0

Піснь степе́ней, 121.

¹

Возвесели́хся о ре́кших мні: в дом Госпо́день по́йдем.

²

Стоя́ще бя́ху но́ги на́ша во дво́ріх твої́х, Ієрусали́ме.

³

Ієрусали́м зи́ждемий я́ко град, єму́же прича́стіє єго́ вку́пі.

⁴

Та́мо бо взидо́ша колі́на, колі́на Госпо́дня, свиді́ніє Ізра́їлево, іспові́датися і́мені Госпо́дню;

⁵

я́ко та́мо сідо́ша престо́ли на суд, престо́ли в дому́ Дави́дові.

⁶

Вопросі́те же я́же о ми́рі Ієрусали́ма, і оби́ліє лю́б'ящим тя.

⁷

Бу́ди же мир в си́лі твоє́й, і оби́ліє в столпостіна́х твої́х.

⁸

Ра́ди бра́тій мої́х і бли́жніх мої́х глаго́лах у́бо мир о тебі́.

⁹

До́му ра́ди Го́спода Бо́га на́шего взиска́х блага́я тебі́.