0

Аллилу́я, 104.

¹

Іспові́дайтеся Го́сподеві і призива́йте і́м'я Єго́, возвісті́те во язи́ціх діла́ Єго́;

²

воспо́йте Єму́ і по́йте Єму́, пові́діте вся чудеса́ Єго́.

³

Хвалі́теся о і́мені святі́м Єго́; да возвесели́ться се́рдце і́щущих Го́спода;

⁴

взищі́те Го́спода і утверді́теся, взищі́те лиця́ Єго́ ви́ну.

⁵

Пом'яні́те чудеса́ Єго́, я́же сотвори́, чудеса́ Єго́ і судьби́ уст Єго́,

сі́м'я Авраа́мле, раби́ Єго́, си́нове Іа́ковлі — ізбра́ннії Єго́.

⁷

Той — Госпо́дь Бог наш: по всей землі́ судьби́ Єго́.

⁸

Пом'яну́ в вік заві́т Свой, сло́во, є́же запові́да в ти́сящі родо́в,

⁹

є́же завіща́ Авраа́му, і кля́тву Свою́ Ісаа́ку;

¹⁰

і поста́ви ю Іа́кову в повелі́ніє і Ізра́їлю в заві́т ві́чен,

¹¹

глаго́ля: тебі́ дам зе́млю Ханаа́ню, у́же достоя́нія ва́шего.

¹²

Внегда́ би́ти їм ма́лим число́м, малі́йшим і прише́льцем в ней,

¹³

і прейдо́ша от язи́ка в язи́к і от ца́рствія в лю́ди і́ни;

¹⁴

не оста́ви челові́ка оби́діти їх і обличи́ о них царі́;

¹⁵

не прикаса́йтеся пома́занним Мої́м, і во проро́ціх Мої́х не лука́внуйте.

¹⁶

І призва́ глад на зе́млю, вся́ко утвержде́ніє хлі́бноє сотри́.

¹⁷

Посла́ пред ни́ми челові́ка; в раба́ про́дан бисть Іо́сиф.

¹⁸

Смири́ша во око́вах но́зі єго́, желі́зо про́йде душа́ єго́,

¹⁹

до́ндеже при́йде сло́во Єго́; сло́во Госпо́днє разжже́ єго́.

²⁰

Посла́ цар і разріши́ єго́, князь люді́й, і оста́ви [отпусти́] єго́.

²¹

Поста́ви єго́ господи́на до́му своєму́ і кня́зя всему́ стяжа́нію своєму́,

²²

наказа́ти кня́зі єго́, я́ко себе́, і ста́рці єго́ умудри́ти.

²³

І вни́де Ізра́їль во Єги́пет, і Іа́ков прише́льствова в зе́млю Ха́мову.

²⁴

І возрасти́ лю́ди Своя́ зіло́ і укріпи́ я па́че враго́в їх.

²⁵

Преврати́ се́рдце їх возненави́діти лю́ди Єго́, лесть сотвори́ти в рабі́х Єго́.

²⁶

Посла́ Моїсе́я, раба́ Своєго́, Ааро́на, єго́же ізбра́ Себі́;

²⁷

положи́ в них словеса́ зна́меній Свої́х і чуде́с Свої́х в землі́ Ха́мові.

²⁸

Посла́ тьму і помрачи́, я́ко преогорчи́ша словеса́ Єго́.

²⁹

Преложи́ во́ди їх в кров і ізмори́ ри́би їх.

³⁰

Воскипі́ земля́ їх жа́бами в сокро́вищницях царе́й їх.

³¹

Рече́, і прийдо́ша пе́сія му́хи і скни́пи во вся преді́ли їх.

³²

Положи́ дожди́ їх гра́ди, огнь попаля́ющ в землі́ їх;

³³

і порази́ виногра́ди їх і смо́кви їх, і сотри́ вся́коє дре́во преді́л їх.

³⁴

Рече́, і прийдо́ша пру́зі і гу́сениці, ї́мже не бі числа́,

³⁵

і снідо́ша вся́ку траву́ в землі́ їх, і поядо́ша всяк плод землі́ їх.

³⁶

І порази́ вся́каго пе́рвенця в землі́ їх, нача́ток вся́каго труда́ їх;

³⁷

і ізведе́ я с сребро́м і зла́том; і не бі в колі́ніх їх боля́й.

³⁸

Возвесели́ся Єги́пет во ісхожде́нії їх; я́ко нападе́ страх їх на ня.

³⁹

Распростре́ о́блак в покро́в їм, і огнь, є́же просвіти́ти їм но́щію.

⁴⁰

Проси́ша, і прийдо́ша кра́стелі^*, і хлі́ба небе́снаго наси́ти я;

⁴¹

разве́рзе ка́мень, і потеко́ша во́ди, потеко́ша в безво́дних рі́ки;

⁴²

я́ко пом'яну́ сло́во свято́є Своє́, є́же ко Авраа́му, рабу́ Своєму́.

⁴³

І ізведе́ лю́ди Своя́ в ра́дості і ізбра́нния Своя́ в весе́лії.

⁴⁴

І даде́ їм страни́ язи́к, і труди́ люді́й наслі́доваша;

⁴⁵

я́ко да сохраня́ть оправда́нія Єго́ і зако́на Єго́ взи́щуть.

1001

Сла́ва: