¹

Сино́м Коре́йовим, псало́м пі́сні, 86.

²

Основа́нія Єго́ на гора́х святи́х; лю́бить Госпо́дь врата́ Сіо́ня па́че всіх селе́ній Іа́ковлих.

³

Пресла́вная глаго́лашася о тебі́, гра́де Бо́жий.

⁴

Пом'яну́ Раа́в і Вавило́на ві́дущим м'я; і се, іноплеме́нници і Тир і лю́діє Ефіо́пстії, сі́ї би́ша та́мо.

⁵

Ма́ти Сіо́н рече́ть: челові́к і челові́к роди́ся в нем, і Той основа́ ї Ви́шній.

⁶

Госпо́дь пові́сть в писа́нії люді́й і князе́й, сих би́вших в нем.

⁷

Я́ко веселя́щихся всіх жили́ще в тебі́.