Звичайний друк Виконується верстка сторінок…
Папір A4, книжкова орієнтація, поля «Немає», без колонтитулів, масштаб 100%. Сторінки йдуть підряд. Для двостороннього друку виберіть переворот по довгому краю.
1
Слы'ши сїя до'ме і^а'ковль, проꙁва'нїи и%менемᲆ і^и^л~евыM і^ и^ꙁшеDшеи и^зъ і^ё'ды. кленђщеися и'менемъ г~а б~а і^и^л~ева, помина'ющеися не съ и'стинною ни съ пра'вдою,
1
Услы́шите сія́, до́ме Іа́ковль, прозва́нніи и́менемъ Ізра́илевымъ и изше́дшіи изъ Іу́ды, клену́щіися и́менемъ Го́спода Бо́га Ізра́илева, помина́ющіи не со и́стиною, ниже́ со пра́вдою,
2
и^ придержа'щїися и^мени гра'да ст~го, и^ къ б~ђ і^и^л~евђ ё^твержа'ющеся” г~ь саваѓ'џъ и'мя е^мђ”
2
и придержа́щіися и́мени гра́да свята́го, и о Бо́зѣ Ізра́илевѣ подтвержда́ющіися: Госпо́дь Савао́ѳъ и́мя єму́.
3
Прь'вая лњта совњстихъ, і^ и^ꙁъ ё'стъ мои^хъ и^ꙁы'иде, и^ слы'шано бысть. внеꙁа'пђ сътворихъ и^ наиде.
3
Пре́ждняя єще́ возвѣсти́хъ, и изъ у́стъ мои́хъ изыдо́ша, и слы́шано бы́сть: внеза́пу сотвори́хъ, и на́йде.
4
вњдя ја%ко жестокъ е^си, и^ жи'ла желњꙁна вы'я твоя, и^ чело твое мњдяно.
4
Вѣ́мъ, я́ко же́стокъ єси́, и жи́ла желѣ́зна вы́я твоя́, и чело́ твоє́ мѣ́дяно.
5
и^ совњсти'хъ т^и прьвая, прежде пришествїа на' тя, и^ слы'шано тебᲇ сътвори'хъ. не рцы` ја%ко кђми'ры мн^њ сътвори'ша сїя, и^ не рцы` ја%ко и^ꙁвая'нїи и^ слїянїи ꙁаповњдаша мн^њ.
5
И возвѣсти́хъ ти́, я́же дре́вле, пре́жде не́же пріити́ на тя́: слы́шана тебѣ́ сотвори́хъ, да не когда́ рече́ши, я́ко і́доли мнѣ́ сія́ сотвори́ша, и не рцы́, я́ко изва́янная и слія́нная заповѣ́даша мнѣ́.
6
слы'шасте все вы` и^ не раꙁђмњсте. н^о и^ слы'шано тебњ сътвори'х# новая эT нн~њ е^мђже бы'ти,
6
Слы́шасте вся́, и вы́ не разумѣ́сте: но и слы́шана тебѣ́ сотвори́хъ но́вая отны́нѣ, я́же и́мутъ бы́ти:
7
и^ не рече нн~њ бђдеT а^ не прежде, и^ не въ прьвыя дн~и слы'шаl е^си с^е. не рцы ја%ко вњдњ сїя,
7
и не ре́клъ єси́: ны́нѣ быва́ютъ, а не пре́жде, и не въ пре́жднія дни́ слы́шалъ єси́ сія́: не рцы́: є́й, вѣ́мъ сія́.
8
ни вњдњлъ е^си, ни раꙁђмњлъ е^си и^сперва, нњси эTврьꙁлъ ё'шїю свое^ю. вњдњхъ б^о ја%ко похђля` похђли'ши, и^ беꙁако'нникъ е^ще эT чрева проꙁовешися.
8
Не вѣ́дѣлъ єси́, ниже́ разумѣ́лъ єси́, ниже́ испе́рва отверзо́хъ ушеса́ твоя́: вѣ́дѣхъ бо, я́ко отверга́я отри́неши и беззако́нникъ єще́ от чре́ва прозове́шися.
9
и%мени мое^го ра'ди покажђ т^и ја%рость мою, и^ сла'вная моя наведђ` на' тя, да не потреблю` тебе.
9
И́мене моєго́ ра́ди покажу́ ти я́рость мою́, и сла́вная моя́ наведу́ на тя́, да не потреблю́ тебе́.
10
се` прода'хъ т^я не сребра` ра'ди и^ꙁбра'х же т^я ис пе'щи ё^бо'жества.
10
Се́, прода́хъ тя́ не сребра́ ра́ди: изъя́хъ же тя́ изъ пе́щи убо́жества.
11
мене ра'ди сътворю` т^и ја%ко мое и'мя ѓ^скверняеTся, и^ сла'вы своея и'номђ не да'мъ”
11
Мене́ ра́ди сотворю́ ти́, я́ко моє́ и́мя оскверня́єтся, и сла́вы моєя́ ино́му не да́мъ.
12
Послђшаи мене і^а'кове і^и^л~ю е^гоже а^ꙁъ приꙁыва'ю а^ꙁъ е^смь прьвыи, а^ꙁъ же е^смь въ вњк#.
12
Послу́шай мене́, Іа́кове и Ізра́илю, єго́же а́зъ призыва́ю: а́зъ є́смь пе́рвый и а́зъ є́смь во вѣ́къ.
13
и^ рђка` моя ѓ^снова` ꙁе'млю, и^ десни'цA моя ё^тверди` нб~о. приꙁовђ` я& и^ ста'нђтъ въкђпњ,
13
И рука́ моя́ основа́ зе́млю, и десни́ца моя́ утверди́ не́бо: призову́ я́, и ста́нетъ вку́пѣ,
14
и^ съберђтся вси` и^ ё^слы'шатъ. кт^о и^мъ съвњсти'тъ сїя, любя' тя сътвори'хъ во'лю твою въ вављ=лонњ, вꙁя'ти племя` халде'иско.
14
и соберу́тся вси́ и услы́шатъ: кто́ и́мъ возвѣсти́ сія́? любя́ тя́ сотвори́хъ во́лю твою́ надъ Вавило́номъ, є́же отъя́ти пле́мя Халде́йско.
15
а^ꙁъ гл~ахъ, а^з# въꙁва'хъ, и^ приведо'хъ и&, и^ ё^годиX пђть е^го.
15
А́зъ глаго́лахъ, а́зъ призва́хъ, приведо́хъ и́, и благопоспѣши́тъ пу́ть єго́.
16
пристђпи'те къ мн^њ и^ слы'шите сїя, и^сперва нњњсмь ѓ^та'и гл~алъ. эT того ча'сђ прьвеи неже были`, т^о тђ` бњхъ” И$ нн~њ г~ь посла` м^я, и^ дх~ъ е^го”
16
Приступи́те ко мнѣ́ и слы́шите сія́, испе́рва не о́тай глаго́лахъ: єгда́ быва́ху, та́мо бѣ́хъ, и ны́нѣ Госпо́дь Госпо́дь посла́ мя и Ду́хъ єго́.
17
Тако гл~еT г~ь, и^ꙁба'вивыи тя ст~ыи і^и^л~евъ. а^ꙁᲆ е^смь г~ь б~ъ твои, накаꙁаX т^я ја%коже ѓ^брњсти тебњ пTђ по немђже поидеши.
17
Та́ко глаго́летъ Госпо́дь, изба́вивый тя́, святы́й Ізра́илевъ: а́зъ є́смь Госпо́дь Бо́гъ тво́й, научи́хъ тя́, є́же обрѣсти́ тебѣ́ пу́ть, по нему́же по́йдеши.
18
и^ а'ще бы послђшалъ за'повᲇдїи моиX, т^о бы'л бы ё^бо а^ки рᲇка` ми'ръ твои и^ пра'вда ᲄвоа ја^ко волна` морьска'а
18
И а́ще бы єси́ послу́шалъ за́повѣдій мои́хъ, то́ бы́лъ бы у́бо а́ки рѣка́ ми́ръ тво́й, и пра́вда твоя́ я́ко волна́ морска́я,
19
и^ было б^ы ё^бо ја^ко пњсоk сњмя твое`, і^ и^с#ча'дїа чре'ва твое^го ја%ко пе'рсть ꙁеMнаа. и^ нн~њ не потреби'шися ниy поги'бнеT і^мя твое` предо мно'ю.
19
и бы́ло бы я́ко песо́къ сѣ́мя твоє́, и исча́дія чре́ва твоєго́ я́ко пе́рсть земли́: ниже́ ны́нѣ потреби́шися, ниже́ поги́бнетъ и́мя твоє́ предо мно́ю.
20
и^зы'ди эT вављ=лона бᲇжа эT хаlд'еи. глаs ра'дости совњстите и^ да слы'шано сїе бђдеT, вᲆзвњсᲄите даy до послDњниX зеMли. гл~ите ја%ко і^ꙁба'вилᲆ еs г~ь раба` своеh і^а'кова.
20
Изы́ди от Вавило́на, бѣжа́й от халде́євъ: гла́съ ра́дости возвѣсти́те, и да слы́шано бу́детъ сіє́, возвѣсти́те да́же до послѣ́днихъ земли́, глаго́лите: изба́ви Госпо́дь раба́ своєго́ Іа́кова.
21
и^ а'ще вожа'ждTђ в# пђсᲄы'ни приведеT иX и^ во'дђ і^с ка'мени і^зведеT и^мᲆ, раZсядеTся ка'меn и^ потечеT вода` и^ пїюT лю'дїе мои`.
21
И а́ще вжа́ждутъ, пусты́нею проведе́тъ и́хъ и во́ду изъ ка́мене изведе́тъ и́мъ: разся́дется ка́мень, и потече́тъ вода́, и испію́тъ лю́діє мои́.
22
нsњ ра'доватися нечесᲄи'выM гл~еT г~ь”
22
Нѣ́сть ра́доватися нечести́вымъ, глаго́летъ Госпо́дь.