¹

И$ бы'сть бра'нь на мно'го междђ до'моM саё'лемъ. и^ межи до'моM дв~двомъ. до'м же дв~двъ възвыша'шеся и^ крњпля'шеся. и^ доM саё'ль и^дя'ше і^ и^знемога'ше”

¹

И҆ бы́сть бра́нь на мно́го междꙋ̀ до́момъ саꙋ́лимъ и҆ междꙋ̀ до́момъ даві́довымъ, и҆ до́мъ даві́довъ возвыша́шесѧ и҆ оу҆крѣплѧ́шесѧ, до́мъ же саꙋ́ль и҆дѧ́ше и҆ и҆знемога́ше.

²

И$ роди'шася дв~дви въ хевро'нњ сн~овъ, ѕ~. и^ б^њ прьворо'дныи е^мђ сн~ъ, а^м#мо'нъ. эT а^хиноа^мїи і^и^л~ьтяныни.

²

И҆ роди́шасѧ даві́дꙋ въ хеврѡ́нѣ сынѡ́въ ше́сть: и҆ бѣ̀ перворо́дный є҆мꙋ̀ а҆мнѡ́нъ ѿ а҆хїнаа́мы і҆езраилі́тыни,

³

и^ вторы'и е^мђ сн~ъ, далђи^я. эT а^вигњя' карми'льскїя. и^ тре'тїи а^весало'мъ сн~ъ маа^ѓ^ха'ны дще'ре џоли'мины, цр~я гасђ'рьска.

³

и҆ вторы́й є҆мꙋ̀ сы́нъ далꙋі́а ѿ а҆вїге́и карми́лскїѧ, и҆ тре́тїй а҆вессалѡ́мъ сы́нъ маа́хи дще́ре ѳолмі̀ царѧ̀ гессі́рска,

⁴

д~ и, эT ё^ри'нїя сн~ъ а^г#ги'џы, е~ и, сафатїя эT витаа'лы.

⁴

четве́ртый а҆дѡ́нїа сы́нъ а҆ггі́ѳы, и҆ пѧ́тый сафаті́а ѿ а҆вїта́лы,

⁵

ѕ~ и. е^сџъроа'мъ, эT а'глы жены`, дв~двы. сїи` роди'шася дв~домъ въ хевро'нњ”

⁵

и҆ шесты́й і҆еѳераа́мъ ѿ є҆́глы жены̀ даві́довы: сі́и роди́шасѧ даві́дꙋ въ хеврѡ́нѣ.

⁶

И$ е^гда бы'сть бра'нь междђ до'момъ саё'лемъ. и^ междђ до'момъ дв~двымъ. и^ бя'ше а^вени'ръ держа` до'мъ саё'ловъ”

⁶

И҆ бы́сть внегда̀ бы́ти бра́ни междꙋ̀ до́момъ саꙋ́лимъ и҆ междꙋ̀ до́момъ даві́довымъ, и҆ бѧ́ше а҆вени́ръ держа̀ до́мъ саꙋ́ловъ.

⁷

И$ саё'лова поDло'жница б^њ, е^йже бњ` и'мя ре'сџа дщи` и^ѓ^а'ва. и^ поя'тъ ю& а^вени'ръ. и^ рече гевосте'и, сн~ъ саё'ль къ а^венирђ, чт^о с^е ты` вни'де къ поDло'жни'цы эTц~а мое^го”

⁷

И҆ саꙋ́лова подло́жница бѣ̀, є҆́йже бѣ̀ и҆́мѧ ресфа̀, дще́рь і҆ѡ́лѧ. И҆ вни́де къ не́й а҆вени́ръ, и҆ речѐ і҆евосѳе́й сы́нъ саꙋ́ль ко а҆вени́рꙋ: что̀ ꙗ҆́кѡ вше́лъ є҆сѝ къ подло́жницѣ ѻ҆тца̀ моегѡ̀;

⁸

И$ съжали` с^и ѕњло а^вени'ръ ѓ^ словеси` се'мъ, е^же рече е^мђ и^ гевосте'и. и^ рече е^мђ а^вени'ръ е^да` пе'сњя` глава` е^смь а^зъ. да с^и сътвори'хъ вс^я дне'сь. не сътвориX л^и днесь млsти до'мђ саё'лю эTц~а твое^го и^ братїи твое'и и^ зна'емыM т^и и^ не въста'хъ л^и а^зъ на до'мъ дв~двъ и^ ты` взыска` непра'вды въ мн^њ, жены` сея` ра'ди дне'сь”

⁸

И҆ разгнѣ́васѧ ѕѣлѡ̀ а҆вени́ръ ѡ҆ словесѝ се́мъ на і҆евосѳе́а и҆ речѐ є҆мꙋ̀ а҆вени́ръ: є҆да̀ пе́сїѧ глава̀ є҆́смь а҆́зъ; сотвори́хъ дне́сь ми́лость до́мꙋ саꙋ́ла ѻ҆тца̀ твоегѡ̀ и҆ бра́тїи и҆ зна́ємымъ, и҆ не ѿстꙋпи́хъ въ до́мъ даві́довъ, и҆ и҆́щеши на мнѣ̀ ты̀ ѡ҆ непра́вдѣ жены̀ дне́сь;

⁹

Си' же да сътвори'тъ б~ъ а^вени'рђ. и^ си да приложи` е^мђ, ја%коже бо кля'тся г~ь двDђ та'ко сътворю` е^мђ в# сїи дн~ь”

⁹

сїѧ̑ да сотвори́тъ бг҃ъ а҆вени́рꙋ и҆ сїѧ̑ да приложи́тъ є҆мꙋ̀, занѐ ꙗ҆́коже клѧ́тсѧ гдⷭ҇ь даві́дꙋ, та́кѡ сотворю̀ є҆мꙋ̀ въ се́й де́нь,

¹⁰

И$ прија%ти црsтво эT до'мђ саё'ля. и^ възъдви'гнђти прsтолъ дв~двъ въ і^и^л~и. и^ на і^ё'дђ, эT да'на даже до верса'вїя.

¹⁰

є҆́же ѿѧ́ти ца́рство ѿ до́мꙋ саꙋ́лѧ и҆ воздви́гнꙋти престо́лъ даві́довъ во і҆и҃ли и҆ во і҆ꙋ́дѣ ѿ да́на да́же до вирсаві́и.

¹¹

И$ не възмо'же ктомђ` гевђсте'и эTвњща'ти а^вени'рђ словеси` эT бо'язни е^го”

¹¹

И҆ не возмо́же ктомꙋ̀ і҆евосѳе́й ѿвѣща́ти а҆вени́рꙋ словесѐ ѿ боѧ́зни, ꙗ҆́же къ немꙋ̀.

¹²

И$ посла` а^вени'ръ къ дв~дђ послы` въ џела'мъ хевро'ньскїи. и^дњже б^њ а^бїе гл~я. положи` завњтъ свой со мно'ю, и^ с^е рђка моя с тобо'ю. възврати'ти м^и к тебњ весь і^и^л~ь”

¹²

И҆ посла̀ а҆вени́ръ къ даві́дꙋ послы̀ въ ѳела́мъ, и҆дѣ́же бѣ̀, а҆́бїе, глаго́лѧ: положѝ завѣ́тъ тво́й со мно́ю, и҆ сѐ, рꙋка̀ моѧ̀ съ тобо́ю, є҆́же возврати́ти мѝ къ тебѣ̀ ве́сь до́мъ і҆и҃левъ.

¹³

И$ рече дв~дъ добрњ а^зъ положђ` с тобо'ю завњтъ. н^ото'кмо словесе е^ді'наго прошђ` ё^ тебе` гл~я. не и%маши ви'дњти лица мое^го. а^ще не приведе'ши мельхо'лы дще'ри саё'ля. приходя'щђ ти ви'дњти лице` мое”

¹³

И҆ речѐ даві́дъ: до́брѣ, а҆́зъ положꙋ̀ съ тобо́ю завѣ́тъ, то́кмѡ словесѐ є҆ди́нагѡ прошꙋ̀ оу҆ тебє̀, глаго́лѧ: не и҆́маши ви́дѣти лица̀ моегѡ̀, а҆́ще не приведе́ши мелхо́лы дще́ре саꙋ́ли, приходѧ́щꙋ тѝ ви́дѣти лицѐ моѐ.

¹⁴

И$ посла` дв~дъ къ гевосте'ю сн~ђ саё'лю гл~я. пђсти` женђ` мою мельхо'лђ, юже бњхъ прїја%лъ ѓ^брњ'занїя дњля кра'я и^ноплеме'нник#”

¹⁴

И҆ посла̀ даві́дъ ко і҆евосѳе́ю сы́нꙋ саꙋ́лю вѣ́стники, глаго́лѧ: ѿда́ждь мнѣ̀ женꙋ̀ мою̀ мелхо́лꙋ, ю҆́же взѧ́хъ за сто̀ неѡбрѣ́занїй и҆ноплеме́нничихъ.

¹⁵

И$ пђсти` и^ гевосте'и, и^ поја%тъ ю& эT мђжа е^я, эT џан#тїи'ля сн~а селимо'ня”

¹⁵

И҆ посла̀ і҆евосѳе́й, и҆ взѧ́тъ ю҆̀ ѿ мꙋ́жа є҆ѧ̀ ѿ фалтїи́ла сы́на селли́мова.

¹⁶

І$ и^дя'ше мђжъ е^я с не'ю пла'чася даже до вара'ма. и^ рече к немђ` а^вени'ръ, и^ди` и^ възврати'ся”

¹⁶

И҆ и҆дѧ́ше мꙋ́жъ є҆ѧ̀ съ не́ю пла́часѧ да́же до варакі́ма. И҆ речѐ къ немꙋ̀ а҆вени́ръ: и҆дѝ, возврати́сѧ. И҆ возврати́сѧ.

¹⁷

И$ рече къ ста'ръцемъ і^и^л~евымъ гл~я. вчера` и^ ѓ^ноM дн~и и^ска'сте дв~да црsтвова'ти наD ва'ми”

¹⁷

И҆ речѐ а҆вени́ръ къ старѣ́йшинамъ і҆и҃лєвымъ, глаго́лѧ: вчера̀ и҆ тре́тїѧгѡ днѐ и҆ска́сте даві́да, да ца́рствꙋетъ над̾ ва́ми:

¹⁸

И$ нн~њ сътвори'те ја%коже г~ь гл~а ѓ^ дв~дњ гл~я. в рђ'цњ раба` мое^го дв~да сп~сђ лю'ди моя і^и^л~я, эT рђки` и^ноплеме'нникъ. и^ эT рђки` вра'гъ иX”

¹⁸

и҆ нн҃ѣ сотвори́те, ꙗ҆́коже гдⷭ҇ь гл҃а ѡ҆ даві́дѣ, гл҃ѧ: рꙋко́ю раба̀ моегѡ̀ даві́да сп҃сꙋ̀ лю́ди моѧ̑ і҆и҃лѧ ѿ рꙋкѝ и҆ноплеме́нничи и҆ ѿ рꙋкѝ всѣ́хъ врагѡ́въ и҆́хъ.

¹⁹

И$ гл~а а^вени'ръ, въ ё'ши венїа^ми'нђ і^ и^де а^вени'ръ гл~ати въ ё'ши дв~двњ въ хевро'нњ. вс^я ја%же ё^го'дна бњша преD ѓ^чи'ма і^и^л~евыма. и^ преD ѓ^чи'ма всего до'мђ венїа^ми'ня”

¹⁹

И҆ глаго́ла а҆вени́ръ во оу҆́шы венїамі́нꙋ: и҆ и҆́де а҆вени́ръ глаго́лати во оу҆́шы даві́дѡвы въ хеврѡ́нъ всѧ̑, є҆ли̑ка оу҆гѡ́дна бѣ́ша пред̾ ѻ҆чи́ма і҆и҃левыма и҆ пред̾ ѻ҆чи́ма всегѡ̀ до́мꙋ венїамі́нѧ.

²⁰

И$ прїиде а^вени'ръ къ дв~дђ въ хевро'нъ. и^ с ни'мъ, к~, мђжъ. и^ сътвори` двDъ пи'ръ а^вени'рђ и^ мђжем# е^го и^же с ниM”

²⁰

И҆ прїи́де а҆вени́ръ къ даві́дꙋ въ хеврѡ́нъ, и҆ съ ни́мъ два́десѧть мꙋже́й. И҆ сотворѝ даві́дъ пи́ръ а҆вени́рꙋ и҆ мꙋжє́мъ є҆гѡ̀ и҆̀же съ ни́мъ.

²¹

И$ рече а^вени'ръ къ дв~дђ. въста'невњ нн~њ і^ и'девњ. и^ да съберђтся къ господи'нђ с^и цр~ви весь і^и^л~ь. и^ положђ` с тобо'ю завњтъ и^ црsтвова'ти и%маши всњми`, и^хже жела'етъ дш~а т^и и^ посла` дв~дъ а^вени'ра, і^ и'де с ми'роM”

²¹

И҆ речѐ а҆вени́ръ къ даві́дꙋ: воста́нꙋ нн҃ѣ и҆ пойдꙋ̀ и҆ соберꙋ̀ къ господи́нꙋ моемꙋ̀ царю̀ всего̀ і҆и҃лѧ, и҆ положꙋ̀ съ ни́мъ завѣ́тъ, и҆ ца́рствовати и҆́маши всѣ́ми, и҆́хже жела́етъ дꙋша̀ твоѧ̀. И҆ посла̀ даві́дъ а҆вени́ра, и҆ и҆́де съ ми́ромъ.

²²

И$ се` ѓ%троцы дв~двы, и^ ѓ^а'въ и^дя'хђ эT и^схо'да. и^ коры'сть мно'гђ неся'хђ съ собо'ю. и^ а^вени'ръ ё^же` не бњ съ дв~домъ въ хевро'нњ. ја%ко эTсла'нъ бя'ше и^ эTпђще'нъ с ми'ромъ”

²²

И҆ сѐ, ѻ҆́троцы даві́дѡвы и҆ і҆ѡа́въ и҆дѧ́хꙋ ѿ и҆схо́да и҆ коры́сть мно́гꙋ несѧ́хꙋ съ собо́ю, и҆ а҆вени́ръ оу҆жѐ не бѣ̀ съ даві́домъ въ хеврѡ́нѣ, ꙗ҆́кѡ ѿсла́нъ бѧ́ше, и҆ ѿи́де съ ми́ромъ.

²³

И$ѓ^аv же и^ все во'инъство е^го прїиде. и^ възвњсти'ша и^ѓ^а'вђ гл~юще. приходи` а^вени'ръ сн~ъ ни'ровъ къ дв~дђ, и^ посла` и& и^ эTи'де с ми'ромъ”

²³

І҆ѡа́въ же и҆ всѐ во́инство є҆гѡ̀ прїи́де: и҆ возвѣсти́ша і҆ѡа́вꙋ, глаго́люще: прихожда́ше а҆вени́ръ сы́нъ ни́ровъ къ даві́дꙋ, и҆ ѿсла̀ є҆го̀, и҆ ѿи́де съ ми́ромъ.

²⁴

И$ въниде і^ѓ^а'въ къ дв~дђ, и^ рече чт'о с^е е^си сътвори'лъ. се` б^о приходи` а^вени'ръ к тебњ, и^ почт^о пђсти'лъ е^си е^го и^ эTи'де с ми'ромъ”

²⁴

И҆ вни́де і҆ѡа́въ къ царю̀ и҆ речѐ: что̀ сїѐ сотвори́лъ є҆сѝ; сѐ, прихожда́ше а҆вени́ръ къ тебѣ̀, и҆ почто̀ ѿпꙋсти́лъ є҆сѝ є҆го̀, и҆ ѿи́де съ ми́ромъ;

²⁵

И$л^и не вњ'си ѕло'бы а^вени'ра сн~а ни'рова. ја%ко сълђкавствова'я к тебњ и^дя'ше. разђмњти хотя` и^схоD твой и^ въхоD твой, и^ ё^вњдњти вс^я ја%же твори'ши ты`”

²⁵

и҆лѝ не вѣ́си ѕло́бы а҆вени́ра сы́на ни́рова, ꙗ҆́кѡ слꙋка́вствовати къ тебѣ̀ прїи́де, и҆ оу҆разꙋмѣ́ти и҆схо́дъ тво́й и҆ вхо́дъ тво́й, и҆ оу҆вѣ́дати всѧ̑ є҆ли̑ка твори́ши ты̀;

²⁶

И възврати'ся и^ѓ^а'въ эT дв~да, и^ посла` послы` въслњ'дъ а^вени'ра, и^ въз#врати'ша и&, эT кла'дязя седраMска и^ дв~дъ не вњ'дяше”

²⁶

И҆ возврати́сѧ і҆ѡа́въ ѿ даві́да, и҆ посла̀ послы̀ в̾слѣ́дъ а҆вени́ра, и҆ возврати́ша є҆го̀ ѿ кла́дѧзѧ сеїра́мска: даві́дъ же не вѣ́дѧше.

²⁷

И$ възврати'ся а^вени'ръ въ хевро'нъ. и^ ё^врати и^ѓ^а'въ стра'нными вра'ты. гл~ати к немђ лђка'вно. и^ ё^да'ри и& поD срDце и^ ё'мре въ кро'ви, а^висаи'ли, брата и^ѓ^а'вля”

²⁷

И҆ возвратѝ а҆вени́ра въ хеврѡ́нъ, и҆ совратѝ є҆го̀ і҆ѡа́въ на странꙋ̀ ѿ вра́тъ глаго́лати къ немꙋ̀ лꙋка́внѡ: и҆ оу҆да́ри є҆го̀ въ лѧ́двїѧ, и҆ оу҆́мре въ кро́ви а҆саи́ла бра́та і҆ѡа́влѧ.

²⁸

И$ слы'ша дв~дъ по си'хъ и^ рече чи'стъ е^смь а^зъ и^ црsтво мое эT г~а. и^ эT н~нњ и^ до' вњка, эT кро'ве а^вени'ря сн~а ни'рова”

²⁸

И҆ оу҆слы́ша даві́дъ по си́хъ и҆ речѐ: чи́стъ є҆́смь а҆́зъ и҆ ца́рство моѐ ѿ гдⷭ҇а и҆ ѿнн҃ѣ и҆ до вѣ́ка ѿ кро́ве а҆вени́ра сы́на ни́рова:

²⁹

да сни'детъ на главђ` и^ѓ^а'влю, и^ на ве'сь до'мъ эTц~а е^го, да не ѓ^скђдњ'етъ эT до'мђ и^ѓа'вля, и^злива'яи сњмя и^ прокаже'ныи” И$ держа'и щи'тъ, и^ да па'даю^тъ ѓ^рђжїемъ ё^мале'ныи хлњба да бђдетъ е^мђ”

²⁹

да сни́детъ на главꙋ̀ і҆ѡа́влю и҆ на ве́сь до́мъ ѻ҆тца̀ є҆гѡ̀, и҆ да не ѡ҆скꙋдѣ́етъ ѿ до́мꙋ і҆ѡа́влѧ и҆злива́ѧй сѣ́мѧ, и҆ прокаже́нный, и҆ держа́йсѧ жезла̀, и҆ па́даѧй ѻ҆рꙋ́жїемъ, и҆ оу҆ма́ленный хлѣ́бами.

³⁰

І$ѓ^а'в же і^ а^ве'са бра'тъ е^го ё^би'ша а^вени'ра, понеy ё^би` а^саи'ля бра'та и^хъ в гаваѓ'ни на' брани”

³⁰

І҆ѡа́въ же и҆ а҆ве́сса бра́тъ є҆гѡ̀ наблюда́хꙋ а҆вени́ра, поне́же оу҆бѝ а҆саи́ла бра́та и҆́хъ въ гаваѡ́нѣ на бра́ни.

³¹

И$ рече дв~дъ къ и^ѓ^а'вђ и^ къ всњмъ лю'демъ е^го раздерњте ри'зы ва'ша, и^ препоја^ши'теся вре'тищи, и^ рыда'ите ѓ^ а^вени'рњ, саM же цр~ь дв~дъ и^дя'ше въ слњ'дъ ѓ^дра`”

³¹

И҆ речѐ даві́дъ ко і҆ѡа́вꙋ и҆ ко всѣ̑мъ лю́демъ є҆гѡ̀: раздери́те ри̑зы ва́шѧ и҆ препоѧ́шитесѧ вре́тищы, и҆ рыда́йте ѡ҆ а҆вени́рѣ. Са́мъ же ца́рь даві́дъ и҆дѧ́ше в̾слѣ́дъ ѻ҆дра̀.

³²

И погребо'ша а^вени'ра въ хевро'нњ, и^ въздви'же цр~ь гласъ свой, и^ пла'кася наD гро'бомъ е^го, и^ вси лю'дїе пла'кашася по а^вени'рњ”

³²

И҆ погребо́ша а҆вени́ра въ хеврѡ́нѣ. И҆ воздви́же ца́рь гла́съ сво́й и҆ пла́касѧ над̾ гро́бомъ є҆гѡ̀, и҆ всѝ лю́дїе пла́каша ѡ҆ а҆вени́рѣ.

³³

И$ пла'кася цр~ь а^вени'ра, и^ рече а^ще по сме'рти а^ва'ли ё^спе` а^вени'ръ”

³³

И҆ пла́касѧ ца́рь над̾ а҆вени́ромъ и҆ речѐ: є҆да̀ сме́ртїю нава́ла оу҆́мре а҆вени́ръ;

³⁴

То рђцњ твои` не свя'жетася, ни но'ѕњ твои` не спине'тася, н^о ја^ко па'даютъ преD сн~ъми непра'вды та'ко паде`, и^ приложи'ша вси лю'дїе пла'катися е^го”

³⁴

рꙋ́цѣ твоѝ не свѧ̑заны, но́зѣ твоѝ не во ѡ҆ко́вахъ: не пристꙋпи́лъ є҆сѝ ꙗ҆́коже нава́лъ, пред̾ сынмѝ непра́вды па́лъ є҆сѝ. И҆ собра́шасѧ всѝ лю́дїе пла́катисѧ є҆гѡ̀,

³⁵

И$ прїидо'ша вс^и лю'дїе вече'рять. съ дв~домъ ја%сти хлњ'бъ. е^ще сђщђ дн~и и^ кля'тся дв~дъ гл~я с^е да сътвори'тъ м^и г~ь, и^ си'це да приложи'тъ. ја%ко а%ще не за'идетъ сл~нце не и'мамъ вкђси'ти хлњба, н^и иного чого`”

³⁵

и҆ прїидо́ша всѝ лю́дїе предложи́ти даві́дꙋ ꙗ҆́сти хлѣ́бы є҆щѐ сꙋ́щꙋ днѝ. И҆ клѧ́тсѧ даві́дъ, глаго́лѧ: сїѧ̑ да сотвори́тъ мѝ бг҃ъ и҆ сїѧ̑ да приложи́тъ, ꙗ҆́кѡ а҆́ще не за́йдетъ со́лнце, не и҆́мамъ вкꙋси́ти хлѣ́ба ни и҆но́гѡ чегѡ̀.

³⁶

И$ ё^го'дно бы'сть сло'во с^е преD всњми, вся е^ли'ко сътвори` цр~ь преD людми`”

³⁶

И҆ позна́ша всѝ лю́дїе, и҆ оу҆гѡ́дна бы́ша пред̾ ни́ми всѧ̑, є҆ли̑ка сотворѝ ца́рь пред̾ людьмѝ.

³⁷

И$ разђмњша вс^и лю'дїе, и^ весь і^и^л~ь в то'и дн~ь. ја%ко не бы'сть эT цр~я ё^бїиства а^вени'рђ сн~ђ ни'ровђ”

³⁷

И҆ разꙋмѣ́ша всѝ лю́дїе и҆ ве́сь і҆и҃ль въ то́й де́нь, ꙗ҆́кѡ не бы́сть ѿ царѧ̀ оу҆бі́йства а҆вени́рꙋ сы́нꙋ ни́ровꙋ.

³⁸

И рече цр~ь ѓ%трокомъ свои^мъ. не вњсте л^и ја%ко властели'нъ вели'къ паде` в сїи' дн~ь въ і^и^л~и”

³⁸

И҆ речѐ ца́рь ѻ҆трокѡ́мъ свои̑мъ: не вѣ́сте ли, ꙗ҆́кѡ властели́нъ вели́къ падѐ въ се́й де́нь во і҆и҃ли;

³⁹

І$ ја%ко а^зъ е^сми съѓ^бњщниk дне'сь и^ въста'вленъ на цр~я. мђжи же сїи` сн~ове сарђи'ли, зли` м^и сђть. да възда'сть г~ь творя'щимъ лђка'вная, по ѕло'бњ и^хъ”

³⁹

и҆ ꙗ҆́кѡ а҆́зъ є҆́смь бли́жнїй дне́сь и҆ возста́вленъ въ царѧ̀; мꙋ́жїе же сі́и сы́нове сарꙋ̑ины жесточа́йшїи менє̀ сꙋ́ть: да возда́стъ гдⷭ҇ь творѧ́щемꙋ лꙋка̑внаѧ по ѕло́бѣ є҆гѡ̀.