¹

And the Lord visited Sarrha, as he said, and the Lord did to Sarrha, as he spoke.

¹

И Госпо́дь посѣти́ Са́рру, я́коже рече́: и сотвори́ Госпо́дь Са́ррѣ, я́коже глаго́ла.

²

And she conceived and bore to Abraam a son in old age, at the set time according as the Lord spoke to him.

²

И заче́нши Са́рра роди́ Авраа́му сы́на въ ста́рости, во вре́мя, я́коже глаго́ла єму́ Госпо́дь:

³

And Abraam called the name of his son that was born to him, whom Sarrha bore to him, Isaac.

³

и нарече́ Авраа́мъ и́мя сы́ну своєму́ ро́ждшемуся єму́, єго́же роди́ єму́ Са́рра, Ісаа́къ:

⁴

And Abraam circumcised Isaac on the eighth day, as God commanded him.

⁴

обрѣ́за же Авраа́мъ Ісаа́ка во осмы́й де́нь, я́коже заповѣ́да єму́ Бо́гъ.

⁵

And Abraam was a hundred years old when Isaac his son was born to him.

⁵

Авраа́мъ же бѣ́ ста́ лѣ́тъ, єгда́ бы́сть єму́ Ісаа́къ сы́нъ єго́.

⁶

And Sarrha said, The Lord has made laughter for me, for whoever shall hear shall rejoice with me.

⁶

Рече́ же Са́рра: смѣ́хъ мнѣ́ сотвори́ Госпо́дь: и́же бо а́ще услы́шитъ, обра́дуєтся со мно́ю.

⁷

And she said, Who shall say to Abraam that Sarrha suckles a child? for I have born a child in my old age.

⁷

И рече́: кто́ возвѣсти́тъ Авраа́му, я́ко млеко́мъ пита́єтъ отроча́ Са́рра, я́ко роди́хъ сы́на въ ста́рости моє́й?

⁸

And the child grew and was weaned, and Abraam made a great feast the day that his son Isaac was weaned.

⁸

И возрасте́ отроча́, и отдоє́но бы́сть: и сотвори́ Авраа́мъ учрежде́ніє ве́ліє, въ о́ньже де́нь отдои́ся Ісаа́къ сы́нъ єго́.

⁹

And Sarrha having seen the son of Agar the Egyptian who was born to Abraam, sporting with Isaac her son,

⁹

Ви́дѣвши же Са́рра сы́на А́гари Єги́птяныни, и́же бы́сть Авраа́му, игра́юща со Ісаа́комъ сы́номъ свои́мъ,

¹⁰

then she said to Abraam, Cast out this bondwoman and her son, for the son of this bondwoman shall not inherit with my son Isaac.

¹⁰

и рече́ Авраа́му: изжени́ рабу́ сію́ и сы́на єя́: не наслѣ́дитъ бо сы́нъ рабы́ сея́ съ сы́номъ мои́мъ Ісаа́комъ.

¹¹

But the word appeared very hard before Abraam concerning his son.

¹¹

Же́стокъ же яви́ся глаго́лъ се́й зѣло́ предъ Авраа́момъ о сы́нѣ єго́ Ісма́илѣ.

¹²

But God said to Abraam, Let it not be hard before thee concerning the child, and concerning the bondwoman; in all things whatsoever Sarrha shall say to thee, hear her voice, for in Isaac shall thy seed be called.

¹²

И рече́ Бо́гъ Авраа́му: да не бу́детъ же́стоко предъ тобо́ю о о́троцѣ и о рабы́ни: вся́ єли́ка а́ще рече́тъ тебѣ́ Са́рра, слу́шай гла́са єя́: я́ко во Ісаа́цѣ нарече́тся тебѣ́ сѣ́мя:

¹³

And moreover I will make the son of this bondwoman a great nation, because he is thy seed.

¹³

сы́на же рабы́ни сея́ въ язы́къ вели́къ сотворю́ єго́, я́ко сѣ́мя твоє́ є́сть.

¹⁴

And Abraam rose up in the morning and took loaves and a skin of water, and gave them to Agar, and he put the child on her shoulder, and sent her away, and she having departed wandered in the wilderness near the well of the oath.

¹⁴

Воста́ же Авраа́мъ зау́тра и взя́ хлѣ́бы и мѣ́хъ воды́, и даде́ А́гари: и возложи́ на плещы́ єя́ отроча́ и отпусти́ ю́. Отше́дши же заблужда́ше въ пусты́ни, у кла́дязя Кля́твеннаго:

¹⁵

And the water failed out of the skin, and she cast the child under a fir tree.

¹⁵

оскудѣ́ же вода́ изъ мѣ́ха: и пове́рже отроча́ подъ є́лію єди́ною.

¹⁶

And she departed and sat down opposite him at a distance, as it were a bow-shot, for she said, Surely I cannot see the death of my child: and she sat opposite him, and the child cried aloud and wept.

¹⁶

Отше́дши же сѣдя́ше пря́мо єму́ издале́че, я́коже дострѣли́ти изъ лу́ка: рече́ бо: да не ви́жду сме́рти дѣ́тища моєго́. И сѣ́де пря́мо єму́ издале́че. Воскрича́въ же отроча́, воспла́кася:

¹⁷

And God heard the voice of the child from the place where he was, and an angel of God called Agar out of heaven, and said to her, What is it, Agar? fear not, for God has heard the voice of the child from the place where he is.

¹⁷

услы́ша же Бо́гъ гла́съ отроча́те от мѣ́ста, идѣ́же бя́ше: и воззва́ А́нгелъ Бо́жій А́гарь съ небесе́ и рече́ є́й: что́ єсть, А́гарь? Не бо́йся: услы́ша бо Бо́гъ гла́съ о́трочища от мѣ́ста, идѣ́же є́сть:

¹⁸

Rise up, and take the child, and hold him in thine hand, for I will make him a great nation.

¹⁸

воста́ни и поими́ отроча́, и ими́ руко́ю твоє́ю єго́: въ язы́къ бо вели́къ сотворю́ єго́.

¹⁹

And God opened her eyes, and she saw a well of springing water; and she went and filled the skin with water, and gave the child drink.

¹⁹

И отве́рзе Бо́гъ о́чи єя́, и узрѣ́ кла́дязь воды́ жи́вы: и и́де, и налія́ мѣ́хъ воды́, и напои́ отроча́.

²⁰

And God was with the child, and he grew and dwelt in the wilderness, and became an archer.

²⁰

И бя́ше Бо́гъ со отроча́темъ, и возрасте́, и всели́ся въ пусты́ни, и бы́сть стрѣле́цъ.

²¹

And he dwelt in the wilderness, and his mother took him a wife out of Pharan of Egypt.

²¹

И посели́ся въ пусты́ни Фара́нъ: и поя́тъ єму́ ма́ти єго́ жену́ от земли́ Єги́петскія.

²²

And it came to pass at that time that Abimelech spoke, and Ochozath his friend, and Phichol the chief captain of his host, to Abraam, saying, God is with thee in all things, whatsoever thou mayest do.

²²

Бы́сть же въ то́ вре́мя, и рече́ Авімеле́хъ, и Охоза́ѳъ невѣстоводи́тель єго́, и Фіхо́лъ воєво́да си́лы єго́, ко Авраа́му, глаго́ля: Бо́гъ съ тобо́ю во всѣ́хъ, я́же твори́ши:

²³

Now therefore swear to me by God that thou wilt not injure me, nor my seed, nor my name, but according to the righteousness which I have performed with thee thou shalt deal with me, and with the land in which thou hast sojourned.

²³

ны́нѣ у́бо клени́ся ми́ Бо́гомъ, не оби́дѣти мене́, ниже́ сѣ́мене моєго́, ниже́ и́мене моєго́: но по пра́вдѣ, ю́же сотвори́хъ съ тобо́ю, сотвори́ши со мно́ю и земли́, идѣ́же ты́ всели́лся єси́ на не́й.

²⁴

And Abraam said, I will swear.

²⁴

И рече́ Авраа́мъ: а́зъ клену́ся.

²⁵

And Abraam reproved Abimelech because of the wells of water, which the servants of Abimelech took away.

²⁵

И обличи́ Авраа́мъ Авімеле́ха о кла́дязехъ во́дныхъ, я́же отъя́ша о́троцы Авімеле́ховы.

²⁶

And Abimelech said to him, I know not who has done this thing to thee, neither didst thou tell it me, neither heard I it but only to-day.

²⁶

И рече́ єму́ Авімеле́хъ: не вѣ́дѣхъ, кто́ сотвори́ тебѣ́ ве́щь сію́: ниже́ ты́ ми повѣ́далъ єси́, ниже́ а́зъ слы́шахъ, то́кмо дне́сь.

²⁷

And Abraam took sheep and calves, and gave them to Abimelech, and both made a covenant.

²⁷

И взя́ Авраа́мъ о́вцы и юнцы́ и даде́ Авімеле́ху: и завѣща́ста о́ба завѣ́тъ.

²⁸

And Abraam set seven ewe-lambs by themselves.

²⁸

И поста́ви Авраа́мъ се́дмь а́гницъ о́вчихъ єди́ныхъ.

²⁹

And Abimelech said to Abraam, What are these seven ewe-lambs which thou hast set alone?

²⁹

И рече́ Авімеле́хъ Авраа́му: что́ су́ть се́дмь а́гницы ове́цъ си́хъ, я́же поста́вилъ єси́ єди́ны?

³⁰

And Abraam said, Thou shalt receive the seven ewe-lambs of me, that they may be for me as a witness, that I dug this well.

³⁰

И рече́ Авраа́мъ: я́ко се́дмь си́хъ а́гницъ во́змеши у мене́, да бу́дутъ ми́ во свидѣ́телство, я́ко а́зъ ископа́хъ кла́дязь се́й.

³¹

Therefore he named the name of that place, The Well of the Oath, for there they both swore.

³¹

Сего́ ра́ди наименова́ и́мя мѣ́сту тому́ кла́дязь Кля́твенный: я́ко та́мо кля́стася о́ба

³²

And they made a covenant at the well of the oath. And there rose up Abimelech, Ochozath his friend, and Phichol the commander-in-chief of his army, and they returned to the land of the Phylistines.

³²

и завѣща́ста завѣ́тъ у кла́дязя Кля́твеннаго. Воста́ же Авімеле́хъ, и Охоза́ѳъ невѣстоводи́тель єго́, и Фіхо́лъ воєво́да си́лы єго́, и возврати́шася въ зе́млю Филісті́мску.

³³

And Abraam planted a field at the well of the oath, and called there on the name of the Lord, the everlasting God.

³³

И насади́ Авраа́мъ ни́ву у кла́дязя Кля́твеннаго, и призва́ ту́ и́мя Го́спода, Бо́га вѣ́чнаго.

³⁴

And Abraam sojourned in the land of the Phylistines many days.

³⁴

Обита́ же Авраа́мъ въ земли́ Филісті́мстѣй дни́ мно́ги.