Придаточнымъ образности называется предложеніе, раскрывающее способъ или характеръ дѣйствія, или же мѣру проявленія признака главнаго предложенія. Придаточныя предложенія образности отвѣчаютъ на вопросы: какъ? какимъ образомъ? въ какой мѣрѣ? сколько разъ?

Связь придаточныхъ предложеній образности съ главнымъ производится при помощи слѣдующихъ союзовъ: ꙗ҆́коже, и҆́мже ѻ҆́бразомъ, а҆́ки бы, є҆ли́жды. Указаннымъ союзамъ могутъ соотвѣтствовать въ главномъ предложеніи нарѣчія: та́кѡ, такѡ́жде, си́це. Напримѣръ: Ѻ҆ни́ же прїе́мше сре́бреники, сотвори́ша, ꙗ҆́коже наꙋче́ни бы́ша (Матѳ. 28, 15); и҆ нача́ша глаго́лати и҆ны́ми ѧ҆зы́ки, ꙗ҆́коже дх҃ъ даѧ́ше и҆̀мъ провѣщава́ти (Дѣян. 2, 4); показа́вый ᲂу҆ченикѡ́мъ твои̑мъ сла́вꙋ твою̀, ꙗ҆́коже можа́хꙋ (Тропарь Преображенія); ꙗ҆́коже вмѣща́хꙋ ᲂу҆ченицы̀ твоѝ, сла́вꙋ твою̀, хрⷭ҇тѐ бж҃е, ви́дѣша (Кондакъ Преображенія); ꙗ҆́коже бо бы́сть во дни̑ нѡ́євы: та́кѡ бꙋ́детъ и҆ въ прише́ствїе сн҃а чл҃вѣ́ческагѡ (Матѳ. 24, 37); се́й і҆и҃съ вознесы́йсѧ ѿ ва́съ на нб҃о, та́кожде прїи́детъ, и҆́мже ѻ҆́бразомъ ви́дѣсте є҆го̀ и҆дꙋ́ща на нб҃о (Дѣян. 1, 11); И҆́мже ѻ҆́бразомъ жела́етъ є҆ле́нь на и҆сто́чники водны̑ѧ, си́це жела́етъ дꙋша̀ моѧ̀ къ тебѣ̀ бж҃е (Пс. 41, 2); Є҆ли́жды бо а҆́ще ꙗ҆́сте хлѣ́бъ се́й, и҆ ча́шꙋ сїю̀ пїе́те, сме́рть гдⷭ҇ню возвѣща́ете (1 Кор. 11, 26); что̀ ꙗ҆́кѡ посла́лъ є҆сѝ послы̀ вопроша́ти ваа́ла скве́рнаго бо́га во а҆ккарѡ́нѣ, а҆́ки бы не бы́лъ бг҃ъ во і҆и҃ли (4 Цар. 1, 16).