¹

И$ въста і^ё'да нарица'емыи мак#каве'и сн~ъ е^го в# него мњсто,

¹

И҆ воста̀ і҆ꙋ́да нарица́емый маккаве́й сы́нъ є҆гѡ̀ вмѣ́стѡ є҆гѡ̀.

²

и^ помагахђ е^мђ вс^и братїя е^го, и^ вс^и е^лицы прилᲇпишася къ эTц~ђ е^го. и^ ѓ^полчахђся ѓ^полченїемъ і^и^л~ь съ веселїемъ.

²

И҆ помога́хꙋ є҆мꙋ̀ всѝ бра́тїѧ є҆гѡ̀ и҆ всѝ є҆ли́цы прилѣпи́шасѧ ко ѻ҆тцꙋ̀ є҆гѡ̀, и҆ ѡ҆полча́хꙋсѧ ѡ҆полче́нїемъ і҆и҃ль съ весе́лїемъ.

³

и^ распросᲄрани славђ лю'деM свои^мъ, и^ ѓ^блечеся въ броня ја%ко гигантъ. и^ препоа'сася ѓ^рђжїем# бра'ни свое'я въ ѓ^полченїих#, и^ защищаше ѓ^полченїя мечемъ свои^мъ.

³

И҆ распространѝ сла́вꙋ лю́демъ свои̑мъ: и҆ ѡ҆блече́сѧ въ бронѧ̀ ꙗ҆́кѡ и҆споли́нъ и҆ препоѧ́сасѧ ѻ҆рꙋ́жїемъ свои́мъ бра́ннымъ, и҆ соста́ви ра̑ти, защища́ѧ ѡ҆полчє́нїѧ мече́мъ свои́мъ,

⁴

и^ ё^подобися львђ въ дњлехъ свои^хъ и^ ја%ко скљ=менъ рыка'ющъ в ловитвњ.

⁴

и҆ оу҆подо́бисѧ львꙋ̀ въ дѣ́лѣхъ свои́хъ, и҆ ꙗ҆́кѡ скѵ́менъ рыка́ющь въ лови́твѣ:

⁵

и^ погони беꙁаконныя и^спыᲄа'яи смђща'ющихᲆ лю'ди е^го пож#же пла'менеM

⁵

и҆ погна̀ беззакѡ́нныѧ и҆зслѣ́дꙋѧй, и҆ смꙋща́ющихъ лю́ди є҆гѡ̀ пожжѐ пла́менемъ.

⁶

и възвращени сђть беꙁаконїи эT сᲄраха е^го, и^ вс^и дњ'латели беꙁако'нїа смятошася. и^ ё^правлено е^сть спsенїе въ рђкђ е^го.

⁶

И҆ слѧко́шасѧ беззако́ннїи ѿ стра́ха є҆гѡ̀, и҆ всѝ дѣ́лателє беззако́нїѧ смѧто́шасѧ, и҆ благопоспѣ́шно бы́ти спасе́нїе рꙋко́ю є҆гѡ̀.

⁷

и^ ѓ^горчи цр~и мно'ги и^ въꙁвесели і^а'кова въ дњлехъ своиX, и^ въ вњки па'мять е^го въ блsвенїе”

⁷

И҆ ѡ҆горчѝ цари̑ мнѡ́ги и҆ возвеселѝ і҆а́кѡва въ дѣ́лѣхъ свои́хъ, и҆ да́же до вѣ́ка па́мѧть є҆гѡ̀ во благослове́нїе:

⁸

и^ прохожаше гра'ды і^ё'дины, и^ погђби нечьстивыхъ эT нихъ. и^ ѓ^брати гнњвъ эT і^и^л~я.

⁸

и҆ про́йде гра́ды і҆ꙋ̑дины, и҆ погꙋбѝ нечести́выхъ ѿ ни́хъ, и҆ ѿвратѝ гнѣ́въ ѿ і҆и҃лѧ,

⁹

і^ и^меновася даy до послњдниX ꙁемли, и^ собра погибаю^щихъ”

⁹

и҆ и҆мени́тъ бы́сть да́же до послѣ́днихъ землѝ, и҆ собра̀ погиба́ющихъ.

¹⁰

И собра а^пол#лонъ ја^зы'ки эT самарїя силђ ве'лїю е^же ратова'ти на і^и^л~я”

¹⁰

А҆поллѡ́нїй же собра̀ ꙗ҆зы́ки и҆ ѿ самарі́и си́лꙋ ве́лїю, є҆́же ра́товати на і҆и҃лѧ.

¹¹

И$ поꙁна і^ё'да и^ꙁыиде вᲆ срњтенїе е^мђ. и^ порази е^го и^ ё^би того, и^ падоша ја^звенїи, но'ѕи и^ прочїи побњгоша.

¹¹

И҆ оу҆вѣ́да і҆ꙋ́да и҆ и҆зы́де во срѣ́тенїе є҆мꙋ̀, и҆ поразѝ є҆го̀ и҆ оу҆бѝ того̀: и҆ падо́ша ꙗ҆́звенїи мно́зи, а҆ про́чїи оу҆бѣго́ша.

¹²

и^ взятъ корисᲄи и^хъ. и^ мечъ а^пол#лоновᲆ эTја%тъ і^ё'да, и^ бысть вою^ю'щи иM вс^я дн~и”

¹²

И҆ взѧ̀ коры̑сти и҆́хъ, и҆ ме́чь а҆поллѡ́нїевъ ѿѧ̀ і҆ꙋ́да, и҆ бы́сть вою́ѧ и҆́мъ всѧ̑ дни̑.

¹³

И$ слы'ша серонъ началникъ во'и сљ=ръскиX, ја%ко собра і^ё%да съвокђпленїе и^ цр~ковᲆ вњрныX с ниM изыиде вᲆ брань”

¹³

И҆ оу҆слы́ша сирѡ́нъ нача́лникъ во́євъ сѵ́рскихъ, ꙗ҆́кѡ собра̀ і҆ꙋ́да совокꙋпле́нїе и҆ цр҃ковь вѣ́рныхъ съ ни́мъ и҆сходѧ́щихъ на бра́нь,

¹⁴

и^ реq сътворю себњ и%мя и^ прославлюся въ црsтвїи, и^ поборю і^ё'дђ и^ сђщиX с ниM, и^ ё^ничижа'ющиX слово цр~ево.

¹⁴

и҆ речѐ: сотворю̀ себѣ̀ и҆́мѧ, и҆ просла́влюсѧ въ ца́рствїи, и҆ поборю̀ і҆ꙋ́дꙋ и҆ сꙋ́щихъ съ ни́мъ и҆ оу҆ничижа́ющихъ сло́во царе́во.

¹⁵

и^ ё^готовася и^ приложися е^же въꙁы'ити. и^ вꙁыиде с нимъ полкъ нечестивыхъ крњпокъ по'мощи е^мђ и^ сътворити эTм#щенїа на сн~ехъ і^и^л~евыхъ.

¹⁵

(и҆ оу҆гото́васѧ) и҆ приложѝ є҆́же взы́ти: и҆ взы́де съ ни́мъ по́лкъ нечести́выхъ крѣ́покъ помощѝ є҆мꙋ̀ и҆ сотвори́ти ѿмще́нїе на сынѣ́хъ і҆и҃левыхъ.

¹⁶

и^ приближися даже до въсхода веџороnска. і^ и^ꙁыиде і^ё'да въ сретенїе е^мђ въ малњ”

¹⁶

И҆ прибли́жисѧ да́же до восхо́да веѳѡрѡ́нска: и҆ и҆зы́де і҆ꙋ́да во срѣ́тенїе є҆мꙋ̀ въ ма́лѣ.

¹⁷

ЈА/коже ви'дњша полкъ грядђщїи въ срњтенїе и^мъ, рњша і^ё'дњ како мо'жемъ в# мали сђще ѓ^полчатися противђ мно'жества сегоᲄоль крњпка, и^ м^ы ё^трђжени е^смы` постомᲆ днsь”

¹⁷

Є҆гда́ же оу҆ви́дѣша по́лкъ грѧдꙋ́щїй во срѣ́тенїе и҆̀мъ, рѣ́ша і҆ꙋ́дѣ: ка́кѡ мо́жемъ въ ма́лѣ сꙋ́ще ѡ҆полча́тисѧ проти́вꙋ мно́жества толи́кагѡ крѣ́пкагѡ; и҆ мы̀ оу҆трꙋжде́ни є҆смы̀ посто́мъ дне́сь.

¹⁸

И$ рече і^ё'да, ё^добᲆ е^сть ѓ^бъя'ти мно'гихъ въ рђкђ малыхъ” И$ нњсть раꙁньсᲄва преD бм~ъ нбsнымъ спsти въ мно'ѕњ и^ въ ма'ле.

¹⁸

И҆ речѐ і҆ꙋ́да: оу҆до́бь є҆́сть ѡ҆б̾ѧ́ти мно́гихъ рꙋко́ю ма́лыхъ: и҆ нѣ́сть ра́знствїѧ пред̾ бг҃омъ нбⷭ҇нымъ спⷭ҇тѝ во мно́гихъ и҆лѝ въ ма́лыхъ:

¹⁹

ја%ко не въ мно'жествњ во'и ѓ^долњнїя брани е^сть, н^о эT нб~си крњпость.

¹⁹

ꙗ҆́кѡ не во мно́жествѣ во́євъ ѡ҆долѣ́нїе бра́ни є҆́сть, то́кмѡ ѿ нб҃сѐ крѣ́пость:

²⁰

сїи грядђтъ къ намъ въ мно'жествњ клятвы безаконїа. е^же расто'ргнђти насъ и^ же'ны на'ша и^ чада наша, е^же скориствовати нами.

²⁰

сі́и грѧдꙋ́тъ къ на́мъ во мно́жествѣ оу҆кори́зны и҆ беззако́нїѧ, є҆́же и҆сто́ргнꙋти на́съ и҆ жєны̀ на́шѧ и҆ ча̑да на̑ша, є҆́же взѧ́ти коры̑сти на́шѧ,

²¹

м^ы бо ѓ^полча'емся за дш~а наша и^ законы наша.

²¹

мы́ же ѡ҆полча́емсѧ за дꙋ́шы на́шѧ и҆ зако́ны на́шѧ:

²²

и^ самъ г~ь съкрђшитъ и^хъ преD лицемъ на'шимъ, вы же не ё^страша'итеся и^хъ”

²²

и҆ са́мъ гдⷭ҇ь сокрꙋши́тъ и҆̀хъ пред̾ лице́мъ на́шимъ, вы́ же не оу҆страши́тесѧ и҆́хъ.

²³

ЈА/коже преста гл~ати, и^ наскочи на нихъ въскорњ, и^ сътреся сиронъ и^ во'и его преD нимᲆ.

²³

Ꙗ҆́коже преста̀ глаго́лати, и҆ наскочѝ на ни́хъ внеза́пꙋ, и҆ сотре́сѧ сирѡ́нъ и҆ вѡ́и є҆гѡ̀ пред̾ ни́мъ:

²⁴

и^ погна` е^го въ нисхожденїе веџора, даже до поля. и^ падоша эT нихъ ја%ко и~, сотъ мђжъ. прочїи же побњгоша вᲆ ꙁемлю филистима,

²⁴

и҆ погна̀ є҆го̀ въ низхожде́нїе веѳѡрѡ́на да́же до по́лѧ: и҆ падо́ша ѿ ни́хъ ꙗ҆́кѡ ѻ҆́смь сѡ́тъ мꙋже́й, про́чїи же побѣго́ша въ зе́млю фѷлїсті́млю.

²⁵

и^ нападе страX і^ё'дин#, и^ братїи е^го и^ бо'яꙁнь на вся` ја^ꙁыки ѓ%крsтъ и^хъ.

²⁵

И҆ нападѐ стра́хъ і҆ꙋ́динъ и҆ бра́тїи є҆гѡ̀ и҆ боѧ́знь на всѧ̑ ꙗ҆зы́ки, ꙗ҆̀же ѡ҆́крестъ и҆́хъ.

²⁶

и^ прїиде до цр~я и^мя е^го, и^ ѓ^ ѓ^полченїи і^ё'динњ повњда'хђ вс^и ја^ꙁы'цы.

²⁶

И҆ до́йде до царѧ̀ и҆́мѧ є҆гѡ̀, и҆ ѡ҆ ѡ҆полче́нїихъ і҆ꙋ́диныхъ повѣ́дахꙋ всѝ ꙗ҆зы́цы.

²⁷

ја%коже слы'ша цр~ь а^нтїѓхъ словеса сїя. прогнњвася дш~ею и^ посла` и^ сᲆбра во'и всего црsтва свое^го полкъ крњпокъ ѕњло,

²⁷

Є҆гда́ же оу҆слы́ша ца́рь а҆нтїо́хъ словеса̀ сїѧ̑, разгнѣ́васѧ ꙗ҆́ростїю, и҆ посла́въ собра̀ си̑лы всѧ̑ ца́рства своегѡ̀, по́лкъ крѣ́покъ ѕѣлѡ̀:

²⁸

эTверꙁе сокровище свое и^ дасᲄь ѓ^броки вои'номъ въ лњто. и^ ꙁаповњда и^мъ в лњто быти готовомъ на всякђ потребђ”

²⁸

и҆ ѿве́рзе сокро́вище своѐ, и҆ дадѐ ѡ҆бро́ки во́инѡмъ свои̑мъ на лѣ́то, и҆ заповѣ́да и҆̀мъ въ лѣ́то бы́ти готѡ́вымъ на всѧ́кꙋ потре́бꙋ.

²⁹

И$ ви'дњ ја^ко ѓ^скђдᲇ сребро` эT съкровища, и^ дани эT страn ма'ли. ради расхожDенїя и^ ја%ꙁвы ја%же сътвори въ земли да возметъ ꙁаконная и^же бяхђ эT пр'ьвыхъ дн~їи”

²⁹

И҆ ви́дѣ, ꙗ҆́кѡ ѡ҆скꙋдѣ̀ сребро̀ ѿ сокро́вищъ, и҆ да̑ни ѿ стра́нъ ма̑лы, ра́ди несогла́сїѧ и҆ ꙗ҆́звы, ꙗ҆̀же сотворѝ на землѝ, да во́зметъ закѡ́ннаѧ, ꙗ҆̀же бѧ́хꙋ ѿ пе́рвыхъ дні́й.

³⁰

и^ ё^страшися да не и^мње^т# и^ е^ді'ною и^ дважды въ расходы, и^ дая'нїя ја%же дая' преже пространною рђкою” і^ и^зъбытъчествова паче цр~еи бывшихъ прежде

³⁰

И҆ оу҆страши́сѧ, да не вознеимѣ́етъ є҆ди́ною и҆ два́жды въ росхо́ды и҆ даѧ̑нїѧ, ꙗ҆̀же даѧ́ше пре́жде простра́нною рꙋко́ю, и҆ и҆збы́точествова па́че царе́й бы́вшихъ пре́жде.

³¹

въꙁнеся дш~ею ѕњло, и^ помысли и^ти` въ персидђ. и^ прїяти да'ни стра'нъ и^ събра'ти сребра` мно'го”

³¹

И҆ смѧте́сѧ дꙋше́ю свое́ю ѕѣлѡ̀, и҆ оу҆мы́сли и҆тѝ въ персі́дꙋ и҆ прїѧ́ти да̑ни ѿ стра́нъ и҆ собра́ти сребра̀ мно́гѡ.

³²

И$ ѓ^ста'ви лисїю чл~ка пресла'вна эT ро'да цр~ьствїя наD ве'щми црsкими, эT рњки` е^фра'та да'же до рњки` е^гљ=пта.

³²

И҆ ѡ҆ста́ви лѷсі́ю человѣ́ка сла́вна и҆ ѿ ро́да ца́рска над̾ вещьмѝ ца́рскими, ѿ рѣкѝ є҆ѵфра́та да́же до предѣ̑лъ є҆гѵ́петскихъ:

³³

и^ пита'ти а^нтиѓ'ха сн~а свое^го, до'ндеже ѓ^брати'тся са'мъ.

³³

и҆ пита́ти а҆нтїо́ха сы́на своего̀, до́ндеже возврати́тсѧ са́мъ.

³⁴

и^ предаде` е^мђ полъ си'лъ и^ сло'новъ” и^ заповњда е^мђ ѓ^ всXњ и^хже съвњща` и^ ѓ^ ѓ^бита'ющиX въ і^ё^деи і^ и^ерsлі'мњ”

³⁴

И҆ предадѐ є҆мꙋ̀ по́лъ си́лы и҆ слонѡ́въ и҆ заповѣ́да є҆мꙋ̀ ѡ҆ всѣ́хъ, и҆́хже совѣща̀, и҆ ѡ҆ ѡ҆бита́ющихъ во і҆ꙋде́и и҆ і҆ерⷭ҇ли́мѣ,

³⁵

посла'ти на ни'хъ е^же съкрђши'ти і^ и^сто'ргнђти крњпость і^и^л~евђ, и^ ѓ^ста'нки і^ерsлима, и^ эTяти па'мять и^хъ эT мњста,

³⁵

посла́ти на ни́хъ си́лꙋ, є҆́же сокрꙋши́ти и҆ и҆сто́ргнꙋти крѣ́пость і҆и҃левꙋ и҆ ѡ҆ста́нокъ і҆ерⷭ҇ли́ма, и҆ ѿѧ́ти па́мѧть и҆́хъ ѿ мѣ́ста,

³⁶

и^ всели'ти сн~овᲆ и^норо'дныхъ въ всњхъ предњлехъ и^хъ, и^ по жребїю раздњли'ти землю и^хъ”

³⁶

и҆ всели́ти сынѡ́въ и҆норо́дныхъ во всѣ́хъ предѣ́лѣхъ и҆́хъ, и҆ по жре́бїю раздѣли́ти зе́млю и҆́хъ.

³⁷

И$ цр~ь въспрїятъ полъ си'лы ѓ^ста'вшихъ, і^ и^зы'иде эT а^нтиѓ^хїи эT гра'да црsтва свое^го, лњта рм~з” и^ пре'иде е^фра'тъ рњкђ` и^ прохожа'ше въ вы'шняя стра'ны”

³⁷

И҆ ца́рь взѧ̀ по́лъ си́лы ѡ҆ста́вшихъ и҆ и҆зы́де ѿ а҆нтїохі́и ѿ гра́да ца́рства своегѡ̀, лѣ́та сто̀ четы́редесѧть седма́гѡ: и҆ пре́йде є҆ѵфра́тъ рѣкꙋ̀ и҆ прохожда́ше въ вы̑шнїѧ страны̑.

³⁸

І$ и^збра лисїю п#толоме'я сн~а доримеѓ'ва, и^ никано'ра и^ горгїя мђжи си'лнїи эT дрђгъ цр~евыхъ,

³⁸

И҆ и҆збра̀ лѷсі́а птоломе́а сы́на дорѷме́нова, и҆ нїкано́ра, и҆ горгі́ю мꙋ́жы си̑льныѧ ѿ дрꙋгѡ́въ царе́выхъ.

³⁹

и^ посла` с ни'ми, Wм~ мђжїи, и^ Wз~. ко'н#никъ. е^же ити` в зе'млю і^ё'динђ и^ растли'ти ю& по словеси` цр~ьскђ”

³⁹

И҆ посла̀ съ ни́ми четы́редесѧть ты́сѧщъ мꙋже́й и҆ се́дмь ты́сѧщъ ко́нникѡвъ, є҆́же и҆тѝ въ зе́млю і҆ꙋ́динꙋ и҆ растли́ти ю҆̀ по словесѝ ца́рскꙋ.

⁴⁰

И$ эTше'дше съ всею си'лою своею и^ прїидоша и^ ста'ша близᲆ е^м#маё'мA в ꙁемли` польстњ”

⁴⁰

И҆ ѿидо́ша со все́ю си́лою свое́ю, и҆ прїидо́ша, и҆ ѡ҆полчи́шасѧ бли́з̾ а҆ммаꙋ́ма на землѝ полево́й.

⁴¹

И$ слы'шаша кђп#цы` сᲄраны` тоя и^мя и^х#, и^ взя'шA зла'то и^ сребро` мно'го ѕњло и^ ѓ'троки и^ прїидо'ша въ станы` да прїимђтъ сн~овъ і^и^л~евыхъ въ рабы`. и^ приложи'шася к нимъ во'и сљ=ръскїя и^ земли` и^ноплеменникъ”

⁴¹

И҆ слы́шаша кꙋпцы̀ страны̀ тоѧ̀ и҆́мѧ и҆́хъ, и҆ взѧ́ша сребро̀ и҆ зла́то мно́го ѕѣлѡ̀ и҆ ѻ҆́троки: и҆ прїидо́ша въ станы̀, да во́змꙋтъ сынѡ́въ і҆и҃левыхъ въ рабы̑, и҆ приложи́шасѧ къ ни̑мъ вѡ́и сѵ́рскїѧ и҆ землѝ и҆ноплеме́нникѡвъ.

⁴²

И$ ви'дњ і^ё^да и^ бра'тїя е^го ја%ко ё^мно'жишася ѕла'я. и^ вои` приближа'шеся къ предњломъ и^хъ, и^ позна'ша словеса` цр~ва и^же повелњ лю'демъ сътвори'ти в погђбле'нїе и^ сконча'нїе”

⁴²

И҆ ви́дѣ і҆ꙋ́да и҆ бра́тїѧ є҆гѡ̀, ꙗ҆́кѡ оу҆мно́жишасѧ ѕла̑ѧ, и҆ вѡ́и ѡ҆полча́хꙋсѧ въ предѣ́лѣхъ и҆́хъ: и҆ позна́ша словеса̀ царє́ва, ꙗ҆̀же повелѣ̀ лю́демъ сотвори́ти въ погꙋбле́нїе и҆ сконча́нїе.

⁴³

И$ рече ко'ждо къ и%скренемђ свое^мђ, въста'нњмъ за и^згна'нїя людїи нашиX и^ ѓ^полча'е^мся за люди на'ша и^ ст~ыя”

⁴³

И҆ речѐ кі́йждо ко и҆́скреннемꙋ своемꙋ̀: воста́немъ за и҆стребле́нїе люді́й на́шихъ и҆ ѡ҆полчи́мсѧ за лю́ди на́шѧ и҆ ст҃ы̑ѧ.

⁴⁴

И$ собра'ся сонмъ е^же бы'ти гото'вомъ къ ѓ^полъче'нїю. и^ е^же моли'ти и^ проси'ти млsти и^ щедро'тъ”

⁴⁴

И҆ собра́сѧ со́нмъ є҆́же бы́ти готѡ́вымъ на бра́нь и҆ є҆́же моли́тисѧ и҆ проси́ти ми́лости и҆ щедро́тъ.

⁴⁵

І$ и^ерsли'м# б^њ беꙁъѓ^би'теленъ а^ки пђстъ. и^ не бњ въходя' и и^сходя'и эT рода е^го и^ ст~ая попра'шася, и^ сн~ве и^нороDныX въ краю`. бы'сть ѓ^бита'нїе ја^зы'ком# и^ взя'ся веселїе эT і^а'кова, і^ ѓ^скђдњ тђ` сопњль и^ гђсли”

⁴⁵

И҆ і҆ерⷭ҇ли́мъ бѣ̀ неѡбита́емь а҆́ки пꙋсты́нѧ: не бѣ̀ входѧ́й и҆ и҆сходѧ́й ѿ порожде́нїй є҆гѡ̀, и҆ ст҃ы́нѧ попра́на, и҆ сы́нове и҆норо́дныхъ въ краегра́дїи, бы́сть ѡ҆бита́лище ꙗ҆зы́кѡмъ: и҆ взѧ́сѧ весе́лїе ѿ і҆а́кѡва, и҆ ѡ҆скꙋдѣ̀ (тꙋ̀) сопѣ́ль и҆ гꙋ́сли.

⁴⁶

И$ собра'шася и^ прїидо'ша въ маси'фђ проти'вђ і^ерsлі'мђ, ја%ко мњсто мл~твы въ масифе прьвње і^и^л~ю”

⁴⁶

И҆ собра́шасѧ и҆ прїидо́ша въ массифꙋ̀ прѧ́мѡ і҆ерⷭ҇ли́мꙋ, поне́же мѣ́сто моли́твы въ массифѣ̀ пе́рвѣе і҆и҃лю.

⁴⁷

И$ пости'шаs того дни` и^ ѓ^блеко'шася въ врњтища и^ пепелъ посы'паша на главы своя, и^ растеръза'ша ѓ^дњя'нїя своя.

⁴⁷

И҆ пости́шасѧ тогѡ̀ днѐ, и҆ ѡ҆блеко́шасѧ во врє́тища, и҆ пе́пелъ посы́паша на главы̑ своѧ̑, и҆ растерза́ша ѡ҆дѣѧ̑нїѧ своѧ̑,

⁴⁸

и^ распростро'ша кни'гђ зако'нђ эT ниXже и^спыта'хђ ја^зы'цы написа'ти на ни'хъ подо'бїя и%долъ свои^хъ.

⁴⁸

и҆ распростро́ша кни́гꙋ зако́на, ѡ҆ ни́хже и҆спыта́хꙋ ꙗ҆зы́цы написа́ти на ни́хъ подѡ́бїѧ і҆́дѡлъ свои́хъ,

⁴⁹

и^ принесо'ша ри'зы святи'тельскїя и^ прьворо'дныя и^ десяти'ны. и^ въздви'гнђша назаре'я иже наплъниша дн~и,

⁴⁹

и҆ принесо́ша ри̑зы свѧти́тєлскїѧ и҆ перворѡ́днаѧ и҆ десѧти̑ны: и҆ воздви́гнꙋша назїре́євъ, и҆̀же напо́лниша дни̑,

⁵⁰

и^ възопи'ша гла'сомъ ве'лїимъ на нб~о рекђщи. чт^о сътвори'мъ симъ и^ гдњ и^хъ въведе'мъ,

⁵⁰

и҆ возопи́ша гла́сомъ (ве́лїимъ) на нб҃о, рекꙋ́ще: что̀ сотвори́мъ си̑мъ и҆ ка́мѡ и҆̀хъ ѿведе́мъ;

⁵¹

и^ ст~ая твоя попра'шася и^ ѓ^скврънишася, и^ сщ~енницы ᲄвои` вᲆ ско'рби и^ смире'нїю.

⁵¹

и҆ ст҃а̑ѧ твоѧ̑ попра́шасѧ и҆ ѡ҆скверни́шасѧ, и҆ свѧще́нницы твоѝ въ ско́рби и҆ въ смире́нїи:

⁵²

и^ се ја^зы'цы събра'шася на' ны да расто'ргнђтъ насъ, ты` вњси и^же помышля'ютъ на на'съ.

⁵²

и҆ сѐ, ꙗ҆зы́цы собра́шасѧ на ны̀, да расто́ргнꙋтъ на́съ: ты̀ вѣ́си, ꙗ҆̀же помышлѧ́ютъ на на́съ:

⁵³

ка'ко мо'жеM потерпњти преD лицемъ ихъ, а^ще не ты помо'жеши намъ”

⁵³

ка́кѡ возмо́жемъ ста́ти пред̾ лице́мъ и҆́хъ, а҆́ще не ты̀ помо́жеши на́мъ;

⁵⁴

и^ въстрђби'ша и^ възопи'ша гла'сомъ ве'лїимъ”

⁵⁴

И҆ вострꙋби́ша трꙋба́ми и҆ возопи́ша гла́сомъ ве́лїимъ.

⁵⁵

И$ посе'м# поста'ви і^ё^да вое^во'ды людїи, ты'сящники и^ со'тники, пятьдеся'тники, и^ десятонача'лники

⁵⁵

И҆ посе́мъ поста́ви і҆ꙋ́да воевѡ́ды люді́й, ты́сѧщники и҆ со́тники, и҆ пѧтьдесѧ́тники и҆ десѧтонача́лники.

⁵⁶

и^ реq. съѕида'ющиM домы`, и^ ѓ^брђча'ющиM же'ны и^ садя'щимъ виногра'ды, и^ ё^жасныM възврати'тися комђждо в доM свои по зако'нђ.

⁵⁶

И҆ реко́ша созида́ющымъ до́мы и҆ ѡ҆брꙋча́ющымъ жєны̀, и҆ насажда́ющымъ вїногра́ды и҆ боѧзли̑вымъ возврати́тисѧ комꙋ́ждо въ до́мъ сво́й по зако́нꙋ.

⁵⁷

и^ въздви'гнђша ѓ^плъче'нїя, и^ поста'виша на юh е^м#маё'мA”

⁵⁷

И҆ воздви́жесѧ по́лкъ и҆ ѡ҆полчи́сѧ на ю҆́гъ а҆ммаꙋ́ма.

⁵⁸

И$ рече і^ё'да, препояши'теся и^ бђдњте въ сн~ы си'лны, и^ бђдњте ё^гото'вани въ заё'трїе ѓ^полчи'тися на ја%зы'ки сїя и^же събра'шаs расᲄерза'ти насᲆ и^ ст~ая наша.

⁵⁸

И҆ речѐ і҆ꙋ́да: препоѧ́шитесѧ, и҆ бꙋ́дите въ сы́ны си̑льны, и҆ бꙋ́дите гото́ви въ заꙋ́трїе ѡ҆полчи́тисѧ на ꙗ҆зы́ки сїѧ̑, и҆̀же собра́шасѧ на ны̀ растерза́ти на́съ и҆ ст҃а̑ѧ на̑ша:

⁵⁹

ја%ко лђче е^сть наM ё^мрњти въ бра'ни, неже' ви'дњти ѕла'я людїи нашихъ и^ ст~ыхъ.

⁵⁹

ꙗ҆́кѡ лꙋ́чше є҆́сть на́мъ оу҆мре́ти въ бра́ни, не́же ви́дѣти ѕла̑ѧ люді́й на́шихъ и҆ ст҃ы́хъ:

⁶⁰

ја%коy во'ля бђдеT въ нб~си та'ко сътвориT”

⁶⁰

и҆ ꙗ҆́коже во́лѧ бꙋ́детъ на нб҃сѝ, та́кѡ сотвори́тъ.