Глvа, а~”

¹

Сло'во гн~е е^же бысть къ і^ѓ^сїи верїинђ въ дн~и ѓ^ѕїины, і^ и^ѓ^а^џа'мля, и^ а^ха'зовы, і^ и^е^ꙁекїины цр~еи і^ё'динᲆ, и^ въ дн~и і^е^ровоа'мля сн~а і^ѓ^асова цря і^и^л~ева”

¹

Сло́во гдⷭ҇не, є҆́же бы́сть ко ѡ҆сі́и сы́нꙋ веирі́инꙋ, во дне́хъ ѻ҆зі́и и҆ і҆ѡаѳа́ма, и҆ а҆ха́за и҆ і҆езекі́и царе́й і҆ꙋ́диныхъ, и҆ во дни̑ і҆еровоа́ма сы́на і҆ѡа́сова царѧ̀ і҆и҃лева.

²

Нача'токъ словA гн~я къ і^ѓ^сїи” и^ рече г~ь кᲆ і^ѓ^сїи, и^ди`, пои^ми себњ женђ` блђженїя, и^ роди ча'да блђже'нїя. поне'же блђдя'щи съблђ'дитъ земля` эT г~а”

²

Нача́ло словесѐ гдⷭ҇нѧ ко ѡ҆сі́и. И҆ речѐ гдⷭ҇ь ко ѡ҆сі́и: и҆дѝ, поимѝ себѣ̀ женꙋ̀ блꙋже́нїѧ, (и҆ родѝ) ча̑да блꙋже́нїѧ: поне́же блꙋдѧ́щи соблꙋ́дитъ землѧ̀ ѿ гдⷭ҇а.

³

і^ и^де і^ поя` гомо'рь дщер# давидаи%млю. и^ зача` и^ роди е^мђ сн~ъ”

³

И҆ и҆́де и҆ поѧ̀ го́мерь дще́рь девилаі́млю: и҆ зача́тъ и҆ родѝ є҆мꙋ̀ сы́на.

⁴

и^ рече г~ь к немђ, проꙁови и^мя е^мђ і^е^зра'ель” зане е^ще` ма'ло, да и^ м#щђ крови і^е^зрае^левы в# домђ і^и^ё`, и^ покою` црsтво до'мђ і^и^л~ева”

⁴

И҆ речѐ гдⷭ҇ь къ немꙋ̀: прозовѝ и҆́мѧ є҆мꙋ̀ і҆езрае́ль: занѐ є҆щѐ ма́лѡ, и҆ ѿмщꙋ̀ кро́вь і҆езрае́левꙋ на домꙋ̀ і҆ꙋ́довѣ и҆ оу҆поко́ю ца́рство до́мꙋ і҆и҃лева:

⁵

и^ бђдетъ в то'и дн~ь съкрђшђ лђкъ і^и^л~евъ на поля'нњ і^е^зрае^левњ.

⁵

и҆ бꙋ́детъ въ то́й де́нь, сокрꙋшꙋ̀ лꙋ́къ і҆и҃левъ во оу҆до́лѣ і҆езрае́левѣ.

⁶

и^ зачаvши и^ роди дще'ре. и^ рече е^мђ г~ь, проꙁови и^мя е'й непомилова'на. зане не приложђ к#семђ` помилова'ти до'мђ і^и^л~ева, н^о съпроти'въ сᲆпроти'влюся и^мᲆ”

⁶

И҆ зача́тъ є҆щѐ и҆ родѝ дще́рь. И҆ речѐ є҆мꙋ̀ (гдⷭ҇ь): прозовѝ и҆́мѧ є҆́й непоми́лована: занѐ не приложꙋ̀ ксемꙋ̀ поми́ловати до́мꙋ і҆и҃лева, но противлѧ́ѧсѧ возсопроти́влюсѧ и҆̀мъ:

⁷

Сн~ы же і^ё'дины поми'лђю, и^ сп~сђ я& ѓ^ г~и бѕ~њ и^хъ. и^ не сп~сђ и^хъ лђкомъ, н^и мечемъ, н^и бра'нїю, н^и ко'ньми, н^и кон#ники.

⁷

сы́ны же і҆ꙋ̑дины поми́лꙋю и҆ сп҃сꙋ̀ ѧ҆̀ ѡ҆ гдѣ̀ бз҃ѣ и҆́хъ: и҆ не сп҃сꙋ̀ и҆̀хъ лꙋ́комъ, ни мече́мъ, ни бра́нїю, ни ко́ньми, нижѐ ко́нниками.

⁸

и^ эTдо'и непоми'лован#нђю. и^ ꙁача'вши па'ки и^ роди сн~ъ”

⁸

И҆ ѿдоѝ непоми́лованнꙋю: и҆ зача́тъ па́ки и҆ родѝ сы́на.

⁹

и^ рече г~ь, проꙁови и^мя е^мђ не лю'дїе мои`. зане в^ы не лю'дїе мои`, и^ а'з# нњсмь б~ъ ва'шъ”

⁹

И҆ речѐ (гдⷭ҇ь): прозовѝ и҆́мѧ є҆мꙋ̀ не лю́дїе моѝ: занѐ вы̀ не лю́дїе моѝ, и҆ а҆́зъ нѣ́смь бг҃ъ ва́шъ:

¹⁰

И$ бђдетъ число` сн~овъ і^и^л~евъ а^ки пњсокъ мор#скїи, и^же не и^ꙁмњри'тся н^и и^с#чтется. И$ бђдетъ въ мњстᲇ на не'мже речеся и^мъ не лю'дїе мои` в^ы, са'ми т^ђ прозоветеся сн~ове б~а жива'го”

¹⁰

и҆ бꙋ́детъ число̀ сынѡ́въ і҆и҃левыхъ а҆́ки песо́къ морскі́й, и҆́же не и҆змѣ́ритсѧ, ни и҆зочте́тсѧ: и҆ бꙋ́детъ, на мѣ́стѣ, на не́мже рече́сѧ и҆̀мъ: не лю́дїе моѝ вы̀: сі́и та́мѡ прозовꙋ́тсѧ сы́нове бг҃а жива́гѡ.

¹¹

И$ съберђтся сн~ве і^ё'дины, и^ сн~ове і^ил~евы въкђпь, и^ поста'вятъ себњ` вла'сть е^ді'нђ, і^ и^зыидђтъ эT ꙁемля`, ја%ко вели'къ дн~ь і^и^л~евъ”

¹¹

И҆ соберꙋ́тсѧ сы́нове і҆ꙋ̑дины и҆ сы́нове і҆и҃лєвы вкꙋ́пѣ, и҆ поста́вѧтъ себѣ̀ вла́сть є҆ди́нꙋ, и҆ и҆зы́дꙋтъ ѿ землѝ, ꙗ҆́кѡ вели́къ де́нь і҆езрае́левъ.

Глvа, в~”

¹

Рцњте бра'тђ свое^мђ, лю'дїе мои`. и^ сесᲄрњ свое'и, помилован#ная.

¹

Рцы́те бра́тꙋ своемꙋ̀: лю́дїе моѝ: и҆ сестрѣ̀ свое́й: поми́лованнаѧ.

²

сђди'те с^и съ ма'терїю свое'ю сђди'те с^и. ја%ко та не жена` моя`, и^ а'зъ не мђжъ е^я`. и^ эTвръгђ блђженїя ея эT лица` свое^го, и^ любодњ'иство ея` эT среды со'сђ ея`.

²

Сꙋди́тесѧ съ ма́терїю свое́ю, сꙋди́тесѧ, ꙗ҆́кѡ та̀ не жена̀ моѧ̀, и҆ а҆́зъ не мꙋ́жъ є҆ѧ̀: и҆ ѿве́ргꙋ блꙋжє́нїѧ є҆ѧ̀ ѿ лица̀ моегѡ̀ и҆ любодѣ́йство є҆ѧ̀ ѿ среды̀ сосцꙋ̑ є҆ѧ̀:

³

ја%коy съвлекђ ю& на'гђ и^ поста'влю ю& ја%коже и^ въ дн~ь рожDенїа е^я`. и^ положђ ю& ја%ко пђсты'ню, и^ ё^чиню ю& ја%ко ꙁемлю без# воды`, и^ побїю ю& жа'ждею.

³

ꙗ҆́кѡ да совлекꙋ̀ ю҆̀ на́гꙋ и҆ поста́влю ю҆̀ ꙗ҆́коже въ де́нь рожде́нїѧ є҆ѧ̀, и҆ положꙋ̀ ю҆̀ ꙗ҆́кѡ пꙋсты́ню, и҆ оу҆чиню̀ ю҆̀ ꙗ҆́кѡ зе́млю безво́днꙋ, и҆ оу҆бїю̀ ѻ҆́нꙋю жа́ждею:

⁴

и^ чаD ея` не поми'лђю, ја%ко ча'да блђженїя сђть.

⁴

и҆ ча̑дъ є҆ѧ̀ не поми́лꙋю, ꙗ҆́кѡ ча̑да блꙋже́нїѧ сꙋ́ть,

⁵

ја%ко въз#блђди мт~и иX, ѓ^срами роди'вшаяся. рече б^о, да и^дђ въ слDњ хо'тїи свои^хъ да'ющиX мнᲇ хлњбы моя`, и^ водђ мою` и^ ризы моя`, и^ рњчнаа моа, и^ ма'сло мое, и^ вс^е е^же мене достои'тъ”

⁵

ꙗ҆́кѡ соблꙋдѝ ма́ти и҆́хъ, посрами́сѧ роди́вшаѧ и҆̀хъ, рече́ бо: пойдꙋ̀ в̾слѣ́дъ похотникѡ́въ мои́хъ, даю́щихъ мнѣ̀ хлѣ́бы моѧ̑ и҆ во́дꙋ мою̀, и҆ ри̑зы моѧ̑ и҆ плащани̑цы моѧ̑, и҆ ма́сло моѐ и҆ всѧ̑, є҆ли̑ка мнѣ̀ досто́ѧтъ.

⁶

Сего ради с^е а%ꙁᲆ заграждђ пђть ея` тернїем#, и^ вᲆꙁгражDђ распђтїа ея`, и^ стеѕя свое'я не ѓ^бря'щетъ.

⁶

Сегѡ̀ ра́ди, сѐ, а҆́зъ заграждꙋ̀ пꙋ́ть є҆ѧ̀ те́рнїемъ и҆ возграждꙋ̀ распꙋ̑тїѧ є҆ѧ̀, и҆ стезѝ своеѧ̀ не ѡ҆брѧ́щетъ:

⁷

и^ поже'нетъ хо'ти своя, и^ не пости'гнеT и^хъ. и^ възы'щетъ и^хъ, и^ не ѓ^бря'щетъ. и^ речетъ, да и^дђ и^ въꙁвращђся к# мђжђ свое^мђ прьвомђ, јако добрње м^и б^њ тогда` не'гли нн~њ,

⁷

и҆ пожене́тъ похотникѝ своѧ̑ и҆ не пости́гнетъ и҆́хъ, и҆ взы́щетъ и҆̀хъ и҆ не ѡ҆брѧ́щетъ, и҆ рече́тъ: пойдꙋ̀ и҆ возвращꙋ́сѧ къ мꙋ́жꙋ моемꙋ̀ пе́рвомꙋ, ꙗ҆́кѡ добрѣ́е мѝ бѣ̀ тогда̀, не́жели нн҃ѣ.

⁸

н^о а^зъ не разђмњхъ” А$зъ б^о да'хъ е'й пшени'цю, и вино, и ма'сло, и сребро` ё^мно'жихъ е'и. сїи же сребрени и^ зла'ты сᲆтвори'ша ваа'лови”

⁸

Но та̀ не оу҆разꙋмѣ̀, ꙗ҆́кѡ а҆́зъ да́хъ є҆́й пшени́цꙋ и҆ вїно̀ и҆ ма́сло, и҆ сребро̀ оу҆мно́жихъ є҆́й: сїѧ́ же срє́брѧны и҆ зла̑ты сотворѝ ваа́лꙋ.

⁹

Сего ради ѓ^бращђся, и^ воꙁмђ пшени'цю свою въ время ея`, и^ вино свое въ гоD е^го. и^ эTи'мђ ри'зы своя`, и^ рњчная своя`, да не закрыва'етъ стђда свое^го.

⁹

Сегѡ̀ ра́ди ѡ҆бращꙋ́сѧ и҆ возмꙋ̀ пшени́цꙋ мою̀ во вре́мѧ є҆ѧ̀ и҆ вїно̀ моѐ во вре́мѧ є҆гѡ̀, и҆ ѿимꙋ̀ ри̑зы моѧ̑ и҆ плащани̑цы моѧ̑, да не покрыва́етъ стꙋда̀ своегѡ̀:

¹⁰

и^ нн~њ эTкрыю нечистотђ` ея` преD хо'тьми ея`. и^ никтоже эTи'мет# е^я` эT рђки мое'я.

¹⁰

и҆ нн҃ѣ ѿкры́ю нечистотꙋ̀ є҆ѧ̀ пред̾ похотника́ми є҆ѧ̀, и҆ никто́же ѿи́метъ є҆ѧ̀ ѿ рꙋкѝ моеѧ̀:

¹¹

и^ эTвращђ вс^я весе'лїя ея`, и^ празDники ея`, и^ новленїя мsць ея`, и^ сђбо'ты е^я`, и^ вс^я вели'ки дн~и ея`.

¹¹

и҆ ѿвращꙋ̀ всѧ̑ весє́лїѧ є҆ѧ̀ и҆ пра́здники є҆ѧ̀, и҆ новомчⷭ҇їѧ є҆ѧ̀ и҆ сꙋббѡ̑ты є҆ѧ̀ и҆ всѧ̑ пра́зднєства є҆ѧ̀,

¹²

и^ погђблю виногра'ды ея`, и^ смоквинїя ея`, вс^е е^ли'ко вњща`, м#зды м^и сђть сїа да'ша мнњ` хо'ти моя`. и^ положђ ю& въ свњдњнїе, и^ поја^дятъ ю& ѕвњрїе по'льстїи, и^ птица нбsныя, и^ га'ди зе'мнїи.

¹²

и҆ погꙋблю̀ вїногра́дъ є҆ѧ̀ и҆ смѡ́квы є҆ѧ̀, ѡ҆ ни́хже речѐ: мзды̑ мѝ сꙋ́ть сїѧ̑, ꙗ҆̀же да́ша мнѣ̀ похотницы̀ моѝ: и҆ положꙋ̀ ѧ҆̀ въ свидѣ́нїе, и҆ поѧдѧ́тъ ѧ҆̀ ѕвѣ́рїе се́лнїи и҆ пти̑цы небє́сныѧ и҆ га́ди земні́и:

¹³

и^ м#щђ на не'и дн~и ваа'ловы, в ня'же требы кладя'ше и^мъ. и^ въдња'ше ё^серя'зя своя`, и^ мониста` своя`, и^ хожда'ше въ слњдъ хо'тїи свои^хᲆ а^ мене` забы`, гл~етъ г~ь”

¹³

и҆ ѿмщꙋ̀ на не́й дни̑ ваалі́мѡвы, въ нѧ́же трє́бы кладѧ́ше и҆̀мъ, и҆ вдѣва́ше оу҆серѧ̑зи своѧ̑ и҆ мони̑ста своѧ̑, и҆ хожда́ше в̾слѣ́дъ похотникѡ́въ свои́хъ, а҆ менѐ забы̀, гл҃етъ гдⷭ҇ь.

¹⁴

Сего ради с^е а^ꙁъ съблажню ю&, и^ ё^чиню ю& ја%ко пђстыню, и^ воZгл~ю въ срDце ея`,

¹⁴

Сегѡ̀ ра́ди, сѐ, а҆́зъ соблажню̀ ю҆̀, и҆ оу҆чиню̀ ю҆̀ ꙗ҆́кѡ пꙋсты́ню, и҆ возгл҃ю въ се́рдце є҆ѧ̀,

¹⁵

и^ дамъ е'й притяжа'нїе е^я` эTтђдђ и^ по'лянђ а%хроѓ^вђ, эTвръсти смы'слъ е^я`. и^ смириTся т^ђ по дн~емъ дTњства е^я`, и^ по дн~емъ и^ꙁведенїя ея` эT земля е^гљ=пет#скы”

¹⁵

и҆ да́мъ є҆́й притѧжа́нїе є҆ѧ̀ ѿтꙋ́дꙋ и҆ полѧ́нꙋ а҆хѡ́ровꙋ, ѿве́рсти смы́слъ є҆ѧ̀: и҆ смири́тсѧ та́мѡ по днє́мъ дѣ́тства своегѡ̀ и҆ по днє́мъ и҆зведе́нїѧ своегѡ̀ ѿ землѝ є҆гѵ́петски.

¹⁶

И$ бђдетъ въ то'и дн~ь гл~етъ г~ь, приꙁоветъ м^я мQђ мои, а^ не възоветъ мене к#семђ ваа^лимъ.

¹⁶

И҆ бꙋ́детъ въ то́й де́нь, нарече́тъ мѧ̀ мꙋ́жъ мо́й, гл҃етъ гдⷭ҇ь, а҆ не прозове́тъ менѐ ктомꙋ̀ ваалі́мъ.

¹⁷

н^иꙁвергђ и^мена` ваа^лимля эT ё'стъ е^я, и^ не въспомянђ`т#ся к#семђ и^мена иX”

¹⁷

И҆ ѿве́ргꙋ и҆мена̀ ваалі̑млѧ ѿ оу҆́стъ є҆ѧ̀, и҆ не воспомѧнꙋ́тсѧ ксемꙋ̀ и҆мена̀ и҆́хъ.

¹⁸

И$ ꙁавњща'ю и^мъ завњтъ в# то'и дн~ь, съ ѕвњр#ми поlскими, и^ сᲆ птицами нбsными, и^ съ га'ды зе'мными. и лђкъ, и^ меq, и^ бра'нь съкрђшђ съ ꙁемли, и^ вселю я& съ ё^пова'нїемъ.

¹⁸

И҆ завѣща́ю и҆̀мъ завѣ́тъ въ то́й де́нь со ѕвѣрьмѝ се́лными и҆ со пти́цами небе́сными и҆ съ га̑ды зємны́ми, и҆ лꙋ́къ и҆ ме́чь и҆ бра́нь сокрꙋшꙋ̀ ѿ землѝ, и҆ вселю̀ ѧ҆̀ со оу҆пова́нїемъ:

¹⁹

и^ поимђ т^я себњ въ вњкъ. и^ пои^мђ т^я себњ` въ правдђ, и^ въ сђды, и^ въ млsть, и^ въ щедроты.

¹⁹

и҆ ѡ҆брꙋчꙋ́ тѧ себѣ̀ во вѣ́къ и҆ ѡ҆брꙋчꙋ́ тѧ себѣ̀ въ пра́вдѣ и҆ въ сꙋдѣ̀ и҆ въ ми́лости и҆ въ щедро́тахъ:

²⁰

и^ поимђ т^я себњ` вᲆ вњрђ, и^ ё^вњси г~а”

²⁰

и҆ ѡ҆брꙋчꙋ́ тѧ себѣ̀ въ вѣ́рѣ, и҆ оу҆вѣ́си гдⷭ҇а.

²¹

И$ бђдетъ в то'и дн~ь гл~етъ г~ь, послђшаю небесе, и^ ѓ^на` послђшаютъ земли,

²¹

И҆ бꙋ́детъ въ то́й де́нь, гл҃етъ гдⷭ҇ь, послꙋ́шаю небесѐ, а҆ ѻ҆́ное послꙋ́шаетъ землѝ,

²²

и^ земля послђша'етъ п#шени'ца, и^ вина, и^ ма'сла. и^ сїи послђшаютъ і^и^л~я.

²²

и҆ землѧ̀ послꙋ́шаетъ пшени́цы и҆ вїна̀ и҆ ма́сла, и҆ сі́и послꙋ́шаютъ і҆езрае́лѧ:

²³

и^ всњ'ю я& себњ на земли`. и^ поми'лђю непоми'лованђю. и^ рекђ не лю'демъ мои^мъ, лю'дїе мои` е^сте в^ы. и^ тїи рекђтъ, г~ь б~ъ наj т^ы е^си”

²³

и҆ всѣ́ю ѻ҆́нꙋю себѣ̀ на землѝ и҆ поми́лꙋю непоми́лованнꙋю: и҆ рекꙋ̀ не лю́демъ мои̑мъ: лю́дїе моѝ є҆стѐ вы̀: и҆ ті́и рекꙋ́тъ: гдⷭ҇ь бг҃ъ на́шъ ты̀ є҆сѝ.

Глvа, г~”

¹

И рече г~ь къ мнњ` е^ще и^ди`, и^ въꙁлюби` женђ` любя'щђю ѕњло, и^ любодњю. ја%ко лю'битъ б~ъ сн~ы і^и^л~евы. сїи же възира'ютъ къ бого'мъ чюжDимъ, и^ любятъ сковраDники сᲆ сђхвами”

¹

И҆ речѐ гдⷭ҇ь ко мнѣ̀: є҆щѐ и҆дѝ и҆ возлюбѝ женꙋ̀ лю́бѧщꙋю ѕло̀ и҆ любодѣ́йцꙋ, ꙗ҆́коже лю́битъ бг҃ъ сы́ны і҆и҃лєвы: сі́и же взира́ютъ къ богѡ́мъ чꙋжди̑мъ и҆ лю́бѧтъ варє́нїѧ съ корі́нками.

²

И$ ная'хъ себњ` пя'ть надесять сребром, и^ двана'десять спђды ја^чменя, н^о и^ виномъ сеDмїюдесять и^ двᲇма вњдрома.

²

И҆ наѧ́хъ себѣ̀ ѻ҆́нꙋю пѧтїюна́десѧть сре́брениками и҆ гомо́ромъ ꙗ҆чме́нѧ и҆ не́велемъ вїна̀,

³

и^ рцы е'й, дн~и мно'ги да сњдиши ё^ мене, и^ а'з# ё^ тебе. и^ не съблђди'ши, н^и бђдеши мђжђ.

³

и҆ реко́хъ є҆́й: дни̑ мнѡ́ги да сѣди́ши оу҆ менє̀ и҆ а҆́зъ оу҆ тебє̀, и҆ не соблꙋ́диши, ни бꙋ́деши мꙋ́жꙋ и҆но́мꙋ:

⁴

зане дн~и мно'ги ся'дђт# сн~ове і^и^л~евы не сђщђ цр~ю, н^и сђщђ кн~ѕю, н^и сђщђ и^мњнїю, н^и сђщђ тре'бникђ, н^и жречествђ, н^и проповњда'нїю”

⁴

занѐ дни̑ мнѡ́ги сѧ́дꙋтъ сы́нове і҆и҃лєвы, не сꙋ́щꙋ царю̀, ни сꙋ́щꙋ кнѧ́зю, ни сꙋ́щей же́ртвѣ, ни сꙋ́щꙋ же́ртвенникꙋ, ни жре́чествꙋ, нижѐ ꙗ҆вле́нїємъ:

⁵

И$ посеM ѓ^братяTся сн~ове і^и^л~и, и^ възыщTђ г~а б~а свое^го, и^ дв~да цр~я свое^го. и^ въсчюдяTся ѓ^ г~и и^ ѓ^ бл~гостяX е^го въ послњдняа дн~и”

⁵

и҆ посе́мъ ѡ҆братѧ́тсѧ сы́нове і҆и҃лєвы и҆ взы́щꙋтъ гдⷭ҇а бг҃а своего̀ и҆ даві́да царѧ̀ своего̀, и҆ почꙋдѧ́тсѧ ѡ҆ гдⷭ҇ѣ и҆ ѡ҆ бла́гостехъ є҆гѡ̀ въ послѣ̑днїѧ дни̑.

Глvа, д~”

¹

Слы'шите сло'во гн~е сн~ове і^и^л~и, ја%ко сђ'дъ гв~и къ в#селшиMся на земли. зане нњсть и%сᲄин#ны, н^и млsти н^и свњдњнїя бж~їя на земли`.

¹

Слы́шите сло́во гдⷭ҇не, сы́нове і҆и҃лєвы, ꙗ҆́кѡ сꙋ́дъ гдⷭ҇еви къ живꙋ́щымъ на землѝ: занѐ нѣ́сть и҆́стины, ни ми́лости, ни вѣ́дѣнїѧ бж҃їѧ на землѝ:

²

кля'тва, и^ л#жа, и^ ё^бо'и, и^ татьба, и^ любодња'нїе расыпа'лося по земли`, и^ кровь с кроvми смњша'ютъ”

²

клѧ́тва и҆ лжа̀, и҆ оу҆бі́йство и҆ татьба̀ и҆ любодѣѧ́нїе разлїѧ́сѧ по землѝ, и҆ кро́вь съ кровьмѝ мѣша́ютъ.

³

Сего ради и^ въскор#битъ земля`, и^ ё'малится сᲆ всњми всел#шимися на не'и, съ ѕбњремъ по'льским#, и^ сᲆ га'ды зе'мными, и^ съ пти'цами небе'сными. и^ ры'бы мор#скыя ѓ^скђдњю'тъ.

³

Сегѡ̀ ра́ди воспла́четсѧ землѧ̀ и҆ оу҆ма́литсѧ со всѣ́ми всели́вшимисѧ на не́й, со ѕвѣрьмѝ польски́ми и҆ съ га̑ды зємны́ми и҆ со пти́цами небе́сными, и҆ ры̑бы морскі̑ѧ ѡ҆скꙋдѣ́ютъ:

⁴

ја%ко да никтоже не приTся, н^и ѓ^блича'ется никто'же” Лю'дїе же мои` а^ки съпроти'въ гл~яи жрецъ,

⁴

ꙗ҆́кѡ да никто́же не при́тсѧ, ни ѡ҆блича́етсѧ никто́же: лю́дїе же моѝ а҆́ки прерѣка́емый жре́цъ,

⁵

и^ эTнемо'жеся вᲆ дн~ех#, и^ эTнемо'жеTся пррoкъ с тобо'ю но'щїю. к но'щи прит#кнђхъ мт~рь твою”

⁵

и҆ и҆знемо́жетъ во дне́хъ, и҆ и҆знемо́жетъ проро́къ съ тобо́ю: но́щи оу҆подо́бихъ ма́терь твою̀.

⁶

Оу^подоби'ша бо ся лю'дїе мои` а^ки не и^мђще ё^мњнїя. ја%ко т^ы ё^мњнїе эTве'рже, эTвръгђ и^ а'зъ тебе эT жречествова'ти мнњ`. и^ ја%ко забы'лъ е^си ꙁако'нъ б~а свое^го, забђдђ и^ а'зᲆ ча'да твоа`.

⁶

Оу҆подо́бишасѧ лю́дїе моѝ а҆́ки не и҆мꙋ́ще оу҆мѣ́нїѧ: ꙗ҆́кѡ ты̀ оу҆мѣ́нїе ѿве́рглъ є҆сѝ, ѿве́ргꙋ и҆ а҆́зъ тебѐ, є҆́же не жре́чествовати мнѣ̀, и҆ забы́лъ є҆сѝ зако́нъ бг҃а своегѡ̀, забꙋ́дꙋ и҆ а҆́зъ ча̑да твоѧ̑.

⁷

по мно'жествђ и^хъ та'ко съгрњшишA мнњ`, сла'вђ иX въ бесчесᲄїе положђ”

⁷

По мно́жествꙋ и҆́хъ та́кѡ согрѣши́ша мнѣ̀: сла́вꙋ и҆́хъ въ безче́стїе положꙋ̀.

⁸

Грњхи людїи мои^хъ и^ꙁъја^дятъ, и в неправда'хъ и^хъ въꙁмђтъ и^нїи дш~а и^хъ”

⁸

Грѣхѝ люді́й мои́хъ снѣдѧ́тъ и҆ въ непра́вдахъ и҆́хъ во́змꙋтъ дꙋ́шы и҆́хъ.

⁹

И$ бђдетъ ја%коже лю'дїе та'ко и^ жрецъ. и^ м#щђ в# нихъ пђти и^хъ и^ мышленїя и^хъ эTда'мъ и^мᲆ.

⁹

И҆ бꙋ́детъ ꙗ҆́коже лю́дїе, та́кѡ и҆ жре́цъ: и҆ ѿмщꙋ̀ на ни́хъ пꙋти̑ и҆́хъ, и҆ оу҆мышлє́нїѧ и҆́хъ возда́мъ и҆̀мъ.

¹⁰

и^ бђдђтъ ја%сти, и^ не насы'тятся. съблђди'ша, и^ не и^спра'вятся. поне'же г~а ѓ^ста'виша ја%ко снабдᲇти”

¹⁰

И҆ бꙋ́дꙋтъ ꙗ҆́сти и҆ не насы́тѧтсѧ: соблꙋди́ша и҆ не и҆спра́вѧтсѧ: поне́же гдⷭ҇а ѡ҆ста́виша є҆́же снабдѣ́ти.

¹¹

Блђдъ, и^ вино, и^ пїаничество прїяT срDце лю'дїи мои^хъ.

¹¹

Блꙋ́дъ и҆ вїно̀ и҆ пїѧ́нство прїѧ́тъ се́рдце люді́й мои́хъ.

¹²

зна'менїи въпрошахђ, и^ же'злы е^го повњда'хђ е^мђ. дх~омъ блђженїя прельстишася, и^ съблђди'ша эT б~а свое^го”

¹²

Въ зна́менїихъ вопроша́хꙋ и҆ въ жезлѣ́хъ свои́хъ повѣ́дахꙋ тѣ́мъ: дꙋ́хомъ блꙋже́нїѧ прельсти́шасѧ и҆ соблꙋди́ша ѿ бг҃а своегѡ̀:

¹³

ВръхоM гор#нымъ требы кладя'хђ, и^ холмоM ᲄребы полага'хђ. поD дђбоM, и^ поD бороM, и^ поD дђбомъ вњтвенемъ ја%ко добръ кро'въ” Сего ради блђ'дят# дщеря ва'ша, и^ невњсты ва'ша любодњюT”

¹³

на версѣ́хъ го́ръ кадѧ́хꙋ и҆ на холмѣ́хъ жрѧ́хꙋ под̾ дꙋ́бомъ и҆ под̾ є҆́лїю и҆ под̾ дре́вомъ вѣ́твеннымъ, ꙗ҆́кѡ до́бръ кро́въ: сегѡ̀ ра́ди соблꙋ́дѧтъ дщє́ри ва́шѧ, и҆ невѣ̑сты ва́шѧ возлюбодѣ́ютъ.

¹⁴

и^ не присњщђ дщерехъ ва'шихъ е^гда` блђ'дятъ, и^ невњсты ва'ша е^гда` любодњ'ютъ” ЈА/ко и^ тїи съ блDђники сᲆгрњзи'шася, и^ с# съвръшеными требы кладяхђ, и^ лю'дїе смысля'щеи съ блђдницею с#плета'хђся”

¹⁴

И҆ не присѣщꙋ̀ на дщє́ри ва́шѧ, є҆гда̀ соблꙋ́дѧтъ, и҆ на невѣ̑сты ва́шѧ, є҆гда̀ возлюбодѣ́ютъ: ꙗ҆́кѡ и҆ ті́и со блꙋдни́цами смѣси́шасѧ и҆ со блꙋдника́ми трє́бы жрѧ́хꙋ, и҆ лю́дїе смы́слѧщїи со блꙋдни́цею сплета́хꙋсѧ.

¹⁵

ᲄы же і^и^л~ю не неразђмњва'и, і^ё'да не в#ходи въ галга'лђ, и^ не въсходите в до'мъ ѓ%н#новъ. и^ не кла'няитеся госпо'демъ л#жи'вымъ.

¹⁵

Ты́ же, і҆и҃лю, не не разꙋмѣва́й, и҆ і҆ꙋ́до: не входи́те въ галга́лꙋ и҆ не восходи́те въ до́мъ ѡ҆́новъ, и҆ не клени́тесѧ гдⷭ҇емъ живы̑мъ.

¹⁶

ја^ко ю%ница стрњкомъ. стрњчема раꙁгорњся і^и^л~ь. нн~њ напасеть я& г~ь ја%ко те'лца на простран#нњ.

¹⁶

Занѐ ꙗ҆́коже ю҆́ница стрѣка́ломъ стрѣ́чема разсвирѣ́пѣ і҆и҃ль: нн҃ѣ оу҆пасе́тъ ѧ҆̀ гдⷭ҇ь, ꙗ҆́кѡ а҆́гнца на простра́нствѣ.

¹⁷

прича'стникᲆ кђми'ромъ е^фрњмᲆ, положи себњ` събла'зны,

¹⁷

Прича́стникъ кꙋмі́рѡмъ є҆фре́мъ положѝ себѣ̀ собла́зны,

¹⁸

и^ꙁволи ханане'я, блђдя'ще въз#блђдиша. възлю'биша безъчестїе эT меженїя е^мђ.

¹⁸

и҆збра̀ ханане́ѡвъ: блꙋдѧ́ще возблꙋди́ша, возлюби́ша безче́стїе ѿ хрепета́нїѧ своегѡ̀.

¹⁹

съвра'тъ дх~а е^мђ въсви'щетᲆ въ крылђ е^го, и^ срамятся эT тре'бникъ и^хъ”

¹⁹

Ви́хръ дꙋ́ха возсви́щетъ въ крилѣ́хъ свои́хъ, и҆ посра́мѧтсѧ ѿ тре́бищъ свои́хъ.

Глvа, е~”

¹

Слы'шите с^е жер#цы, и^ вон#мите домђ і^и^л~евъ, и^ до'ме цр~ь внђшите, ја%ко к# ва'мъ е^сть сђдъ. ја%ко прђгло бы'сте страж#бњ, и^ ја%ко мрежа препяᲄа въ и^тавїрїи

¹

Слы́шите сїѧ̑, жерцы̀, и҆ вонми́те, до́ме і҆и҃левъ, и҆ до́ме царе́въ, внꙋши́те, поне́же къ ва́мъ є҆́сть сꙋ́дъ: ꙗ҆́кѡ прꙋгло̀ бы́сте стражбѣ̀, и҆ ꙗ҆́коже мре́жа распросте́рта на і҆тавѷрі́и,

²

ловя'щїи сњти поток#ше. а^з же каза'тель вамъ,

²

ю҆́же ловѧ́щїи ло́въ поткнꙋ́ша, а҆́зъ же наказа́тель ва́мъ:

³

а^зъ ё^вњдњхъ е^фрема, и^ і^и~ль не эTстђпи эT мене. зане нн~њ съблђди е^фрем#, и^ ѓ^сквернися і^и^л~ь.

³

а҆́зъ позна́хъ є҆фре́ма, и҆ і҆и҃ль не ѿстꙋпѝ ѿ менє̀, занѐ нн҃ѣ соблꙋдѝ є҆фре́мъ, и҆ ѡ҆скверни́сѧ і҆и҃ль:

⁴

не положи'ша мышленїи свои^хъ възврати'тися къ б~ђ свое^мђ, ја%ко дх~ъ блђженїя е^сть в нихъ, и^ г~а не ёвњдњша”

⁴

не положи́ша помышле́нїй свои́хъ, є҆́же возврати́тисѧ къ бг҃ꙋ своемꙋ̀, ꙗ҆́кѡ дꙋ́хъ блꙋже́нїѧ є҆́сть въ ни́хъ, и҆ гдⷭ҇а не оу҆вѣ́дѣша.

⁵

И$ смириTся ё^кори'зна і^и^л~я в# лице е^мђ. і^ил~ь и^ е^фрMњ эTнемо'жетася в# непра'вдаX своиX, и^ эTнемо'жеTся і^ и^ё'да с ни'ми”

⁵

И҆ смири́тсѧ оу҆кори́зна і҆и҃лева въ лицѐ є҆мꙋ̀, и҆ і҆и҃ль и҆ є҆фре́мъ и҆знемо́гꙋтъ въ непра́вдахъ свои́хъ, и҆знемо́жетъ же и҆ і҆ꙋ́да съ ни́ми.

⁶

Съ ѓ%вцами и^ с теlцы пои^дђтъ възыска'ти г~а, и^ не ѓ^бря'щђтᲆ е^го, ё^клони бо ся эT ниX.

⁶

Со ѻ҆вца́ми и҆ телцы̑ по́йдꙋтъ взыска́ти гдⷭ҇а и҆ не ѡ҆брѧ́щꙋтъ є҆гѡ̀, оу҆клони́сѧ бо ѿ ни́хъ.

⁷

ја^ко г~а ѓ^ста'виша, ја^ко ча'да чюжDа породи'ша себњ. нн~њ поја^дятъ я& си'плеве и^ прича'стїя и^хᲆ”

⁷

Ꙗ҆́кѡ гдⷭ҇а ѡ҆ста́виша, ꙗ҆́кѡ ча̑да чꙋ̑жда породи́ша себѣ̀: нн҃ѣ поѧ́стъ ѧ҆̀ ржа̀, и҆ прича̑стїѧ и҆́хъ.

⁸

Въстрђби'те въстрђбите на хол#мњх#, въз#гласи'те на высокихъ, проповедите въ домђ ѓ%н#новњ. ё^жасеся венїаминъ,

⁸

Вострꙋби́те трꙋбо́ю на хо́лмѣхъ, возгласи́те на высо́кихъ, проповѣ́дите въ домꙋ̀ ѡ҆́новѣ, оу҆жасе́сѧ венїамі́нъ,

⁹

е^фрњмъ в# пагђбђ бы'сть въ дн~и накаꙁа'нїя, въ пле'менехъ і^и^л~евахъ ё^каꙁа'хъ вњрная.

⁹

є҆фре́мъ въ па́гꙋбꙋ бы́сть во дни̑ наказа́нїѧ: въ племенѣ́хъ і҆и҃левыхъ показа́хъ вѣ̑рнаѧ.

¹⁰

бы'ша кня'ѕи і^ёдины ја%ко прелага'ющеи ме'жда, на ня раꙁлњю ја^ко во'дђ гнњвъ свои”

¹⁰

Бы́ша кнѧ̑зи і҆ꙋ̑дины ꙗ҆́кѡ прелага́юще предѣ́лы: на нѧ̀ и҆злїю̀ ꙗ҆́кѡ во́дꙋ гнѣ́въ мо́й.

¹¹

Съдолњ же е^фрњмъ съпе'рника свое^го попра сђдъ ја%ко начатъ ходити въ слњдъ сђихъ.

¹¹

Соѡдолѣ̀ є҆фре́мъ сопе́рника своего̀, попра̀ сꙋ́дъ, ꙗ҆́кѡ нача̀ ходи́ти в̾слѣ́дъ сꙋ́етныхъ.

¹²

а%з же ја%ко мятежᲆ е^фрњмови, и^ ја%ко ѓ^сте'нь до'мђ і^ё'динђ.

¹²

А҆́зъ же ꙗ҆́кѡ мѧте́жъ є҆фре́мови и҆ ꙗ҆́кѡ ѻ҆сте́нъ до́мꙋ і҆ꙋ́динꙋ.

¹³

и^ вњсть е^фрњмᲆ ја%звђ свою, і^ и^ё'да бо'лњзнь свою. і^ и^де е^фрњмъ къ а^сљ=рїемъ, и^ пђсти послы` къ цр~ю и^а^ривђ, и^ то'и не мо'же и^ꙁба'вити ва'съ, и^ не преста'нетъ эT ваs бо'лњзнь”

¹³

И҆ ви́дѣ є҆фре́мъ не́мощь свою̀ и҆ і҆ꙋ́да болѣ́знь свою̀: и҆ и҆́де є҆фре́мъ ко а҆ссѷрі́ємъ и҆ посла̀ послы̀ ко царю̀ і҆арі́мꙋ: и҆ то́й не возмо́же и҆зцѣли́ти ва́съ, и҆ не преста́нетъ ѿ ва́съ болѣ́знь.

¹⁴

Зане а^зъ е^смь ја%ко паньџи'рь е^фрњмови, и^ ја%ко ле'въ до'мђ і^ё'динђ. и^ а'ꙁъ въсхищђ і^ и^дђ, и^ возмђ, и^ не бђдеT комђ эTја%ти”

¹⁴

Занѐ а҆́зъ є҆́смь ꙗ҆́кѡ панѳи́рь є҆фре́мови и҆ ꙗ҆́кѡ ле́въ до́мꙋ і҆ꙋ́динꙋ: и҆ а҆́зъ восхищꙋ̀, и҆ пойдꙋ̀, и҆ возмꙋ̀, и҆ не бꙋ́детъ и҆з̾има́ѧй:

¹⁵

И$дђ и^ въз#вращђся на мњсто свое и^ почїю, до'ндеже поги'бнђтъ и^ ѓ^братя'тся и^ възы'щTђ лица мое^го”

¹⁵

пойдꙋ̀ и҆ возвращꙋ́сѧ на мѣ́сто своѐ, до́ндеже поги́бнꙋтъ, и҆ взы́щꙋтъ лица̀ моегѡ̀.

Глvа, ѕ~”

¹

Съ скорбњнїемъ свои^мъ ё^раня'тъ къ мнњ`, гл~юще, и^демъ и^ ѓ^брати'мся къ г~ђ б~ђ на'шемђ. ја%ко то'и поби` н^ы, і^ и^сцњ'литъ н^ы. ја%з#витъ, и^ врачђ'етъ н^ы.

¹

Въ ско́рби свое́й оу҆́треневати бꙋ́дꙋтъ ко мнѣ̀, глаго́люще: и҆́демъ и҆ ѡ҆брати́мсѧ ко гдⷭ҇ꙋ бг҃ꙋ на́шемꙋ,

²

і^ и^сцњ'лит# н^ы по двою дн~ю. въ дн~ь третїи въскреснемъ, и^ живи бђдемъ преD ниM.

²

ꙗ҆́кѡ то́й побѝ ны̀, и҆ и҆зцѣли́тъ ны̀: оу҆ѧзви́тъ, и҆ оу҆врачꙋ́етъ ны̀:

³

и^ ё^вњмъ и^ поженемъ ё^вњдњти г~а. ја%ко свTњ гото'въ ѓ^бря'щемъ и& и^ прїидетъ намъ ја%ко дождь ра'ныи и^ поздны земли`”

³

и҆зцѣли́тъ ны̀ по двою̀ дню̑, въ де́нь тре́тїй воскре́снемъ и҆ жи́ви бꙋ́демъ пред̾ ни́мъ, и҆ оу҆вѣ́мы: пожене́мъ, є҆́же оу҆вѣ́дѣти гдⷭ҇а: ꙗ҆́кѡ оу҆́тро гото́во ѡ҆брѧ́щемъ є҆го̀, и҆ прїи́детъ на́мъ ꙗ҆́кѡ до́ждь ра́ннїй и҆ по́здный землѝ.

⁴

Чт^о т^и сътворю е^фрњме. чт^о т^и сътворю і^ё'до. млsть б^о ва'ша ја%ко ѓ%блакъ ё^тренїи, и^ ја^ко роса ра'но пада'ющїя”

⁴

Что́ ти сотворю̀, є҆фре́ме; что́ ти сотворю̀, і҆ꙋ́до; ми́лость бо ва́ша ꙗ҆́кѡ ѡ҆́блакъ оу҆́треннїй и҆ ꙗ҆́кѡ роса̀ ра́нѡ па́дающаѧ.

⁵

Сего ради пожа'хъ пррoки ва'ша, и^ побихъ я& словесемъ ё%стъ моиX, и^ сђдъ мои ја%ко свњтъ и^зы'идетъ.

⁵

Сегѡ̀ ра́ди пожа́хъ проро́ки ва́шѧ, оу҆би́хъ ѧ҆̀ словесе́мъ оу҆́стъ мои́хъ, и҆ сꙋ́дъ мо́й ꙗ҆́кѡ свѣ́тъ и҆зы́детъ.

⁶

зане млsти хощђ негли` требњ, и^ ё^вњдњнїе бж~їе нежели всесъж#женїе.

⁶

Занѐ ми́лости хощꙋ̀ а҆ не же́ртвы, и҆ оу҆вѣ́дѣнїѧ бж҃їѧ, не́жели всесожже́нїѧ.

⁷

сїи же сђть ја%ко чл~кᲆ престђпаяй завњт#, т^ђ преѓ^бидиша м^я гл~етъ г~ь.

⁷

Сі́и же сꙋ́ть ꙗ҆́кѡ человѣ́къ престꙋпа́ѧй завѣ́тъ: та́мѡ презрѣ́ша мѧ̀.

⁸

дњлаяй сђ'яа мђтя'щи во'дђ.

⁸

Галаа́дъ гра́дъ дѣ́лаѧй сꙋ́єтнаѧ, мꙋтѧ́й во́дꙋ,

⁹

а^ крњпость твоя` ја%ко мђжа и^скђша'юща. съкры'ша жер#цы пђть ё^би'ша сикљ=мђ, ја%ко безако'нїе сътвори'ша.

⁹

а҆ крѣ́пость твоѧ̀ ꙗ҆́кѡ мꙋ́жа морска́гѡ разбо́йника: скры́ша жерцы̀ пꙋ́ть гдⷭ҇ень, оу҆би́ша сїкі́мꙋ, ꙗ҆́кѡ беззако́нїе сотвори́ша.

¹⁰

в домђ` і^и^л~и ви'дњхъ т^ђ вещь гроꙁнђ, блђженїемъ е^фрᲇмовымъ ѓ^скверни'ся і^и^л~ь.

¹⁰

Въ домꙋ̀ і҆и҃левѣ ви́дѣхъ грѡ́знаѧ: та́мѡ блꙋже́нїе є҆фре́мово: ѡ҆скверни́сѧ і҆и҃ль и҆ і҆ꙋ́да.

¹¹

і^ и^ё'да ѓ^ста'ви жа'твђ свою, начни и^ма'ти вино свое, вънегда` възвраща'ю плњн#ники лю'дїи мои^хъ”

¹¹

Начнѝ ѡ҆б̾има́ти вїногра́дъ себѣ̀, є҆гда̀ возвращꙋ̀ плѣне́нїе люді́й мои́хъ.

Глvа, з~”

¹

Єнегда` и^сцњлю і^и^л~я, и^ эTкры'ется непра'вда е^фрњмова, и^ ꙁло'ба самарїиска ја%ко въꙁлюби'ша л#жђ. и^ та'ть к немђ вни'детъ, и^ съвлача и& раꙁбо'иникъ. на пђти е^мђ

¹

Є҆гда̀ и҆зцѣлю̀ і҆и҃лѧ, и҆ ѿкры́етсѧ непра́вда є҆фре́мова и҆ ѕло́ба самарі́йска, ꙗ҆́кѡ содѣ́лаша лжꙋ̀: и҆ та́ть къ немꙋ̀ вни́детъ, совлача́ѧй разбо́йникъ на пꙋтѝ є҆гѡ̀:

²

ја%коже вкђпњ спою'тъ, ја%ко пою'щи въ срDцы свое^мъ вс^я ꙁло'бы и^хъ помянђ'хъ. нн~њ ѓ^быидо'ша мя ра'ꙁвњтї и^хъ, проти'вђ лицђ м^и бы'ша”

²

ꙗ҆́кѡ да воспою́тъ вкꙋ́пѣ, а҆́ки пою́щїи се́рдцемъ свои́мъ. Всѧ̑ ѕлѡ́бы и҆́хъ помѧнꙋ́хъ: нн҃ѣ ѡ҆быдо́ша и҆̀хъ совѣ́ти и҆́хъ, проти́вꙋ лицꙋ̀ мѝ бы́ша.

³

Зло'бами свои^ми въꙁвесели'ша цр~я, и^ л#жа'ми свои^ми кн~ѕя”

³

Ѕло́бами свои́ми возвесели́ша царѧ̀ и҆ лжа́ми свои́ми кнѧзе́й.

⁴

вс^и любодњ'юще ја%ко пе'щь жего'ма на пече'нїе, и^ждеже'тъ я& эT пла'мене. эT примеше'нїя ма'сти, дон#деже въмњси'тся т^о вс^е.

⁴

Всѝ любодѣ́ющїи, ꙗ҆́кѡ пе́щь жего́ма на пече́нїе сожже́нїѧ ѿ пла́мене, ѿ примѣше́нїѧ тꙋ́ка, до́ндеже вски́снетъ то̀ всѐ.

⁵

въ дн~и цр~ь вашиX, нача'ша кн~ѕи ја^ри'тися эT вина`. простро'ша рђ'ки своя съ расыпа'тели.

⁵

Во дни̑ царе́й ва́шихъ нача́ша кнѧ̑зи ꙗ҆ри́тисѧ ѿ вїна̀, простро́ша рꙋ́ки своѧ̑ съ гꙋби́тельми:

⁶

ꙁане раꙁгорњшася ја%ко пе'щь срDца и^хᲆ внегда` пресњда'ютъ и^мъ. вс^ю нощ# сна` е^фрњ'мъ насыти'ся, ꙁаё%тра бы'сть и^ раꙁгорњся ја%ко ѓ%гнь пла'мене.

⁶

занѐ разгорѣ́шасѧ ꙗ҆́кѡ пе́щь сердца̀ и҆́хъ, внегда̀ оу҆стремлѧ́тисѧ и҆̀мъ: всю̀ но́щь сна̀ є҆фре́мъ насы́тисѧ, заꙋ́тра бы́сть, и҆ разгорѣ́сѧ ꙗ҆́кѡ пла́мень ѻ҆́гненный.

⁷

вс^и съгрњшася ја%ко пе'щь жего'ма, и^ ѓ'гнь и^ꙁ#ја%сть сђдїя и^хъ. вс^и цр~и и^хъ падоша, и^ не бњ` в ни'хъ моляися къ мнњ`”

⁷

Всѝ согрѣ́ѧшасѧ, ꙗ҆́кѡ пе́щь жего́ма, и҆ ѻ҆́гнь поѧдѐ сꙋді́й и҆́хъ: всѝ ца́рїе и҆́хъ падо́ша, не бѣ̀ въ ни́хъ молѧ́йсѧ ко мнѣ̀.

⁸

Є$фре'мъ вᲆ людеX самъ смњша'шеся. е^фрњ'мъ бы'сть погребенъ ѓ^прњснокъ не ѓ^бращаеM.

⁸

Є҆фре́мъ въ лю́дехъ свои́хъ са́мъ смѣсѧ́шесѧ, є҆фре́мъ бы́сть ѡ҆прѣсно́къ неѡбраща́емь.

⁹

иZјадо'ша чюжDїи крњ'пость е^го, сеи же не раꙁђмњ. н^о и^ сњди'ны ја^ви'шася на немъ, ѓ%н# же не поꙁна`”

⁹

И҆ снѣдо́ша чꙋжді́и крѣ́пость є҆гѡ̀, се́й же не разꙋмѣ̀: и҆ сѣди̑ны ꙗ҆ви́шасѧ на не́мъ, ѻ҆́нъ же не позна̀.

¹⁰

И$ смири'тся ё^кори'ꙁна і^и^л~ева в# лице е^мђ, и^ не въꙁврати'шася кᲆ г~ђ б~ђ свое^мђ, и^ не въꙁыска'ша е^го ѓ^ всемъ се'мъ”

¹⁰

И҆ смири́тсѧ оу҆кори́зна і҆и҃лева въ лицѐ є҆мꙋ̀: и҆ не возврати́шасѧ ко гдⷭ҇ꙋ бг҃ꙋ своемꙋ̀ и҆ не взыска́ша є҆гѡ̀ во всѣ́хъ си́хъ.

¹¹

и^ бња'ше е^фрњмᲆ ја%ко го'лђбъ не и^мы'и срDца. е^гљ=птїа моли'ша въ а^сљ=рїа и^до'ша.

¹¹

И҆ бѧ́ше є҆фре́мъ ꙗ҆́кѡ го́лꙋбь безꙋ́мный, не и҆мы́й се́рдца: є҆гѵ́пта молѧ́ше, и҆ во а҆ссѷрі́аны ѿидо́ша.

¹²

ја%коже бо и^дђтъ възложђ на' ня мре'жђ свою. ја^ко пти'ца нбsныа свергђ я&. накажђ я& въ слђхъ скор#бњ'нїя и^хъ”

¹²

Ꙗ҆́коже и҆́дꙋтъ, возложꙋ̀ на нѧ̀ мре́жꙋ мою̀, ꙗ҆́коже пти̑цы небє́сныѧ све́ргꙋ ѧ҆̀, накажꙋ̀ ѧ҆̀ въ слꙋ́хъ скорбѣ́нїѧ и҆́хъ.

¹³

Го'ре и^мъ, ја%ко эTскочи'ша эT мене. грњшни сђть, ја%ко нечествова'ша къ мнњ. а^ а'ꙁъ я& и^зба'вихъ, сїи же согл~аша до мене л#жђ.

¹³

Го́ре и҆̀мъ, ꙗ҆́кѡ ѿскочи́ша ѿ менє̀: боѧзли́ви сꙋ́ть, ꙗ҆́кѡ нече́ствоваша ко мнѣ̀: а҆́зъ же и҆зба́вихъ ѧ҆̀, сі́и же возглаго́лаша на мѧ̀ лжꙋ̀.

¹⁴

и не въꙁᲆпи'ша къ мнњ срDца иX, н^о пла'кахђся ѓ^ лжи и^х#. ѓ^ пшени'цђ и^ ѓ^ вино сᲇча'хђся.

¹⁴

И҆ не возопи́ша ко мнѣ̀ сердца̀ и҆́хъ, но пла́кахꙋсѧ на ло́жахъ свои́хъ: ѡ҆ пшени́цѣ и҆ вїнѣ̀ сѣча́хꙋсѧ.

¹⁵

накажTђся мно'ю. а^з# же ё^крњпихъ мы'шцђ и^хъ, и^ къ мнњ помы'слиша ѕл^њ.

¹⁵

Нака́жꙋтсѧ мно́ю, а҆́зъ же оу҆крѣпи́хъ мы́шцꙋ и҆́хъ, и҆ на мѧ̀ помы́слиша ѕла̑ѧ.

¹⁶

съврати'шася ни въчтоже, бы'ша ја%ко лђ'къ напря'женъ” Падђтся кн~ѕи и^хъ мечемъ, ненакаꙁа'нїа дњ'ла ја^ꙁы'ка и^хъ. с^и зло'ба и^хъ въ ꙁемли` е^гљ=пеTстњи”

¹⁶

Соврати́шасѧ ни во что́же, бы́ша ꙗ҆́кѡ лꙋ́къ напрѧже́нъ: падꙋ́тсѧ кнѧ̑зи и҆́хъ мече́мъ ра́ди ненаказа́нїѧ ꙗ҆зы́ка своегѡ̀. Сїѐ рꙋга́нїе и҆́хъ въ землѝ є҆гѵ́петстѣй.

Глvа, и~”

¹

ЈАко ꙁемля` непроходи'ма, ја%ко трђба, ја%ко ѓ^ре'лъ въ до'мђ гн~и. поне'же престђпи'ша ꙁавњтъ мои, и^ на ꙁако'нъ мои нечествова'шA.

¹

Въ нѣ́дрѣ и҆́хъ, ꙗ҆́кѡ землѧ̀ непроходи́ма, ꙗ҆́кѡ ѻ҆ре́лъ въ домꙋ̀ гдⷭ҇ни: поне́же престꙋпи́ша завѣ́тъ мо́й и҆ на зако́нъ мо́й нече́ствоваша.

²

къ мнњ възовђтъ, б~е поꙁна'хом# т^я,

²

Ко мнѣ̀ воззовꙋ́тъ: бж҃е, позна́хомъ тѧ̀,

³

ја%ко і^и^л~ь воZврати бл~гая враги б^о прогна'ша”

³

ꙗ҆́кѡ і҆и҃ль ѿврати́сѧ благи́хъ, врага̀ прогна́ша.

⁴

Сами цр~я поста'виша, а^ не мною нача'ша. кня'ѕи ё^ста'виша, и^ не ја^ви'ша м^и. съ сребра` свое^го и^ зла'та сътвори'ша себњ кђми'ры, ја%ко да потребя'тся”

⁴

Са́ми себѣ̀ царѧ̀ поста́виша, а҆ не мно́ю, нача́лствоваша, и҆ не ꙗ҆ви́ша мѝ: ѿ сребра̀ своегѡ̀ и҆ ѿ зла́та своегѡ̀ сотвори́ша себѣ̀ кꙋмі́ры, ꙗ҆́кѡ да потребѧ́тсѧ.

⁵

эTврьзи те'лець свои самарїе, раз#гнњ'вася ја%рость моя на' ня. до чесо не мо'гђтъ ё^чиститися и^же въ і^и^л~и.

⁵

Сокрꙋшѝ телца̀ твоего̀, самарі́е, разгнѣ́васѧ ꙗ҆́рость моѧ̀ на нѧ̀: доко́лѣ не мо́гꙋтъ ѡ҆чи́ститисѧ, и҆̀же во і҆и҃ли;

⁶

и^ т^о древодњля сътвори`, и^ нњсть б~ъ. ꙁане` л#стя` бя'ше те'лець твои самарїе”

⁶

И҆ то̀ древодѣ́ль сотворѝ, и҆ нѣ́сть бг҃ъ: занѐ льстѧ́й бѧ́ше теле́цъ тво́й, самарі́е.

⁷

ЈА/ко вњтромъ и^сте'пено всњяша, и^ раꙁрDђше'нїе иX пожде'тъ и^хъ, съ гор#сть не и^мы'и си'лы да сътвори'тъ мђкђ`. а^щеy и^ сътвори'тъ, т^о и'нїи и^з#ја^дяT ю&”

⁷

Ꙗ҆́кѡ вѣ́тромъ и҆стлѣ́но всѣ́ѧша, и҆ разрꙋше́нїе и҆́хъ прїи́метъ ѧ҆̀: рꙋкоѧ́ть не и҆мꙋ́щаѧ си́лы є҆́же сотвори́ти мꙋкꙋ̀, а҆́ще же и҆ сотвори́тъ, то̀ чꙋжді́и поѧдѧ́тъ ю҆̀.

⁸

Погря'зе і^и^л~ь, нн~њ бы'сть въ страна'хъ ја%ко сосђдъ непотре'бен#.

⁸

Поглоще́нъ бы́сть і҆и҃ль, нн҃ѣ бы́сть во ꙗ҆зы́цѣхъ ꙗ҆́кѡ сосꙋ́дъ непотре́бенъ,

⁹

тїи възыдо'ша въ а^сљ=рїю. процвњте ѓ^ себњ въ мнњ`, е^фрᲇмъ м#здђ възлюби`.

⁹

поне́же ті́и взыдо́ша ко а҆ссѷрі́анѡмъ: процвѣтѐ ѡ҆ себѣ̀ є҆фре́мъ, да́ры возлюбѝ.

¹⁰

сего ради преда'сться въ страны`, нн~њ преждђ` и^хъ. да почїют# ма'ло помаза'ти цр~я и^ кн~ѕя.

¹⁰

Сегѡ̀ ра́ди предадꙋ́тсѧ во ꙗ҆зы́ки: нн҃ѣ воспрїимꙋ̀ и҆̀хъ, и҆ почі́ютъ ма́лѡ є҆́же пома́зати царѧ̀ и҆ кнѧ̑зи.

¹¹

ја%ко ё^множи` е^фрᲇмъ тре'бникь, въ грњхъ бы'ша е^мђ.

¹¹

Ꙗ҆́кѡ оу҆мно́жи є҆фре́мъ трє́бища, во грѣхѝ бы́ша є҆мꙋ̀ трє́бища возлю́блєннаѧ.

¹²

въпиши` е^мђ мно'жество ꙁако'нъ е^го. въ чю'ждая намени'шася тре'бницы въꙁлю'бленїи.

¹²

Впишꙋ̀ є҆мꙋ̀ мно́жество, и҆ закѡ́ннаѧ є҆гѡ̀ въ чꙋжда̑ѧ вмѣни́шасѧ трє́бища возлю́блєннаѧ.

¹³

тњм#же а^ще и^ поло'жаT тре'бђ і^ и^ꙁъја^дя'тъ мя'са, г~ь не прїимеT и^хъ. нн~њ помяне'тъ неправды иX, и^ м#сти'тъ грњхъ и^хъ. тїи въ е^гљ=петъ възврати'шася, и^ въ а^сљрїиX нечи'стая и^ꙁъја%дя'тъ.

¹³

Тѣ́мже а҆́ще и҆ пожрꙋ́тъ же́ртвꙋ и҆ снѣдѧ́тъ мѧса̀, гдⷭ҇ь не прїи́метъ и҆́хъ: нн҃ѣ помѧне́тъ непра̑вды и҆́хъ и҆ ѿмсти́тъ грѣхѝ и҆́хъ: ті́и во є҆гѵ́петъ возврати́шасѧ и҆ во а҆ссѷрі́и нечи̑стаѧ снѣдѧ́тъ.

¹⁴

и^ ꙁабы` і^ил~ь сътво'ршаго и&, и^ възъгради` тре'бища. і^ и^ё'да ё^мно'жи гра'ды ё^твержены, н^о послю` ѓ'гнь на гра'ды е^го и^ потреби'тъ ко'ренїя и^х#”

¹⁴

И҆ забы̀ і҆и҃ль сотво́ршаго и҆̀ и҆ возградѝ трє́бища, и҆ і҆ꙋ́да оу҆мно́жи гра́ды оу҆тверждє́ны: но послю̀ ѻ҆́гнь на гра́ды є҆гѡ̀, и҆ потреби́тъ ѡ҆снова̑нїѧ є҆гѡ̀.

Глvа, џ~”

¹

Не ра'дђися і^ил~ю, н^и весели'ся ја%коже и^ лю'дїе, ја^ко съблђдиl е^си эT г~а б~а свое^го. възлюби` даа'нїа на всXњ гђмнXњ пшени'ца.

¹

Не ра́дꙋйсѧ, і҆и҃лю, ни весели́сѧ ꙗ҆́коже лю́дїе, поне́же соблꙋди́лъ є҆сѝ ѿ гдⷭ҇а бг҃а твоегѡ̀: возлюби́лъ є҆сѝ даѧ̑нїѧ на всѧ́цѣмъ гꙋмнѣ̀ пшени́цы.

²

и^ тњскъ не поꙁна ихъ, и^ вино` сълга` и^мъ”

²

Гꙋмно̀ и҆ точи́ло не позна̀ и҆́хъ, и҆ вїно̀ солга̀ и҆̀мъ.

³

Не всели'шася на ꙁемли` гн~и. вселися е^фре'мъ въ е^гљ=птњ, и^ въ а^сљ=рїихъ и^ꙁъја%дя'тъ нечи'стая”

³

Не всели́шасѧ на землѝ гдⷭ҇ни: всели́сѧ є҆фре́мъ во є҆гѵ́птѣ, и҆ во а҆ссѷрі́ахъ снѣдѧ́тъ нечи̑стаѧ.

⁴

не въꙁлїаша гв~и вина`, и^ не ё^сладњша е^мђ. тре'бы и^хъ ја%ко хлњбъ жа'лостныи, вс^и ја%дђщеи ѓ^скверня'тся. понеже хлњби и^хъ дш~ь и^хъ, не вни'дђтъ въ до'мъ гн~ь.

⁴

Не возлїѧ́ша гдⷭ҇еви вїна̀, и҆ не оу҆слади́шасѧ є҆мꙋ̀ трє́бы и҆́хъ, ꙗ҆́кѡ хлѣ́бъ жа́лости и҆̀мъ: всѝ ꙗ҆дꙋ́щїи ты̑ѧ ѡ҆сквернѧ́тсѧ: поне́же хлѣ́бы и҆́хъ дꙋ́шъ и҆́хъ, не вни́дꙋтъ въ до́мъ гдⷭ҇ень.

⁵

чт^о сътво'рятъ въ дн~ь сон#ма, и^ въ дн~ь празDника гн~я.

⁵

Что̀ сотворитѐ во дне́хъ торжества̀ и҆ въ де́нь пра́здника гдⷭ҇нѧ;

⁶

сего ра'ди с^е по'идђтъ эT трђда е^гљ=пеTска, и^ пожде'тъ и^хъ мем#фи'съ, и^ потреби'тъ я& мах#ма'съ. сребро` иX пагђба прича'стїе, трънїе въ двореX и^мъ”

⁶

Сегѡ̀ ра́ди, сѐ, по́йдꙋтъ ѿ трꙋда̀ є҆гѵ́петска, и҆ прїи́метъ и҆̀хъ ме́мфїсъ, и҆ погребе́тъ ѧ҆̀ махма́съ: сребро̀ и҆́хъ па́гꙋба наслѣ́дитъ, те́рнїе во дворѣ́хъ и҆́хъ.

⁷

Приспњва'ютᲆ дн~їе м#ще'нїа твое^го. и^ ѓ^зли'тся і^и^л~ь ја%ко прoркᲆ несмы'сленъ чл~къ нося'и дх~ъ. эT мно'жества непра'вдъ твоихъ ё^мно'жися и^ꙁъё^мле'нїе.

⁷

Приспѣ́ша дні́е ѿмще́нїѧ твоегѡ̀, прїидо́ша дні́е воздаѧ́нїѧ твоегѡ̀, и҆ ѡ҆ѕло́битсѧ і҆и҃ль, ꙗ҆́коже проро́къ и҆зꙋмле́нный, человѣ́къ дꙋ́хомъ носи́мый: ѿ мно́жества непра́вдъ твои́хъ оу҆мно́жисѧ и҆зꙋмле́нїе твоѐ.

⁸

стражба` е^фрњмъ съ бм~ъ, прoркъ прђгло лђка'во на пђтехъ е^мђ, и^ꙁъё^мле'нїе в# домђ б~а е^го ё^тверди`,

⁸

Стра́жъ є҆фре́мъ съ бг҃омъ, проро́къ прꙋгло̀ стропти́во на всѣ́хъ пꙋте́хъ є҆гѡ̀: и҆зꙋмле́нїе въ домꙋ̀ бж҃їи оу҆тверди́ша.

⁹

і^ и^стлᲇша по днемъ хол#ма. въспомянетъ непра'вды и^хъ м#ще'нїе грњхъ и^хъ”

⁹

Растлѣ́шасѧ по днє́мъ хо́лма: воспомѧне́тъ непра̑вды и҆́хъ, ѿмсти́тъ грѣхѝ и҆́хъ.

¹⁰

ЈА/ко гро'знъ въ пђсты'ни ѓ^брњто'хъ і^и^л~я, и^ ја^ко стра'жъ на смоко'вницы ра'н#ны ё^ви'дњхъ эTц~а и^хъ. сїи же внидо'ша къ вельфегорђ, и^ эTлђчи'шася на стыдњ'нїе. и^ бы'ша възлю'бленїи ја^ко гню'сни.

¹⁰

Ꙗ҆́коже гре́знъ въ пꙋсты́ни ѡ҆брѣто́хъ і҆и҃лѧ и҆ ꙗ҆́кѡ стра́жа на смоко́вницѣ ра́ннѧго оу҆ви́дѣхъ ѻ҆тцы̀ и҆́хъ: ті́и внидо́ша ко веельфегѡ́рꙋ и҆ ѿчꙋжди́шасѧ на стыдѣ́нїе, и҆ бы́ша ме́рзостнїи ꙗ҆́коже возлю́бленнїи.

¹¹

е^фрᲇмъ ја%ко птицA залетњ`. сла'вы и^хъ эT порожде'нїи эT бо'лњзни ё^тро'бы ражда'ющая, и^ эT зача'тїи.

¹¹

Є҆фре́мъ ꙗ҆́кѡ пти́ца ѿлетѣ̀, сла̑вы и҆́хъ ѿ порожде́нїй и҆ болѣ́зней и҆ ѿ зача́тїй.

¹²

и^мже а^ще и^ въскръмятъ ча'да своя, беꙁ ниX бђдђтъ эT чл~къ. тњмже и^ лю'тњ имъ е^сть зане` ѓ^ста'виX я&” плоᲄь моя` эT ниX”

¹²

Тѣ́мже а҆́ще и҆ воско́рмѧтъ ча̑да своѧ̑, безча̑дны бꙋ́дꙋтъ ѿ человѣ̑къ: поне́же и҆ лю́тѣ и҆̀мъ є҆́сть, (занѐ ѡ҆ста́вихъ ѧ҆̀,) пло́ть моѧ̀ ѿ ни́хъ.

¹³

Є$фрњмъ ја%ко ви'дњхъ в лови'твњ преDпоста'ви ча'да своя. і^ е^фрњмъ и^зведе` на ꙁаколе'нїе чада е^го.

¹³

Є҆фре́мъ, ꙗ҆́коже ви́дѣхъ, въ лови́твꙋ предпоста́виша ча̑да своѧ̑, и҆ є҆фре́мъ є҆́же и҆звестѝ на заколе́нїе ча̑да своѧ̑.

¹⁴

да'жDь и^мъ г~и, чт^о даси` и^мъ. да'жDь иM ё^тро'бђ неплодя'щђся, и^ съсцы сђхи”

¹⁴

Да́ждь и҆̀мъ, гдⷭ҇и: что̀ да́си и҆̀мъ; да́ждь и҆̀мъ оу҆тро́бꙋ неплодѧ́щꙋю и҆ сосцы̀ сꙋ̑хи.

¹⁵

Вс^я ѕло'бы и^хъ в# галга'лњх# ја^ко т^ђ и^хъ въꙁненавидXњ. ѕло'бы ради хђдожествъ и^хъ, и^з домђ свое^го и^жDенђ я&. к#семђ да не приложђ` люби'ти и^хъ.

¹⁵

Всѧ̑ ѕлѡ́бы и҆́хъ во галга́лѣхъ, ꙗ҆́кѡ та́мѡ и҆̀хъ возненави́дѣхъ за ѕлѡ́бы начина́нїй и҆́хъ: и҆з̾ до́мꙋ моегѡ̀ и҆зженꙋ̀ ѧ҆̀, (ксемꙋ̀) не приложꙋ̀ люби́ти и҆̀хъ:

¹⁶

вс^и кня'ѕи и^хъ не покоря'тся” Поболњ` е^фрњмъ, ко'ренїе е^го и^схоша, пло'да ксемђ` да не принесе'тъ. поне'же а^ще и^ поро'дят#, побїю по'мыслы ё^тро'бы и^хъ”

¹⁶

всѝ кнѧ̑зи и҆́хъ непокори́ви. Поболѣ̀ є҆фре́мъ: коре́нїе є҆гѡ̀ и҆зсхо́ша, плода̀ ксемꙋ̀ да не принесе́тъ: поне́же а҆́ще и҆ породѧ́тъ, побїю̀ вожделѣ̑ннаѧ оу҆тро́бъ и҆́хъ.

¹⁷

эTринеT я& б~ъ ја%ко не послђшаша е^го, и^ бђдTђ прише'лцы в# странаX”

¹⁷

Ѿри́нетъ ѧ҆̀ бг҃ъ, ꙗ҆́кѡ не послꙋ́шаша є҆гѡ̀, и҆ бꙋ́дꙋтъ заблꙋжда́ющїи въ ꙗ҆зы́цѣхъ.

Глvа, і~”

¹

ВинограD бл~голо'зенъ і^и^л~ь плоD ѓ^би'ленъ е^го. по мно'жествђ плода е^го ё^мно'жи тре'бники. по бл~готамъ ꙁемля` е^го въꙁ#гради ка'пища.

¹

Вїногра́дъ благоло́зенъ і҆и҃ль, пло́дъ ѻ҆би́ленъ є҆гѡ̀: по мно́жествꙋ плодѡ́въ є҆гѡ̀ оу҆мно́жи трє́бища, по благота́мъ землѝ є҆гѡ̀ возградѝ ка̑пища.

²

раздњли'ша срDца своя`, нн~њ поги'бнђтъ. са'мъ раскопа'етъ тре'бники и^хъ, съкрђшитъ кђми'ры и^хъ.

²

Раздѣли́ша сердца̀ своѧ̑, нн҃ѣ поги́бнꙋтъ: са́мъ раскопа́етъ трє́бища и҆́хъ, сокрꙋша́тсѧ кꙋмі́ры и҆́хъ.

³

и%мже нн~њ рекђтъ, нњсть цр~я в на'съ. ја%ко не боя'хомъся г~а, цр~ь же чт^о сътворитъ на'мъ.

³

Тѣ́мже нн҃ѣ рекꙋ́тъ: нѣ́сть царѧ̀ въ на́съ, ꙗ҆́кѡ не боѧ́хомсѧ гдⷭ҇а: ца́рь же что̀ сотвори́тъ на́мъ;

⁴

гл~я словеса` и^ завњты, л#же'ю ꙁавњщаюT ꙁавњтъ, проѕя'бнетъ сђдъ а^ки тро'скот# на цњли'ꙁнњ.

⁴

Глаго́лѧй словеса̀ и҆звине́нїѧ лѡ́жнаѧ завѣща́етъ завѣ́тъ: прозѧ́бнетъ сꙋ́дъ а҆́ки тро́скотъ на лѧди́нѣ се́лнѣй.

⁵

телцђ до'мђ ѓ%н#нова ѓ^бита'ютъ в#сели'вшїися въ самарїю. ја%ко желњша лю'дїе е^го к немђ, и^ ја^коy раZгнњва я& порадђюTся на сла'вњ е^го ја^ко пресели'ся эT ниX.

⁵

Оу҆ телца̀ до́мꙋ ѡ҆́нова воз̾ѡбита́ютъ живꙋ́щїи въ самарі́и, ꙗ҆́кѡ пла́кашасѧ лю́дїе є҆гѡ̀ ѡ҆ не́мъ: и҆ ꙗ҆́коже разгнѣ́ваша є҆го̀, пора́дꙋютсѧ ѡ҆ сла́вѣ є҆гѡ̀, ꙗ҆́кѡ пресели́сѧ ѿ ни́хъ.

⁶

и^ въ а^сљ=рїю же связа'вша и& эTведоша въ да'рᲆ і^а^ри'вђ цр~ю” Є$фрњмъ прїиметъ срамᲆ, и^ срами'тся і^и^л~ь ѓ^ совњтњ свое^мъ.

⁶

И҆ свѧза́вше є҆го̀, во а҆ссѷрі́ю ѿведо́ша въ да́ръ царю̀ і҆арі́мꙋ: въ да́ръ є҆фре́мъ прїи́метсѧ, и҆ оу҆срами́тсѧ і҆и҃ль ѡ҆ совѣ́тѣ свое́мъ.

⁷

эTвръже самарїя цр~я свое^го а^ки ро'ꙁгђ на лице водњ.

⁷

Ѿве́рже самарі́а царѧ̀ своего̀, а҆́ки хвра́стїе на лицы̀ воды̀.

⁸

н^иꙁ#вергђтся требища ѓ%н#нова сᲆгрњшенїя і^и^л~ева. те'рнїе и^ во'лчецᲆ воꙁни'кнетъ по тре'бникомъ и^хъ. и^ рекђтъ къ гора'мъ покры'ите н^ы, и^ хол#момъ падњте на насᲆ.

⁸

И҆зве́ргꙋтсѧ трє́бища ѡ҆́нѡва согрѣшє́нїѧ і҆и҃лєва, те́рнїе и҆ волче́цъ возни́кнꙋтъ на тре́бищихъ и҆́хъ: и҆ рекꙋ́тъ къ гора́мъ: покры́йте ны̀: и҆ холмѡ́мъ: пади́те на ны̀.

⁹

эTнелњ хол#ми съгрњши і^и^л~ь, т^ђ поста'виша, не постигнетъ и^хᲆ на хол#мњ. ра'тна ча'да непра'вды

⁹

Ѿне́лѣже хо́лми, согрѣшѝ і҆и҃ль: та́мѡ ста́ша: не пости́гнетъ и҆́хъ на холмѣ̀ ра́ть, на ча̑да непра́вды.

¹⁰

прїиди, накажђ я& помышленїю мое^мђ. и^ сᲆберђтся лю'дїе на ня внегда` наказђ'ют# я& въ дво'ю непра'вдахъ иX”

¹⁰

Прїи́де наказа́ти и҆̀хъ по жела́нїю моемꙋ̀: и҆ соберꙋ́тсѧ лю́дїе на нѧ̀, внегда̀ наказа́тисѧ и҆̀мъ во двою̀ непра́вдахъ свои́хъ.

¹¹

Є$фрњмᲆ ю%ница неё^чена лю'битъ ѓ^долњнїе, а%з же наи^дђ на добротђ` вы'я ея`. настђплю е^фрњмови, ё^молчю эT і^ё'ды, ё^крњпи'тъ е^мђ і^а'ковъ.

¹¹

Є҆фре́мъ ю҆́ница наꙋче́наѧ, є҆́же люби́ти прѣ́нїе: а҆́зъ же найдꙋ̀ на добро́тꙋ вы́и є҆ѧ̀, настꙋплю̀ на є҆фре́ма, оу҆молчꙋ̀ ѡ҆ і҆ꙋ́дѣ, оу҆крѣпи́тсѧ себѣ̀ і҆а́кѡвъ.

¹²

сњ'ите себњ въ пра'вдђ, и^ пожнете плоD жи'тъ. и^ просвњтњте себњ` свњтᲆ видњнїя. до'ндеже время въꙁыщи'те г~а, до'ндеже прїидђтъ ва'мъ жиᲄа пра'вды”

¹²

Сѣ́йте себѣ̀ въ пра́вдꙋ, собери́те пло́дъ живота̀, просвѣти́те себѣ̀ свѣ́тъ вѣ́дѣнїѧ, до́ндеже вре́мѧ, взыщи́те гдⷭ҇а, до́ндеже прїи́дꙋтъ ва́мъ жи̑та пра́вды.

¹³

Въскђ'ю премолчасᲄе безако'нїе, и^ плоD е^го ѓ^бъи^ма'сте, и^ꙁъја%сте плоD лжа`. ја%ко ё^пова ѓ^рђжїемъ свои^мъ въ мно'жествњ си'лы твое'я.

¹³

Вскꙋ́ю премолча́сте нече́стїе, и҆ непра̑вды є҆гѡ̀ ѡ҆б̾има́сте, и҆з̾ѧдо́сте пло́дъ лжи́въ; ꙗ҆́кѡ оу҆пова́лъ є҆сѝ на ѻ҆рꙋ́жїе твоѐ, во мно́жествѣ си́лы твоеѧ̀.

¹⁴

и^ вᲆста'нетᲆ па'гђба в лю'деX твои^хᲆ, поги'бнђтъ ја%коже поги'бе и^ кня'ѕь сал#мана в домђ` а^рвеи%ли въ дн~и ра'тны, ма'терь по ча'дњхъ потреби'ша.

¹⁴

И҆ воста́нетъ па́гꙋба въ лю́дехъ твои́хъ, и҆ всѧ̑ ѡ҆гра̑ды твоѧ̑ поги́бнꙋтъ, ꙗ҆́коже (поги́бе) кнѧ́зь салама́нъ ѿ до́мꙋ і҆еровоа́млѧ, во дни̑ ра̑тны ма́терь ѡ҆ ча̑да разби́ша:

¹⁵

та'коже сътворю` ваM до'ме і^и^л~въ эT лица зло'бы ва'шея”

¹⁵

та́кѡ сотворю̀ ва́мъ, до́ме і҆и҃левъ, ѿ лица̀ непра́вды ѕло́бъ ва́шихъ.

Глvа, а~і”

¹

Заё%тра эTвръгошася ја%ко заря эTве'ржеся цр~ь і^и^л~вь. и%мже младе'нецъ і^и^л~ь, и^ а'ꙁъ въꙁлю'бихъ и&. и^ꙁъ е^гљ=пта въꙁваX сн~а мое^го.

¹

Заꙋ́тра ѿверго́шасѧ, ѿве́ржесѧ ца́рь і҆и҃левъ, поне́же младе́нецъ і҆и҃ль, и҆ а҆́зъ возлюби́хъ є҆го̀ и҆ и҆з̾ є҆гѵ́пта воззва́хъ сы́на моего̀.

²

ја%коже приꙁва'хъ я&, та'кожDе эTхожда'хђ эT лица` мое^го” сїи же ваа^лимђ требђ кладя'хђ, і^ и^звая'нымъ кадя'хђ.

²

Ꙗ҆́коже призва́хъ ѧ҆̀, та́кожде ѿхожда́хꙋ ѿ лица̀ моегѡ̀: ті́и ваалі́мꙋ тре́бꙋ жрѧ́хꙋ и҆ и҆зва̑ѧнымъ кадѧ́хꙋ.

³

а^з# же помогох# е^фрњмови, вꙁя'хъ и& на мы'шцђ свою`, и^ не разђмњша ја^ко и^сцᲇлихъ я&.

³

А҆́зъ же свѧза́хъ є҆фре́ма, взѧ́хъ є҆го̀ на мы́шцꙋ мою̀, и҆ не разꙋмѣ́ша, ꙗ҆́кѡ и҆зцѣли́хъ ѧ҆̀.

⁴

въ и^стлњнїи чл~чьстњ привлекоX я& нака'заны любленїя мое^го” И$ бђдђ и^мъ ја%ко ё^даряа'й чл~ка за челюсти, възрю` к немђ и^ премогђ е^мђ.

⁴

Во и҆стлѣ́нїи человѣ́честѣ привлеко́хъ ѧ҆̀ оу҆́зами любле́нїѧ моегѡ̀, и҆ бꙋ́дꙋ и҆̀мъ ꙗ҆́кѡ оу҆дарѧ́ѧй человѣ́къ по че́люстемъ є҆гѡ̀: и҆ воззрю̀ къ немꙋ̀ и҆ премогꙋ̀ є҆мꙋ̀.

⁵

всели'ся е^фреM въ е^гљ=петъ, а^сљ=р же самъ цр~ь е^го ја%ко не въсхотњ възврати'тися.

⁵

Всели́сѧ є҆фре́мъ во є҆гѵ́птѣ, а҆ссꙋ́ръ же са́мъ ца́рь є҆гѡ̀, ꙗ҆́кѡ не восхотѣ̀ возврати́тисѧ.

⁶

и^ эTнемо'жеся ѓ^рђжїе въ гра'дњхъ иX, и^ ё^молче въ рђ'кђ е^го, і^ и^зъја^дя'тъ эT развњтъ свои^хъ”

⁶

И҆ и҆знемо́же ѻ҆рꙋ́жїе во градѣ́хъ є҆гѡ̀, и҆ оу҆молчѐ въ рꙋкꙋ̀ є҆гѡ̀: и҆ снѣдѧ́тъ ѿ оу҆мышле́нїй свои́хъ.

⁷

и^ лю'дїе е^го вися'ще эT ѓ^биᲄа'нїя е^го. и^ б~ъ на честная е^го разгнњ'вается и^ не възнесетъ е^го”

⁷

И҆ лю́дїе є҆гѡ̀ ви́сѧще ѿ ѡ҆бита́нїѧ своегѡ̀: и҆ бг҃ъ на чєстна́ѧ є҆гѡ̀ разгнѣ́ваетсѧ, и҆ не вознесе́тъ є҆гѡ̀.

⁸

Что` т^я ё^строю` е^фрњме, защищђ т^я і^и^л~ю. что` т^я положђ ја%ко и^ а^да'ма, ё^строю` т^я ја%ко и^ севои'мᲆ. превратися срDце мое, в семъ смяᲄеся раскаа'нїе мое.

⁸

Что́ тѧ оу҆стро́ю, є҆фре́ме; защищꙋ́ ли тѧ̀, і҆и҃лю; что́ тѧ положꙋ̀; Ꙗ҆́коже а҆дамꙋ̀ оу҆стро́ю тѧ̀, и҆ ꙗ҆́коже севоі́мъ, преврати́сѧ се́рдце моѐ въ не́мъ, смѧте́сѧ раска́ѧнїе моѐ.

⁹

не сътворю` по гнњвђ ја^рости мое'я. не ѓ^ста'влю ја%ко потреби'тися е^фрњмови, зане б~ъ а^зъ е^смь а^ не чл~къ, въ тебњ` ст~ъ. и^ не вни'дђ въ гра'дъ

⁹

Не сотворю̀ по гнѣ́вꙋ ꙗ҆́рости моеѧ̀, не ѡ҆ста́влю є҆́же потреби́тисѧ є҆фре́мови, занѐ бг҃ъ а҆́зъ є҆́смь, а҆ не человѣ́къ: въ тебѣ̀ ст҃ъ, и҆ не вни́дꙋ во гра́дъ.

¹⁰

въ слњдъ г~а ходи'ти” ЈА/ко ле'вᲆ възреветъ, ја%ко то'и възреве'тъ, и^ ё^жаснTђся ча'да живоT”

¹⁰

Вслѣ́дъ гдⷭ҇а и҆́мамъ ходи́ти: ꙗ҆́кѡ ле́въ возреве́тъ, поне́же то́й возреве́тъ, и҆ оу҆жа́снꙋтсѧ ча̑да во́дъ,

¹¹

И$ прїидђтъ ја%ко пти'ца иZ е^гљ=пта, и ја^ко го'лђбᲆ эT земля` а^сљ=р#скы. и^ ё^ста'влю я& в# домохъ иX, гл~етъ г~ь”

¹¹

и҆ прїи́дꙋтъ ꙗ҆́кѡ пти́ца и҆з̾ є҆гѵ́пта и҆ ꙗ҆́кѡ го́лꙋбь ѿ землѝ а҆ссѵ́рски: и҆ возста́влю ѧ҆̀ въ домѣ́хъ и҆́хъ, гл҃етъ гдⷭ҇ь.

¹²

Обыиде м^я лже'ю е^фрњмъ, и^ безъче'стїемᲆ доM і^и^л~въ, і^ и^ё'да нн~њ позна` я& б~ъ лю'дїе ст~и прозва'шася гв~и.

¹²

Ѡ҆бы́де мѧ̀ лже́ю є҆фре́мъ, и҆ нече́стїѧми до́мъ і҆и҃левъ и҆ і҆ꙋ́да: нн҃ѣ позна̀ ѧ҆̀ бг҃ъ, и҆ лю́дїе ст҃и прозва́шасѧ бг҃ови.

Глvа, в~і”

¹

Є$фрњм# же зо'лъ дх~ъ гоня` знои, весь дн~ь тща'я и^ сђяа ё^мно'жи, и^ завњтъ съ а^сљ=рїи завњща`, и^ млsть въ е^гљ=петъ въпђсти.

¹

Є҆фре́мъ же ѕо́лъ дꙋ́хъ, гонѧ́ше зно́й ве́сь де́нь: тщє́тнаѧ и҆ сꙋ́єтнаѧ оу҆мно́жи, и҆ завѣ́тъ со а҆ссѷрі̑аны завѣща̀, и҆ є҆ле́й во є҆гѵ́петъ посыла́ше.

²

и^ сђд# гв~и къ і^ё'дњ м#стити і^а'кова. по пђтемъ е%го, и^ по хђ'дожествомъ е^го эTдасть е^мђ.

²

И҆ сꙋ́дъ гдⷭ҇еви ко і҆ꙋ́дѣ, є҆́же ѿмсти́ти і҆а́кѡва: по пꙋтє́мъ є҆гѡ̀ и҆ по начина́нїємъ є҆гѡ̀ возда́стъ є҆мꙋ̀.

³

въ ё^тробњ прельсти бра'та свое^го. и^ трђды своими ё^крепњ ккъ б~ђ,

³

Во оу҆тро́бѣ запѧ̀ бра́та своего̀ и҆ трꙋды̑ свои́ми оу҆крѣпѣ̀ къ бг҃ꙋ:

⁴

и^ ё^крепњ съ а^гг~лоM и^ възмо'же” Пла'кашася и^ моли'ша ми ся, в# до'мђ ѓ%н#ни ѓ^брњтоша м^я и^ т^ђ гл~ася к ни'мъ.

⁴

и҆ оу҆крѣпѣ̀ со а҆́гг҃ломъ и҆ превозмо́же. Пла́кашасѧ и҆ моли́шасѧ мѝ: въ домꙋ̀ ѡ҆́новѣ ѡ҆брѣто́ша мѧ̀, и҆ тꙋ̀ глаго́ласѧ къ ни̑мъ.

⁵

г~ь же б~ъ вседрᲆжи'тель бђдетъ па'мять е^го”

⁵

Гдⷭ҇ь же бг҃ъ вседержи́тель бꙋ́детъ па́мѧть є҆гѡ̀.

⁶

И$ т^ы ѓ% бѕ~њ свое^мъ ѓ^брати'шися, млsть и^ сђдъ снабди'ши, и^ приближа'ися къ б~ђ свое^мђ прsно”

⁶

И҆ ты̀ ѡ҆ бз҃ѣ свое́мъ ѡ҆брати́шисѧ, ми́лость и҆ сꙋ́дъ снабдѝ, и҆ приближа́йсѧ къ бг҃ꙋ своемꙋ̀ прⷭ҇нѡ.

⁷

Ханааn въ рђцњ е^го ја%ремъ непра'вды, премага'ти въꙁлю'би.

⁷

Ханаа́нъ, въ рꙋцѣ̀ є҆гѡ̀ мѣ́рило непра́вды, наси́льствовати возлюбѝ.

⁸

и^ рече е^фрњмъ, ѓ^баче ѓ^богатњхъ, ѓ^брњтохъ эTд#шенїе ё^ него. вс^я болњзни е^го не ѓ^бря'щђтся е^мђ непра'вдъ ја%же съгрњши”

⁸

И҆ речѐ є҆фре́мъ: ѻ҆ба́че ѡ҆богатѣ́хъ, ѡ҆брѣто́хъ прохлажде́нїе себѣ̀: всѝ трꙋды̀ є҆гѡ̀ не ѡ҆брѧ́щꙋтсѧ є҆мꙋ̀ ра́ди непра́вдъ, и҆́миже согрѣшѝ.

⁹

А$зъ г~ь б~ъ твои и^зведы'и т^я иZ земля` е^гљ=пет#ски. е^ще же вселю т^я в# кђщахъ, ја%коже въ дн~и празDникъ.

⁹

А҆́зъ же гдⷭ҇ь бг҃ъ тво́й, и҆зведо́хъ тѧ̀ и҆з̾ землѝ є҆гѵ́петски: є҆щѐ вселю̀ тѧ̀ въ кꙋ́щахъ, ꙗ҆́коже во дни̑ пра́здника.

¹⁰

и^ гл~ахъ пррoки, и^ видњнїя ё^мно'жиX, и^ в рђкахъ пррoчьскаX сподобиXся.

¹⁰

И҆ гл҃ахъ ко прⷪ҇ро́кѡмъ, и҆ а҆́зъ видѣ̑нїѧ оу҆мно́жихъ, и҆ въ рꙋка́хъ прⷪ҇ро́ческихъ оу҆подо́бихсѧ.

¹¹

а^ще галааD ё^бо нњсть ло'жъ, бяхђ въ гал#га'лњхъ кня'ѕи тре'бы кладђще, и^ требницы и^хъ ја%ко и^ же'лви на цњли'знњ по'льстеи.

¹¹

А҆́ще не галаа́дъ є҆́сть, оу҆̀бо ло́жни бы́ша во галга́лѣхъ кнѧ̑зи трє́бы кладꙋ́ще, и҆ трє́бища и҆́хъ ꙗ҆́коже же́лви на цѣли́знѣ польстѣ́й.

¹²

и^ ѓ^тыде і^а'ковъ на' поле а^сљ=рїиско, и^ рабо'та і^и^л~ь ѓ^ женњ, и^ ѓ^ женњ снабдњ”

¹²

И҆ ѿи́де і҆а́кѡвъ на по́ле сѷрі́йско, и҆ рабо́та і҆и҃ль ѡ҆ женѣ̀ и҆ ѡ҆ женѣ̀ снабдѣ̀.

¹³

И$ пррoкомъ и^ꙁведе г~ь і^и^л~я и^з# ꙁемля е^гљ=пет#ски, и^ пррoкомъ снабдњся.

¹³

И҆ прⷪ҇ро́комъ и҆зведѐ гдⷭ҇ь і҆и҃лѧ и҆з̾ землѝ є҆гѵ́петскїѧ, и҆ прⷪ҇ро́комъ снабдѣ́сѧ.

¹⁴

разгнњва м^я е^фрњмъ и^ воZја^ри м^я, и^ кро'вь е^го на неM пролїеTся и^ ё^кори'ꙁнђ е^го эTда'сть е^мђ г~ь”

¹⁴

Разгнѣ́ва мѧ̀ є҆фре́мъ и҆ воз̾ѧри́ мѧ: и҆ кро́вь є҆гѡ̀ на не́мъ пролїе́тсѧ, и҆ оу҆кори́знꙋ є҆гѡ̀ возда́стъ є҆мꙋ̀ гдⷭ҇ь.

Глvа, г~і”

¹

По словеси` е^фрњмовђ ѓ^правленїя прїя и^ се'и въ і^и^л~и. и^ положи я& ваа'лови, и^ ё'мре.

¹

По словесѝ є҆фре́мовꙋ ѡ҆правда̑нїѧ прїѧ̀ се́й во і҆и҃ли, и҆ положѝ ѧ҆̀ ваа́лови, и҆ оу҆́мре.

²

и^ нн~њ приложи'ша съгрњша'ти, и^ сътвори'ша сїи себњ слїа'никъ съ ꙁла'та и^ с# сребра и^хъ” сїи гл~ютъ, коли'те чл~кы ѓ^скђдњша б^о тел#цы.

²

И҆ нн҃ѣ приложи́ша согрѣша́ти и҆ сотвори́ша себѣ̀ слїѧ́нїе ѿ зла́та и҆ сребра̀ своегѡ̀ по ѡ҆́бразꙋ і҆́дѡлѡвъ, дѣла̀ хꙋдо́жникѡвъ совершє́на: и҆̀мъ сі́и глаго́лютъ: пожри́те человѣ́кѡвъ, ѡ҆скꙋдѣ́ша бо телцы̀.

³

сего ради бђдTђ ја^ко ѓ^блакъ ё'тренїи, и^ јако и^ роса` жа'твеная, и^дђще ја%ко и^ плњ'вы с то'ка, и^ пра'хъ съ вњтвїя раꙁвњва'емыи ви'хромъ”

³

Сегѡ̀ ра́ди бꙋ́дꙋтъ ꙗ҆́кѡ ѡ҆́блакъ оу҆́треннїй, ꙗ҆́коже роса̀ оу҆́треннѧѧ и҆дꙋ́щи, ꙗ҆́коже пле́вы съ то́ка (и҆ пра́хъ съ вѣ́твїѧ) развѣва́емый ви́хромъ, ꙗ҆́коже ды́мъ и҆з̾ трꙋбы̀.

⁴

А@з же г~ь б~ъ твои ё^твержа'яй нб~о и^ съзида'яи зе'млю, е^гоже рђ'цњ стяжа'сте вс^е вои^н#ство нбsное, и^ не покаꙁа'хъ т^и е^го ја%ко ходи'ти въ слњдъ и^хъ” А$зъ же иꙁведо'хъ т^я и^зъ ꙁемля` е^гљ=пет#ски, и^ б~а раꙁвњ` мене да не позна'еши. и^ сп~саю^щаго нњсть ра'звњ мене`”

⁴

А҆́зъ же гдⷭ҇ь бг҃ъ тво́й оу҆твержда́ѧй не́бо и҆ созида́ѧй зе́млю, є҆гѡ́же рꙋ́цѣ созда́стѣ всѐ во́инство небе́сное, и҆ не показа́хъ тѝ и҆̀хъ, є҆́же ходи́ти в̾слѣ́дъ и҆́хъ: и҆ а҆́зъ и҆зведо́хъ тѧ̀ и҆з̾ землѝ є҆гѵ́петскїѧ, и҆ бг҃а ра́звѣ менє̀ да не позна́еши, и҆ сп҃са́ющагѡ нѣ́сть ра́звѣ менє̀.

⁵

А$ꙁъ пасо'хъ т^я въ пђсты'ни на земли` невселе'ннњ

⁵

А҆́зъ пасо́хъ тѧ̀ въ пꙋсты́ни на землѝ ненаселе́ннѣй,

⁶

по па'ствамъ и^хъ, и^ ё^мно'жишася до и^сполне'нїя, и^ възнесо'шася срDца иX, сего ради забы'ша м^я.

⁶

на па́житехъ и҆́хъ, и҆ насы́тишасѧ до и҆сполне́нїѧ, и҆ вознесо́шасѧ сердца̀ и҆́хъ, сегѡ̀ ра́ди забы́ша мѧ̀.

⁷

и^ бђдђ и^м# ја%ко пан#џи'рь, и^ ја%ко и^ ры'сь на пђти` а^сљ=рїемъ,

⁷

И҆ бꙋ́дꙋ и҆̀мъ ꙗ҆́кѡ панѳи́рь, и҆ ꙗ҆́кѡ ры́сь на пꙋтѝ а҆ссѷрі́євъ:

⁸

и^ сря'щђ я& ја%ко и^ медвњдь ли'ховаемъ, и^ раꙁDрђшђ съключе'нїе срDць и^хъ, і^ и^ꙁъядя'тъ я& щенцы` дђбра'внїи, и^ ꙁвњрь польскїи растоrгнетъ я&.

⁸

и҆ срѧ́щꙋ и҆̀хъ а҆́ки медвѣ́дица лиша́ема, и҆ разрꙋшꙋ̀ соключе́нїе серде́цъ и҆́хъ: и҆ поѧдѧ́тъ ѧ҆̀ скѵ́мни дꙋбра́внїи, и҆ ѕвѣ́рїе польсті́и расто́ргнꙋтъ ѧ҆̀.

⁹

в расы'панїе твое і^и^л~ю кт^о помо'жетъ тебњ`.

⁹

Въ поги́бели твое́й, і҆и҃лю, кто̀ помо́жетъ тебѣ̀;

¹⁰

гдњ` цр~ь твои, то'и да сп~сетъ т^я въ всњх# гра'дехъ твои^хъ. и^ да сђди'тъ ти е^мђже гл~а, да'ждь м^и цр~ь и^ кн~ѕь.

¹⁰

Гдѣ̀ ца́рь тво́й се́й; то́й да спасе́тъ тѧ̀ во всѣ́хъ градѣ́хъ твои́хъ: и҆ да сꙋ́дитъ тѝ, ѡ҆ не́мже глаго́лалъ є҆сѝ: да́ждь мѝ царѧ̀ и҆ кнѧ́зѧ.

¹¹

и^ да'хъ цр~я въ гнњвњ свое'мъ, и^ ё^дръжа'хся въ ја%рости мое'и”

¹¹

И҆ да́хъ тебѣ̀ царѧ̀ во гнѣ́вѣ мое́мъ, и҆ оу҆твержа́хсѧ въ ꙗ҆́рости мое́й.

¹²

Съвраще'нїе непра'вды е^фрњмовы, съкрове'нъ грњ'хъ его.

¹²

Согромажде́нїе непра́вды є҆фре́мъ, сокрове́нъ грѣ́хъ є҆гѡ̀:

¹³

бо'лњꙁни а^ки раждающїи прїимђтъ и&. с^е сн~ъ мои мђ'дрыи, ꙁане` нн~њ сътръпиT вс^е съкрђше'нїе ча'дъ е^го”

¹³

бѡлѣ́зни а҆́ки ражда́ющїѧ прїи́дꙋтъ є҆мꙋ̀: се́й сы́нъ немꙋ́дрый, занѐ нн҃ѣ не оу҆стои́тъ въ сокрꙋше́нїи ча̑дъ.

¹⁴

эT рђки` а'довы и^ꙁба'влю я&, и^ эT смр~ти и^скђплю я&. гдњ` пря` твоя смр~ти, гдњ' ли ѓ^сте'нъ твои а%де” Оу^тᲇше'нїе съкры'ся эT ѓ'чїю твое^ю,

¹⁴

Ѿ рꙋкѝ а҆́довы и҆зба́влю ѧ҆̀ и҆ ѿ сме́рти и҆скꙋплю̀ ѧ҆̀: гдѣ̀ прѧ̀ твоѧ̀, сме́рте; гдѣ̀ ѻ҆сте́нъ тво́й, а҆́де; оу҆тѣше́нїе скры́сѧ ѿ ѻ҆́чїю моє́ю:

¹⁵

ꙁане` се'и междђ братїя раꙁлђ'читъ” Наведе'тъ г~ь вњтръ ꙁнои^нъ и^с пђсты'ни на'нь, и^ пресђшитъ водоте'чи е^го, и^ ска'зитъ и^сточ#ники е^го, се'и и^ска'зитъ зе'млю е^го и^ вс^я сосђ'ды е^го лю'быя”

¹⁵

занѐ се́й междꙋ̀ бра́тїѧми разлꙋчи́тъ: наведе́тъ гдⷭ҇ь вѣ́тръ зно́енъ и҆з̾ пꙋсты́ни на́нь, и҆ и҆зсꙋши́тъ жи̑лы є҆гѡ̀ и҆ ѡ҆пꙋстоши́тъ и҆сто́чники є҆гѡ̀: се́й и҆зсꙋши́тъ зе́млю є҆гѡ̀ и҆ всѧ̑ сосꙋ́ды є҆гѡ̀ люби̑мыѧ.

Глvа, д~і”

¹

Поги'бнетъ самарїя ја%ко съпроти'вися б~ђ свое^мђ, ѓ^рђжїемъ падTђ, и^ младе'нцы и^хъ потребя'тся, и^ въ ё^тро'бњ и^мђщая и^хъ рася'дђтся”

¹

Поги́бнетъ самарі́а, ꙗ҆́кѡ сопроти́висѧ и҆ бг҃ꙋ своемꙋ̀: ѻ҆рꙋ́жїемъ падꙋ́тъ са́ми, и҆ младе́нцы и҆́хъ разбїю́тсѧ, и҆ во оу҆тро́бѣ и҆мꙋ́щыѧ и҆́хъ разсѧ́дꙋтсѧ.

²

ѓ^брати'ся і^и^л~ю къ г~ђ б~ђ свое^мђ, ꙁане` эTнемо'жеся въ непра'вдахъ твоиX.

²

Ѡ҆брати́сѧ, і҆и҃лю, ко гдⷭ҇ꙋ бг҃ꙋ твоемꙋ̀, занѐ и҆знемо́глъ є҆сѝ въ непра́вдахъ твои́хъ.

³

възмњте съ собо'ю словеса`, и^ ѓ^брати'теся къ г~ђ б~ђ свое^мђ” рцњте е^мђ, мо'жеши весь эTврещи` грњхъ. ја^коже да не прїимете неправды, н^о да прїимете бл~гая. и^ эTда'мъ плоD ё^стеn ва'шихъ.

³

Возми́те съ собо́ю словеса̀ и҆ ѡ҆брати́тесѧ ко гдⷭ҇ꙋ бг҃ꙋ ва́шемꙋ, рцы́те є҆мꙋ̀: (мо́жеши всѧ́къ ѿврещѝ грѣ́хъ:) ꙗ҆́кѡ да не прїи́мете непра́вды, но да прїи́мете блага̑ѧ, и҆ воздади́мъ пло́дъ оу҆сте́нъ на́шихъ.

⁴

а^с#сљ=рᲆ не сп~сетъ ва'съ. на ко'нихъ не възы'демъ, ксемђ` не рече'мъ, е^ще

⁴

А҆ссꙋ́ръ не спасе́тъ на́съ, на ко́ни не взы́демъ, ксемꙋ̀ не рече́мъ:

⁵

бози на'ши дњло рђкъ на'шиX. ја^ко въ тебњ` поми'лђется сирота`. и^сцњлю` се'ла и^хъ, възлюблю я& и^сповњдан#не, ја%ко възврати'ся гнњвъ мои эT ни'хъ.

⁵

бо́зи на́ши, дѣла́мъ рꙋ́къ на́шихъ: ꙗ҆́кѡ въ тебѣ̀ поми́лꙋетсѧ сирота̀. И҆зцѣлю̀ селє́нїѧ и҆́хъ, возлюблю̀ ѧ҆̀ ꙗ҆вле́ннѡ, ꙗ҆́кѡ ѿврати́сѧ гнѣ́въ мо́й ѿ ни́хъ.

⁶

бђдђ ја%ко и^ роса` і^и^л~ю, процвњте'тъ ја%ко и^ цвњтъ, и^ простре'тъ ко'ренїе свое ја%ко и^ дђбра'ва.

⁶

Бꙋ́дꙋ ꙗ҆́коже роса̀ і҆и҃лю, процвѣте́тъ ꙗ҆́кѡ крі́нъ и҆ простре́тъ коре́нїе своѐ ꙗ҆́коже лїва́нъ.

⁷

по'идђтᲆ де'бри е^го и^ бђдетъ ја%ко и^ ма'слина пло'дна, и^ ѓ^боня'нїе е^го ја%ко и^ дђбра'вы.

⁷

По́йдꙋтъ вѣ̑тви є҆гѡ̀, и҆ бꙋ́детъ ꙗ҆́коже ма́слина плодови́та, и҆ ѡ҆бонѧ́нїе є҆гѡ̀ а҆́ки лїва́на:

⁸

ѓ^градя'тся и^ ся'дђтъ поD кро'вомъ и^хъ живђтᲆ и^ ё^твердяTся пшени'цею, и^ процвњте'тъ ја%ко и^ виногра'дъ. па'мять е^го ја%ко и^ вино` дђбра'вы.

⁸

ѡ҆братѧ́тсѧ и҆ сѧ́дꙋтъ под̾ кро́вомъ є҆гѡ̀, поживꙋ́тъ и҆ оу҆твердѧ́тсѧ пшени́цею, и҆ процвѣте́тъ ꙗ҆́кѡ вїногра́дъ па́мѧть є҆гѡ̀, ꙗ҆́коже вїно̀ лїва́ново.

⁹

е^фрњмови чт^о е^мђ е^ще и^ кђмироM, а^зъ смири'хъ и&. а^з# же ё^крњплю` и& ја%ко и^ смрњ'чъ ё^чащен#. эT мене ѓ^брњте'ся плодъ твои.

⁹

Є҆фре́мови что̀ є҆мꙋ̀ є҆щѐ и҆ кꙋмі́рѡмъ; а҆́зъ смири́хъ є҆го̀, а҆́зъ и҆ оу҆крѣплю̀ є҆го̀: а҆́ки сме́рчїе оу҆чаще́ное, ѿ менє̀ ѡ҆брѣ́тесѧ пло́дъ тво́й.

¹⁰

кт^о мђдръ, и^ снабди'тъ с^е” смы'слен#, и^ раꙁђмњеT с^е. ја%ко и^спра'влени пђтїе гн~и, и^ правди'вїи хо'дяT в ня`” а^ нечести'вїи эTнемо'гђтся въ ниX”

¹⁰

Кто̀ премꙋ́дръ и҆ оу҆разꙋмѣ́етъ сїѧ̑; и҆ смы́сленъ, и҆ оу҆вѣ́сть сїѧ̑; ꙗ҆́кѡ пра̑вы пꙋтїѐ гдⷭ҇ни, и҆ првⷣнїи по́йдꙋтъ въ ни́хъ, а҆ нечести́вїи и҆знемо́гꙋтъ въ ни́хъ.