Звичайний друк Виконується верстка сторінок…
Папір A4, книжкова орієнтація, поля «Немає», без колонтитулів, масштаб 100%. Сторінки йдуть підряд. Для двостороннього друку виберіть переворот по довгому краю.
Глава 1
1
І бисть по сконча́нії Ісу́сові, і вопроша́ху си́нове Ізра́їлеви Го́спода, глаго́люще: кто взи́деть нам к Ханане́ю воєво́да, ра́товати на них?
1
И бы́сть по сконча́ніи Іису́совѣ, и вопроша́ху сы́нове Ізра́илевы Го́спода, глаго́люще: кто́ взы́детъ на́мъ къ Ханане́ю воєво́да, ра́товати на ни́хъ?
2
І рече́ Госпо́дь: Іу́да взи́деть; се, дах зе́млю в ру́ку єго́.
2
И рече́ Госпо́дь: Іу́да взы́детъ: се́, да́хъ зе́млю въ ру́ку єго́.
3
І рече́ Іу́да к Симео́ну, бра́ту своєму́: взи́ди со мно́ю в жре́бій мой, і ополчи́мся на Ханане́я; і пойду́ і аз с тобо́ю в жре́бій твой. І по́йде с ним Симео́н.
3
И рече́ Іу́да къ Симео́ну бра́ту своєму́: взы́ди со мно́ю въ жре́бій мо́й, и ополчи́мся на Ханане́а: и пойду́ и а́зъ съ тобо́ю въ жре́бій тво́й. И по́йде съ ни́мъ Симео́нъ.
4
І взи́де Іу́да, і предаде́ Госпо́дь Ханане́я і Ферезе́я в ру́ці їх; і ізби́ша їх в везе́ці до десяти́ ти́сящ муже́й.
4
И взы́де Іу́да, и предаде́ Госпо́дь Ханане́а и Ферезе́а въ ру́цѣ и́хъ: и изби́ша и́хъ въ везе́цѣ до десяти́ ты́сящъ муже́й.
5
І обріто́ша Адонівезе́ка в Везе́ці, і сіко́шася с ним; і ізби́ша Ханане́я і Ферезе́я.
5
И обрѣто́ша Адонівезе́ка въ Везе́цѣ, и сѣко́шася съ ни́мъ: и изби́ша Ханане́а и Ферезе́а.
6
І побіже́ Адонівезе́к; і гна́ша вслід єго́, і я́ша єго́, і отсіко́ша краї́ рук єго́ і краї́ ног єго́.
6
И побѣже́ Адонівезе́къ: и гна́ша вслѣ́дъ єго́, и я́ша єго́, и отсѣко́ша краи́ ру́къ єго́ и краи́ но́гъ єго́.
7
І рече́ Адонівезе́к: седьми́десяти царе́м обсіко́х краї́ рук їх і краї́ ног їх, і би́ша собира́юще [от крупи́ць] под трапе́зою моє́ю; я́коже у́бо сотвори́х, та́ко воздаде́ мі Бог. І приведо́ша єго́ во Ієрусали́м, і у́мре та́мо.
7
И рече́ Адонівезе́къ: седми́десяти царе́мъ обсѣко́хъ краи́ ру́къ и́хъ и краи́ но́гъ и́хъ, и бы́ша собира́юще [от крупи́цъ] подъ трапе́зою моє́ю: я́коже у́бо сотвори́хъ, та́ко воздаде́ ми Бо́гъ. И приведо́ша єго́ во Ієрусали́мъ, и у́мре та́мо.
8
І воєва́ша си́нове Іу́дини на Ієрусали́м, і взя́ша єго́, і порази́ша єго́ о́стрієм меча́, і град сожго́ша огне́м.
8
И воєва́ша сы́нове Іу́дины на Ієрусали́мъ, и взя́ша єго́, и порази́ша єго́ о́стріємъ меча́, и гра́дъ сожго́ша огне́мъ.
9
І по сих снидо́ша си́нове Іу́дини воєва́ти на Ханане́я живу́щаго в го́рній к ю́гу і в ра́вній.
9
И по си́хъ снидо́ша сы́нове Іу́дины воєва́ти на Ханане́а живу́щаго въ го́рнѣй къ ю́гу и въ ра́внѣй.
10
І по́йде Іу́да на Ханане́я живу́щаго в Хевро́ні. І ізи́де Хевро́н со страни́; і́м'я же бі Хевро́ну пре́жде Каріафарво́к-се́фер; і уби́ша Сеси́на, і Ахіма́на, і Фолмі́я, ро́ди Єна́кови.
10
И по́йде Іу́да на Ханане́а живу́щаго въ Хевро́нѣ. И изы́де Хевро́нъ со страны́: и́мя же бѣ́ Хевро́ну пре́жде Каріаѳарво́къ-се́феръ: и уби́ша Сесі́на и Ахіма́на и Ѳолмі́а, ро́ды Єна́ковы.
11
І взидо́ша отту́ду к живу́щим в даві́рі; і́м'я же даві́ру бі пре́жде Каріафсе́фер, град пи́сьмен.
11
И взыдо́ша отту́ду къ живу́щымъ въ даві́рѣ: и́мя же даві́ру бѣ́ пре́жде каріаѳсе́феръ, гра́дъ пи́сменъ.
12
І рече́ Хале́в: і́же а́ще порази́ть град пи́сьмен і во́зьметь єго́, дам єму́ Асха́нь, дщер мою́, в жену́.
12
И рече́ Хале́въ: и́же а́ще порази́тъ гра́дъ пи́сменъ и во́зметъ єго́, да́мъ єму́ Асха́нь дще́рь мою́ въ жену́.
13
І взя єго́ Гофонії́л, син Кене́за, бра́та Хале́вова юні́йшій, і даде́ єму́ Хале́в Асха́нь, дщер свою́, в жену́.
13
И взя́ єго́ Гоѳоніи́лъ сы́нъ Кене́за бра́та Хале́вова юнѣ́йшій, и даде́ єму́ Хале́въ Асха́нь дще́рь свою́ въ жену́.
Глава 2
Глава 4
1
І приложи́ша си́нове Ізра́їлеви сотвори́ти зло́є пред Го́сподем; і Ао́д у́мре.
1
И приложи́ша сы́нове Ізра́илевы сотвори́ти зло́є предъ Го́сподемъ: и Ао́дъ у́мре.
2
І отдаде́ їх Госпо́дь в ру́ку Іави́на, царя́ Ханаа́нська, і́же ца́рствова во Асо́рі. І воєво́да си́ли єго́ Сиса́ра, і той жив'я́ше во Арисо́фі язи́ков.
2
И отдаде́ и́хъ Госпо́дь въ ру́ку Іаві́на царя́ Ханаа́нска, и́же ца́рствова во Асо́рѣ. И воєво́да си́лы єго́ Сіса́ра, и то́й живя́ше во Арісо́ѳѣ язы́ковъ.
3
І возопи́ша си́нове Ізра́їлеви ко Го́споду, я́ко де́в'ять сот колесни́ць желі́зних бя́ше єму́; і той озло́би Ізра́їля зіло́ літ два́десять.
3
И возопи́ша сы́нове Ізра́илевы ко Го́споду, я́ко де́вять со́тъ колесни́цъ желѣ́зныхъ бя́ше єму́: и то́й озло́би Ізра́иля зѣло́ лѣ́тъ два́десять.
4
І Девво́ра, жена́ проро́чиця, жена́ Лафидо́фова, сія́ судя́ше Ізра́їлю в то вре́м'я;
4
И Девво́ра, жена́ проро́чица, жена́ лафідо́ѳова, сія́ судя́ше Ізра́илю въ то́ вре́мя:
5
і сія́ жив'я́ше под фі́ніком Девво́ра между́ Ра́мою і между́ Вефи́лем, в горі́ Єфре́млі; і восхожда́ху си́нове Ізра́їлеви к ней та́мо на суд.
5
и сія́ живя́ше подъ фі́нікомъ Девво́ра между́ Ра́мою и между́ Веѳи́лемъ, въ горѣ́ Єфре́мли: и восхожда́ху сы́нове Ізра́илевы къ не́й та́мо на су́дъ.
6
І посла́ Девво́ра, і призва́ Вара́ка си́на Авинеє́мля із Кеде́са Неффали́мова, і рече́ к нему́: не запові́да ли тебі́ Госпо́дь Бог Ізра́їлев? і по́йдеши в го́ру Фаво́р, і по́ймеши с собо́ю де́сять ти́сящ муже́й от сино́в Неффали́млих і от сино́в Завуло́них;
6
И посла́ Девво́ра, и призва́ Вара́ка сы́на Авінеє́мля изъ Кеде́са Нефѳалі́мова, и рече́ къ нему́: не заповѣ́да ли тебѣ́ Госпо́дь Бо́гъ Ізра́илевъ? и по́йдеши въ го́ру Ѳаво́ръ, и по́ймеши съ собо́ю де́сять ты́сящъ муже́й от сыно́въ Нефѳалі́млихъ и от сыно́въ Завуло́нихъ:
7
і приведу́ к тебі́ в водоте́ч Кисо́нь Сиса́ру, воєво́ду си́ли Іави́ни, і колесни́ці єго́, і мно́жество (вой) єго́, і преда́м єго́ в ру́ки твоя́.
7
и приведу́ къ тебѣ́ въ водоте́чь кісо́нь Сіса́ру воєво́ду си́лы Іаві́ни, и колесни́цы єго́, и мно́жество (во́й) єго́, и преда́мъ єго́ въ ру́ки твоя́.
8
І рече́ к ней Вара́к: а́ще по́йдеши со мно́ю, пойду́, і а́ще не по́йдеши со мно́ю, не пойду́; я́ко не вім дне, в о́ньже благоустро́їть Госпо́дь а́нгела со мно́ю.
8
И рече́ къ не́й Вара́къ: а́ще по́йдеши со мно́ю, пойду́, и а́ще не по́йдеши со мно́ю, не пойду́: я́ко не вѣ́мъ дне́, въ о́ньже благоустро́итъ Госпо́дь а́нгела со мно́ю.
9
І рече́ Девво́ра к нему́: іду́щи пойду́ с тобо́ю; оба́че віждь, я́ко не бу́деть тебі́ сла́ва на путі́, в о́ньже ти і́деши; поне́же в ру́ку же́нську преда́сть Госпо́дь Сиса́ру. І воста́ Девво́ра і по́йде с Вара́ком до Ка́диса.
9
И рече́ Девво́ра къ нему́: иду́щи пойду́ съ тобо́ю: оба́че вѣ́ждь, я́ко не бу́детъ тебѣ́ сла́ва на пути́, въ о́ньже ты́ и́деши: поне́же въ ру́ку же́нску преда́стъ Госпо́дь Сіса́ру. И воста́ Девво́ра и по́йде съ Вара́комъ до Ка́диса.
10
І воззва́ Вара́к Завуло́на і Неффали́ма до Ка́диса, і пойдо́ша вслід єго́ де́сять ти́сящ муже́й, і і́де с ним Девво́ра.
10
И воззва́ Вара́къ Завуло́на и Нефѳалі́ма до Ка́диса, и поидо́ша вслѣ́дъ єго́ де́сять ты́сящъ муже́й, и и́де съ ни́мъ Девво́ра.
11
І Хаве́р Кине́й отлучи́ся от Ке́ни і от сино́в Іова́ва, у́жика Моїсе́йова; і потче́ ку́щу свою́ под ду́бом почива́ющих, і́же єсть при Кеде́сі.
11
И хаве́ръ кіне́й отлучи́ся от ке́ны и от сыно́въ Іова́ва, у́жика Моисе́ова: и потче́ ку́щу свою́ подъ ду́бомъ почива́ющихъ, и́же є́сть при Кеде́сѣ.
12
І возвісти́ша Сиса́рі, я́ко взи́де Вара́к, син Авинеє́мль, на го́ру Фаво́р.
12
И возвѣсти́ша Сіса́рѣ, я́ко взы́де Вара́къ сы́нъ Авінеє́мль на го́ру Ѳаво́ръ.
13
І созва́ Сиса́ра вся колесни́ці своя́, де́в'ять сот колесни́ць желі́зних, і вся лю́ди, і́же с ним, от Арисо́фа язи́ков в водоте́ч Кисо́нь.
13
И созва́ Сіса́ра вся́ колесни́цы своя́, де́вять со́тъ колесни́цъ желѣ́зныхъ, и вся́ лю́ди и́же съ ни́мъ, от Арісо́ѳа язы́ковъ въ водоте́чь кісо́нь.
14
І рече́ Девво́ра к Вара́ку: воста́ни, я́ко сей день, в о́ньже предаде́ Госпо́дь Сиса́ру в ру́ку твою́, зане́ Госпо́дь ізи́деть пред тобо́ю. І сни́де Вара́к с гори́ Фаво́р, і де́сять ти́сящ муже́й вслід єго́.
14
И рече́ Девво́ра къ Вара́ку: воста́ни, я́ко се́й де́нь, въ о́ньже предаде́ Госпо́дь Сіса́ру въ ру́ку твою́, зане́ Госпо́дь изы́детъ предъ тобо́ю. И сни́де Вара́къ съ горы́ Ѳаво́ръ, и де́сять ты́сящъ муже́й вслѣ́дъ єго́.
15
І сотре́ Госпо́дь Сиса́ру і вся колесни́ці єго́ і весь полк єго́ о́стрієм меча́ пред Вара́ком. І сни́де Сиса́ра с колесни́ці своєя́ і побіже́ нога́ми свої́ми.
15
И сотре́ Госпо́дь Сіса́ру и вся́ колесни́цы єго́ и ве́сь по́лкъ єго́ о́стріємъ меча́ предъ Вара́комъ. И сни́де Сіса́ра съ колесни́цы своєя́ и побѣже́ нога́ми свои́ми.
16
І Вара́к гоня́й вслід колесни́ць єго́ і вслід полка́, да́же до дубра́ви язи́ков. І паде́ весь полк Сиса́рин о́стрієм меча́, не оста́ся ні єди́н.
16
И Вара́къ гоня́й вслѣ́дъ колесни́цъ єго́ и вслѣ́дъ полка́, да́же до дубра́вы язы́ковъ. И паде́ ве́сь по́лкъ Сіса́ринъ о́стріємъ меча́: не оста́ся ни єди́нъ.
17
І Сиса́ра убіже́ нога́ми свої́ми в ку́щу Іаї́лі, жени́ Хаве́ра Кине́єва; я́ко мир бя́ше между́ Іави́ном, царе́м Асо́рським і между́ до́мом Хаве́ра Кине́єва.
17
И Сіса́ра убѣже́ нога́ми свои́ми въ ку́щу Іаи́ли, жены́ хаве́ра кіне́єва: я́ко ми́ръ бя́ше между́ Іаві́номъ царе́мъ Асо́рскимъ и между́ до́момъ хаве́ра кіне́єва.
18
І ізи́де Іаї́ль во срі́теніє Сиса́рі і рече́ к нему́: уклони́ся, господи́не мой, уклони́ся ко мні, не бо́йся. І уклони́ся к ней в ку́щу, і покри́ єго́ оде́ждею своє́ю.
18
И изы́де Іаи́ль во срѣ́теніє Сіса́рѣ и рече́ къ нему́: уклони́ся, господи́не мо́й, уклони́ся ко мнѣ́, не бо́йся. И уклони́ся къ не́й въ ку́щу: и покры́ єго́ оде́ждею своє́ю.
19
І рече́ Сиса́ра к ней: напо́й м'я ма́ло води́, я́ко возжажда́х. І отріши́ міх мле́чний, і напої́ єго́, і покри́ єго́.
19
И рече́ Сіса́ра къ не́й: напо́й мя́ ма́ло воды́, я́ко возжажда́хъ. И отрѣши́ мѣ́хъ мле́чный, и напои́ єго́, и покры́ єго́.
20
І рече́ к ней Сиса́ра: ста́ни во две́рех ку́щи, і бу́деть а́ще кто при́йдеть к тебі́, і вопро́сить тя, і рече́ть: єсть ли зді муж? І рече́ши: ність.
20
И рече́ къ не́й Сіса́ра: ста́ни во две́рехъ ку́щи, и бу́детъ а́ще кто́ пріи́детъ къ тебѣ́, и вопро́ситъ тя́, и рече́тъ: є́сть ли здѣ́ му́жъ? и рече́ши: нѣ́сть.
21
І взя Іаї́ль, жена́ Хаве́рова, кол ку́щний, і взя млат в ру́ку свою́, і вни́де к нему́ ти́хо, і водрузи́ кол во скра́нії єго́, і пронзе́ до землі́; і сей утру́ждся спа́ше, і і́здше.
21
И взя́ Іаи́ль, жена́ хаве́рова, ко́лъ ку́щный, и взя́ мла́тъ въ ру́ку свою́, и вни́де къ нему́ ти́хо, и водрузи́ ко́лъ во скра́ніи єго́, и пронзе́ до земли́: и се́й утру́ждся спа́ше, и и́здше.
22
І се, Вара́к гоня́й Сиса́ру. І ізи́де Іаї́ль во срі́теніє єму́ і рече́ єму́: прийди́, і покажу́ тебі́ му́жа, єго́же ти і́щеши. І вни́де к ней, і се, Сиса́ра лежа́ше мертв, і кол во скра́нії єго́.
22
И се́, Вара́къ гоня́й Сіса́ру. И изы́де Іаи́ль во срѣ́теніє єму́ и рече́ єму́: пріиди́, и покажу́ тебѣ́ му́жа, єго́же ты́ и́щеши. И вни́де къ не́й, и се́, Сіса́ра лежа́ше ме́ртвъ, и ко́лъ во скра́ніи єго́.
23
І покори́ Госпо́дь Бог в той день Іави́на, царя́ Ханаа́ня пред си́ни Ізра́їлевими;
23
И покори́ Госпо́дь Бо́гъ въ то́й де́нь Іаві́на царя́ Ханаа́ня предъ сы́ны Ізра́илевыми:
24
і хожда́ше рука́ сино́в Ізра́їлевих ходя́щи, і ожесточи́ся на Іави́на, царя́ Ханаа́нська, до́ндеже істреби́ша єго́.
24
и хожда́ше рука́ сыно́въ Ізра́илевыхъ ходя́щи, и ожесточи́ся на Іаві́на царя́ Ханаа́нска, до́ндеже истреби́ша єго́.
Глава 5
1
І воспі́ Девво́ра і Вара́к, син Авинеє́мов, в той день, і рече́:
1
И воспѣ́ Девво́ра и Вара́къ сы́нъ Авінеє́мовъ въ то́й де́нь, и рече́:
2
внегда́ нача́ти вождо́м во Ізра́їлі, в проізволе́нії люді́й, благослові́те Го́спода!
2
внегда́ нача́ти вождо́мъ во Ізра́или, въ произволе́ніи люді́й, благослови́те Го́спода.
3
Усли́шіте, ца́ріє, і внуші́те, кня́зі: аз Го́сподеві воспою́ і пою́ Бо́гу Ізра́їлеву.
3
Услы́шите, ца́ріє, и внуши́те, кня́зи: а́зъ Го́сподеви воспою́ и пою́ Бо́гу Ізра́илеву.
4
Го́споди, во ісхо́ді Твоє́м от Сиї́ра, внегда́ воздвиза́тися Тебі́ от села́ Едо́мова, земля́ потрясе́ся, і не́бо возмути́ся, і о́блаци іска́паша во́ду;
4
Го́споди, во исхо́дѣ Твоє́мъ от Сиі́ра, внегда́ воздвиза́тися Тебѣ́ от села́ Єдо́мова, земля́ потрясе́ся, и не́бо возмути́ся, и о́блацы иска́паша во́ду:
5
го́ри подвиго́шася от лиця́ Го́спода Елої́, та́я Сина́ от лиця́ Го́спода Бо́га Ізра́їлева.
5
го́ры подвиго́шася от лица́ Го́спода Єлоі́, та́я Сіна́ от лица́ Го́спода Бо́га Ізра́илева.
6
Во дні Самега́ра, си́на Ана́фова, во дні Іаї́лі, оскуді́ша путіє́, і ідо́ша в путі́ кри́ви, і ідо́ша в путі́ развраще́нни;
6
Во дни́ самега́ра сы́на ана́ѳова, во дни́ Іаи́ли, оскудѣ́ша путіє́, и идо́ша въ пути́ кри́вы, и идо́ша въ пути́ развраще́нны:
7
оскуді́ша живу́щії во Ізра́їлі, оскуді́ша до́ндеже воста́ Девво́ра, до́ндеже воста́ ма́ти во Ізра́їлі;
7
оскудѣ́ша живу́щіи во Ізра́или, оскудѣ́ша до́ндеже воста́ Девво́ра, до́ндеже воста́ ма́ти во Ізра́или:
8
ізбра́ша бо́ги но́ви, я́ко хліб я́чен, тогда́ воєва́ша гра́ди князе́й; щит не яви́ся, ніже́ копіє́ в чети́редесяти ти́сящах во Ізра́їлі.
8
избра́ша бо́ги но́вы, я́ко хлѣ́бъ я́ченъ, тогда́ воєва́ша гра́ды князе́й: щи́тъ не яви́ся, ниже́ копіє́ въ четы́редесяти ты́сящахъ во Ізра́или.
9
Се́рдце моє́ на учине́нная во Ізра́їлі; си́льнії люді́й, благослові́те Го́спода!
9
Се́рдце моє́ на учине́нная во Ізра́или: си́льніи люді́й, благослови́те Го́спода.
10
Ї́здящії на осля́тех бі́лих в полу́дне, і сідя́щії на суди́щі, і ходя́щії на путі́ со́нмов, провіща́йте.
10
Ѣ́здящіи на осля́техъ бѣ́лыхъ въ полу́дне, и сѣдя́щіи на суди́щи, и ходя́щіи на пути́ со́нмовъ, провѣща́йте.
11
Глас пле́щущих посреді́ веселя́щихся; та́мо дадя́ть пра́вду. Го́споди, пра́вди укріпи́ во Ізра́їлі; тогда́ разидо́шася во гра́ди своя́ лю́діє Госпо́дні.
11
Гла́съ пле́щущихъ посредѣ́ веселя́щихся: та́мо дадя́тъ пра́вду. Го́споди, пра́вды укрѣпи́ во Ізра́или: тогда́ разыдо́шася во гра́ды своя́ лю́діє Госпо́дни.
12
Воста́ни, воста́ни, Девво́ра! Воста́ни, воста́ни, глаго́ли с пі́снію! Воста́ни, Вара́че, і пліни́ плін твой, си́не Авинеє́мль!
12
Воста́ни, воста́ни, Девво́ра: воста́ни, воста́ни, глаго́ли съ пѣ́снію: воста́ни, Вара́че, и плѣни́ плѣ́нъ тво́й, сы́не Авінеє́мль.
13
Тогда́ возвели́чися си́ла Єго́; Госпо́дь смири́ мні крі́пльшия мене́.
13
Тогда́ возвели́чися си́ла Єго́: Госпо́дь смири́ мнѣ́ крѣ́пльшыя мене́.
14
Лю́діє Єфре́млі утоми́ша їх в доли́ні; брат твой Веніамі́н в лю́дех твої́х; от мене́ Махі́р снидо́ша взиску́ющії, і от Завуло́на укріпля́ющіїся в ски́птрі повіствова́нія пи́сьменника.
14
Лю́діє Єфре́мли утоми́ша и́хъ въ доли́нѣ: бра́тъ тво́й Веніамі́нъ въ лю́дехъ твои́хъ: от мене́ Махі́ръ снидо́ша взыску́ющіи, и от Завуло́на укрѣпля́ющіися въ ски́птрѣ повѣствова́нія пи́сменника.
15
І нача́льници во Іссаха́рі с Девво́рою і Вара́ком; та́ко Вара́к отпусти́ пі́ших свої́х в доли́ну, в разділе́нія Руви́мова, вели́ка іспита́нія се́рдця.
15
И нача́лницы во Іссаха́рѣ съ Девво́рою и Вара́комъ: та́ко Вара́къ отпусти́ пѣ́шихъ свои́хъ въ доли́ну, въ раздѣле́нія Руви́мова, вели́ка испыта́нія се́рдца.