0

Псало́м Аса́фу, 81.

Ѱало́мъ а҆са́фꙋ, п҃а҃.

¹

Бог ста в со́нмі бого́в, посреді́ же бо́ги разсу́дить.

¹

Бг҃ъ ста̀ въ со́нмѣ богѡ́въ, посредѣ́ же бо́ги разсꙋ́дитъ.

²

Доко́лі су́дите непра́вду і ли́ця грі́шников приє́млете?

²

Доко́лѣ сꙋ́дите непра́вдꙋ, и҆ ли́ца грѣ́шникѡвъ прїе́млете;

³

Суді́те си́ру і убо́гу, смире́на і ни́ща оправда́йте;

³

Сꙋди́те си́рꙋ и҆ оу҆бо́гꙋ, смире́на и҆ ни́ща ѡ҆правда́йте:

⁴

ізмі́те ни́ща і убо́га, із руки́ грі́шничі ізба́віте єго́.

⁴

и҆зми́те ни́ща и҆ оу҆бо́га, и҆з̾ рꙋкѝ грѣ́шничи и҆зба́вите є҆го̀.

⁵

Не позна́ша, ніже́ уразумі́ша, во тьмі хо́дять; да подви́жаться вся основа́нія землі́.

⁵

Не позна́ша, нижѐ оу҆разꙋмѣ́ша, во тмѣ̀ хо́дѧтъ: да подви́жатсѧ всѧ̑ ѡ҆снова̑нїѧ землѝ.

⁶

Аз ріх: бо́зі єсте́, і си́нове Ви́шняго всі;

⁶

А҆́зъ рѣ́хъ: бо́зи є҆стѐ, и҆ сы́нове вы́шнѧгѡ всѝ:

⁷

ви же, я́ко челові́ци, умира́єте, і, я́ко єди́н от князе́й, па́даєте.

⁷

вы́ же ꙗ҆́кѡ человѣ́цы оу҆мира́ете, и҆ ꙗ҆́кѡ є҆ди́нъ ѿ кнѧзе́й па́даете.

⁸

Воскресни́, Бо́же, суди́ землі́; я́ко Ти наслі́диши во всіх язи́ціх.

⁸

Воскрⷭ҇нѝ, бж҃е, сꙋдѝ землѝ: ꙗ҆́кѡ ты̀ наслѣ́диши во всѣ́хъ ꙗ҆зы́цѣхъ.