0

Псало́м Аса́фу, 81.

¹

Бог ста в со́нмі бого́в, посреді́ же бо́ги разсу́дить.

²

Доко́лі су́дите непра́вду і ли́ця грі́шников приє́млете?

³

Суді́те си́ру і убо́гу, смире́на і ни́ща оправда́йте;

⁴

ізмі́те ни́ща і убо́га, із руки́ грі́шничі ізба́віте єго́.

⁵

Не позна́ша, ніже́ уразумі́ша, во тьмі хо́дять; да подви́жаться вся основа́нія землі́.

⁶

Аз ріх: бо́зі єсте́, і си́нове Ви́шняго всі;

⁷

ви же, я́ко челові́ци, умира́єте, і, я́ко єди́н от князе́й, па́даєте.

⁸

Воскресни́, Бо́же, суди́ землі́; я́ко Ти наслі́диши во всіх язи́ціх.