¹

Ра́зума Ефа́ма Ізра́їльтянина, 88.

²

Ми́лості Твоя́, Го́споди, во вік воспою́, в род і род возвіщу́ і́стину Твою́ усти́ мої́ми.

³

Зане́ рекл єси́: в вік ми́лость сози́ждеться, на небесі́х угото́виться і́стина Твоя́.

⁴

Завіща́х заві́т ізбра́нним Мої́м, кля́хся Дави́ду, рабу́ Моєму́:

⁵

до ві́ка угото́ваю сі́м'я твоє́, і сози́жду в род і род престо́л твой.

⁶

Іспові́дять небеса́ чудеса́ Твоя́, Го́споди, і́бо і́стину Твою́ в це́ркві святи́х.

⁷

Я́ко кто во о́блаціх уравни́ться Го́сподеві? Уподо́биться Го́сподеві в сині́х Бо́жиїх?

⁸

Бог прославля́єм в сові́ті святи́х, ве́лій і стра́шен єсть над всі́ми окре́стними Єго́.

⁹

Го́споди Бо́же сил, кто подо́бен Тебі́? Си́лен єси́, Го́споди, і і́стина Твоя́ о́крест Тебе́.

¹⁰

Ти влади́чествуєши держа́вою морсько́ю, возмуще́ніє же волн єго́ Ти укроча́єши.

¹¹

Ти смири́л, єси́, я́ко я́звена, го́рдаго, ми́шцею си́ли Твоєя́ расточи́л єси́ враги́ Твоя́.

¹²

Твоя́ суть небеса́, і Твоя́ єсть земля́; вселе́нную і ісполне́ніє єя́ Ти основа́л єси́.

¹³

Сі́вер і мо́ре Ти созда́л єси́; Фаво́р і Єрмо́н о і́мені Твоє́м возра́дуєтася.

¹⁴

Твоя́ ми́шця с си́лою, да укріпи́ться рука́ Твоя́, і вознесе́ться десни́ця Твоя́.

¹⁵

Пра́вда і судьба́ — угото́ваніє престо́ла Твоєго́; ми́лость і і́стина преди́деті пред лице́м Твої́м.

¹⁶

Блаже́нні лю́діє ві́дущії воскликнове́ніє: Го́споди, во сві́ті лиця́ Твоєго́ по́йдуть,

¹⁷

і о і́мені Твоє́м возра́дуються весь день, і пра́вдою Твоє́ю вознесу́ться.

¹⁸

Я́ко похвала́ си́ли їх Ти єси́, і во благоволе́нії Твоє́м вознесе́ться рог наш.

¹⁹

Я́ко Госпо́днє єсть заступле́ніє і Свята́го Ізра́їлева Царя́ на́шего.

²⁰

Тогда́ глаго́лал єси́ в виді́нії синово́м Твої́м і рекл єси́: положи́х по́мощ на си́льнаго, вознесо́х ізбра́ннаго от люді́й Мої́х;

²¹

обріто́х Дави́да, раба́ Моєго́, єле́єм святи́м Мої́м пома́зах єго́.

²²

І́бо рука́ Моя́ засту́пить єго́, і ми́шця Моя́ укріпи́ть єго́;

²³

нічто́же успі́єть враг на него́, і син беззако́нія не приложи́ть озло́бити єго́.

²⁴

І ссіку́ от лиця́ єго́ враги́ єго́, і ненави́дящия єго́ побіжду́;

²⁵

і і́стина Моя́ і ми́лость Моя́ с ним, і о і́мені Моє́м вознесе́ться рог єго́;

²⁶

і положу́ на мо́рі ру́ку єго́, і на ріка́х десни́цю єго́.

²⁷

Той призове́ть М'я: Оте́ць мой єси́ Ти, Бог мой і Засту́пник спасе́нія моєго́.

²⁸

І Аз пе́рвенця положу́ єго́, висока́ па́че царе́й земни́х;

²⁹

в вік сохраню́ єму́ ми́лость Мою́, і заві́т Мой ві́рен єму́;

³⁰

і положу́ в вік ві́ка сі́м'я єго́, і престо́л єго́ я́ко дні́є не́ба.

³¹

А́ще оста́в'ять си́нове єго́ зако́н Мой і в судьба́х Мої́х не по́йдуть,

³²

а́ще оправда́нія Моя́ оскверня́ть і за́повідій Мої́х не сохраня́ть,

³³

посіщу́ жезло́м беззако́нія їх і ра́нами непра́вди їх,

³⁴

ми́лость же Мою́ не разорю́ от них, ні преврежду́ во і́стині Моє́й;

³⁵

ніже́ оскверню́ заві́та Моєго́ і ісходя́щих от уст Мої́х не отве́ргуся.

³⁶

Єди́ною кля́хся о святі́м Моє́м: а́ще Дави́ду солжу́?

³⁷

Сі́м'я єго́ во вік пребу́деть, і престо́л єго́ — я́ко со́лнце предо Мно́ю,

³⁸

і я́ко луна́ соверше́на в вік, і свиді́тель на небесі́ ві́рен.

³⁹

Ти же отри́нул єси́ і унічижи́л, негодова́л єси́ пома́заннаго Твоєго́;

⁴⁰

разори́л єси́ заві́т раба́ Твоєго́, оскверни́л єси́ на землі́ святи́ню єго́;

⁴¹

разори́л єси́ вся опло́ти єго́, положи́л єси́ тве́рдая єго́ страх.

⁴²

Расхища́ху єго́ всі мимоходя́щії путе́м, бисть поноше́ніє сосі́дом свої́м.

⁴³

Возви́сил єси́ десни́цю стужа́ющих єму́, возвесели́л єси́ вся враги́ єго́;

⁴⁴

отврати́л єси́ по́мощ меча́ єго́ і не заступи́л єси́ єго́ во бра́ні;

⁴⁵

разори́л єси́ от очище́нія єго́, престо́л єго́ на зе́млю пове́ргл єси́:

⁴⁶

Ума́лил єси́ дні вре́мене єго́, облія́л єси́ єго́ студо́м.

⁴⁷

Доко́лі, Го́споди, отвраща́єшися в коне́ць, разжже́ться я́ко огнь гнів Твой?

⁴⁸

Пом'яни́, кий мой соста́в: єда́ бо всу́є созда́л єси́ вся си́ни челові́чеськія?

⁴⁹

Кто єсть челові́к, і́же поживе́ть і не у́зрить сме́рти, ізба́вить ду́шу свою́ із руки́ а́дови?

⁵⁰

Гді суть ми́лості Твоя́ дре́внія, Го́споди, ї́миже кля́лся єси́ Дави́ду во і́стині Твоє́й?

⁵¹

Пом'яни́, Го́споди, поноше́ніє раб Твої́х, є́же удержа́х в ні́дрі моє́м мно́гих язи́к;

⁵²

і́мже поноси́ша вразі́ Твої́, Го́споди, і́мже поноси́ша ізміне́нію христа́ Твоєго́.

⁵³

Благослове́н Госпо́дь во вік! Бу́ди, бу́ди.

1001

Сла́ва: