Звичайний друк Виконується верстка сторінок…
Папір A4, книжкова орієнтація, поля «Немає», без колонтитулів, масштаб 100%. Сторінки йдуть підряд. Для двостороннього друку виберіть переворот по довгому краю.
1
Вᲆ то'и часъ рече г~ь, бђдђ вᲆ б~ъ родђ і^и^л~евђ, и^ тїи бђдђтъ м^и в люди,
1
Во вре́мѧ ѻ҆́но, речѐ гдⷭ҇ь, бꙋ́дꙋ въ бг҃а ро́дꙋ і҆и҃левꙋ, и҆ ті́и бꙋ́дꙋтъ мѝ въ лю́ди.
2
та'ко реq г~ь. ѓ^брњто'хъ то'плъ въ пђсты'ни съ и^зги'бшими эT меча`. и^дњте и^ не потреби'те і^и^л~я
2
Та́кѡ речѐ гдⷭ҇ь: ѡ҆брѣто́хъ теплотꙋ̀ [Є҆вр.: ѡ҆брѣто́ша благода́ть.] въ пꙋсты́ни со и҆зги́бшими ѿ меча̀: и҆ди́те и҆ не потреби́те і҆и҃лѧ,
3
г~ь и^здалеча ја^виTся е^мђ, и^ любо'вїю вњчною въꙁлюби'хъ т^я. ᲄого дњля въвлеко'хъ т^я въ щедроты.
3
гдⷭ҇ь и҆здале́ча ꙗ҆ви́тсѧ є҆мꙋ̀: любо́вїю вѣ́чною возлюби́хъ тѧ̀, тогѡ̀ ра́ди вовлеко́хъ тѧ̀ въ щедрѡ́ты.
4
ја%ко въз#граждђ тя, и^ възградиTся дв~а і^и^л~ева. возмеши тљ=мпа'ны своа, і^ и^ꙁы'идеши съ собо'роM и^гра'ющиX.
4
Ꙗ҆́кѡ возграждꙋ́ тѧ, и҆ возгради́шисѧ, дѣ́во і҆и҃лева: во́змеши тѷмпа́ны своѧ̑ и҆ и҆зы́деши съ собо́ромъ и҆гра́ющихъ.
5
е^ще наса'дите виногра'ды в# горњ` самарїистеи, насажа'юще наса'дите” и^ доnдеже чаs не прїидеT не бђдTђ вина` сᲆбираᲄи и^ похва'лите
5
Є҆щѐ насади́те вїногра́ды въ горѣ̀ самарі́йстѣй, насажда́юще насади́те и҆ похвали́те.
6
ја%ко е^сть дн~ь въꙁда'нїа, эTвњщава'ющихъ въ гора'хъ е^фрњмовыхъ” Въста'ните, и^ вꙁыидњте въ сїѓ'нъ къ гв~и б~ђ на'шемђ.
6
Ꙗ҆́кѡ є҆́сть де́нь воззва́нїѧ ѿвѣщава́ющихъ въ гора́хъ є҆фре́мовыхъ: воста́ните и҆ взы́дите въ сїѡ́нъ ко гдⷭ҇еви бг҃ꙋ на́шемꙋ:
7
ја%ко та'ко рече г~ь і^а'ковђ, възвесели'теся и^ въс#кликнњте на главђ страn. слы'шано сътвори'те и^ похвали'те. р#цњте сп~се г~ь лю'ди своя ѓ^ста'нокъ і^и^л~я.
7
ꙗ҆́кѡ та́кѡ речѐ гдⷭ҇ь і҆а́кѡвꙋ: возвесели́тесѧ весе́лїемъ и҆ воскли́кните на главꙋ̀ ꙗ҆зы́кѡвъ: слы́шано сотвори́те и҆ похвали́те, рцы́те: сп҃сѐ гдⷭ҇ь лю́ди своѧ̑, ѡ҆ста́нокъ і҆и҃левъ.
8
с^е а^ꙁъ ведђ я& эT сњ'вера, и^ съберђ я& эT конца` ꙁемли`. межDђ и^ми же бђ'дђтъ слњ'пи и^ хро'ми, тяго'тна и^ ража'ющая в#кђпњ, наро'дъ вели'къ въꙁвраща'ющихся сњ'мо.
8
Сѐ, а҆́зъ ведꙋ̀ и҆̀хъ ѿ сѣ́вера и҆ соберꙋ̀ и҆̀хъ ѿ конє́цъ землѝ въ пра́здникъ па́схи: и҆ чадороди́тъ наро́дъ мно́гъ, и҆ возвратѧ́тсѧ сѣ́мѡ.
9
съ пла'чеM прїидђтъ, и съ ё^тњше'нїемъ и^зведђ я&. и^ преведђ я& чресъ прђ'ды во'дъ по пђти` пра'вђ, и^ не ꙁаблђ'дятъ по немђ. ја%ко а^ꙁъ бXњ і^и^л~еви въ эTц~ъ, и^ е^фрњмъ первенецᲆ м^и е^сть”
9
Съ пла́чемъ и҆зыдо́ша, а҆ со оу҆тѣше́нїемъ возведꙋ̀ ѧ҆̀, проводѧ̀ чрез̾ рове́нники во́дъ по пꙋтѝ пра́вꙋ, и҆ не заблꙋ́дѧтъ по немꙋ̀: ꙗ҆́кѡ а҆́зъ бѣ́хъ і҆и҃леви во ѻ҆ц҃а̀, и҆ є҆фре́мъ пе́рвенецъ мѝ є҆́сть.
10
Слы'шите страны сло'во гн~е, и^ съвњсти'те въ ѓ%стровњхъ да'лнихъ. и^ рцњте, раꙁвњя'выи і^и^л~я събере'тъ и& и^ снабди'тъ и&, ја%ко па'стыръ ста'до свое.
10
Слы́шите, ꙗ҆зы́цы, сло́во гдⷭ҇не, и҆ возвѣсти́те во ѻ҆́стровѣхъ да́льнихъ и҆ рцы́те: развѣ́ѧвый і҆и҃лѧ собере́тъ є҆го̀ и҆ снабди́тъ є҆го̀, ꙗ҆́кѡ па́стырь ста́до своѐ.
11
ја%ко и^ꙁба'ви г~ь і^а'кова, і^ и^ꙁяT и& эT рђки силнњ'ишь е^го.
11
Ꙗ҆́кѡ и҆зба́ви гдⷭ҇ь і҆а́кѡва и҆ и҆з̾ѧ́тъ є҆го̀ ѿ рꙋкѝ си́льнѣйшихъ є҆гѡ̀.
12
и^ прїидђтъ и^ въꙁвеселя'тся в# горњ сїѓ'нъ, и^ прїидђтъ къ бл~готамъ гн~им#, на ꙁеMля` пшени'ци и^ вина`, и^ пло'да и^ ско'та, и^ ѓ^вецъ. и^ бђ'детъ дш~а и^хъ ја%ко и^ дре'во плоDно, и^ не въꙁа'лчютъ потоM.
12
И҆ прїи́дꙋтъ и҆ возвеселѧ́тсѧ въ горѣ̀ сїѡ́нъ, и҆ прїи́дꙋтъ ко бл҃гота́мъ гдⷭ҇нимъ, на зе́млю пшени́цы и҆ вїна̀ и҆ плодѡ́въ, и҆ скотѡ́въ и҆ ѻ҆внѡ́въ: и҆ бꙋ́детъ дꙋша̀ и҆́хъ ꙗ҆́коже дре́во плодови́то, и҆ не вза́лчꙋтъ ктомꙋ̀.
13
тогда` въꙁдра'дђются дв~ца в# собо'рњ ю%ноTстњ, и^ стра'цы въꙁра'дђюTся” и^ ѓ^бращђ желю и^хъ на ра'дость, и^ сътворю и^хъ весе'лы.
13
Тогда̀ возра́дꙋютсѧ дѣви̑цы въ собра́нїи ю҆́ношей, и҆ ста́рцы возра́дꙋютсѧ: и҆ ѡ҆бращꙋ̀ пла́чь и҆́хъ на ра́дость, и҆ оу҆тѣ́шꙋ и҆̀хъ, и҆ сотворю̀ и҆̀хъ ве́селы.
14
въꙁвели'чю и^ ё^пою дш~ђ жре'ческђ сн~овъ левїи^нъ, и^ лю'дїе мои бл~готъ мои^хъ насытяTся”
14
Возвели́чꙋ и҆ оу҆пою̀ дꙋ́шꙋ жерцє́въ сынѡ́въ леѵі́иныхъ, и҆ лю́дїе моѝ бл҃го́тъ мои́хъ насы́тѧтсѧ.
15
Та'ко рече г~ь. глsа в ра'мњ слы'шанъ бы'сть плаq и^ рыда'нїе и^ во'пль. рахи'ль пла'чющися ѓ^ сн~охъ своиX, и^ не хотя'ше ё^тњши'тися ја%ко нsњ и^хъ”
15
Та́кѡ речѐ гдⷭ҇ь: гла́съ въ ра́мѣ слы́шанъ бы́сть пла́ча и҆ рыда́нїѧ и҆ во́плѧ: рахи́ль пла́чꙋщисѧ ча̑дъ свои́хъ, и҆ не хотѧ́ше оу҆тѣ́шитисѧ, ꙗ҆́кѡ не сꙋ́ть.
16
Та'ко рече г~ь, да почїетъ гла'съ твои эT пла'ча, и^ ѓ^чи твои эT сле'ꙁъ, ја%ко е^сть м#зда дњлесе'мъ твои^м#, гл~етъ г~ь. и^ въꙁвратяTся эT ꙁемля` вра'жїя.
16
Та́кѡ речѐ гдⷭ҇ь: да почі́етъ гла́съ тво́й ѿ пла́ча и҆ ѻ҆́чи твоѝ ѿ сле́зъ, ꙗ҆́кѡ є҆́сть мзда̀ дѣлѡ́мъ твои̑мъ, гл҃етъ гдⷭ҇ь, и҆ возвратѧ́тсѧ ѿ землѝ вра́жїѧ:
17
и^ е^сть наде'жDа послњднимъ твои^м#, гл~етъ г~ь. и^ навратя'тся сн~ове твои до своиX страn,
17
и҆ є҆́сть наде́жда послѣ̑днимъ твои̑мъ, (гл҃етъ гдⷭ҇ь,) и҆ возвратѧ́тсѧ сы́нове твоѝ въ предѣ́лы своѧ̑.
18
слы'ша слы'шахъ е^фрњма преселе'на. накаꙁа'лъ мя е^си г~и, и^ не наста'виXся а^ꙁъ. ја%ко и^ телецъ не наё^чи'хся. ѓ^брати мя и^ ѓ^бращђся, ја%ко т^ы г~ь б~ъ мои.
18
Слы́шѧ слы́шахъ є҆фре́ма пла́чꙋща: наказа́лъ мѧ̀ є҆сѝ, (гдⷭ҇и,) и҆ наказа́хсѧ: а҆́зъ ꙗ҆́коже теле́цъ не наꙋчи́хсѧ: ѡ҆брати́ мѧ, и҆ ѡ҆бращꙋ́сѧ, ꙗ҆́кѡ ты̀ є҆сѝ гдⷭ҇ь бг҃ъ мо́й:
19
ја%ко послњжDе плњне'нїя мое^го покая'хся, и^ послњжде раꙁђмњ'нїя въстенахъ. въ дн~ь срамле'нїи сказа'хъ тебњ, ја%ко прїя'хъ ё^кори'знђ эT ю'носᲄи мое^я.
19
поне́же послѣдѝ плѣне́нїѧ моегѡ̀ пока́ѧхсѧ и҆ послѣдѝ разꙋмѣ́нїѧ моегѡ̀ возстена́хъ въ де́нь посрамле́нїѧ и҆ показа́хъ тебѣ̀, ꙗ҆́кѡ прїѧ́хъ оу҆кори́знꙋ ѿ ю҆́ности моеѧ̀.
20
сн~ъ любе'ꙁеn мн^њ е^фрњмъ, ѓ^тро'ча пита'яся. ја%ко е^лма же словеса` моя в немъ, па'мятїю помянђ и&, того ра'ди потща'хся к немђ. ми'лђя поми'лђю и& рече г~ь”
20
Сы́нъ любе́зенъ мнѣ̀ є҆фре́мъ, ѻ҆троча̀ питѣ́ющеесѧ [нѣ́жное], поне́же словеса̀ моѧ̑ въ не́мъ, па́мѧтїю воспомѧнꙋ̀ и҆̀: тогѡ̀ ра́ди потща́хсѧ ѡ҆ не́мъ, ми́лꙋѧй поми́лꙋю є҆го̀, речѐ гдⷭ҇ь.
21
Поста'вися самъ сїѓ'не, сътвори мђче'нїе. напра'ви срDце свое на пђть пра'въ, и^мже и^де. въꙁврати'ся дв~це і^и^л~ева, ѓ^брати'ся въ гра'ды своя желњ'ющи.
21
Поста́ви себѐ самого̀, сїѡ́не, стра́жꙋ, сотворѝ мꙋче́нїе, напра́ви се́рдце твоѐ на пꙋ́ть пра́въ, и҆́мже ходи́лъ є҆сѝ: возврати́сѧ, дѣви́це і҆и҃лева, ѡ҆брати́сѧ во гра́ды твоѧ̑ рыда́ющи.
22
доко'лњ эTвраща'ешися дщи нечистова'на. ја%ко създа г~ь сп~съ въ насажDенїе но'во, в не'мже сп~сенїи ѓ^бита'ютъ чл~цы”
22
Доко́лѣ ѿвраща́ешисѧ, дщѝ ѡ҆безче́ствованаѧ; ꙗ҆́кѡ созда̀ гдⷭ҇ь спⷭ҇нїе въ насажде́нїе но́во, въ не́мже спⷭ҇нїи ѡ҆бы́дꙋтъ человѣ́цы.
23
Та'ко рече г~ь, е^ще рекђтъ сло'во въ жидов#стеи и^ въ гра'дњхъ е^я`, е^гда` ѓ^бращђ и^с#селе'нїе е^го. блsви т^я г~ь лњпото пра'вды, горо ст~ая.
23
Ꙗ҆́кѡ та́кѡ речѐ гдⷭ҇ь: є҆щѐ рекꙋ́тъ сло́во сїѐ въ землѝ і҆ꙋде́йстѣй и҆ во градѣ́хъ є҆ѧ̀, є҆гда̀ возвращꙋ̀ преселе́нїе є҆гѡ̀: блгⷭ҇ве́нъ гдⷭ҇ь на првⷣнѣй горѣ̀ ст҃ѣ́й свое́й:
24
и^ живђщеи въ і^ё^де'и, и^ въ всњхъ градXњ е^я` вкђпᲇ, тяжа'теле и^ пасты'ри.
24
и҆ живꙋ́щїи во градѣ́хъ і҆ꙋ́диныхъ и҆ во все́й землѝ є҆гѡ̀, кꙋ́пнѡ со земледѣ́лцемъ, и҆ вознесе́тсѧ во ста́дѣ.
25
ја%ко ё^поиX вся'кђ дш~ђ жа'ждђщђ, и^ вся'кђ дш~ђ а%лчющђ насытихъ.
25
Ꙗ҆́кѡ оу҆пои́хъ всѧ́кꙋ дꙋ́шꙋ жа́ждꙋщꙋ и҆ всѧ́кꙋ дꙋ́шꙋ а҆́лчꙋщꙋ насы́тихъ.
26
того ради въста'хъ и^ ви'дњхъ, и^ соn ми сла'докъ бы'сть”
26
Тогѡ̀ ра́ди воста́хъ ѿ сна̀ и҆ ви́дѣхъ, и҆ со́нъ мѝ сла́докъ бы́сть.
27
Се^ дн~їе грядTђ гл~етъ г~ь, и^ всњ'ю і^и^л~я і^ и^ё'дђ племя` чл~че, и^ племя` ско'тїе”
27
Сѐ, дні́е грѧдꙋ́тъ, гл҃етъ гдⷭ҇ь, и҆ всѣ́ю і҆и҃лѧ и҆ і҆ꙋ́дꙋ сѣ́мѧ человѣ́чо и҆ сѣ́мѧ ско́тское.
28
и^ бђдеT ја%коже бдњ'хъ на' ня потреби'ти и^ заꙁли'ти. та'коже ё^бђждђся до ниX съгражDати и^ насажDати, рече г~ь”
28
И҆ бꙋ́детъ, ꙗ҆́коже бдѣ́хъ на нѧ̀ потреби́ти и҆ ѡ҆ѕло́бити, та́кѡ бдѣ́ти бꙋ́дꙋ ѡ҆ ни́хъ, є҆́же созида́ти и҆ насажда́ти, речѐ гдⷭ҇ь.
29
В ты дн~и не рекђтъ ктомђ, эTц~ы ја^до'ша ки'село, а^ ꙁђ'бы дњтемъ ѓѓ^ско'минишася.
29
Въ ты̑ѧ дни̑ не рекꙋ́тъ ктомꙋ̀: ѻ҆тцы̀ ꙗ҆до́ша ки̑слаѧ, а҆ зꙋ́бы дѣ́темъ ѡ҆ско́минишасѧ:
30
н^о ко'ждо свои^мъ грњхомъ ё%мретъ. и^ ја%д#шемђ ки'село ѓ^ѓ^скоминя'тся ꙁђ'бы е^го”
30
но кі́йждо свои́мъ грѣхо́мъ оу҆́мретъ, и҆ ꙗ҆́дшемꙋ ки̑слаѧ ѡ҆скоменѧ́тсѧ зꙋ́бы є҆гѡ̀.
31
Се дн~їе грядђтъ гл~етъ г~ь, и^ ꙁавњщаю до'мђ і^и^л~евђ и^ до'мђ і^ё'динђ ꙁавњтъ нов#,
31
Сѐ, дні́е грѧдꙋ́тъ, гл҃етъ гдⷭ҇ь, и҆ завѣща́ю до́мꙋ і҆и҃левꙋ и҆ до́мꙋ і҆ꙋ́динꙋ завѣ́тъ но́въ,
32
не по ꙁавњтђ и^же ꙁавњща'хъ эTц~емъ и^х#, въ дн~ь во'ньже появшђ ми ꙁа' рђкђ и^хъ, и^ възвести` я& эT ꙁемля` е^гљ=пет#ски. ја%ко тїи не пребы'ша в# ꙁавњтњ мое^мъ, и^ а'ꙁъ не брего'хъ и^хъ гл~етъ г~ь.
32
не по завѣ́тꙋ, є҆го́же завѣща́хъ ѻ҆тцє́мъ и҆́хъ въ де́нь, въ ѻ҆́ньже є҆́мшꙋ мѝ за рꙋ́кꙋ и҆́хъ, и҆звестѝ ѧ҆̀ ѿ землѝ є҆гѵ́петскїѧ, ꙗ҆́кѡ ті́и не пребы́ша въ завѣ́тѣ мое́мъ, и҆ а҆́зъ небрего́хъ и҆̀хъ, гл҃етъ гдⷭ҇ь.
33
ја%ко с^е завњтъ и^же ꙁавњщаю до'мђ і^и^л~вђ по' дн~ехъ тњхъ гл~етъ г~ь. даю ꙁако'ны моя въ ё%мы и^хъ, и^ на срDцыхᲆ и^хъ напишђ я&. и^ бђдђ и^мъ въ б~ъ и^ тїи бђдђтъ ми в лю'ди.
33
Ꙗ҆́кѡ се́й завѣ́тъ, є҆го́же завѣща́ю до́мꙋ і҆и҃левꙋ по дне́хъ ѻ҆́нѣхъ, гл҃етъ гдⷭ҇ь: даѧ̀ зако́ны моѧ̑ въ мы́сли и҆́хъ, и҆ на сердца́хъ и҆́хъ напишꙋ̀ ѧ҆̀, и҆ бꙋ́дꙋ и҆̀мъ въ бг҃а, и҆ ті́и бꙋ́дꙋтъ мѝ въ лю́ди:
34
и^ не наё^ча'тъ ко'ждо бли'жняго свое^го, ни кожDо бра'та свое^го гл~я, поꙁна'и г~а. ја%ко вс^и поꙁна'ютъ м^я эT мала'го иX до вели'каго. ја%ко млsтивъ бђдђ непра'вдамъ и^хъ, и^ грњхи и^хъ не помянђ ктомђ”
34
и҆ не наꙋчи́тъ кі́йждо бли́жнѧго своего̀ и҆ кі́йждо бра́та своего̀, глаго́лѧ: позна́й гдⷭ҇а: ꙗ҆́кѡ всѝ позна́ютъ мѧ̀ ѿ ма́ла да́же и҆ до вели́кагѡ и҆́хъ: ꙗ҆́кѡ млⷭ҇тивъ бꙋ́дꙋ непра́вдамъ и҆́хъ и҆ грѣхо́въ и҆́хъ не помѧнꙋ̀ ктомꙋ̀.
35
А$ще въꙁнесе'тся нб~о на высотђ реq г~ь, и^ а'ще смириTся по'ждь ꙁемля` ни'ꙁђ, и^ а'ꙁъ не эTвергђ ро'да і^и^л~ева, ѓ^ всеM е^же съᲄвори реq г~ь”
35
А҆́ще вознесе́тсѧ не́бо на высотꙋ̀, речѐ гдⷭ҇ь, и҆ а҆́ще смири́тсѧ и҆спо́дъ землѝ ни́зꙋ, и҆ а҆́зъ не ѿве́ргꙋ ро́да і҆и҃лева ѡ҆ всѣ́хъ, ꙗ҆̀же сотвори́ша, гл҃етъ гдⷭ҇ь.
36
Та'ко рече г~ь, да'выи слн~це въ свњтᲆ дн~и, мsць и^ ѕвњзды на свTњ нощи. и^ во'пль на мори, и^ въꙁшђмњша во'лны е^го. г~ь вседержи'тель и^мя е^мђ.
36
Та́кѡ речѐ гдⷭ҇ь, да́вый со́лнце во свѣ́тъ днѐ, лꙋнꙋ̀ и҆ ѕвѣ́зды на свѣ́тъ но́щи, и҆ во́пль на мо́ри, и҆ возшꙋмѣ́ша вѡ́лны є҆гѡ̀, гдⷭ҇ь вседержи́тель и҆́мѧ є҆мꙋ̀.
37
а^ще премо'л#кнђтъ сїи сђди эT лица` мое^го рече г~ь, т^о и^ ро'дъ і^и^л~евъ премол#кнетъ бы'ти стра'нњ преD лицемᲆ мои^мъ вся дн~и”
37
А҆́ще премо́лкнꙋтъ зако́ны сі́и ѿ лица̀ моегѡ̀, речѐ гдⷭ҇ь, то̀ и҆ ро́дъ і҆и҃левъ преста́нетъ бы́ти ꙗ҆зы́къ пред̾ лице́мъ мои́мъ во всѧ̑ дни̑.
38
Се^ дн~їе грядђтᲆ рече г~ь, и^ съгради'тся градъ гв~и эT сђна а^намеи^л#ля до враT ё^го'лныX”
38
Сѐ, дні́е грѧдꙋ́тъ, речѐ гдⷭ҇ь, и҆ сози́ждетсѧ гра́дъ гдⷭ҇еви ѿ столпа̀ а҆намеи́лѧ до вра́тъ оу҆го́лныхъ:
39
і^ и^ꙁы'идетъ раꙁмњре'нїе е^го проти'вђ и^мъ до моги'лъ гари'въ,
39
и҆ и҆зы́детъ размѣ́ренїе є҆гѡ̀ проти́вꙋ є҆мꙋ̀ до моги́лъ гари́въ, и҆ ѡ҆б̾и́метсѧ ѡ҆́крестъ и҆збра́ннымъ ка́менїемъ,
40
и^ ѓ^бы'имеTся ѓ%крsтъ и^збо'рными камы'ки, и^ ве'сь а^с#саримо'џ#, до водоте'чи нахал# смрњчнаго, до ё%го'лныхъ вра'тъ ко'ньскиX въсто'чное ѓ^сщ~енїе гв~и. и^ ктомђ не посњче'тъ, и^ не потреби'тся ктомђ въ вњ'ки”
40
и҆ всю̀ ю҆до́ль ме́ртвыхъ и҆ пе́пела, и҆ ве́сь а҆ссаримѡ́ѳъ да́же до водоте́чи ке́дрскїѧ, да́же до оу҆́гла ко́нїй вра́тъ восто́чныхъ, ѡ҆сщ҃е́нїе гдⷭ҇еви, и҆ ктомꙋ̀ не и҆сто́ргнетсѧ и҆ не потреби́тсѧ да́же до вѣ́ка.