¹

В коне́ць, в пі́снех, псало́м Аса́фу, піснь ко ассирі́анину, 75.

²

Ві́дом во Іуде́ї Бог; во Ізра́їлі ве́ліє і́м'я Єго́.

³

І бисть в ми́рі мі́сто Єго́, і жили́ще Єго́ в Сіо́ні.

⁴

Та́мо сокруши́ крі́пості луко́в, ору́жіє і меч і брань.

⁵

Просвіща́єши Ти ди́вно от гор ві́чних.

⁶

См'ято́шася всі неразу́мнії се́рдцем; усну́ша сном свої́м, і нічто́же обріто́ша всі му́жіє бога́тства в рука́х свої́х.

⁷

От запреще́нія Твоєго́, Бо́же Іа́ковль, воздрема́ша всі́дшії на ко́ні.

⁸

Ти стра́шен єси́, і кто противоста́неть Тебі́? Отто́лі гнів Твой.

⁹

С небесе́ сли́шан сотвори́л єси́ суд; земля́ убоя́ся і умолча́,

¹⁰

внегда́ воста́ти на суд Бо́гу, спасти́ вся кро́ткия землі́.

¹¹

Я́ко помишле́ніє челові́чеськоє іспові́сться Тебі́, і оста́нок помишле́нія пра́зднуєть Ті.

¹²

Помолі́теся і воздаді́те Го́сподеві Бо́гу на́шему; всі, і́же о́крест Єго́, принесу́ть да́ри

¹³

Стра́шному і от'є́млющему ду́хи князе́й, стра́шному па́че царе́й земни́х.