0

Аллилу́я, псало́м, 111

Аллилу́іа, псало́мъ.

¹

Блаже́н муж боя́йся Го́спода, в за́повідех Єго́ восхо́щеть зіло́.

¹

Блаже́нъ му́жъ боя́йся Го́спода, въ за́повѣдехъ Єго́ восхо́щетъ зѣло́.

²

Си́льно на землі́ бу́деть сі́м'я єго́, род пра́вих благослови́ться;

²

Си́льно на земли́ бу́детъ сѣ́мя єго́, ро́дъ пра́выхъ благослови́тся:

³

сла́ва і бога́тство в дому́ єго́, і пра́вда єго́ пребива́єть в вік ві́ка.

³

сла́ва и бога́тство въ дому́ єго́, и пра́вда єго́ пребыва́єтъ въ вѣ́къ вѣ́ка.

⁴

Возсія́ во тьмі світ пра́вим; ми́лостив, і щедр, і пра́веден.

⁴

Возсія́ во тмѣ́ свѣ́тъ пра́вымъ: ми́лостивъ и ще́дръ и пра́веденъ.

⁵

Благ муж ще́дря і дая́; устро́їть словеса́ своя́ на суді́, я́ко в вік не подви́житься.

⁵

Бла́гъ му́жъ ще́дря и дая́: устро́итъ словеса́ своя́ на судѣ́, я́ко въ вѣ́къ не подви́жится.

⁶

В па́м'ять ві́чную бу́деть пра́ведник.

⁶

Въ па́мять вѣ́чную бу́детъ пра́ведникъ.

⁷

От слу́ха зла не убої́ться;

⁷

От слу́ха зла́ не убои́тся:

⁸

гото́во се́рдце єго́ упова́ти на Го́спода; утверди́ся се́рдце єго́, не убої́ться, до́ндеже воззри́ть на враги́ своя́.

⁸

гото́во се́рдце єго́ упова́ти на Го́спода: утверди́ся се́рдце єго́, не убои́тся, до́ндеже воззри́тъ на враги́ своя́.

⁹

Расточи́, даде́ убо́гим; пра́вда єго́ пребива́єть во вік ві́ка: рог єго́ вознесе́ться в сла́ві.

⁹

Расточи́, даде́ убо́гимъ: пра́вда єго́ пребыва́єтъ во вѣ́къ вѣ́ка: ро́гъ єго́ вознесе́тся въ сла́вѣ.

¹⁰

Грі́шник у́зрить і прогні́вається, зуби́ свої́ми поскреже́щеть і раста́єть; жела́ніє грі́шника поги́бнеть.

¹⁰

Грѣ́шникъ у́зритъ и прогнѣ́ваєтся зубы́ свои́ми поскреже́щетъ и раста́єтъ: жела́ніє грѣ́шника поги́бнетъ.

1001

Сла́ва: