0

Хвала́ пі́сні Дави́дови, не надпи́сан у євре́й, 90.

Хвала́ пѣ́сни Дави́довы, не надпи́санъ у Євре́й.

¹

Живи́й в по́мощі Ви́шняго, в кро́ві Бо́га Небе́снаго водвори́ться,

¹

Живы́й въ по́мощи Вы́шняго, въ кро́вѣ Бо́га небе́снаго водвори́тся,

²

рече́ть Го́сподеві: Засту́пник мой єси́ і Прибі́жище моє́, Бог мой, і упова́ю на Него́.

²

рече́тъ Го́сподеви: засту́пникъ мо́й єси́ и прибѣ́жище моє́, Бо́гъ мо́й, и упова́ю на Него́.

³

Я́ко Той ізба́вить тя от сі́ті ло́вчі і от словесе́ м'яте́жна;

³

Я́ко То́й изба́витъ тя́ от сѣ́ти ло́вчи и от словесе́ мяте́жна:

⁴

Плещма́ Свої́ма осіни́ть тя, і под крилі́ Єго́ наді́єшися; ору́жієм оби́деть тя і́стина Єго́.

⁴

плещма́ Свои́ма осѣни́тъ тя́, и подъ крилѣ́ Єго́ надѣ́єшися: ору́жіємъ обы́детъ тя́ и́стина Єго́.

⁵

Не убої́шися от стра́ха нощна́го, от стріли́ летя́щия во дні,

⁵

Не убои́шися от стра́ха нощна́го, от стрѣлы́ летя́щія во дни́,

⁶

от ве́щі во тьмі преходя́щия, от сря́ща [от нападе́нія] і бі́са полу́деннаго.

⁶

от ве́щи во тьмѣ́ преходя́щія, от сря́ща {от нападе́нія} и бѣ́са полу́деннаго.

⁷

Паде́ть от страни́ твоєя́ ти́сяща і тьма одесну́ю тебе́, к тебі́ же не прибли́житься;

⁷

Паде́тъ от страны́ твоєя́ ты́сяща, и тьма́ одесну́ю тебе́, къ тебѣ́ же не прибли́жится:

⁸

оба́че очи́ма твої́ма смо́триши і воздая́ніє грі́шников у́зриши.

⁸

оба́че очи́ма твои́ма смо́триши и воздая́ніє грѣ́шниковъ у́зриши.

⁹

Я́ко Ти, Го́споди, Упова́ніє моє́; Ви́шняго положи́л єси́ Прибі́жище твоє́.

⁹

Я́ко ты́, Го́споди, упова́ніє моє́: Вы́шняго положи́лъ єси́ прибѣ́жище твоє́.

¹⁰

Не при́йдеть к тебі́ зло, і ра́на не прибли́житься тілесі́ твоєму́ [селе́нію твоєму́];

¹⁰

Не пріи́детъ къ тебѣ́ зло́, и ра́на не прибли́жится тѣлеси́ твоєму́ {селе́нію твоєму́}:

¹¹

я́ко а́нгелом Свої́м запові́сть о тебі́ сохрани́ти тя во всіх путе́х твої́х.

¹¹

я́ко А́нгеломъ Свои́мъ заповѣ́сть о тебѣ́, сохрани́ти тя́ во всѣ́хъ путе́хъ твои́хъ.

¹²

На рука́х во́зьмуть тя, да не когда́ преткне́ши о ка́мень но́гу твою́;

¹²

На рука́хъ во́змутъ тя́, да не когда́ преткне́ши о ка́мень но́гу твою́:

¹³

на а́спида і васили́ска насту́пиши і попере́ши льва і змі́я.

¹³

на а́спіда и васілі́ска насту́пиши, и попере́ши льва́ и змі́я.

¹⁴

Я́ко на М'я упова́, і ізба́влю ї; покри́ю ї, я́ко позна́ і́м'я Моє́.

¹⁴

Я́ко на Мя́ упова́, и изба́влю и́: покры́ю и́, я́ко позна́ и́мя Моє́.

¹⁵

Воззове́ть ко Мні, і усли́шу єго́; с ним єсьм в ско́рбі, ізму́ єго́ і просла́влю єго́;

¹⁵

Воззове́тъ ко Мнѣ́, и услы́шу єго́: съ ни́мъ є́смь въ ско́рби, изму́ єго́ и просла́влю єго́:

¹⁶

Долгото́ю дній іспо́лню єго́ і явлю́ єму́ спасе́ніє Моє́.

¹⁶

долгото́ю дні́й испо́лню єго́ и явлю́ єму́ спасе́ніє Моє́.

1001

Сла́ва: