¹

Псало́м Дави́ду, в воспомина́ніє о субо́ті, 37.

²

Го́споди, да не я́ростію Твоє́ю обличи́ши мене́, ніже́ гні́вом Твої́м нака́жеши мене́;

³

я́ко стрі́ли Твоя́ унзо́ша во мні, і утверди́л єси́ на мні ру́ку Твою́.

⁴

Ність ізціле́нія в пло́ті моє́й от лиця́ гні́ва Твоєго́, ність ми́ра в косте́х мої́х от лиця́ гріх мої́х.

⁵

Я́ко беззако́нія моя́ превзидо́ша главу́ мою́, я́ко бре́м'я тя́жкоє отяготі́ша на мні.

⁶

Возсмерді́ша і согни́ша ра́ни моя́, от лиця́ безу́мія моєго́.

⁷

Пострада́х і сляко́хся до конця́, весь день сі́туя хожда́х;

⁸

я́ко ля́двія моя́ напо́лнишася поруга́ній, і ність ізціле́нія в пло́ті моє́й.

⁹

Озло́блен бих і смири́хся до зіла́, рика́х от воздиха́нія се́рдця моєго́.

¹⁰

Го́споди, пред Тобо́ю все жела́ніє моє́, і воздиха́ніє моє́ от Тебе́ не утаї́ся.

¹¹

Се́рдце моє́ см'яте́ся, оста́ви м'я си́ла моя́, і світ о́чію моє́ю — і той ність со мно́ю.

¹²

Дру́зі мої́ і і́скреннії мої́ пря́мо мні прибли́жишася і ста́ша.

¹³

І бли́жнії мої́ отдале́че мене́ ста́ша, і нужда́хуся і́щущії ду́шу мою́; і і́щущії зла́я мні глаго́лаху су́єтная, і льсти́вним весь день поуча́хуся.

¹⁴

Аз же, я́ко глух, не сли́шах, і я́ко нім не отверза́яй уст свої́х;

¹⁵

і бих я́ко челові́к не сли́шай і не іми́й во усті́х свої́х обличе́нія.

¹⁶

Я́ко на Тя, Го́споди, упова́х, Ти усли́шиши, Го́споди, Бо́же мой.

¹⁷

Я́ко ріх: да не когда́ пора́дуютьміся вразі́ мої́; і внегда́ подвижа́тися нога́м мої́м, на м'я велері́чеваша.

¹⁸

Я́ко аз на ра́ни гото́в, і болі́знь моя́ предо мно́ю єсть ви́ну.

¹⁹

Я́ко беззако́ніє моє́ аз возвіщу́ і попеку́ся о грісі́ моє́м.

²⁰

Вразі́ же мої́ живу́ть і укріпи́шася па́че мене́, і умно́жишася ненави́дящії м'я без пра́вди;

²¹

воздаю́щії мі зла́я воз блага́я оболга́ху м'я, зане́ гоня́х благости́ню.

²²

Не оста́ви мене́, Го́споди Бо́же мой, не отступи́ от мене́;

²³

воньми́ в по́мощ мою́, Го́споди спасе́нія моєго́.