¹

Now late on the sabbath day, as it began to dawn toward the first day of the week, came Mary Magdalene and the other Mary to see the sepulcher.

¹

Въ ве́черъ же суббо́тный, свита́ющи во єди́ну от суббо́тъ, пріи́де Марі́а Магдали́на и друга́я Марі́а, ви́дѣти гро́бъ.

²

And behold, there was a great earthquake; for an angel of the Lord descended from heaven, came and rolled away the stone from the door, and sat upon it.

²

И се́, тру́съ бы́сть ве́лій: А́нгелъ бо Госпо́день сше́дъ съ небесе́, присту́пль отвали́ ка́мень от две́рій гро́ба и сѣдя́ше на не́мъ:

³

His appearance was as lightning, and his raiment white as snow:

³

бѣ́ же зра́къ єго́ я́ко мо́лнія, и одѣя́ніє єго́ бѣло́ я́ко снѣ́гъ.

⁴

and for fear of him the watchers did quake, and became as dead men.

⁴

От стра́ха же єго́ сотрясо́шася стрегу́щіи и бы́ша я́ко ме́ртви.

⁵

And the angel answered and said unto the women, Fear not ye; for I know that ye seek Jesus, who hath been crucified.

⁵

Отвѣща́въ же А́нгелъ рече́ жена́мъ: не бо́йтеся вы́: вѣ́мъ бо, я́ко Іису́са распя́таго и́щете:

⁶

He is not here; for he is risen, even as he said. Come, see the place where the Lord lay.

⁶

нѣ́сть здѣ́: воста́ бо, я́коже рече́: пріиди́те, ви́дите мѣ́сто, идѣ́же лежа́ Госпо́дь,

⁷

And go quickly, and tell his disciples, He is risen from the dead; and lo, he goeth before you into Galilee; there shall ye see him: lo, I have told you.

⁷

и ско́ро ше́дшѣ рцы́те ученико́мъ Єго́, я́ко воста́ от ме́ртвыхъ и се́, варя́єтъ вы́ въ Галіле́и: та́мо Єго́ у́зрите: се́, рѣ́хъ ва́мъ.

⁸

And they went out quickly from the tomb with fear and great joy, and ran to bring his disciples word.

⁸

И изше́дшѣ ско́ро от гро́ба со стра́хомъ и ра́достію ве́лією, теко́стѣ возвѣсти́ти ученико́мъ Єго́.

⁹

And as they went to tell his disciples, then behold, Jesus met them, saying, All hail. And they came and took hold of his feet, and worshiped him.

⁹

Єгда́ же идя́стѣ возвѣсти́ти ученико́мъ Єго́, и се́, Іису́съ срѣ́те я́, глаго́ля: ра́дуйтеся. Онѣ́ же присту́пльшѣ я́стѣся за но́зѣ Єго́ и поклони́стѣся Єму́.

¹⁰

Then saith Jesus unto them, Fear not: go tell my brethren that they depart into Galilee, and there shall they see me.

¹⁰

Тогда́ глаго́ла и́ма Іису́съ: не бо́йтеся: иди́те, возвѣсти́те бра́тіи Моє́й, да и́дутъ въ Галіле́ю, и ту́ Мя́ ви́дятъ.

¹¹

Now while they were going, behold, some of the guard came into the city, and told unto the chief priests all the things that were come to pass.

¹¹

Иду́щема же и́ма, се́, нѣ́цыи от кустоді́и прише́дше во гра́дъ, возвѣсти́ша архієре́омъ вся́ бы́вшая.

¹²

And when they were assembled with the elders, and had taken counsel, they gave much money unto the soldiers,

¹²

И собра́вшеся со ста́рцы, совѣ́тъ сотвори́ша, сре́бреники дово́лны да́ша во́иномъ,

¹³

saying, Say ye, His disciples came by night, and stole him away while we slept.

¹³

глаго́люще: рцы́те, я́ко ученицы́ Єго́ но́щію прише́дше украдо́ша Єго́, на́мъ спя́щымъ:

¹⁴

And if this come to the governor’s ears, we will persuade him, and rid you of care.

¹⁴

и а́ще сіє́ услы́шано бу́детъ у иге́мона, мы́ утоли́мъ єго́ и ва́съ безпеча́льны сотвори́мъ.

¹⁵

So they took the money, and did as they were taught: and this saying was spread abroad among the Jews, and continueth until this day.

¹⁵

Они́ же пріє́мше сре́бреники, сотвори́ша, я́коже науче́ни бы́ша. И промче́ся сло́во сіє́ во Іуде́єхъ да́же до сего́ дне́.

¹⁶

But the eleven disciples went into Galilee, unto the mountain where Jesus had appointed them.

¹⁶

Єди́ніи же на́десяте ученицы́ идо́ша въ Галіле́ю, въ го́ру, а́може повелѣ́ и́мъ Іису́съ:

¹⁷

And when they saw him, they worshiped him; but some doubted.

¹⁷

и ви́дѣвше Єго́, поклони́шася Єму́: о́ви же усумнѣ́шася.

¹⁸

And Jesus came to them and spake unto them, saying, All authority hath been given unto me in heaven and on earth.

¹⁸

И присту́пль Іису́съ, рече́ и́мъ, глаго́ля: даде́ся Ми́ вся́ка вла́сть на небеси́ и на земли́:

¹⁹

Go ye, and make disciples of all the nations, baptizing them into the name of the Father and of the Son and of the Holy Spirit:

¹⁹

ше́дше у́бо научи́те вся́ язы́ки, крестя́ще и́хъ во и́мя Отца́ и Сы́на и Свята́го Ду́ха,

²⁰

teaching them to observe all things whatsoever I commanded you: and lo, I am with you always, even unto the end of the world. Amen.

²⁰

уча́ще и́хъ блюсти́ вся́, єли́ка заповѣ́дахъ ва́мъ: и се́, А́зъ съ ва́ми є́смь во вся́ дни́ до сконча́нія вѣ́ка. Ами́нь. Коне́цъ є́же от Матѳе́а свята́го Єва́нгеліа: и́мать въ себѣ́ гла́въ 28, зача́лъ же церко́вныхъ 116.