¹

В коне́ць, о́троку Госпо́дню Дави́ду, 35.

²

Глаго́лет пребеззако́нний согріша́ти в себі́; ність стра́ха Бо́жия пред очи́ма єго́;

³

я́ко ульсти́ пред ним обрісти́ беззако́ніє своє́ і возненави́діти.

⁴

Глаго́ли уст єго́ — беззако́ніє і лесть; не восхоті́ разумі́ти є́же ублажи́ти.

⁵

Беззако́ніє поми́сли на ло́жі своє́м; предста́ вся́кому путі́ небла́гу, о зло́бі же не негодова́.

⁶

Го́споди, на небесі́ ми́лость Твоя́, і і́стина Твоя́ до о́блак;

⁷

пра́вда Твоя́ — я́ко го́ри Бо́жія, судьби́ Твоя́ — бе́здна мно́га; челові́ки і скоти́ спасе́ши, Го́споди.

⁸

Я́ко умно́жил єси́ ми́лость Твою́, Бо́же; си́нове же челові́честії в кро́ві крилу́ Твоє́ю наді́ятися і́муть.

⁹

Упію́ться от ту́ка до́му Твоєго́, і пото́ком сла́дости Твоєя́ напої́ши я.

¹⁰

Я́ко у Тебе́ істо́чник живота́, во сві́ті Твоє́м у́зрим світ.

¹¹

Проба́ви ми́лость Твою́ ві́дущим Тя і пра́вду Твою́ пра́вим се́рдцем.

¹²

Да не при́йдеть мні нога́ горди́ни, і рука́ грі́шнича да не подви́жить мене́.

¹³

Та́мо падо́ша всі ді́лающії беззако́ніє; ізринове́ні би́ша і не возмо́гуть ста́ти.

1001

Сла́ва: