0

Аллилу́я, 135.

Аллилу́іа.

¹

Іспові́дайтеся Го́сподеві, я́ко благ; я́ко в вік ми́лость Єго́.

¹

Исповѣ́дайтеся Го́сподеви, я́ко бла́гъ: я́ко въ вѣ́къ ми́лость Єго́.

²

Іспові́дайтеся Бо́гу бого́в; я́ко в вік ми́лость Єго́.

²

Исповѣ́дайтеся Бо́гу бого́въ: я́ко въ вѣ́къ ми́лость Єго́.

³

Іспові́дайтеся Го́сподеві господе́й; я́ко в вік ми́лость Єго́.

³

Исповѣ́дайтеся Го́сподеви господе́й: я́ко въ вѣ́къ ми́лость Єго́.

⁴

Сотво́ршему чудеса́ ве́лія Єди́ному; я́ко в вік ми́лость Єго́.

⁴

Сотво́ршему чудеса́ ве́лія єди́ному: я́ко въ вѣ́къ ми́лость Єго́.

⁵

Сотво́ршему небеса́ ра́зумом; я́ко в вік ми́лость Єго́.

⁵

Сотво́ршему небеса́ ра́зумомъ: я́ко въ вѣ́къ ми́лость Єго́.

⁶

Утверди́вшему зе́млю на вода́х; я́ко в вік ми́лость Єго́.

⁶

Утверди́вшему зе́млю на вода́хъ: я́ко въ вѣ́къ ми́лость Єго́.

⁷

Сотво́ршему світи́ла ве́лія Єди́ному; я́ко в вік ми́лость Єго́;

⁷

Сотво́ршему свѣти́ла ве́лія єди́ному: я́ко въ вѣ́къ ми́лость Єго́:

⁸

со́лнце во о́бласть дне; я́ко в вік ми́лость Єго́;

⁸

со́лнце во о́бласть дне́: я́ко въ вѣ́къ ми́лость Єго́:

⁹

луну́ і зві́зди во о́бласть но́щі; я́ко в вік ми́лость Єго́.

⁹

луну́ и звѣ́зды во о́бласть но́щи: я́ко въ вѣ́къ ми́лость Єго́.

¹⁰

Порази́вшему Єги́пта с пе́рвенці єго́; я́ко в вік ми́лость Єго́;

¹⁰

Порази́вшему Єги́пта съ пе́рвенцы єго́: я́ко въ вѣ́къ ми́лость Єго́:

¹¹

і ізве́дшему Ізра́їля от среди́ їх; я́ко в вік ми́лость Єго́;

¹¹

и изве́дшему Ізра́иля от среды́ и́хъ: я́ко въ вѣ́къ ми́лость Єго́:

¹²

руко́ю крі́пкою і ми́шцею висо́кою; я́ко в вік ми́лость Єго́.

¹²

руко́ю крѣ́пкою и мы́шцею высо́кою: я́ко въ вѣ́къ ми́лость Єго́.

¹³

Разді́льшему Чермно́є мо́ре в разділе́нія; я́ко в вік ми́лость Єго́;

¹³

Раздѣ́льшему Чермно́є мо́ре въ раздѣле́нія: я́ко въ вѣ́къ ми́лость Єго́:

¹⁴

і прове́дшему Ізра́їля посреді́ єго́; я́ко в вік ми́лость Єго́;

¹⁴

и прове́дшему Ізра́иля посредѣ́ єго́: я́ко въ вѣ́къ ми́лость Єго́:

¹⁵

і істря́сшему фарао́на і си́лу єго́ в мо́ре Чермно́є; я́ко в вік ми́лость Єго́.

¹⁵

и истря́сшему фарао́на и си́лу єго́ въ мо́ре Чермно́є: я́ко въ вѣ́къ ми́лость Єго́.

¹⁶

Прове́дшему лю́ди Своя́ в пусти́ні; я́ко в вік ми́лость Єго́.

¹⁶

Прове́дшему лю́ди Своя́ въ пусты́ни: я́ко въ вѣ́къ ми́лость Єго́.

¹⁷

Порази́вшему царі́ ве́лія; я́ко в вік ми́лость Єго́.

¹⁷

Порази́вшему цари́ ве́лія: я́ко въ вѣ́къ ми́лость Єго́.

¹⁸

І уби́вшему царі́ крі́пкія; я́ко в вік ми́лость Єго́;

¹⁸

И уби́вшему цари́ крѣ́пкія: я́ко въ вѣ́къ ми́лость Єго́:

¹⁹

Сіо́на, царя́ Аморре́йська; я́ко в вік ми́лость Єго́;

¹⁹

Сио́на царя́ Аморре́йска: я́ко въ вѣ́къ ми́лость Єго́:

²⁰

і О́га, царя́ Васа́нська; я́ко в вік ми́лость Єго́.

²⁰

и О́га царя́ Васа́нска: я́ко въ вѣ́къ ми́лость Єго́.

²¹

І да́вшему зе́млю їх достоя́ніє; я́ко в вік ми́лость Єго́;

²¹

И да́вшему зе́млю и́хъ достоя́ніє: я́ко въ вѣ́къ ми́лость Єго́:

²²

достоя́ніє Ізра́їлю, рабу́ Своєму́; я́ко в вік ми́лость Єго́.

²²

достоя́ніє Ізра́илю рабу́ Своєму́: я́ко въ вѣ́къ ми́лость Єго́.

²³

Я́ко во смире́нії на́шем пом'яну́ ни Госпо́дь; я́ко в вік ми́лость Єго́.

²³

Я́ко во смире́ніи на́шемъ помяну́ ны Госпо́дь: я́ко въ вѣ́къ ми́лость Єго́.

²⁴

І ізба́вил ни єсть от враго́в на́ших; я́ко в вік ми́лость Єго́;

²⁴

И изба́вилъ ны́ є́сть от враго́въ на́шихъ: я́ко въ вѣ́къ ми́лость Єго́:

²⁵

дая́й пи́щу вся́кой пло́ті; я́ко в вік ми́лость Єго́.

²⁵

дая́й пи́щу вся́кой пло́ти: я́ко въ вѣ́къ ми́лость Єго́.

²⁶

Іспові́дайтеся Бо́гу Небе́сному; я́ко в вік ми́лость Єго́.

²⁶

Исповѣ́дайтеся Бо́гу небе́сному: я́ко въ вѣ́къ ми́лость Єго́.