0

Аллилу́я, 149.

Аллилу́іа.

¹

Воспо́йте Го́сподеві піснь но́ву; хвале́ніє Єго́ в це́ркві преподо́бних.

¹

Воспо́йте Го́сподеви пѣ́снь но́ву: хвале́ніє Єго́ въ це́ркви преподо́бныхъ.

²

Да возвесели́ться Ізра́їль о сотво́ршем єго́, і си́нове Сіо́ні возра́дуються о Царі́ своє́м.

²

Да возвесели́тся Ізра́иль о сотво́ршемъ єго́, и сы́нове Сіо́ни возра́дуются о Цари́ своє́мъ.

³

Да восхва́лять і́м'я Єго́ в ли́ці, в тимпа́ні і псалти́рі да пою́ть Єму́.

³

Да восхва́лятъ и́мя Єго́ въ ли́цѣ, въ тимпа́нѣ и псалти́ри да пою́тъ Єму́.

⁴

Я́ко благоволи́ть Госпо́дь в лю́дех Свої́х, і вознесе́ть кро́ткія во спасе́ніє.

⁴

Я́ко благоволи́тъ Госпо́дь въ лю́дехъ Свои́хъ, и вознесе́тъ кро́ткія во спасе́ніє.

⁵

Восхва́ляться преподо́бнії во сла́ві і возра́дуються на ло́жах свої́х.

⁵

Восхва́лятся преподо́бніи во сла́вѣ и возра́дуются на ло́жахъ свои́хъ.

⁶

Возноше́нія Бо́жія в горта́ні їх, і мечі́ обою́ду остри́ в рука́х їх;

⁶

Возноше́нія Бо́жія въ горта́ни и́хъ, и мечи́ обою́ду остры́ въ рука́хъ и́хъ:

⁷

сотвори́ти отмще́ніє во язи́ціх, обличе́нія в лю́дех;

⁷

сотвори́ти отмще́ніє во язы́цѣхъ, обличе́нія въ лю́дехъ:

⁸

св'яза́ти царі́ їх пу́ти, і сла́вния їх ручни́ми око́ви желі́зними;

⁸

связа́ти цари́ и́хъ пу́ты, и сла́вныя и́хъ ручны́ми око́вы желѣ́зными:

⁹

сотвори́ти в них суд напи́сан. Сла́ва сія́ бу́деть всім преподо́бним Єго́.

⁹

сотвори́ти въ ни́хъ су́дъ напи́санъ. Сла́ва сія́ бу́детъ всѣ́мъ преподо́бнымъ Єго́.