¹

Видњнїе а^вдїино. с^е гл~етъ г~ь б~ъ и^дђмеи`. слђхᲆ слы'шахъ эT г~а и^ꙁвњстова'нїе въ страны` посла`. въстанњте, да вᲆста'немъ на' ня ратїю”

¹

Видѣ́нїе а҆вді́ино: сїѧ̑ гл҃етъ гдⷭ҇ь бг҃ъ і҆дꙋме́и: слꙋ́хъ слы́шахъ ѿ гдⷭ҇а, и҆звѣ́стїе во ꙗ҆зы́ки посла̀: воста́ните, и҆ воста́немъ на ню̀ ра́тїю.

²

се ма'ла да'хъ т^я странамъ, безъ чести т^ы е^си ѕњло.

²

Сѐ, ма́ла да́хъ тѧ̀ во ꙗ҆зы́цѣхъ, безче́стенъ ты̀ є҆сѝ ѕѣлѡ̀.

³

презоръ срDца твое^го въздви'же т^я живђщаго вᲆ пеще'рахъ ка'менахъ. възвыша'яй храмъ сво'и, гл~яи въ срDцы свое^мъ, кт^о м^я съве'ржетъ на' землю.

³

Презо́рство се́рдца твоегѡ̀ воздви́же тѧ̀ живꙋ́щаго въ пеще́рахъ ка́менныхъ: возвыша́ѧй хра́минꙋ свою̀, глаго́лѧй въ се́рдцы свое́мъ: кто́ мѧ све́ржетъ на зе́млю;

⁴

а^ще въꙁнесешися ја%ко и^ ѓ^релъ, и^ сътвори'ши с^и гнњздо средњ ѕвњздъ, и^ эTтђдђ све'ргђ т^я гл~етъ г~ь.

⁴

А҆́ще вознесе́шисѧ ꙗ҆́коже ѻ҆ре́лъ и҆ а҆́ще положи́ши гнѣздо̀ твоѐ средѣ̀ ѕвѣ́здъ, и҆ ѿтꙋ́дꙋ све́ргꙋ тѧ̀, гл҃етъ гдⷭ҇ь.

⁵

а^ще та'тїе бы'ша вълњꙁли к тебњ` и^л^и разбо'иницы но'щїю, ка'мо б^ы эTве'рженъ. не бы'ша л^и ё^кра'ли до сы'тостнаh себњ`. и^л^и а^ще бы'ша е%млющеи винограD вълњ'зли к# тебњ, т^о не бы'ша л^и ѓ^ста'вили па'родокъ.

⁵

А҆́ще бы та́тїе влѣ́зли къ тебѣ̀, и҆лѝ разбѡ́йницы но́щїю, ка́мѡ бы пове́рженъ бы́лъ є҆сѝ; є҆да̀ не оу҆кра́ли бы дово́лныхъ себѣ̀; и҆лѝ а҆́ще бы ѡ҆б̾е́млющїи вїногра́дъ влѣ́зли къ тебѣ̀, є҆да́ бы не ѡ҆ста́вили гро́здїѧ;

⁶

ка'ко ѓ^бъи^скася и^са'въ, и^ ѓ^ста'ша съкровен#ная е^го.

⁶

Ка́кѡ ѡ҆б̾иска́сѧ и҆са́ѵъ, и҆ взѧ̑та бы́ша сокровє́ннаѧ є҆гѡ̀;

⁷

до предњлъ и^спђсти'ша т^я вс^и мђжи завњта твое^го съпроти'виша ти ся. премого'ша т^я мђжи мир#ницы ᲄвои`. ја^дђщеи с тобо'ю положи'ша ле'сть поD тобою, нњсть смы'сла в не'мъ”

⁷

Да́же до предѣ̑лъ и҆спꙋсти́ша тѧ̀: всѝ мꙋ́жїе завѣ́та твоегѡ̀ сопроти́вишасѧ тѝ, премого́ша тѧ̀ мꙋ́жїе ми́рницы твоѝ: (ꙗ҆дꙋ́щїи съ тобо́ю) положи́ша ле́сть под̾ тобо́ю, нѣ́сть смы́сла въ ни́хъ.

⁸

Въ то'и дн~ь гл~етъ г~ь, погђблю` премђдрыя эT и^дђме'а, и^ смы'слъ эT горы` и^са'вовы.

⁸

Въ то́й де́нь, гл҃етъ гдⷭ҇ь, погꙋблю̀ премꙋ̑дрыѧ ѿ і҆дꙋме́и и҆ смы́слъ ѿ горы̀ и҆са́ѵовы:

⁹

и^ ё^боя'тся вои^ни твои` и^же эT џема'нᲆ, ја%ко да эTи^меTся чл~къ эT горы` и^савовы,

⁹

и҆ оу҆боѧ́тсѧ во́ини твоѝ, и҆̀же ѿ ѳема̑нъ, да ѿи́метсѧ человѣ́къ ѿ горы̀ и҆са́ѵовы.

¹⁰

сњченїя ра'ди и^ бесчестїя е^же на бра'та свое^го і^а'кова. ја%ви стыдњнїе, и^ эTвръжешися въ вњкъ.

¹⁰

Посѣче́нїѧ ра́ди и҆ нече́стїѧ, є҆́же на бра́та твоего̀ і҆а́кѡва, покры́етъ тѧ̀ стꙋ́дъ, и҆ ѿве́рженъ бꙋ́деши во вѣ́къ.

¹¹

эT него'же дн~е съпротивися эT съпроти'вныхъ въ дн~ь плњня'ющихъ и^ноплемен#никъ си'лђ е^го. и^ стран#ницы в#нидо'ша въ вра'та е^го, і^ ѓ^ і^ерлsимњ въз#вергоша жребїя. и^ т^ы бња'ше ја%ко е^ді'нъ эT нихъ.

¹¹

Ѿ негѡ́же днѐ сопроти́вилсѧ є҆сѝ во дни̑ плѣнѧ́ющихъ и҆ноплеме́нникѡвъ си́лꙋ є҆гѡ̀, и҆ чꙋжді́и внидо́ша во врата̀ є҆гѡ̀ и҆ ѡ҆ і҆ерⷭ҇ли́мѣ верго́ша жрє́бїѧ, и҆ ты̀ бы́лъ є҆сѝ ꙗ҆́кѡ є҆ди́нъ ѿ ни́хъ.

¹²

не бђ'ди ви'дњлъ дн~е по бр'атњ свое^мъ въ дн~ь щюжDихъ. и^ не бђ'дися ра'довалъ по сн~охъ і^ё'динXњ въ дн~ь погибели и^хъ. и^ не бђди воз#гл~алъ велики рњчи въ дн~ь ско'рби и^хъ”

¹²

И҆ да не пре́зриши днѐ бра́та твоегѡ̀ въ де́нь чꙋжди́хъ, и҆ да не пора́дꙋешисѧ ѡ҆ сынѣ́хъ і҆ꙋ́диныхъ въ де́нь поги́бели и҆́хъ, и҆ да не велерѣ́чиши въ де́нь ско́рби:

¹³

и^ не въходи въ вра'та лю'дїи мои^хъ въ дн~ь бо'лњзни и^хъ. и^ не ви'ждь послњди` на со'нмъ и^хъ въ дн~ь потребле'нїя и^х#. и^ не прилага'и на си'лђ и^хъ въ дн~ь поги'бели и^хъ”

¹³

и҆ не входѝ во врата̀ люді́й мои́хъ въ де́нь болѣ́зни и҆́хъ, и҆ не пре́зри и҆ ты̀ со́нма и҆́хъ въ де́нь потребле́нїѧ и҆́хъ, и҆ не совѣща́йсѧ на си́лꙋ и҆́хъ въ де́нь поги́бели и҆́хъ:

¹⁴

не престаи на и^ꙁбњгъ и^хъ потребити и^збыва'ющая эT нихъ. и^ не преста'и бњжа'щая и^хъ въ дн~ь скор#би и^хъ.

¹⁴

нижѐ насто́й на и҆схо́ды и҆́хъ потреби́ти и҆збѣга́ющыѧ и҆́хъ, нижѐ заключа́й бѣжа́щыѧ и҆́хъ въ де́нь ско́рби.

¹⁵

и%мже приближа'ется дн~ь гн~ь на вс^я ја%ꙁы'ки. ја%коже сътвори`, си'це бђдетъ т^и. въꙁдаа'нїе твое` възда'сться на главђ` твою`.

¹⁵

Поне́же бли́з̾ де́нь гдⷭ҇ень на всѧ̑ ꙗ҆зы́ки: ꙗ҆́коже сотвори́лъ є҆сѝ, си́це бꙋ́детъ тѝ, воздаѧ́нїе твоѐ возда́стсѧ на главꙋ̀ твою̀.

¹⁶

поне'же ја%коже е^си пи'лъ ё^ горы` моея` ст~ыа, и^спїютъ вс^я страны` вино`, и^спїюT и^ възы'идђтъ и^ бђдђтъ по и^стиннњ ја^ко не бы'вшеи.

¹⁶

Поне́же ꙗ҆́коже є҆сѝ пи́лъ на горѣ̀ мое́й ст҃ѣ́й, и҆спїю́тъ всѝ ꙗ҆зы́цы вїно̀, и҆спїю́тъ и҆ сни́дꙋтъ, и҆ бꙋ́дꙋтъ ꙗ҆́кѡ не бы́вшїи.

¹⁷

вᲆ го'рњ же сїѓ'нᲇ бђдетъ сп~съ, и^ бђдетъ ст~а” и^ преи^мђтъ до'мъ і^а'ковль прее^мъшая и^хъ.

¹⁷

Въ горѣ́ же сїѡ́ни бꙋ́детъ спасе́нїе, и҆ бꙋ́детъ свѧта̀: и҆ наслѣ́дѧтъ до́мъ і҆а́кѡвль наслѣ́дившихъ ѧ҆̀.

¹⁸

и^ бђдетъ до'мъ і^а'ковль ѓ%гнь, и^ до'мъ і^ѓ'сифовъ пла'мы, а^ до'мъ и^са'вовъ ја%ко тростїе. и^ꙁгорятъ в ниX и^ поја^дя'тъ я&. и^ не бђдеT и^збавляа'й до'мђ и^савова, ја%ко г~ь гл~а.

¹⁸

И҆ бꙋ́детъ до́мъ і҆а́кѡвль ѻ҆́гнь, до́мъ же і҆ѡ́сифовъ пла́мень, а҆ до́мъ и҆са́ѵовъ въ тро́стїе, и҆ возгорѧ́тсѧ на ни́хъ и҆ поѧдѧ́тъ ѧ҆̀, и҆ не бꙋ́детъ и҆збѣга́ѧй до́мꙋ и҆са́ѵовꙋ, ꙗ҆́кѡ гдⷭ҇ь гл҃а.

¹⁹

и^ прїимђтᲆ и^же въ а^гевњ горђ и^са'вовђ, і^ и^же в раздолїи т^о и^ноплемен#ники. и^ прїимђтъ го'рђ е^фрњмовђ, и^ поля'нђ самарїискђ, а^ венїамиn галаа^дит#скђ.

¹⁹

И҆ наслѣ́дѧтъ и҆̀же во наге́вѣ го́рꙋ и҆са́ѵовꙋ, и҆ и҆̀же въ раздо́лїи и҆ноплеме́нники: и҆ во́змꙋтъ го́рꙋ є҆фре́мовꙋ и҆ по́ле самарі́йско, и҆ венїамі́на и҆ галааді́тїдꙋ.

²⁰

преселенїю с^е нача'токъ сн~овъ і^и^л~евъ земля ханане'иска до сареп#џы. преселенїе же і^ерsли'мле до е^фра'та. и^ пленя'тъ гра'ды нагев#вовы.

²⁰

И҆ преселе́нїѧ нача́ло сїѐ сынѡ́мъ і҆и҃лєвымъ, землѧ̀ ханане́йска до саре́пты: преселе́нїе же і҆ерⷭ҇ли́мле до є҆фра́ѳа: и҆ наслѣ́дѧтъ гра́ды наге́вѡвы.

²¹

и^ възы'идђтъ сп~са'емїи эT горы` сїѓ'ня м#сти'ти горы и^савовы. и^ бђдеT црsтво гв~и”

²¹

И҆ взы́дꙋтъ спаса́емїи ѿ горы̀ сїѡ́ни, є҆́же ѿмсти́ти го́рꙋ и҆са́ѵлю, и҆ бꙋ́детъ црⷭ҇тво гдⷭ҇еви.