0

Піснь степе́ней, 121.

Пѣ́снь степе́ней, р҃к҃а҃.

¹

Возвесели́хся о ре́кших мні: в дом Госпо́день по́йдем.

¹

Возвесели́хсѧ ѡ҆ ре́кшихъ мнѣ̀: въ до́мъ гдⷭ҇ень по́йдемъ.

²

Стоя́ще бя́ху но́ги на́ша во дво́ріх твої́х, Ієрусали́ме.

²

Стоѧ́ще бѧ́хꙋ но́ги на́шѧ во дво́рѣхъ твои́хъ, і҆ерⷭ҇ли́ме.

³

Ієрусали́м зи́ждемий я́ко град, єму́же прича́стіє єго́ вку́пі.

³

І҆ерⷭ҇ли́мъ зи́ждемый ꙗ҆́кѡ гра́дъ, є҆мꙋ́же прича́стїе є҆гѡ̀ вкꙋ́пѣ.

⁴

Та́мо бо взидо́ша колі́на, колі́на Госпо́дня, свиді́ніє Ізра́їлево, іспові́датися і́мені Госпо́дню;

⁴

Та́мѡ бо взыдо́ша кѡлѣ́на, кѡлѣ́на гдⷭ҇нѧ, свидѣ́нїе і҆и҃лево, и҆сповѣ́датисѧ и҆́мени гдⷭ҇ню:

⁵

я́ко та́мо сідо́ша престо́ли на суд, престо́ли в дому́ Дави́дові.

⁵

ꙗ҆́кѡ та́мѡ сѣдо́ша престо́ли на сꙋ́дъ, престо́ли въ домꙋ̀ дв҃довѣ.

⁶

Вопросі́те же я́же о ми́рі Ієрусали́ма, і оби́ліє лю́б'ящим тя.

⁶

Вопроси́те же ꙗ҆̀же ѡ҆ ми́рѣ і҆ерⷭ҇ли́ма: и҆ ѻ҆би́лїе лю́бѧщымъ тѧ̀.

⁷

Бу́ди же мир в си́лі твоє́й, і оби́ліє в столпостіна́х твої́х.

⁷

Бꙋ́ди же ми́ръ въ си́лѣ твое́й, и҆ ѻ҆би́лїе въ столпостѣна́хъ твои́хъ.

⁸

Ра́ди бра́тій мої́х і бли́жніх мої́х глаго́лах у́бо мир о тебі́.

⁸

Ра́ди бра́тїй мои́хъ и҆ бли́жнихъ мои́хъ глаго́лахъ оу҆́бѡ ми́ръ ѡ҆ тебѣ̀.

⁹

До́му ра́ди Го́спода Бо́га на́шего взиска́х блага́я тебі́.

⁹

До́мꙋ ра́ди гдⷭ҇а бг҃а на́шегѡ взыска́хъ бл҃га̑ѧ тебѣ̀.