¹⁶

Всегда́ ра́дуйтеся.

¹⁶

Всегда̀ ра́дꙋйтесѧ.

¹⁷

Непреста́нно молі́теся.

¹⁷

Непреста́ннѡ моли́тесѧ.

¹⁸

О всем благодарі́те; сія́ бо єсть во́ля Бо́жия о Христі́ Ісу́сі в вас.

¹⁸

Ѡ҆ все́мъ благодари́те: сїѧ́ бо є҆́сть во́лѧ бж҃їѧ ѡ҆ хрⷭ҇тѣ̀ і҆и҃сѣ въ ва́съ.

¹⁹

Духа не угаша́йте.

¹⁹

Дх҃а не оу҆гаша́йте.

²⁰

Проро́чєствія не унічижа́йте.

²⁰

Прⷪ҇ро́чєствїѧ не оу҆ничижа́йте.

²¹

Вся же іскуша́юще, до́брая держі́те.

²¹

Всѧ̑ же и҆скꙋша́юще, дѡ́браѧ держи́те.

²²

От вся́кия ве́щі зли́я [от вся́каго ви́да зла́го] огреба́йтеся.

²²

Ѿ всѧ́кїѧ ве́щи ѕлы́ѧ [ѿ всѧ́кагѡ ви́да ѕла́гѡ] ѡ҆греба́йтесѧ.

²³

Сам же Бог ми́ра да освяти́ть вас всесоверше́нних во всем; і всесоверше́н ваш дух, і душа́, і ті́ло непоро́чно в прише́ствіє Го́спода на́шего Ісу́са Христа́ да сохрани́ться.

²³

Са́мъ же бг҃ъ ми́ра да ѡ҆ст҃и́тъ ва́съ всесоверше́нныхъ во все́мъ: и҆ всесоверше́нъ ва́шъ дꙋ́хъ и҆ дꙋша̀ и҆ тѣ́ло непоро́чно въ прише́ствїе гдⷭ҇а на́шегѡ і҆и҃са хрⷭ҇та̀ да сохрани́тсѧ.

²⁴

Ві́рен призва́вий вас, І́же і сотвори́ть.

²⁴

Вѣ́ренъ призва́вый ва́съ, и҆́же и҆ сотвори́тъ.

²⁵

Бра́тіє, молі́теся о нас.

²⁵

Бра́тїе, моли́тесѧ ѡ҆ на́съ.

²⁶

Цілу́йте бра́тію всю лобза́нієм святи́м.

²⁶

Цѣлꙋ́йте бра́тїю всю̀ лобза́нїемъ ст҃ы́мъ.

²⁷

Заклина́ю ви Го́сподем, прочести́ посла́ніє сіє́ пред все́ю свято́ю бра́тією.

²⁷

Заклина́ю вы̀ гдⷭ҇емъ, прочестѝ посла́нїе сїѐ пред̾ все́ю ст҃о́ю бра́тїею.

²⁸

Благода́ть Го́спода на́шего Ісу́са Христа́ с ва́ми. Амі́нь.

²⁸

Блгⷣть гдⷭ҇а на́шегѡ і҆и҃са хрⷭ҇та̀ съ ва́ми. А҆ми́нь.