0

Псало́м Дави́ду, 24.

Псало́мъ Дави́ду.

¹

К Тебі́, Го́споди, воздвиго́х ду́шу мою́, Бо́же мой, на Тя упова́х, да не постижу́ся во вік, ніже́ да посмію́тьміся вразі́ мої́;

¹

Къ Тебѣ́, Го́споди, воздвиго́хъ ду́шу мою́, Бо́же мо́й, на Тя́ упова́хъ, да не постыжу́ся во вѣ́къ, ниже́ да посмѣю́тмися врази́ мои́:

²

і́бо всі терп'я́щії Тя не постидя́ться.

²

и́бо вси́ терпя́щіи Тя́ не постыдя́тся.

³

Да постидя́ться беззако́ннующії вотще́.

³

Да постыдя́тся беззако́ннующіи вотще́.

⁴

Путі́ Твоя́, Го́споди, скажи́ мі і стезя́м Твої́м научи́ м'я.

⁴

Пути́ Твоя́, Го́споди, скажи́ ми и стезя́мъ Твои́мъ научи́ мя.

⁵

Наста́ви м'я на і́стину Твою́ і научи́ м'я; я́ко Ти єси́ Бог Спас мой, і Тебе́ терпі́х весь день.

⁵

Наста́ви мя́ на и́стину Твою́ и научи́ мя: я́ко Ты́ єси́ Бо́гъ Спа́съ мо́й, и Тебе́ терпѣ́хъ ве́сь де́нь.

⁶

Пом'яни́ щедро́ти Твоя́, Го́споди, і ми́лості Твоя́, я́ко от ві́ка суть.

⁶

Помяни́ щедро́ты Твоя́, Го́споди, и ми́лости Твоя́, я́ко от вѣ́ка су́ть.

⁷

Гріх ю́ности моєя́ і неві́дінія моєго́ не пом'яни́; по ми́лості Твоє́й пом'яни́ м'я Ти, ра́ди бла́гости Твоєя́, Го́споди.

⁷

Грѣ́хъ ю́ности моєя́ и невѣ́дѣнія моєго́ не помяни́: по ми́лости Твоє́й помяни́ мя Ты́, ра́ди бла́гости Твоєя́, Го́споди.

⁸

Благ і прав Госпо́дь, сего́ ра́ди законоположи́ть согріша́ющим на путі́.

⁸

Бла́гъ и пра́въ Госпо́дь, сего́ ра́ди законоположи́тъ согрѣша́ющымъ на пути́.

⁹

Наста́вить кро́ткія на суд, научи́ть кро́ткія путе́м Свої́м.

⁹

Наста́витъ кро́ткія на су́дъ, научи́тъ кро́ткія путе́мъ Свои́мъ.

¹⁰

Всі путіє́ Госпо́дні ми́лость і і́стина, взиска́ющим заві́та Єго́ і свиді́нія Єго́.

¹⁰

Вси́ путіє́ Госпо́дни ми́лость и и́стина, взыска́ющымъ завѣ́та Єго́ и свидѣ́нія Єго́.

¹¹

Ра́ди і́мене Твоєго́, Го́споди, і очи́сти гріх мой, мног бо єсть.

¹¹

Ра́ди и́мене Твоєго́, Го́споди, и очи́сти грѣ́хъ мо́й, мно́гъ бо є́сть.

¹²

Кто єсть челові́к боя́йся Го́спода? Законоположи́ть єму́ на путі́, єго́же ізво́ли.

¹²

Кто́ єсть человѣ́къ боя́йся Го́спода? Законоположи́тъ єму́ на пути́, єго́же изво́ли.

¹³

Душа́ єго́ во благи́х водвори́ться, і сі́м'я єго́ наслі́дить зе́млю.

¹³

Душа́ єго́ во благи́хъ водвори́тся, и сѣ́мя єго́ наслѣ́дитъ зе́млю.

¹⁴

Держа́ва Госпо́дь боя́щихся Єго́, і заві́т Єго́ яви́ть їм.

¹⁴

Держа́ва Госпо́дь боя́щихся Єго́, и завѣ́тъ Єго́ яви́тъ и́мъ.

¹⁵

О́чі мої́ ви́ну ко Го́споду, я́ко Той істо́ргнеть от сі́ті но́зі мої́.

¹⁵

О́чи мои́ вы́ну ко Го́споду, я́ко То́й исто́ргнетъ от сѣ́ти но́зѣ мои́.

¹⁶

При́зри на м'я і поми́луй м'я, я́ко єдиноро́д і нищ єсьм аз.

¹⁶

При́зри на мя́ и поми́луй мя́, я́ко єдиноро́дъ и ни́щ є́смь а́зъ.

¹⁷

Ско́рбі се́рдця моєго́ умно́жишася, от нужд мої́х ізведи́ м'я.

¹⁷

Ско́рби се́рдца моєго́ умно́жишася, от ну́ждъ мои́хъ изведи́ мя.

¹⁸

Виждь смире́ніє моє́ і труд мой, і оста́ви вся гріхи́ моя́.

¹⁸

Ви́ждь смире́ніє моє́ и тру́дъ мо́й, и оста́ви вся́ грѣхи́ моя́.

¹⁹

Виждь враги́ моя́, я́ко умно́жишася, і ненавиді́нієм непра́ведним возненави́діша м'я.

¹⁹

Ви́ждь враги́ моя́, я́ко умно́жишася, и ненавидѣ́ніємъ непра́веднымъ возненави́дѣша мя́.

²⁰

Сохрани́ ду́шу мою́ і ізба́ви м'я, да не постижу́ся, я́ко упова́х на Тя.

²⁰

Сохрани́ ду́шу мою́ и изба́ви мя́, да не постыжу́ся, я́ко упова́хъ на Тя́.

²¹

Незло́бивії і пра́вії приліпля́хуся мні, я́ко потерпі́х Тя, Го́споди.

²¹

Незло́бивіи и пра́віи прилѣпля́хуся мнѣ́, я́ко потерпѣ́хъ Тя́, Го́споди.

²²

Ізба́ви, Бо́же, Ізра́їля от всіх скорбе́й єго́.

²²

Изба́ви, Бо́же, Ізра́иля от всѣ́хъ скорбе́й єго́.