Звичайний друк Виконується верстка сторінок…
Папір A4, книжкова орієнтація, поля «Немає», без колонтитулів, масштаб 100%. Сторінки йдуть підряд. Для двостороннього друку виберіть переворот по довгому краю.
0
Аллилу́я, 134.
Аллилу́іа.
1
Хвалі́те і́м'я Госпо́днє, хвалі́те, раби́ Го́спода,
1
Хвали́те и́мя Госпо́дне, хвали́те, раби́ Го́спода,
2
стоя́щії во хра́мі Госпо́дні, во дво́ріх до́му Бо́га на́шего.
2
стоя́щіи во хра́мѣ Госпо́дни, во дво́рѣхъ до́му Бо́га на́шего.
3
Хвалі́те Го́спода, я́ко благ Госпо́дь; по́йте і́мені Єго́, я́ко добро́;
3
Хвали́те Го́спода, я́ко бла́гъ Госпо́дь: по́йте и́мени Єго́, я́ко добро́:
4
я́ко Іа́кова ізбра́ Себі́ Госпо́дь, Ізра́їля в достоя́ніє Себі́;
4
я́ко Іа́кова избра́ Себѣ́ Госпо́дь, Ізра́иля въ достоя́ніє Себѣ́:
5
я́ко аз позна́х, я́ко ве́лій Госпо́дь, і Госпо́дь наш над всі́ми бо́ги;
5
я́ко а́зъ позна́хъ, я́ко ве́лій Госпо́дь, и Госпо́дь на́шъ надъ всѣ́ми бо́ги:
6
вся, єли́ка восхоті́ Госпо́дь, сотвори́ на небесі́ і на землі́, в моря́х і во всіх бе́зднах.
6
вся́, єли́ка восхотѣ́ Госпо́дь, сотвори́ на небеси́ и на земли́, въ моря́хъ и во всѣ́хъ бе́зднахъ.
7
Возводя́ о́блаки от послі́дніх землі́, мо́лнії в дождь сотвори́, ізводя́й ві́три от сокро́вищ Свої́х.
7
Возводя́ о́блаки от послѣ́днихъ земли́, мо́лніи въ до́ждь сотвори́, изводя́й вѣ́тры от сокро́вищъ Свои́хъ.
8
І́же порази́ пе́рвенці Єги́петськия от челові́ка до скота́;
8
И́же порази́ пе́рвенцы Єги́петскія от человѣ́ка до скота́:
9
посла́ зна́менія і чудеса́ посреді́ тебе́, Єги́пте, на фарао́на і на вся раби́ єго́.
9
посла́ зна́менія и чудеса́ посредѣ́ тебе́, Єги́пте, на фарао́на и на вся́ рабы́ єго́.
10
І́же порази́ язи́ки мно́гі і ізби́ царі́ крі́пкі;
10
И́же порази́ язы́ки мно́ги и изби́ цари́ крѣ́пки:
11
Сіо́на, царя́ Аморре́йська, і О́га, царя́ Васа́нська, і вся ца́рствія Ханаа́нська;
11
Сио́на царя́ Аморре́йска и О́га царя́ Васа́нска, и вся́ ца́рствія Ханаа́нска:
12
і даде́ зе́млю їх достоя́ніє, достоя́ніє Ізра́їлю лю́дем Свої́м.
12
и даде́ зе́млю и́хъ достоя́ніє, достоя́ніє Ізра́илю лю́демъ Свои́мъ.
13
Го́споди, і́м'я Твоє́ в вік, і па́м'ять Твоя́ в род і род;
13
Го́споди, и́мя Твоє́ въ вѣ́къ, и па́мять Твоя́ въ ро́дъ и ро́дъ:
14
я́ко суди́ти і́мать Госпо́дь лю́дем Свої́м, і о рабі́х Свої́х умо́литься.
14
я́ко суди́ти и́мать Госпо́дь лю́демъ Свои́мъ, и о рабѣ́хъ Свои́хъ умо́лится.
15
І́доли язи́к — сребро́ і зла́то, діла́ рук челові́чеських;
15
І́доли язы́къ сребро́ и зла́то, дѣла́ ру́къ человѣ́ческихъ:
16
уста́ і́муть і не возглаго́лють; о́чі і́муть і не у́зрять;
16
уста́ и́мутъ, и не возглаго́лютъ: о́чи и́мутъ, и не у́зрятъ:
17
у́ші і́муть і не усли́шать; ніже́ бо єсть дух во усті́х їх.
17
у́ши и́мутъ, и не услы́шатъ: ниже́ бо є́сть ду́хъ во устѣ́хъ и́хъ.
18
Подо́бні їм да бу́дуть творя́щії я і всі наді́ющіїся на ня.
18
Подо́бни и́мъ да бу́дутъ творя́щіи я́ и вси́ надѣ́ющіися на ня́.
19
До́ме Ізра́їлев, благослові́те Го́спода; до́ме Ааро́нь, благослові́те Го́спода; до́ме Леві́їн, благослові́те Го́спода;
19
До́ме Ізра́илевъ, благослови́те Го́спода: до́ме Ааро́нь, благослови́те Го́спода: до́ме Леві́инъ, благослови́те Го́спода:
20
боя́щіїся Го́спода, благослові́те Го́спода.
20
боя́щіися Го́спода, благослови́те Го́спода.
21
Благослове́н Госпо́дь от Сіо́на, живи́й во Ієрусали́мі.
21
Благослове́нъ Госпо́дь от Сіо́на, живы́й во Ієрусали́мѣ.