Священник: Благодари́м Тя, Го́споди Бо́же сил, сподо́бившаго нас предста́ти і ни́ні Свято́му Твоєму́ же́ртвеннику і припа́сти ко щедро́там Твої́м о на́ших грісі́х і о людськи́х неві́дініїх; прийми́, Бо́же, моле́ніє на́ше, сотвори́ ни досто́йни би́ти, є́же приноси́ти Тебі́ моле́нія, і мольби́, і же́ртви безкро́вния о всіх лю́дех Твої́х; і удовли́ нас, ї́хже положи́л єси́ в слу́жбу Твою́ сію́ си́лою Ду́ха Твоєго́ Свята́го неосужде́нно і непреткнове́нно в чи́стім свиді́тельстві со́вісти на́шея, призива́ти Тя на вся́коє вре́м'я і мі́сто, да послу́шая нас, ми́лостив нам бу́деши во мно́жестві Твоєя́ бла́гости.

Диякон: Заступи́, спаси́, поми́луй і сохрани́ нас, Бо́же, Твоє́ю благода́тію.

Хор: Го́споди, поми́луй.

Диякон: Прему́дрость.

Виголос: Я́ко подоба́єть Тебі́ вся́кая сла́ва, честь і поклоне́ніє, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в.

Хор: Амі́нь.