0

Аллилу́я, Агге́я і Заха́рії, 148.

¹

Хвалі́те Го́спода с небе́с, хвалі́те Єго́ в ви́шніх.

²

Хвалі́те Єго́ всі а́нгели Єго́; хвалі́те Єго́, вся си́ли Єго́.

³

Хвалі́те Єго́, со́лнце і луна́; хвалі́те Єго́ вся зві́зди і світ.

⁴

Хвалі́те Єго́, небеса́ небе́с, і вода́, я́же преви́ше небе́с.

⁵

Да восхва́лять і́м'я Госпо́днє; я́ко Той рече́ — і би́ша; Той повелі́ — і созда́шася.

⁶

Поста́ви я в вік і в вік ві́ка; повелі́ніє положи́, і не ми́мо і́деть.

⁷

Хвалі́те Го́спода от землі́, змі́єве і вся бе́здни;

⁸

огнь, град, сніг, го́лоть, дух бу́рен, творя́щая сло́во Єго́;

⁹

го́ри і всі хо́лми, древа́ плодоно́сна і всі ке́дри;

¹⁰

зві́ріє і всі ско́ти, га́ди і пти́ці перна́ти;

¹¹

ца́ріє зе́мстії і всі лю́діє, кня́зі і всі судії́ зе́мстії;

¹²

ю́ноші і ді́ви, ста́рці с ю́нотами.

¹³

Да восхва́лять і́м'я Госпо́днє; я́ко вознесе́ся і́м'я Того́ Єди́наго, іспові́даніє Єго́ на землі́ і на небесі́.

¹⁴

І вознесе́ть рог люді́й Свої́х; піснь всім преподо́бним Єго́, синово́м Ізра́їлевим, лю́дем приближа́ющимся Єму́.