0

Аллилу́я, 149.

¹

Воспо́йте Го́сподеві піснь но́ву; хвале́ніє Єго́ в це́ркві преподо́бних.

²

Да возвесели́ться Ізра́їль о сотво́ршем єго́, і си́нове Сіо́ні возра́дуються о Царі́ своє́м.

³

Да восхва́лять і́м'я Єго́ в ли́ці, в тимпа́ні і псалти́рі да пою́ть Єму́.

⁴

Я́ко благоволи́ть Госпо́дь в лю́дех Свої́х, і вознесе́ть кро́ткія во спасе́ніє.

⁵

Восхва́ляться преподо́бнії во сла́ві і возра́дуються на ло́жах свої́х.

⁶

Возноше́нія Бо́жія в горта́ні їх, і мечі́ обою́ду остри́ в рука́х їх;

⁷

сотвори́ти отмще́ніє во язи́ціх, обличе́нія в лю́дех;

⁸

св'яза́ти царі́ їх пу́ти, і сла́вния їх ручни́ми око́ви желі́зними;

⁹

сотвори́ти в них суд напи́сан. Сла́ва сія́ бу́деть всім преподо́бним Єго́.