0

Аллилу́я, Агге́я і Заха́рії, 148.

Аллилу́іа, Агге́а и Заха́ріи.

¹

Хвалі́те Го́спода с небе́с, хвалі́те Єго́ в ви́шніх.

¹

Хвали́те Го́спода съ небе́съ, хвали́те Єго́ въ вы́шнихъ.

²

Хвалі́те Єго́ всі а́нгели Єго́; хвалі́те Єго́, вся си́ли Єго́.

²

Хвали́те Єго́ вси́ А́нгели Єго́: хвали́те Єго́, вся́ си́лы Єго́.

³

Хвалі́те Єго́, со́лнце і луна́; хвалі́те Єго́ вся зві́зди і світ.

³

Хвали́те Єго́, со́лнце и луна́: хвали́те Єго́ вся́ звѣ́зды и свѣ́тъ.

⁴

Хвалі́те Єго́, небеса́ небе́с, і вода́, я́же преви́ше небе́с.

⁴

Хвали́те Єго́, небеса́ небе́съ и вода́, я́же превы́ше небе́съ.

⁵

Да восхва́лять і́м'я Госпо́днє; я́ко Той рече́ — і би́ша; Той повелі́ — і созда́шася.

⁵

Да восхва́лятъ и́мя Госпо́дне: я́ко То́й рече́, и бы́ша: То́й повелѣ́, и созда́шася.

⁶

Поста́ви я в вік і в вік ві́ка; повелі́ніє положи́, і не ми́мо і́деть.

⁶

Поста́ви я́ въ вѣ́къ и въ вѣ́къ вѣ́ка: повелѣ́ніє положи́, и не ми́мо и́детъ.

⁷

Хвалі́те Го́спода от землі́, змі́єве і вся бе́здни;

⁷

Хвали́те Го́спода от земли́, змі́єве и вся́ бе́здны:

⁸

огнь, град, сніг, го́лоть, дух бу́рен, творя́щая сло́во Єго́;

⁸

о́гнь, гра́дъ, снѣ́гъ, го́лоть, ду́хъ бу́ренъ, творя́щая сло́во Єго́:

⁹

го́ри і всі хо́лми, древа́ плодоно́сна і всі ке́дри;

⁹

го́ры и вси́ хо́лми, древа́ плодоно́сна и вси́ ке́дри:

¹⁰

зві́ріє і всі ско́ти, га́ди і пти́ці перна́ти;

¹⁰

звѣ́ріє и вси́ ско́ти, га́ди и пти́цы перна́ты:

¹¹

ца́ріє зе́мстії і всі лю́діє, кня́зі і всі судії́ зе́мстії;

¹¹

ца́ріє зе́мстіи и вси́ лю́діє, кня́зи и вси́ судіи́ зе́мстіи:

¹²

ю́ноші і ді́ви, ста́рці с ю́нотами.

¹²

ю́ноши и дѣ́вы, ста́рцы съ ю́нотами.

¹³

Да восхва́лять і́м'я Госпо́днє; я́ко вознесе́ся і́м'я Того́ Єди́наго, іспові́даніє Єго́ на землі́ і на небесі́.

¹³

Да восхва́лятъ и́мя Госпо́дне: я́ко вознесе́ся и́мя Того́ єди́наго, исповѣ́даніє Єго́ на земли́ и на небеси́.

¹⁴

І вознесе́ть рог люді́й Свої́х; піснь всім преподо́бним Єго́, синово́м Ізра́їлевим, лю́дем приближа́ющимся Єму́.

¹⁴

И вознесе́тъ ро́гъ люді́й Свои́хъ: пѣ́снь всѣ́мъ преподо́бнымъ Єго́, сыново́мъ Ізра́илевымъ, лю́демъ приближа́ющымся Єму́.