¹

І҆ꙋді́ѳъ же падѐ на лицѐ, и҆ возложѝ пе́рсть на главꙋ̀ свою̀, и҆ сложѝ, и҆́мже ѡ҆дѣвашесѧ, вре́тище. И҆ бѧ́ше неда́внѡ приноси́мо во і҆ерⷭ҇ли́мѣ въ домꙋ̀ гдⷭ҇ни кади́ло въ ве́черъ то́й, и҆ возопѝ глсомъ вели́кимъ і҆ꙋді́ѳъ ко гдⷭ҇ꙋ и҆ речѐ:

¹

Іуді́ѳъ же паде́ на лице́, и возложи́ пе́рсть на главу́ свою́, и сложи́, и́мже одѣвашеся, вре́тище. И бя́ше неда́вно приноси́мо во Ієрусали́мѣ въ дому́ Госпо́дни кади́ло въ ве́черъ то́й, и возопи́ глсомъ вели́кимъ Іуді́ѳъ ко Го́споду и рече́:

²

гдⷭ҇и, бж҃е ѻ҆тца̀ моегѡ̀ сѷмеѡ́на, є҆мꙋ́же да́лъ є҆сѝ въ рꙋ́кꙋ ме́чь во ѿмще́нїе и҆норо́дныхъ, и҆̀же растли́ша ложесна̀ дѣви̑ча во ѡ҆скверне́нїе и҆ ѡ҆бнажи́ша нѣ́дро въ срамотꙋ̀ и҆ ѡ҆скверни́ша ложесна̀ въ поноше́нїе,

²

Го́споди, Бо́же отца́ моєго́ Симео́на, єму́же да́лъ єси́ въ ру́ку ме́чь во отмще́ніє иноро́дныхъ, и́же растли́ша ложесна́ дѣви́ча во оскверне́ніє и обнажи́ша нѣ́дро въ срамоту́ и оскверни́ша ложесна́ въ поноше́ніє,

³

ре́клъ бо є҆сѝ: да не бꙋ́детъ та́кѡ: и҆ сотвори́ша, за ꙗ҆̀же да́лъ є҆сѝ кнѧ̑зи и҆́хъ на оу҆бїе́нїе, и҆ посте́лю и҆́хъ, ꙗ҆́же вѣ́дѧше прельще́нїе и҆́хъ, въ кро́вь, и҆ порази́лъ є҆сѝ рабѡ́въ ѡ҆ влады́цѣхъ и҆ влады́ки на престо́лѣхъ и҆́хъ,

³

ре́клъ бо єси́: да не бу́детъ та́ко: и сотвори́ша, за я́же да́лъ єси́ кня́зи и́хъ на убіє́ніє, и посте́лю и́хъ, я́же вѣ́дяше прельще́ніє и́хъ, въ кро́вь, и порази́лъ єси́ рабо́въ о влады́цѣхъ и влады́ки на престо́лѣхъ и́хъ,

⁴

и҆ да́лъ є҆сѝ жєны̀ и҆́хъ въ расхище́нїе и҆ дщє́ри и҆́хъ въ плѣне́нїе и҆ всѧ̑ кѡры́сти и҆́хъ въ раздѣле́нїе сынѡ́мъ возлю́блєннымъ ѿ тебє̀, и҆̀же и҆ возревнова́ша ре́вностїю твое́ю и҆ мерзи́шасѧ ѡ҆скверне́нїемъ кро́ве своеѧ̀ и҆ призва́ша тѧ̀ въ помо́щника: бж҃е, бж҃е мо́й, и҆ мене́ оу҆слы́ши вдовꙋ̀:

⁴

и да́лъ єси́ жены́ и́хъ въ расхище́ніє и дще́ри и́хъ въ плѣне́ніє и вся́ коры́сти и́хъ въ раздѣле́ніє сыно́мъ возлю́бленнымъ от тебе́, и́же и возревнова́ша ре́вностію твоє́ю и мерзи́шася оскверне́ніємъ кро́ве своєя́ и призва́ша тя́ въ помо́щника: Бо́же, Бо́же мо́й, и мене́ услы́ши вдову́:

⁵

ты́ бо сотвори́лъ є҆сѝ, ꙗ҆̀же пре́жде ѻ҆́ныхъ и҆ ѡ҆́наѧ, и҆ ꙗ҆̀же по си́хъ и҆ ꙗ҆̀же нн҃ѣ, и҆ грѧдꙋ́щаѧ проразꙋмѣ́лъ є҆сѝ, и҆ собы́шасѧ, ꙗ҆̀же мы́слилъ є҆сѝ,

⁵

ты́ бо сотвори́лъ єси́, я́же пре́жде о́ныхъ и о́ная, и я́же по си́хъ и я́же ны́нѣ, и гряду́щая проразумѣ́лъ єси́, и собы́шася, я́же мы́слилъ єси́,

⁶

и҆ предста́ша, ꙗ҆̀же оу҆ста́вилъ є҆сѝ, и҆ рѣ́ша: сѐ, є҆смы̀: вси́ бо пꙋтїѐ твоѝ гото́ви, и҆ сꙋ́дъ тво́й во проразꙋмѣ́нїи:

⁶

и предста́ша, я́же уста́вилъ єси́, и рѣ́ша: се́, єсмы́: вси́ бо путіє́ твои́ гото́ви, и су́дъ тво́й во проразумѣ́ніи:

⁷

се́ бо, а҆ссѷрі́ане оу҆мно́жишасѧ въ си́лѣ своей, вознесо́шасѧ ѡ҆ конѝ и҆ ѡ҆ вса́дницѣ, возвелича́шасѧ въ мы́шцѣ пѣшє́въ, оу҆пова́ша на щи́тъ и҆ копїѐ и҆ лꙋ́къ и҆ пра́щꙋ, и҆ не позна́ша, ꙗ҆́кѡ ты̀ є҆сѝ гдⷭ҇ь сокрꙋша́ѧй бра̑ни:

⁷

се́ бо, Ассирі́ане умно́жишася въ си́лѣ своєй, вознесо́шася о кони́ и о вса́дницѣ, возвелича́шася въ мы́шцѣ пѣше́въ, упова́ша на щи́тъ и копіє́ и лу́къ и пра́щу, и не позна́ша, я́ко ты́ єси́ Госпо́дь сокруша́яй бра́ни:

⁸

гдⷭ҇ь и҆́мѧ тебѣ̀, ты̀ сокрꙋшѝ и҆́хъ крѣ́пость си́лою твое́ю и҆ низложѝ держа́вꙋ и҆́хъ ꙗ҆́ростїю твое́ю: оу҆совѣ́товаша бо ѡ҆мерзи́ти ст҃а̑ѧ твоѧ̑, ѡ҆скверни́ти селе́нїе оу҆покое́нїѧ и҆́мене сла́вы твоеѧ̀ и҆ ѡ҆прове́ргнꙋти желѣ́зомъ ро́гъ ѻлтарѧ̀ твоегѡ̀:

⁸

Госпо́дь и́мя тебѣ́, ты́ сокруши́ и́хъ крѣ́пость си́лою твоє́ю и низложи́ держа́ву и́хъ я́ростію твоє́ю: усовѣ́товаша бо омерзи́ти свята́я твоя́, оскверни́ти селе́ніє упокоє́нія и́мене сла́вы твоєя́ и опрове́ргнути желѣ́зомъ ро́гъ олтаря́ твоєго́:

⁹

воззрѝ на го́рдость и҆́хъ, послѝ гнѣ́въ тво́й на главы̑ и҆́хъ, да́ждь въ рꙋ́кꙋ мою̀ вдо́вїю, ю҆́же оу҆мы́слихъ, крѣ́пость,

⁹

воззри́ на го́рдость и́хъ, посли́ гнѣ́въ тво́й на главы́ и́хъ, да́ждь въ ру́ку мою́ вдо́вію, ю́же умы́слихъ, крѣ́пость,

¹⁰

поразѝ раба́ ѿ оу҆сте́нъ хи́трости моеѧ̀ ѡ҆ кнѧ́зи и҆ кнѧ́зѧ ѡ҆ рабѣ̀ є҆гѡ̀, сокрꙋшѝ горды́ню и҆́хъ рꙋко́ю же́нскою:

¹⁰

порази́ раба́ от усте́нъ хи́трости моєя́ о кня́зи и кня́зя о рабѣ́ єго́, сокруши́ горды́ню и́хъ руко́ю же́нскою:

¹¹

не бо̀ во мно́жествѣ крѣ́пость твоѧ̀, нижѐ могꙋ́тство твоѐ въ си́льныхъ, но смире́нныхъ є҆сѝ бг҃ъ, малѣ́йшихъ є҆сѝ помо́щникъ, застꙋ́пникъ немощны́хъ, ѿча́ѧнныхъ покрови́тель, ненаде́жныхъ си҃си́тель:

¹¹

не бо́ во мно́жествѣ крѣ́пость твоя́, ниже́ могу́тство твоє́ въ си́льныхъ, но смире́нныхъ єси́ Бо́гъ, малѣ́йшихъ єси́ помо́щникъ, засту́пникъ немощны́хъ, отча́янныхъ покрови́тель, ненаде́жныхъ Спаси́тель:

¹²

є҆́й, є҆́й, бж҃е ѻ҆тца̀ моегѡ̀ и҆ бж҃е насле́дїѧ і҆и҃лева, влⷣко небе́съ и҆ землѝ, созда́телю во́дъ, цр҃ю̀ всеѧ̀ⷱ҇҃ори твоеѧ̀, ты̀ оу҆слы́ши моле́нїе моѐ

¹²

є́й, є́й, Бо́же отца́ моєго́ и Бо́же насле́дія Ізра́илева, Влады́ко небе́съ и земли́, созда́телю во́дъ, Царю́ всея́ тва́ри твоєя́, ты́ услы́ши моле́ніє моє́

¹³

и҆ да́ждь сло́во моѐ и҆ хи́трость въ ꙗ҆́звꙋ и҆ ра́нꙋ и҆́хъ и҆̀же проти́вꙋ завѣ́та твоегѡ̀ и҆ до́мꙋ ѡ҆сщ҃е́ннагѡ твоегѡ̀, и҆ въ верха̀ сїѡ́нѧ и҆ до́мꙋ ѡ҆держа́нїѧ сынѡ́въ твои́хъ оу҆совѣтова́ша же́стѡкаѧ,

¹³

и да́ждь сло́во моє́ и хи́трость въ я́зву и ра́ну и́хъ и́же проти́ву завѣ́та твоєго́ и до́му освяще́ннаго твоєго́, и въ верха́ Сіо́ня и до́му одержа́нія сыно́въ твои́хъ усовѣтова́ша же́стокая,

¹⁴

и҆ сотворѝ во все́мъ ꙗ҆зы́цѣ твое́мъ и҆ во все́мъ пле́мени позна́нїе, є҆́же вѣ́дати, ꙗ҆́кѡ ты є҆си, бж҃е бг҃ъ всеѧ̀ си́лы и҆ держа́вы, и҆ нѣ́сть и҆на́гѡ защи́тника ро́да і҆и҃лева кромѣ̀ тебє̀.

¹⁴

и сотвори́ во все́мъ язы́цѣ твоє́мъ и во все́мъ пле́мени позна́ніє, є́же вѣ́дати, я́ко ты єси, Бо́же Бо́гъ всея́ си́лы и держа́вы, и нѣ́сть ина́го защи́тника ро́да Ізра́илева кромѣ́ тебе́.