¹

В коне́ць, в пі́снех о осьмі́м, псало́м Дави́ду, 6.

²

Го́споди, да не я́ростію Твоє́ю обличи́ши мене́, ніже́ гні́вом Твої́м нака́жеши мене́.

³

Поми́луй м'я, Го́споди, я́ко не́мощен єсьм; ізціли́ м'я, Го́споди, я́ко см'ято́шася ко́сті моя́,

⁴

і душа́ моя́ см'яте́ся зіло́; і Ти, Го́споди, доко́лі?

⁵

Обрати́ся, Го́споди, ізба́ви ду́шу мою́, спаси́ м'я ра́ди ми́лости Твоєя́;

⁶

я́ко ність в сме́рті помина́яй Тебе́, во а́ді же кто іспові́сться Тебі́?

⁷

Утруди́хся воздиха́нієм мої́м, ізми́ю на вся́ку нощ ло́же моє́, слеза́ми мої́ми посте́лю мою́ омочу́.

⁸

См'яте́ся от я́рости о́ко моє́, обетша́х во всіх вразі́х мої́х.

⁹

Отступі́те от мене́, всі ді́лающії беззако́ніє, я́ко усли́ша Госпо́дь глас пла́ча моєго́,

¹⁰

усли́ша Госпо́дь моле́ніє моє́, Госпо́дь моли́тву мою́ прия́т.

¹¹

Да постидя́ться і см'яту́ться всі вразі́ мої́, да возвратя́ться і устидя́ться зіло́ вско́рі.

1001

Сла́ва: