0

Піснь степе́ней, 120.

¹

Возведо́х о́чі мої́ в го́ри, отню́дуже при́йдеть по́мощ моя́.

²

По́мощ моя́ от Го́спода, сотво́ршаго не́бо і зе́млю.

³

Не даждь во см'яте́ніє ноги́ твоєя́, ніже́ воздре́млеть храня́й тя;

⁴

се, не воздре́млеть, ніже́ у́снеть храня́й Ізра́їля.

⁵

Госпо́дь сохрани́ть тя, Госпо́дь — покро́в твой на ру́ку десну́ю твою́.

⁶

Во дні со́лнце не ожже́ть тебе́, ніже́ луна́ но́щію.

⁷

Госпо́дь сохрани́ть тя от вся́каго зла, сохрани́ть ду́шу твою́ Госпо́дь;

⁸

Госпо́дь сохрани́ть вхожде́ніє твоє́ і ісхожде́ніє твоє́, отни́ні і до ві́ка.