0

Псало́м Дави́ду, 25.

¹

Суди́ мі, Го́споди, я́ко аз незло́бою моє́ю ходи́х; і на Го́спода упова́я не ізнемогу́.

²

Іскуси́ м'я, Го́споди, і іспита́й м'я, разжжи́ утро́би моя́ і се́рдце моє́.

³

Я́ко ми́лость Твоя́ пред очи́ма мої́ма єсть, і благоугоди́х во і́стині Твоє́й.

⁴

Не сідо́х с со́нмом су́єтним, і со законопресту́пними не вни́ду.

⁵

Возненави́діх це́рков лука́внующих, і с нечести́вими не ся́ду.

⁶

Уми́ю в непови́нних ру́ці мої́, і оби́ду же́ртвенник Твой, Го́споди,

⁷

є́же усли́шати мі глас хвали́ Твоєя́ і пові́дати вся чудеса́ Твоя́.

⁸

Го́споди, возлюби́х благолі́піє до́му Твоєго́ і мі́сто селе́нія сла́ви Твоєя́.

⁹

Да не погуби́ши с нечести́вими ду́шу мою́ і с му́жі крове́й живо́т мой,

¹⁰

ї́хже в руку́ беззако́нія, десни́ця їх іспо́лнися мзди.

¹¹

Аз же незло́бою моє́ю ходи́х; ізба́ви м'я, Го́споди, і поми́луй м'я.

¹²

Нога́ моя́ ста на правоті́; в це́рквах благословлю́ Тя, Го́споди.