¹

Сино́м Коре́йовим, псало́м пі́сні, 86.

¹

Сыно́мъ Коре́овымъ, псало́мъ пѣ́сни.

²

Основа́нія Єго́ на гора́х святи́х; лю́бить Госпо́дь врата́ Сіо́ня па́че всіх селе́ній Іа́ковлих.

²

Основа́нія єго́ на гора́хъ святы́хъ: лю́битъ Госпо́дь врата́ Сіо́ня па́че всѣ́хъ селе́ній Іа́ковлихъ.

³

Пресла́вная глаго́лашася о тебі́, гра́де Бо́жий.

³

Пресла́вная глаго́лашася о тебѣ́, гра́де Бо́жій.

⁴

Пом'яну́ Раа́в і Вавило́на ві́дущим м'я; і се, іноплеме́нници і Тир і лю́діє Ефіо́пстії, сі́ї би́ша та́мо.

⁴

Помяну́ Раа́въ и Вавило́на вѣ́дущымъ мя́: и се́, иноплеме́нницы и Ти́ръ и лю́діє Єѳіо́пстіи, сі́и бы́ша та́мо.

⁵

Ма́ти Сіо́н рече́ть: челові́к і челові́к роди́ся в нем, і Той основа́ ї Ви́шній.

⁵

Ма́ти Сіо́нъ рече́тъ: человѣ́къ и человѣ́къ роди́ся въ не́мъ, и То́й основа́ и́ Вы́шній.

⁶

Госпо́дь пові́сть в писа́нії люді́й і князе́й, сих би́вших в нем.

⁶

Госпо́дь повѣ́сть въ писа́ніи люді́й и князе́й, си́хъ бы́вшихъ въ не́мъ.

⁷

Я́ко веселя́щихся всіх жили́ще в тебі́.

⁷

Я́ко веселя́щихся всѣ́хъ жили́ще въ тебѣ́.