Друк брошурою Виконується верстка сторінок…
Папір A4, альбомна орієнтація, поля «Немає», без колонтитулів. Друкуйте двосторонньо, з переворотом по короткому краю, у масштабі 100%; якщо принтер обрізає край — 98%. Не вмикайте режим «Буклет» у драйвері принтера.
0
Аллилу́я, 104.
Аллилу́іа.
1
Іспові́дайтеся Го́сподеві і призива́йте і́м'я Єго́, возвісті́те во язи́ціх діла́ Єго́;
1
Исповѣ́дайтеся Го́сподеви и призыва́йте и́мя Єго́, возвѣсти́те во язы́цѣхъ дѣла́ Єго́:
2
воспо́йте Єму́ і по́йте Єму́, пові́діте вся чудеса́ Єго́.
2
воспо́йте Єму́ и по́йте Єму́, повѣ́дите вся́ чудеса́ Єго́.
3
Хвалі́теся о і́мені святі́м Єго́; да возвесели́ться се́рдце і́щущих Го́спода;
3
Хвали́теся о и́мени святѣ́мъ Єго́: да возвесели́тся се́рдце и́щущихъ Го́спода:
4
взищі́те Го́спода і утверді́теся, взищі́те лиця́ Єго́ ви́ну.
4
взыщи́те Го́спода и утверди́теся, взыщи́те лица́ Єго́ вы́ну.
5
Пом'яні́те чудеса́ Єго́, я́же сотвори́, чудеса́ Єго́ і судьби́ уст Єго́,
5
Помяни́те чудеса́ Єго́, я́же сотвори́, чудеса́ Єго́ и судьбы́ у́стъ Єго́,
сі́м'я Авраа́мле, раби́ Єго́, си́нове Іа́ковлі — ізбра́ннії Єго́.
6
сѣ́мя Авраа́мле раби́ Єго́, сы́нове Іа́ковли избра́нніи Єго́.
7
Той — Госпо́дь Бог наш: по всей землі́ судьби́ Єго́.
7
То́й Госпо́дь Бо́гъ на́шъ: по все́й земли́ судьбы́ Єго́.
8
Пом'яну́ в вік заві́т Свой, сло́во, є́же запові́да в ти́сящі родо́в,
8
Помяну́ въ вѣ́къ завѣ́тъ Сво́й, сло́во, є́же заповѣ́да въ ты́сящы родо́въ,
9
є́же завіща́ Авраа́му, і кля́тву Свою́ Ісаа́ку;
9
є́же завѣща́ Авраа́му, и кля́тву Свою́ Ісаа́ку:
10
і поста́ви ю Іа́кову в повелі́ніє і Ізра́їлю в заві́т ві́чен,
10
и поста́ви ю́ Іа́кову въ повелѣ́ніє и Ізра́илю въ завѣ́тъ вѣ́ченъ,
11
глаго́ля: тебі́ дам зе́млю Ханаа́ню, у́же достоя́нія ва́шего.
11
глаго́ля: тебѣ́ да́мъ зе́млю Ханаа́ню, у́же достоя́нія ва́шего.
12
Внегда́ би́ти їм ма́лим число́м, малі́йшим і прише́льцем в ней,
12
Внегда́ бы́ти и́мъ ма́лымъ число́мъ, малѣ́йшымъ и прише́лцемъ въ не́й,
13
і прейдо́ша от язи́ка в язи́к і от ца́рствія в лю́ди і́ни;
13
и преидо́ша от язы́ка въ язы́къ и от ца́рствія въ лю́ди и́ны:
14
не оста́ви челові́ка оби́діти їх і обличи́ о них царі́;
14
не оста́ви человѣ́ка оби́дѣти и́хъ и обличи́ о ни́хъ цари́:
15
не прикаса́йтеся пома́занним Мої́м, і во проро́ціх Мої́х не лука́внуйте.
15
не прикаса́йтеся пома́заннымъ Мои́мъ, и во проро́цѣхъ Мои́хъ не лука́внуйте.
16
І призва́ глад на зе́млю, вся́ко утвержде́ніє хлі́бноє сотри́.
16
И призва́ гла́дъ на зе́млю: вся́ко утвержде́ніє хлѣ́бноє сотры́.
17
Посла́ пред ни́ми челові́ка; в раба́ про́дан бисть Іо́сиф.
17
Посла́ предъ ни́ми человѣ́ка: въ раба́ про́данъ бы́сть Іо́сифъ.
18
Смири́ша во око́вах но́зі єго́, желі́зо про́йде душа́ єго́,
18
Смири́ша во око́вахъ но́зѣ єго́, желѣ́зо про́йде душа́ єго́,
19
до́ндеже при́йде сло́во Єго́; сло́во Госпо́днє разжже́ єго́.
19
до́ндеже пріи́де сло́во Єго́: сло́во Госпо́дне разжже́ єго́.
20
Посла́ цар і разріши́ єго́, князь люді́й, і оста́ви [отпусти́] єго́.
20
Посла́ ца́рь и разрѣши́ єго́: кня́зь люді́й, и оста́ви {отпусти́} єго́.
21
Поста́ви єго́ господи́на до́му своєму́ і кня́зя всему́ стяжа́нію своєму́,
21
Поста́ви єго́ господи́на до́му своєму́ и кня́зя всему́ стяжа́нію своєму́,
22
наказа́ти кня́зі єго́, я́ко себе́, і ста́рці єго́ умудри́ти.
22
наказа́ти кня́зи єго́ я́ко себе́ и ста́рцы єго́ умудри́ти.
23
І вни́де Ізра́їль во Єги́пет, і Іа́ков прише́льствова в зе́млю Ха́мову.
23
И вни́де Ізра́иль во Єги́петъ, и Іа́ковъ прише́лствова въ зе́млю Ха́мову.
24
І возрасти́ лю́ди Своя́ зіло́ і укріпи́ я па́че враго́в їх.
24
И возрасти́ лю́ди Своя́ зѣло́ и укрѣпи́ я́ па́че враго́въ и́хъ.
25
Преврати́ се́рдце їх возненави́діти лю́ди Єго́, лесть сотвори́ти в рабі́х Єго́.
25
Преврати́ се́рдце и́хъ возненави́дѣти лю́ди Єго́, ле́сть сотвори́ти въ рабѣ́хъ Єго́.
26
Посла́ Моїсе́я, раба́ Своєго́, Ааро́на, єго́же ізбра́ Себі́;
26
Посла́ Моисе́а раба́ Своєго́, Ааро́на, єго́же избра́ Себѣ́:
27
положи́ в них словеса́ зна́меній Свої́х і чуде́с Свої́х в землі́ Ха́мові.
27
положи́ въ ни́хъ словеса́ зна́меній Свои́хъ и чуде́съ Свои́хъ въ земли́ Ха́мовѣ.
28
Посла́ тьму і помрачи́, я́ко преогорчи́ша словеса́ Єго́.
28
Посла́ тму́ и помрачи́, я́ко преогорчи́ша словеса́ Єго́.
29
Преложи́ во́ди їх в кров і ізмори́ ри́би їх.
29
Преложи́ во́ды и́хъ въ кро́вь и измори́ ры́бы и́хъ.
30
Воскипі́ земля́ їх жа́бами в сокро́вищницях царе́й їх.
30
Воскипѣ́ земля́ и́хъ жа́бами въ сокро́вищницахъ царе́й и́хъ.
31
Рече́, і прийдо́ша пе́сія му́хи і скни́пи во вся преді́ли їх.
31
Рече́, и пріидо́ша пе́сія му́хи и скні́пы во вся́ предѣ́лы и́хъ.
32
Положи́ дожди́ їх гра́ди, огнь попаля́ющ в землі́ їх;
32
Положи́ дожди́ и́хъ гра́ды, о́гнь попаля́ющь въ земли́ и́хъ:
33
і порази́ виногра́ди їх і смо́кви їх, і сотри́ вся́коє дре́во преді́л їх.
33
и порази́ віногра́ды и́хъ и смо́квы и́хъ, и сотры́ вся́коє дре́во предѣ́лъ и́хъ.
34
Рече́, і прийдо́ша пру́зі і гу́сениці, ї́мже не бі числа́,
34
Рече́, и пріидо́ша пру́зи и гу́сеницы, и́мже не бѣ́ числа́,
35
і снідо́ша вся́ку траву́ в землі́ їх, і поядо́ша всяк плод землі́ їх.
35
и снѣдо́ша вся́ку траву́ въ земли́ и́хъ, и поядо́ша вся́къ пло́дъ земли́ и́хъ.
36
І порази́ вся́каго пе́рвенця в землі́ їх, нача́ток вся́каго труда́ їх;
36
И порази́ вся́каго пе́рвенца въ земли́ и́хъ, нача́токъ вся́каго труда́ и́хъ:
37
і ізведе́ я с сребро́м і зла́том; і не бі в колі́ніх їх боля́й.
37
и изведе́ я́ съ сребро́мъ и зла́томъ: и не бѣ́ въ колѣ́нѣхъ и́хъ боля́й.
38
Возвесели́ся Єги́пет во ісхожде́нії їх; я́ко нападе́ страх їх на ня.
38
Возвесели́ся Єги́петъ во исхожде́ніи и́хъ: я́ко нападе́ стра́хъ и́хъ на ня́.
39
Распростре́ о́блак в покро́в їм, і огнь, є́же просвіти́ти їм но́щію.
39
Распростре́ о́блакъ въ покро́въ и́мъ, и о́гнь, є́же просвѣти́ти и́мъ но́щію.
40
Проси́ша, і прийдо́ша кра́стелі*, і хлі́ба небе́снаго наси́ти я;
40
Проси́ша, и пріидо́ша кра́стели, и хлѣ́ба небе́снаго насы́ти я́:
41
разве́рзе ка́мень, і потеко́ша во́ди, потеко́ша в безво́дних рі́ки;
41
разве́рзе ка́мень, и потеко́ша во́ды, потеко́ша въ безво́дныхъ рѣ́ки:
42
я́ко пом'яну́ сло́во свято́є Своє́, є́же ко Авраа́му, рабу́ Своєму́.
42
я́ко помяну́ сло́во свято́є Своє́, є́же ко Авраа́му рабу́ Своєму́.
43
І ізведе́ лю́ди Своя́ в ра́дості і ізбра́нния Своя́ в весе́лії.
43
И изведе́ лю́ди Своя́ въ ра́дости и избра́нныя Своя́ въ весе́ліи.
44
І даде́ їм страни́ язи́к, і труди́ люді́й наслі́доваша;
44
И даде́ и́мъ страны́ язы́къ, и труды́ люді́й наслѣ́доваша:
45
я́ко да сохраня́ть оправда́нія Єго́ і зако́на Єго́ взи́щуть.
45
я́ко да сохраня́тъ оправда́нія Єго́ и зако́на Єго́ взы́щутъ.
1001
Сла́ва: