В коне́ць, да не растли́ши, Дави́ду в столпописа́ніє, внегда́ посла́ Сау́л і стреже́ дом єго́, є́же умертви́ти єго́, 58.

²

Ізми́ м'я от враг мої́х, Бо́же, і от возстаю́щих на м'я ізба́ви м'я;

³

ізба́ви м'я от ді́лающих беззако́ніє, і от муж крове́й спаси́ м'я.

⁴

Я́ко се, улови́ша ду́шу мою́, нападо́ша на м'я крі́пції; ніже́ беззако́ніє моє́, ніже́ гріх мой, Го́споди;

⁵

без беззако́нія теко́х і іспра́вих; воста́ни в срі́теніє моє́ і виждь.

⁶

І Ти, Го́споди Бо́же сил, Бо́же Ізра́їлев, воньми́ посіти́ти вся язи́ки; да не уще́дриши вся ді́лающия беззако́ніє.

⁷

Возвратя́ться на ве́чер, і вза́лчуть, я́ко пес, і оби́дуть град.

⁸

Се, ті́ї отвіща́ють усти́ свої́ми, і меч во устна́х їх: я́ко кто сли́ша?

⁹

І Ти, Го́споди, посміє́шися їм, уничижи́ши вся язи́ки.

¹⁰

Держа́ву мою́ к Тебі́ сохраню́; я́ко Ти, Бо́же, Засту́пник мой єси́.

¹¹

Бог мой, ми́лость Єго́ предвари́ть м'я; Бог мой, яви́ть мні на вразі́х мої́х.

¹²

Не уби́й їх, да не когда́ забу́дуть зако́н Твой; расточи́ я си́лою Твоє́ю і низведи́ я, Защи́тниче мой, Го́споди,

¹³

гріх уст їх, сло́во усте́н їх; і я́ти да бу́дуть в горди́ни своє́й, і от кля́тви і лжі возвістя́ться в кончи́ні,

¹⁴

во гні́ві кончи́ни, і не бу́дуть; і уві́дять, я́ко Бог влади́чествуєть Іа́ковом і конці́ землі́.

¹⁵

Возвратя́ться на ве́чер, і вза́лчуть, я́ко пес, і оби́дуть град;

¹⁶

ті́ї рази́дуться я́сти; а́ще ли же не наси́тяться, і поро́пщуть.

¹⁷

Аз же воспою́ си́лу Твою́ і возра́дуюся зау́тра о ми́лості Твоє́й; я́ко бил єси́ Засту́пник мой і Прибі́жище моє́ в день ско́рби моєя́.

¹⁸

Помо́щник мой єси́, Тебі́ пою́; я́ко Бог Засту́пник мой єси́, Бо́же мой, ми́лость моя́.