и. да зна'еши б~а эTц~ъ твои^хъ, и^ слђжи е^мђ срDцемъ съвръше'нымъ, и^ дш~евною во'лею. всњхъ б^о срDцъ възыска'тель г~ь. и^ всњхъ ё^мне'нїи помышле'нїя разђмње^тъ” А/ще възы'щеши е^го ѓ^бря'щетъ ти ся” а%ще же ѓ^ста^виши е^го, ѓ^ста'витъ т^я въ вњ'ки”

⁹

и҆ нн҃ѣ, соломѡ́не, сы́не мо́й, да зна́еши бг҃а ѻ҆тє́цъ твои́хъ и҆ слꙋжѝ є҆мꙋ̀ се́рдцемъ соверше́ннымъ и҆ дꙋше́вною во́лею, всѧ̑ бо сердца̀ и҆спытꙋ́етъ гдⷭ҇ь и҆ всѧ́ко помышле́нїе разꙋмѣ́етъ: а҆́ще взы́щеши є҆го̀, ѡ҆брѧ́щеттисѧ: а҆́ще же ѡ҆ста́виши є҆го̀, ѡ҆ста́витъ тѧ̀ въ коне́цъ:

¹⁰

Нн~њ ё^бо ви'ждь, и^же и^збра` т^я г~ь, да соѕи'ждеши е^мђ доM ст~итеlства. крњпи'ся и^ съвръши”

¹⁰

нн҃ѣ оу҆̀бо ви́ждь, ꙗ҆́кѡ и҆збра́ тѧ гдⷭ҇ь, да сози́ждеши є҆мꙋ̀ до́мъ во ѡ҆свѧще́нїе, крѣпи́сѧ и҆ совершѝ.

¹¹

дасть же дв~дъ соло'монђ сн~ђ свое^мђ. ѓ^писа'нїя притвороv и^ цр~кве и^ кама'ръ и^ го'рницъ, и^ полага'лищъ в#нђтрънихъ, и^ до'мђ ѓ^чище'нїя”

¹¹

Даде́ же даві́дъ соломѡ́нꙋ сы́нꙋ своемꙋ̀ начерта́нїе хра́ма и҆ домѡ́въ є҆гѡ̀, и҆ кама́ръ є҆гѡ̀, и҆ го́рницъ, и҆ полага́лищъ внꙋ́треннихъ, и҆ до́мꙋ ѡ҆чище́нїѧ,

¹²

Є$ще` и^ вс^я подо'бїя и^же помы'сли дх~омъ е^го дворо'мъ до'мђ гн~я и^ комараM по ѓ%крsтъ въ сокро'вищи до'мђ гн~я, и^ въ волага'лища ст~ыхъ”

¹²

и҆ подо́бїе, є҆́же помы́сли дꙋ́хомъ свои́мъ, дворѡ́въ до́мꙋ гдⷭ҇нѧ, и҆ всѣ́хъ кама́ръ ѡ҆́крестъ въ сокро́вищихъ до́мꙋ гдⷭ҇нѧ, и҆ влага́лищъ ст҃ы́нь,

¹³

Раздњле'нїя же по вся дн~и сщ~енъствомъ. и^ левљ=тоM, въ вся` дњла слђже'нїя до'мђ гн~я. и^ всњхъ кадиlницъ, и^ сосђдовъ слђже'бныхъ цр~кви гн~я.

¹³

и҆ вита́лищъ, и҆ дневны́хъ чре́дъ і҆ере́йскихъ и҆ леѵі́тскихъ, во всѧ̑ дѣла̀ слꙋже́нїѧ до́мꙋ гдⷭ҇нѧ, и҆ влага́лищъ слꙋже́бныхъ сосꙋ́дѡвъ слꙋ́жбы до́мꙋ гдⷭ҇нѧ:

¹⁴

и^ мњрђ тя'гости златыхъ, и^ сре'бреныхъ

¹⁴

и҆ мѣ́рꙋ вѣ́са и҆́хъ златы́хъ и҆ сре́брѧныхъ,

¹⁵

на вс^я сосђды сщ~енныа даде е^мђ, и^ на вся сосђды сщ~енныя

¹⁵

свѣти́лникѡвъ вѣ́съ дадѐ є҆мꙋ̀ и҆ свѣ́щникѡвъ.

¹⁶

даде е^мђ подо'бнђ вагђ` трапе'зы преDложе'нїя. ко'ждотрапе'за зла'та да е^сть”

¹⁶

Дадѐ є҆мꙋ̀ подо́бнѣ вѣ́съ трапе́зы предложе́нїѧ, кі́ѧждо трапе́зы златы́ѧ, та́кожде и҆ сре́брѧныхъ,

¹⁷

На ё'дицы сре'брены, и^ на възлїя'л#ницы. и^ на фїя'лы зла'тые и^ важе'нїе зла'тыхъ, и^ сре'бреныхъ. и^ кади'лницъ, и^ подо'бїе ко'ждо подъ вагђ`”

¹⁷

и҆ оу҆́дицъ, и҆ возлїѧ́лницъ, и҆ фїа̑лъ златы́хъ, и҆ вѣ́съ златы́хъ и҆ сре́брѧныхъ, и҆ кади́лницъ златы́хъ, коегѡ́ждо вѣ́са:

¹⁸

И жръто'вникъ џимїяMныи эT зла'та пречи'ста вагђ` ѓ^казђ' емђ и^ подо'бїе въѓ^рђже'нїя. херђви'момъ простира'ющимъ кри'лњ, и^ ѓ^сњня'ю^ще къ кїѓ'тђ завњта гн~я”

¹⁸

и҆ же́ртвенника ѳѷмїа́мѡвъ ѿ зла́та чи́ста вѣ́съ ѡ҆каза̀ є҆мꙋ̀, и҆ подо́бїе колесни́цы херꙋві́мѡвъ простира́ющихъ кри́ла и҆ ѡ҆сѣнѧ́ющихъ над̾ кївѡ́томъ завѣ́та гдⷭ҇нѧ.

¹⁹

Вс^я писан#ная рђко'ю гн~ею да'сть дв~дъ соло'монђ по бы'в#шемђ къ немђ ра'зђмђ по дњлђ ѓ^браже'нїя”

¹⁹

Всѧ̑ пи̑саннаѧ рꙋко́ю гдⷭ҇нею дадѐ даві́дъ соломѡ́нꙋ, по сꙋ́щемꙋ въ не́мъ ра́зꙋмꙋ дѣ́ла и҆зѡбраже́нїѧ.

²⁰

И$ рече двDъ соло'монђ сн~ђ свое^мђ. Мђжествеnнњ твори`, и^ ё^крњпи'ся и^ сътвори`. не бойся и^ не страши'ся. г~ь б^о б~ъ мои с тобо'ю бђдетъ. и^ не эTстђпиT эT тебе. н^и ѓ^ста'витъ тебе`. до'нъдеже съврърши'ши т^ы все` дњло слђже'нїя до'мђ гн~я, с^е подобїе цр~кви и^ до'мђ е^го, и^ кама'ръ е^го, и^ го'рницъ и^ положе'нїи внђтрънихъ, и^ до'мђ ѓ^цњще'нїя, и^ подо'бїе домђ гн~я.

²⁰

И҆ речѐ даві́дъ соломѡ́нꙋ сы́нꙋ своемꙋ̀: оу҆крѣплѧ́йсѧ и҆ мꙋжа́йсѧ и҆ творѝ: не бо́йсѧ, нижѐ страши́сѧ, занѐ гдⷭ҇ь бг҃ъ мо́й съ тобо́ю, не ѿстꙋ́питъ ѿ тебє̀, нижѐ ѡ҆ста́витъ тѧ̀, до́ндеже соверши́ши ты̀ всѐ дѣ́ло слꙋже́нїѧ до́мꙋ гдⷭ҇нѧ: и҆ сѐ, подо́бїе хра́ма и҆ до́мꙋ є҆гѡ̀, и҆ кама́ръ є҆гѡ̀, и҆ го́рницъ, и҆ полага́лищъ внꙋ́треннихъ, и҆ до́мꙋ ѡ҆чище́нїѧ, и҆ подо́бїе до́мꙋ гдⷭ҇нѧ:

²¹

с^е раздњле'нїе по вся` дн~и сщ~ен#ником, и^ левљ=томъ въ все` слђже'нїе до'мђ гн~я” И$ да преDстои^тъ тебњ`. и^ вся'кїи любя'и мђдрость, по всяk хђдожъствђя'и, и^ кня'зи и^ вс^и лю'дїе въ вся` словеса` твоя`”

²¹

и҆ сѐ, днєвны́ѧ чрєды̀ і҆ере́євъ и҆ леѵі́тѡвъ во всѧ́ко слꙋже́нїе до́мꙋ гдⷭ҇нѧ, и҆ съ тобо́ю во всѧ́цѣмъ дѣ́йствѣ, и҆ всѧ́къ оу҆се́рдный въ мꙋ́дрости во всѧ́цѣмъ хꙋдо́жествѣ, и҆ кнѧ̑зи, и҆ всѝ лю́дїе во всѧ̑ словеса̀ твоѧ̑.